武士御好味燒

Open Now

Now Closed

大家有去過日本廣島嗎(⁎⁍̴̛ᴗ⁍̴̛⁎)?! 廣島県觀光聯盟與佐敦的武士御好味燒𝐒𝐚𝐦𝐮𝐫𝐚𝐢 𝐎𝐤𝐨𝐧𝐨𝐦𝐢𝐲𝐚𝐤𝐢 💕，即日至𝟑月𝟐𝟎日推出期間限定合作𝐌𝐄𝐍𝐔，有廣島燒及廣島檸檬燒酒梳打呀😍!有大量生菜及炒麵的廣島燒，薄脆的麵皮、爽脆的生菜🥬及彈牙的麵條，口感和味道豐富。特別推介配上由廣島県直送、𝐎𝐭𝐚𝐟𝐮𝐤𝐮 𝐒𝐚𝐮𝐜𝐞出品的廣島燒醬汁及𝐑𝐞𝐝 𝐅𝐢𝐫𝐞辣醬🌶️，更加惹味哦～廣島檸檬燒酒梳打，有酒精及非酒精版本，配廣島燒一流呀(*¯︶¯*)，你都快點試試啦😚～

話你知，這家日式店的食物正到彈👌！我大開眼界，發現呢啲美食不一定要去高檔餐廳先搵得到。吃下去的每一口，都好似在味蕾上面跳舞咁。首先，來碟燒牛舌，輕輕咬一口，那軟嫩嘅口感配上香口味道，順滑得來又略帶彈性，真係正喎！和風沙津爽口開胃，清新嘅生菜和微微的醬汁香氣，好食到停唔到口！芝士年糕真係可以話係人間美味，那流心嘅芝士，熱辣辣地流出嚟咬一口真是幸福呀🧀！雞脾菇同燒大蔥雞肉，都係值得一讚！雞脾菇多汁，大蔥甜而唔辣，雞肉又嫩滑無骨，食落去正到不得了。燒魷筒嘅彈牙口感，再點綴下檸檬酸酸地，爽！最後嘅御好味燒簡直就係神來之筆，炭香四溢，配上柴魚嘅鮮味，完美嘅組合！🍢咬落去真係食指大動，怪不得人人都話道地日式串燒就係要咁樣食味美得嚡嚡響！搶鏡！只係梅酒略嫌淡了些，不過整體回味無窮，總體來講，絕對值得再黎！

∆武士御好味燒∆ 姐妹生日話想食呢間位於佐敦既隱世小店慶祝 小店位於佐敦近柯士甸 我地由佐敦地鐵站A出口行大概15分鐘就到 建議先whatsapp預約 最好唔好早到 因為我地約左7:30pm 大概7:00pm到左 餐廳未開門 等到7:35pm店主返到🙈 1. 雞肉棒：雞肉非常juicy 加上生蛋 整個口感好嫩滑香甜 😋2.蟹肉芝士餅：外層酥脆炸粉唔會過厚 熱辣辣 咬開裡面滿滿既融化左既芝士 好味😋3.翠肉瓜：口感爽脆又juicy 👍🏻4. 安格斯牛：油脂感豐富 燒得外脆內嫩 不錯😊5. 牛舌：夠厚切 燒得好香 只係牛舌唔夠稔 需要牙力咬開🙈6. 泡菜炒豚肉：望落紅紅地 不過食落一啲都唔辣 唔食得辣既朋友仔都可以試下 豚肉佈滿泡菜汁 味道夠惹味 如果送飯一流😂7. 蟹蓋：啖啖蟹膏好濃郁 好食🥰*溫馨提示：老闆都幾有性格 大家要有心理準備😂 另外 最好食定少少嘢食先入去 因為餐廳只有店主一人主理 要整比2x人 而且串燒係非常需時 就以我地個晚為例 大概四個鐘食左7樣嘢食 每次上一碟 係真係食到11:30pm可惜已經無時間食武士燒同炒麵😂 店主可以考慮一下減少客人數量或者分開時段 咁樣等候食

一個人打理一間食店，真係一啲都唔簡單今日我同高太路經佐敦，正展開用雙腳尋找美食之旅甘岩又醒起依間型格串燒店高太一聽到都好有興趣去試下店主鐘情於電單車同泰拳係鋪頭裏面既擺設好突晒倒距既個性不過老闆其實幾nice，唔好俾距嚇親之前買過一枝同高太飲，估唔到係依度見得反距沙律超好食，入面有高太鐘意既蕃茄，我鐘意既生洋葱日式醬汁唔太濃，非常開胃生蠔好新鮮，清爽得黎鮮甜甲羅燒幾特別，無附加一啲餅乾薄餅之類既野，但空口食都唔会覺得太膩燒和牛串真心又未算好傑出，但又唔差點都要食反啲菜既炒野菜唔太油膩，不過木魚碎好似多左少少燒羊架我同高太既意見有少少分歧我就覺得好好食，可能高太食唔慣啲有少少咬口既肉類依個炒麵好好好食真係有去左大阪既感覺平來都飽左八成，見到人地食，我地即刻忍唔住到最後食到得反隻碟非常滿足既一晚簡簡單單，同高太食下飲下玩下又一晚

同朋友第一次來，一星期前預先同老闆WhatsApp 留位。TLDR：日本人都專程嚟，酒好飲，嘢好好食。環境：好似去咗日本咁，睇得出老闆好有性格，入面仲有部電單車跑車。食物：好好味！！但預咗時間等老闆慢功出細貨，得一個鐘想快食真係唔好嚟。酒：有O 字頭日本生啤，低中高價嘅清酒同燒酒，同朋友等食物期間開咗枝龍吟。記得要預約！上個月無booking walk in，撞正爆場 俾老闆趕走咗

點樣食推介✨⭐️隱世良心居酒屋⭐️⭐️佐敦黃店⭐️武士御好味燒 地址: 佐敦文英街42號地舖🍖雞軟骨串燒 $15 (7.5/10)老細用左胡椒同鹽調味，味道啱啱好🍖免治雞肉棒 $28 (8/10)雞軟骨控去居酒屋必叫嘅雞肉棒🤤點埋d日本蛋一齊食就最正😉🍖醋鯖魚刺身 $68 (8/10)第一次食醃左嘅鯖魚😂食食下又幾好食，d魚肉係生嘅但食落似熟嘅，外皮有咬口，酸酸maymay好開胃🍖甲羅燒 $68 (8.5/10)好欣賞老細加左d蛋落去，令到個甲羅燒唔會太鹹！蛋香同蟹膏嘅鮮味好夾！must order！🍖生蠔 $?? (8.5/10)隱藏菜單黎，純粹見到隔離枱個個都嗌，偷聽到話好食就忍唔住Order，一食就覺得好正，又大粒又鮮👻老細d來貨唔錯🍖泡菜炒豚肉 $68 (8.5/10)惹味送酒之選，老細連豬肉片都係即場切😂😂調味唔會太酸，甜度適中，豬肉唔會炒得太老，nice！要注意入去前一定要先whatsapp老細訂位🙆🏻‍♀️如果唔係老細可能唔俾你入架🤣同埋全場得老細一個🙈 落單要自動波寫紙仔，要有一定耐性慢慢等野食黎，如果好肚餓就係隔離d餐廳醫左肚先黎喇🤣回頭指數: 🍧🍧🍧🍧 (滿分:🍧🍧🍧🍧🍧)

城市中的隱世森林，讓人放鬆心情的好地方。由於老闆個性飄忽，去之前記得打去預約。 幾乎去親嘅都係熟客仔，個個都很懂規矩咁～ 樣樣都自己嚟，包括落單😅老闆one man band, 所以要預留足夠時間喔。慢食文化～正食物方面味道一流，即叫即煮/燒～三五知己一齊去，傾計好地方。 唔會限時間趕人走。

以前食過幾次印象還ok的，可是前一天WhatsApp訂枱confrim，當時對方要求將booking由7:30改7:45，我依時到達，但發現店長沒有為我留枱。預訂三位，是但比張兩人枱加張櫈敷衍了事，店長亦毫無歉意，令人非常生氣又無奈，只好立即走人。原本是跟朋友慶祝的晚餐，最反弄至極之掃興！永遠不會再幫襯要知道此店位置不方便，價錢亦不便宜，作為顧客在大熱天行九條街走去幫襯還受到這種招待，真是極差極差的一次體驗，這是服務態度零分的餐廳。

一開始真係十分期待，見到唔同人嘅推介呢間野真係幾正喎，不過睇漏左重點：原來真係要等好耐。等左3個鐘黎左一半既食物，仲有一半用左三個鐘頭都未開始煮，鰻魚炒飯連飯都未開始煲。不過老闆禮貌都幾好，冇漏單，不過客人太多，煮食需時。客觀咁講，啲嘢食係非常好味，推介食大蔥雞肉串，雞皮，明太子雞翼，泡菜，油甘魚鮫，牛舌，雞軟骨，免治雞肉棒。推介黎食既客人預多少少時間，最好事前食左d野先黎食。老板全能，但係客人太多，未必可以快速招呼哂，如果可以請多幾位幫手就最好啦

一人打理，店主由抹枱、排椅、煮食，自己一手包辦，多對手都無。星期五晚上，人較多，如果你本身好肚餓，還是建議先食其他嘢打咗底先嚟呢間居酒屋。係等候期間，門口影咗相，幾有feel（自我滿足）。嚟到都係小食同酒居多，飯係有嘅，不過你預最後先有得食啦😅芝士年糕，我最愛之一，由於所有食物都係即叫即整，好好味，芝士瀉出黎。蟹肉忌廉餅，38元，相對黎講已經係價錢同食物嘅份量成正比，味道ok。牛舌，燒得剛剛好，味道還可。雞翼，唔錯，篤得靚，燒得平均。唐揚，呢個送酒一流，粉唔厚，味道正。等到尾終於上嘅炒飯（真心等咗好耐），由於等候時間太耐，無咩感覺了，正常，唔大碟。整體嚟講還可以，如果係附近打完邊爐未夠喉就可以，而且店主好有性格，唔好催佢。食物方面對我嚟講偏咸，之後要狂飲水。

夜晚宵夜太多選擇,簡左間日式料理試試,一試出事！!冇諗到咁偏有間咁好食既居酒屋,好食到一定要寫好評！平時食野寫一碟可能得兩串,型老闆會因你人數自動幫你加夠哂體貼!野食即叫即整,串燒質素食到以為自己去左日本！不過幾得提前打電話俾老闆話你幾時到,如果唔係隨時摸門釘😂 見到門口你會以為佢冇開門🤦🏻‍♂️

相約沒見的朋友吃飯，在開飯找到這間。看到照片和評價都不錯就選這個試試看。因為留意到開店時間是7點，就6點45左右去看看。由於四周餐廳大廈挺多的，花了點時間才找到。找到店的時候發現老闆不在，還好在門上掛了牌子留下聯絡電話，稍後老闆十分鐘內就騎著電單車到。不過推薦要去的人先給電話老闆預約一下。店內的環境很有氣氛，雖然座位不多就兩桌二人和兩桌四人的。不過空間感十足並不狹窄而且挺舒適的。坐好後看看餐牌老闆就會給你一張紙和筆，自己寫下要點的交給老闆就會開始料理。價錢會比大街上的連鎖店要貴一點點。像是一條燒明太子賣88元 御好燒88元。份量也不算多 一份就足夠一個人打打牙祭。因為有預感份量不多就跟朋友各點一份御好燒 合點一份明太子（一條）一份串燒 （2串）一份魷魚筒（一條）一份燒雞（2串） 乳酪疏打各一杯。以上埋單總數512$。不過！味道不是街邊貨色能夠比較的。會讓人想起以前在大阪小巷的居酒屋吃到的味道。因為所有餐點都是由老闆一人在客人點單後才開始現場料理。不是連鎖店能夠嘗到的味道。但是有兩點要補充：1. 因為整個店只有老闆一個人在打理，所以從點單到等待上菜都必須有耐心，最好在頭一次點單就點足夠的

上次來應該是他在舊店時了，這晚正好要與兩位晚飯飲酒所以就來了。店仍是老闆一人打點一切，所以要吃東西也是要有耐性呀。先來薯仔沙拉一份，食材沒有很花巧，吃下不漏做的很不錯牛舌不是我喜歡的厚切口感也不是很軟嫩那種，可以不吃呢。燒雞翼做得出色，脆但不太乾，很不錯呢原隻魷筒沒有太多調味，但口感很好，拿來下酒很不錯雞皮與軟骨也很出色，香脆不已，是很想要追加的一味蟹肉忌廉薯餅應該是來貨吧，但火路控制得很好，吃得滿心歡喜大阪燒也來一份，吃下相當對辦泡菜炒豬肉也是惹味下酒菜，值得推薦的一味是晚牛仔骨做得不很軟熟，不過調味是不錯，好吃但仍須努力💪🏻老闆人很好，這晚也免開瓶，他店也有不少好酒呢😊，但在這裡吃真的要有等的心理準備。我們是晚是要來飲酒，所以再等下、再慢一點又如何？也在此謝過好友的清酒了，3個人清了個一升瓶的大吟釀酒，不錯吧。

這間隱世小店已聽聞一段時間門面帶著一摸灰黑色日本🇯🇵神秘感令人好想拉門一看傳聞說老闆一人一手一腳處理大小事務，所以要耐心等待食物因自己放工時間接近11pm, 到店時只有2小檯客人大蔥新鮮多汁，雞粒無雪藏味，配上芝麻和蔥粒碎，加上旁邊的檸檬這小店滿滿日本風味喔愛食辣的自己挺能辣的，平日的尖椒令我無甚感覺這小店卻辣得令我屈服了牛魔女的我也食出了牛味的肉汁，火力燒得剛好，愛牛者必食喔材料是認真的新鮮最愛這種小小膿邊的雞翼裡面盡是明太子喔還有這道鐵板魷魚不過不失啊，不會炒得太乾，保持了濕度，加上椰菜絲，連埋椰菜絲一齊食下肚更覺清新不會過份heavy這小店還有個特色，老闆會提供紙筆給客人自己落單，個人認爲型仔老闆絕對串得起

I really appreciate how the owner put all of himself into this restaurant! He's the only one there ..who greets, who takes order, who cooks, who serves!! Food's simply excellent!! Just guests need to be patient as he's the only one and surely you'll have to wait... but it's all worth it!! Thank you for your passion and hard work🙏🏻🙏🏻🙏🏻Two thumbs up!!!