森美奧廚房

Open Now

Now Closed

Walking around boyfriend's neighbourhood, we stopped here for dinner as it seemed to be a lot of diners. Samuel's Kitchen is a typical cha chan teng. But at night, they offer Cantonese style dishes and hot pot. A number of people were doing hot pot but we decided to just order dishes to share. Menu is in English and Chinese. There is no 10% service charge. Mains can be upgraded with  a few dollars for soup and rice. You order by checking off what you want on the menu and pay on your way out.Frie

每個星期日都係我嘅 #MeTime❤️ 朝早游完水，大概2:00我就會返到屋企，稍為休息一陣，我會執下間房、打理吓一啲私事，之後就會出去搵食。可以嘅話我盡量唔約朋友，簡簡單單搵啲想食嘅嘢，發吓呆、輕輕鬆鬆kill走個下晝… 間中比兩三個鐘頭自己清空下個腦袋，其實都幾爽㗎😉呢日我冇落到去商場，反而搭車走咗去屋村搵嘢食，順便去超市入啲貨🛍 正當我諗緊食咩之際，我被「森奧美廚房」bling bling嘅舖面造型吸引咗過去，見佢 #下午茶 都咁多選擇，冇理由唔俾機會佢啫😆 估佢唔到原來都幾好生意㗎喎，幾乎七成以上嘅枱都坐滿人客。除咗一般嘅 #常餐 必有嘅 #沙嗲牛肉公仔麵 加 #多士，就連 #湯粉麵 同 #豉油西餐 都做埋。正當我諗到頭都痕埋嘅時候，隔離枱嚟咗碟 #意粉🍝 睇落👀去味道都唔差喎，一於照跟。碟上面有 #芝華力腸、#雞扒 同 #豬扒，仲有 #沙律菜。美食當前，我一於唔客氣🤤 意粉上沾滿 #洋蔥汁，熟悉嘅口味，勾起初中嘅回憶😅講返啲食物，以四五十蚊嘅價錢嚟評論已經比一般 #茶餐廳 做得好，洋蔥汁同意粉口味相當夾，#雞扒 唔會有嗰種我最怕嘅 #雪雞味👍🏻 不過啲員工就蝦碌咗啲，提咗兩次，

慈雲山其實係美食嘅地方，通常啲人都會喺下邊支持啲小店。但係其實呢一間都唔係好連鎖嘅餐廳，而且地方好就腳，喺慈雲山中心5樓，一間好出名嘅大家樂對面。星期六日只要過咗九點，根本上堂食同埋外賣都等到你傻，足以證明其實呢間野都幾受歡迎。早晨全餐勝在乜都有，而且早餐來講佢算係10分豐富，如果你好似我咁11點左右食，可以去到下午茶先食第二餐，其實都幾抵㗎。同埋食物質素都唔錯㗎早餐榨菜肉絲米粉中規中矩，不過不失。特別嘅地方係加一蚊可以轉蒜香多士，我最鍾意。唔單止好香，仲要好趣，呢一蚊值得㗎。飲品佢嘅奶茶唔係特別好飲，但係唔好同傳統茶餐廳嗰啲超級奶茶比較，同一般大家樂嗰啲比較，佢都算係幾好。後記佢每一張枱都有杯同埋熱水俾你用，俾你洗餐具又可以飲水，而且員工係不斷refill乾淨嘅杯，服務質素算係幾好。

熱辣辣嘅星期日🌞，朝早嚟慈雲山食個早餐，好耐無嚟呢個商場，同之前一樣都係咁熱鬧，呢間餐廳應該開咗無耐，屋企人話啲米粉好食又坐得舒服所以一齊嚟嘆個早餐。餐廳都唔細，不過都幾多人等位，幾有良心❣，卡位唔會搭檯，裝修唔似茶記，似西餐廳，燈都有用心揀過，有啲特色，早餐選擇好多，我要咗個煎豬扒，配熱奶茶嚟到賣相出乎意料，街坊生意嚟講算幾有誠意🥰，擺位好認真，不過豬排就太肥😑，煎得唔夠香，腸係用司華力腸，唔係平嘅廚師腸，多士係厚多士，都算新鮮👍另外個米粉餐配個多士仲要係蒜蓉多😍, 鮑片米粉仲有菜嘅👍姐姐收碗碟走廊可推車仔，方便又乾淨，空間夠係唔同啲👍，埋單又有八達通👍

之前有諗過黎食早餐但好多人排 懶得等位 所以冇食到😳今次晚餐諗唔到食咩～就入黎試下😜今次黎到，唔係太多人（都有d人出面等外賣）以茶餐廳黎講，環境十分舒適，位置寬敞睇餐牌，都多野揀～～中、西式飯、小菜等等都有我地最後叫左兩個焗飯試下😜焗葡國雞飯⚡️份量充足！佢個汁係偏甜，我覺得幾好味！岩我口味～但男朋友就覺得太甜，有點太膩😅焗海鮮飯⚡️圖中可見，d汁好足料😆😆不過味道只係普通，甚至有少少淡😅海鮮份量係多既，呢個價錢黎講，值得一讚！凍檸茶⚡️正常茶餐廳口味😋😋甜度合我心意，好飲！總結係，呢個價錢食到飽，真係抵🤣味道係過得去，但未至於好味😆Staff態度不錯的，食完坐低傾陣計都冇壓力！

服務越嚟越差⋯⋯每星期兩次機會都比晒你...為有找另一個食得開心嘅地方.. 其實一個商場咁多競爭對手.. 服務態度好.. 相信一定可以勝出.. 點解仲要係呢個疫症時候. 都要扮忙.. 乜嘢都可以唔記得？ 我一定唔會再去

新一輪抗疫措施又實行了，堂食又只能到晚上六點，星期日休息天又冇特別地方想去，又怕疫情嚴重，只有在家附近商場逛逛及買点日用品，奇怪的，原來有間森美奧歺厂在家附近，但重來冇光顧過，望望門外menu覺得好一般，但裝修幾寬躺清淨，就打破沉悶，不妨試試吧⋯⋯$39 （歐陸下午茶）香脆吉列魚柳、司華力腸、牛油厚多士、茄汁豆、妙滑蛋🥚、沙律菜🥗，簡單得來無得挑剔的All day breakfast 😋😋$42 燴豬扒飯加洋蔥汁（配上餐湯）豬扒煎得香脆入味，擺盤精緻，令食胃大開👍👍一定要比個like，羅宋湯熱辣辣又多料👏🏻👏🏻套歺包飲品

10月27日約了屋企人去食晚飯，叫了好幾個小菜，估唔到超好味，好食過酒樓，5個人食，都係700多元，之前6月也食過一次，當時水準一般，但今次真的有驚喜，一定會再來食!

Lunch 黎慈雲山，開咗一段時間，自疫情起，也未試過呢間。。。環境幾好，坐得舒服。叫咗個牛仔骨意粉午餐，有湯有野飲，好大碟，好好味>< 啲牛仔骨好淋，啲汁也很配合，意粉軟硬度適中，正!

地方算寬，不過冷氣好大，有圓枱有Cart位，menu選擇算多，價錢幾平民，叫左個All day breakfast，份量都算夠，凍飲加$3，整體來講...可以接受！

之排見到新開左間餐廳，有雞煲有小菜甘三點三，梗系去食個tea先啦依家三十蚊左右一個下午茶，都唔知算貴定平😂唔想食得甘heavy. 見到有XO醬炒年糕，心思思想食，所以叫左啦嗯... 份量都唔算大份（因為下午茶）隻碟都有手掌甘大嘅（因為下午茶）味道方面，我覺得還可以嘅，有少少辣，有少少鑊氣有啲年糕有啲焦焦地，些少脆口仲有啲紅蘿蔔絲包餐飲一杯整體黎講，唔算大食，而又想食年糕嘅，都推介嘅間餐廳仲有其他唔同嘅下午茶餐，男友食個牛扒all day breakfast賣相其實都唔錯（冇影到相）

同屋企人食晚飯，呢間新開所以黎試下有小炒or雞煲事因唔係太肚餓我地決左食小炒一家三口叫左4樣菜1.蒜蓉炒白菜仔$53-普通 得過且過2.椒鹽炒鮮魷$79-呢個椒鹽鮮魷一d都無椒鹽味 而且勁多粉 就算點左喼汁都煲好難食，極度懷疑廚師無落椒鹽落去.真係比錢買難受3.椒鹽豆腐$66-都係勁啖味😭4.薑蔥魚雲$97-daddy一向鐘意食魚零煲.今次連佢都話無魚味.事因佢同平時做法勁唔同.炸得太西利搞到完全無魚味🥶我勸告大家想食小炒都係食番三記打冷啦唔好黎呢度啦 😡

母親節午飯， 奶奶話想去試新開的餐廳， 舊日昇位置。午飯時間出現人龍，而且新餐廳仲係試業期間，有點亂。4大1細推住BB車， 被安排最角落， 最大的枱， 所以坐得非常舒服又不用搭枱。不過清楚衛生比較差， 菜牌同梳化都有意粉碎同飯粒， 刀叉筷子要求才送來，仲有菜痴住。員工不少， 但也是12至1點午飯， 餐廳最忙高峰期，員工卻減少。款式選擇算多， 但中西午餐只有6款， 另外不配送餐飲， 基本上素食者不宜。下單職員比較新手，對餐牌的名稱或認知比較遜，寫得慢又詳細， 同要一路寫單一路同食緊午餐的同事傾計，幸好無落錯單。泰式格格肉 - 似足兒童餐份量，泰式醬汁都少， 飯散開， 格格肉應該係豬頸肉醃製而成， 口感彈牙，但這個是肥肉片， 粒也稱不上，茄子比肉片還多。焗海鮮飯- 有蝦粒，蟹柳粒， 芝士焗，可惜醬太多令飯過濕。試業期， 有非常大空間改善。

位於慈雲山中心4樓新開張，一貫羊群心理，新餐廳一定大排長龍，個個爭住試下，同埋今日係母親節，更加多一家大細帶埋老人家落黎食野，下午都有等位情況，叫左個午餐，瑞士雞翼麵+磨菇炒蛋+蒜香多士連一杯凍檸茶，盛惠$51.00。個麵湯底淡茂茂，雞翼d肉唔多實，蒜蓉多士微暖，但蒜香味都可以，磨菇炒蛋又係冇味🙄⋯⋯希望係因為新開張d水準未穩定啦，有待改善