三尖外賣煲仔飯

Open Now

Now Closed

小弟第一次嚟食呢間煲仔飯，有少少被驚艷到，因為唔單止有好多種落單方法，同埋身為煲仔飯嚟講，15分鐘好快咁攞得 已經係一個好可觀嘅數字，兼且攞到返屋企果陣，個飯仲係熱既，個保溫程度真係好，同埋有好多款選擇同配搭，但唯一可惜既係對於讀緊書嘅學生嚟講，呢個份量稍為不足，如果個飯會多啲就會更加好！

放工突然好想食煲仔飯，諗起之前有一間食過好好食既煲仔飯，就決定wts落單要一個黃金流沙肉餅煲仔飯， 仲加咗個辣菜脯。番到屋企啱啱好過左一個鐘，個飯仲熱辣辣，有飯焦 ，仲有飯素，肉餅好厚，撈埋一齊食好正，如果可以多啲飯會開心啲🤣🤣🤣外賣煲仔飯做到呢個質素其實已經好好，而且價錢一啲都唔貴💜

以前都成日食過味道口感同埋個飯焦都好好食，但係今次食呢就真係完全冇咗飯嘅香味啦，跟住飯焦係淋晒，然後冬菜又轉咗一包包嘅飯素，豉油又轉左由盒裝轉咗做包一包包袋裝，真係以為食緊第二間。重點係價錢又貴咗，記得之前係$78而家就已經加價加到$83但係味道同埋質素又差咗！其實一間店嘅質素如果係咁樣好難叫人哋再去食，啲飯唔知係廚師佢嘅蒸煮時間唔夠定係錯誤？還是係啲米係轉左唔同牌子變到冇晒飯香味又冇飯焦脆脆嘅感覺！今次真係大為失望。

光顧了無數次老顧客~包裝用鋁錫煲配紙盒，保温足一小時，冬天買完拎到翻屋企都你熱辣辣，估唔到照有飯焦既香脆！秘製辣菜脯秧香蒽分開獨立兜上，煲仔飯豉油仲係獨家調配。食物👍🏻黃金流沙肉餅煲仔飯肉餅好厚身好好味，依款最特別有埋蛋黃流沙，值得一試，建議再加多一個餸。👍🏻滑雞煲仔飯采用全去骨既雞髀肉，好滑身啖啖都係肉，賣相不討好但好吃。👍🏻臘腸潤腸同煲仔飯係最佳組合，好啱加既配菜之一。👎🏻元貝仔太過乾身不好吃，有一半直頭係硬身。

今次買了“足三塊塊芝士流心雞肉餅煲仔飯”，肉餅口感有如漢堡扒，我因暫時要戒口而不能吃牛肉，所以這款很適合我，我再回到家後使用焗爐翻熱，煲仔飯最緊要是飯粒分明，吃落口感乾爽，這除了瓦煲炭爐可做到，竟然該食店可做到這麼接近！雖不能說可完全一模一樣，但它使使的電子鍋爐可做到這麼接近，已經可以接受外賣買回家吃，不用等到冬天都可品嘗滿足煲仔飯的思情！

在我望著餐牌尋思應該試哪款的時候,店員向我推薦了這個甘香臘味五寶煲仔飯,這個飯的價錢是 $79,飯裡面有臘腸、潤腸、鵝肝潤腸、腊鴨胸、 臘肉,餐廳有將臘腸切開,令臘腸的油分能滲入飯 中,讓飯帶有臘腸的香味。此外,餐廳還特別用心,在蓋上貼上「配菜旁是鵝肝腸」,讓我知道原 來在粟米上的是鵝肝潤腸物有所值

一腳踏入呢間煲仔飯店，阿姐就笑容滿面咁遞上菜單，環境唔係豪華，但有種老香港嘅家庭味。首先點咗碟鹹魚雞粒煲仔飯，瞓身上去，阿！嗰陣爆香真係撲鼻而來，鹹香得嚟唔膩口。🤤 雞粒嫩滑得罪，同鹹魚嘅強勁味道正正好夾，跟上幾啖香糯嘅飯焦，真係食到手指都想舔。跟住又點咗個客腸仔牛肉煲仔飯，腸仔烏溜溜又滑溜溜，牛肉嘅香味伴隨著每一啖飯嘅喜悅。飲飽食醉之餘，佢哋嘅自家茶點都好吸引人，杏仁豆腐同凍奶茶一流，鬆軟細嫩，解膩！講真，嗰啲街外快餐店食唔到嘅滋味，我這趟煲仔行大滿足！😋 來來，插埋幾根筷嘅腐皮卷沒啦啦咁給我攬入口，內餡飽滿，外皮金黃酥脆，仲有！嗰啲甜品，簡直係點都食唔厭，真係完美收場！🥳 呢間，一定要再黎！

煲仔飯基本上是沒問題的叫左滑雞臘腸飯有少少飯焦 用錫紙包好保溫好好送菜甫是油蔥分開落外賣自取60幾蚊 性價比都OK慢煮小椰菜超級難食🤯咬落去係苦的食左一淡要吐返出泥成兜都唔要得好浪費🥹

只係做外賣！ 但係竟然有飯蕉既效果！ 香又夠熱！ 返到屋企食岩岩好！ 佢自家製既辣椒真係好野味！ 我想叫老闆賣一樽比我呀😆用既料全部都好新鮮！ 個和牛同饅魚！ 真係一食再食！ 肉餅就岩岩好唔硬!值得推介！

突然好想食煲仔飯，行過見到買黎試試。番到屋企發現仲係好保暖，屋企比較遠，隔咗一個半鐘頭都仲好熱辣辣，而且好有效率，等左10分鐘左右就已經拎得。個飯同肉餅好好食，仲有好香嘅飯焦，隻蛋好有日本蛋嘅味道，包裝亦都好方便好整齊。

第一次點三尖煲仔飯，十分滿意❤️ 首先外賣包裝很企理，乾淨，細節位做得好足，諗得好周到，用app叫外賣送到屋企仲好夠熱👍🏻 主食方面，d飯煲得粒粒分明，火喉岩岩好，有飯焦，很脆口☺️ 點左一個流沙肉餅、一個雞，兩樣餸好入味，肉質好嫩滑，最重要係份量好夠！另外附送既菜圃撈落飯度，令個飯又多左一個層次☺️ 再多一重口感😍而小食就點左焗硯，好鮮味，無沙，加左少少青椒吊味，值得推介！會推薦多d同事、朋友買☺️ 外賣的首選！

上星期有日好曬好焗唔想出街食～喺外賣平台見到呢間未試過但評分有4.6分貌似不錯就叫咗嚟試吓啦…我哋分別叫咗-足三塊芝士流心雞肉餅煲仔飯、-指天椒醬肉餅煲仔飯、-滑雞臘腸煲仔飯、-原木花菇滑雞煲仔飯我食雞肉餅真係有流心芝士！好驚喜，同埋塊雞肉餅都好滑一啲都唔鞋。同事嘅評語：指天椒醬好辣好惹味 豬肉餅好彈牙juicy 愛辣嘅同事已經話下次要encore， 食滑雞臘腸同花菇滑雞嘅同事一致認同滑雞係好滑、間店話係用‘去骨雞上髀肉’ 又真係冇呃人喎 啖啖肉！同事仲好欣賞臘腸係本地製造 特別好味咁話同事都有俾粒花菇我試吓 好香勁厚肉 份量方面 女仔嚟講會飽到上心口 不過好味到忍唔住食哂 男仔可能就岩岩好 嗰日飽到晏晝冇偷食零食另一驚喜就係用呢隻錫兜都會有咁多脆卜卜嘅飯焦！口感幾豐富！嘢飲方面都好多嘢揀～ 椰青水夠清新 我自己就叫咗紅莓汁🥤酸酸甜甜超解膩 ，但同事話食煲仔飯要配可樂先夠爽喎最後總結食完係會有啲上癮因為太多選擇 揀嗰陣超掙扎 又會想試吓其他 所以同事已經係咁話每星期要食最少一次 煩少一日揀邊間餐廳喎

不用15分鐘便可以取餐，我在金鐘站先開始落單，到佐敦站時，apps已顯示外賣準備好。佢用一個紙盒裝著放有錫紙盒的飯，所以非常保温，而且有飯焦。我買了一個排骨臘腸和剁椒肉餅飯，兩個都好食，但建議唔食得辣既就不要叫剁椒肉餅，真係辣到噴火。

今日開工經過油麻地，遠遠已經聞到陣陣飯香味，原來開咗一間煲仔飯店，我見價錢都唔係太貴，晏晝又諗唔到食乜，冇嘢食就試一試佢店內用日本嘅售賣方式，自己可以撳部機買票，全自助式，看見門口都有一個whatsapp電話，問過店舖嘅老細，原來中午食飯時間，可以透過whatsapp落單，咁就唔使排隊,浪費曬啲食飯時間又唔使咁趕，我哋等咗大約十幾分鐘見到老細張煲仔飯，擺落去個紙盒度，個煲仔飯用錫紙造成個煲，又保暖又夠熱，食落去都有飯焦香味，價錢唔貴絕對係超值之選

價錢親民外賣煲仔飯🍲依間位於佐敦嘅煲仔飯專門店係一間外賣嘅小店，所以不設堂食，但味道絕對唔輸俾堂食嘅煲仔飯，而且好足料，價錢仲好親民😽另外佢哋嘅煲仔飯選擇都好多，除咗有唔同配搭嘅臘味煲仔飯之外，仲有豬肉、牛肉、雞肉同海味類嘅煲仔飯可以揀，總有一款啱你🫶🏻蕃茄仔叫咗1款臘味同1款牛肉嘅煲仔飯，每個飯都會跟一盒仔蔥花、菜圃同甜鼔油，所有包裝都好方便之餘個飯仲好保溫👍🏻加分位係個臘味煲仔飯嘅香味比想像中更加香，未打開錫紙蓋已經聞到好香臘味味🤣食到底仲有少少飯焦😍🍅和牛雙窩蛋煲仔飯 $68有一隻蛋穿咗🥹不過反正都會整穿佢黎撈飯所以唔緊要🤣個和牛係好似日式漢堡扒咁，大細適中，同埋都算幾厚🧐雖然係好簡單嘅配搭，但味道唔錯😋🍅如意吉祥(臘腸、潤腸)煲仔飯 $58依個煲仔飯超足料，有原條潤腸同2條臘腸😍未開蓋已經聞到香噴噴🤤臘腸同潤腸都唔會太瘦，亦唔會話好硬，同飯一齊食真係一流👍🏻味道亦比想像中好味好多👍🏻最開心係食到底有少少飯焦，完美還原煲仔飯應有嘅口感，但又唔會有焦燶嘅味道😋好味指數：🍅🍅🍅🍅/5