泰亭 (Closed)

沒有最難食，只有更難食既芒果糯米飯。因為依間之前下午茶試過食海南雞飯都唔算太惡劣，所以試下買外賣，點知出事。首先一份要58蚊，個價錢已經唔算討好，不過新開我都算，當試下新野。外賣買左返去個芒果細，唔太甜，最慘係d糯米係煲得唔耐仲要生生地，大佬，生米點食呀，食落咁硬。份量又細，得4個飯團仔，個賣相都唔討好，外賣仲要得個冇手抽紙袋，拎都拎得唔方正。依間泰國野真係一次冇回頭。唯一比較好既就環境唔差，地方夠闊，但補救唔到d食物咁難食 評分: 食物:2/10 態度:3/10 環境:6/10 性價比:1/10總分:12/40   評級:E(惡劣)

難得平日可以約到閨蜜去食個午餐，緊係搵間可以坐得舒舒服服架啦～餐廳中午時間會坐滿，最好早啲入座就唔駛等咁耐。坐滿都會有少少嘈，但係都算好好坐。午餐有15款選擇，仲送汽水，總有一款啱你口味。我同閨蜜揀咗兩款一齊分享。香茅豬扒飯($58)一上枱見到豬扒得一小塊有啲失望，但係好彩味道可以挽回分數。仲包埋一碗胡椒冬瓜湯，但比較鹹。扎肉肉丸清湯粉($48)每樣材料都有四嚿，裏面有好多芽菜，好足料。扎肉有黑胡椒喺入面，好惹味。湯底亦算好味。追加咗個酸辣無骨鳳爪($18)連埋啲蔥食好有泰國風味，同埋都算好夠辣。總結係，質素會令我再去幫襯，試埋其他食物。另外幫手落單同俾碗仔我地嘅店員都好好禮貌。

差唔多8pm嚟到荷里活揾食, 見開咗間新餐廳就諗住試下!餐廳環境光猛, 座位都幾闊落, 第一印象唔錯,好多卡位, 適合5-6位朋友聚會。食物方面, menu選擇唔算多, 用餐當日屋企人想食湯河粉, 但竟然只得炒飯麵, 有啲失望餐廳上菜速度十分快, 落單大約十分鐘內已上齊所有食物, 以新餐廳嚟講呢個位值得讚因為屋企人唔食辣關係, 要求咗‘泰式金柚沙律’的汁另上, 但呢隻汁有別於平日食沙律嘅酸辣味道, 而且比較’結’身, 少少黑椒味, 同沙律唔太配合。’濕炒豬肉河’的味道就唔錯, 但份量可以再多啲。

初次賞試，但是食品真的普通泰式炒蝦金邊粉，蝦完全唔新鮮，食落口，蝦好乾口，好似嚼香口膠咁，完全唔得，碟上雖然是有一粒粒花生碎，但是食落口好似有一粒一粒的石頭咁，隻牙好似不停咬到啲石頭咁，好奇怪不知是什麼。泰式拼盤，炸雞好似肯德基的炸雞，好失望。蝦餅及白鳳爪都尚算OK，其他真的好普通......豬頸肉沙律有小小辣，但完全唔覺得美味。

當日下午四點五十八分去到，想試個下午茶，但去到時，員工話下午茶已經完，但根據餐牌去睇，截止時間係五點半，而佢答覆五點已經截單。我雖然懷住好奇心想知究竟一細間食肆有咩起因驅使到半小時前要截單亦對餐牌上寫的時間感到疑惑。我都抱住試下既心態入去，叫左泰式金邊粉，珍多冰同芒果白糯米。但店員已經話已經無白糯米提供，得返糯米。最後食得兩樣。泰式米邊粉我係食正價98蚊，圖片如下，份量少，價錢不便宜，味道適中。而珍多冰還算可以，值得一試。但有關店員找續金錢同解釋下午茶一事，我認為禮貌十分差及模糊，因環保而不提供飲筒都隻字不提，擺低飲品就走左去，令我感到十分反感。對於呢間泰亭，我覺得飲食業競爭力咁激烈，店內服務同食物質素又惡劣，我諗都係走多幾步去九龍城慢慢揀好過。

食品 普通但職員座位安排惡劣17:15 取10個座位票 （一張桌）19:15 仍然要在店內等待店內空調不足 一路進食一路流汗店員態度惡劣餐牌上幾個食品都缺貨....價錢適中不建議光顧