武士拉麵 (Closed)

尖沙咀餐廳選擇多，這間拉麵店比較低調，從門面看都很難留意到， 而且沒有其他拉麵店般大排長攏，入面是傳統的拉麵店bar枱坐位，坐位後面亦有提供掛勾讓顧客放置隨身物品他們提供多款拉麵湯底選擇，可以選擇不同口感和濃郁，大部分湯底都是以將軍名來命名，今次我們點了兩款拉麵湯底試試，分別是足利將軍（黑蒜）和德川將軍（豬骨）。拉麵上面有溏心蛋和紫菜，另外撒了大量香蔥和木耳絲。這次我們選擇的麵質是軟身的那種，比較索汁，黑蒜味非常濃郁，帶有少少苦澀味， 而豬骨湯底味道頗為正宗，不會太濃/太咸這間餐廳特製了魚油，裏面還有一些魚乾，客人可以自行調節份量，為整個湯底加入了另一種風味。整體而言，這間拉麵店的食物和裝修都令人滿意，是晚餐寧靜的好去處。

長長的一條柯士甸道，走著走著發現了眼前的這間「武士拉麵」。查看menu，看到店內各式各款的拉麵都以日本武士名字命名，另外也有沾麵供應。「武士拉麵」店面不大，入店後看到一張吧枱，約8個座位。拉麵師傅就在認真煮麵。拉麵是四國香葱油麵底，用了大量葱花作裝飾，入口濃郁有蔥油香。十分喜歡他們家的拉麵，幼麵條索入湯汁，煙韌麵質帶著彈牙感，軟硬度也做到適中。拉麵還配有2片叉燒、半隻溏心蛋和1塊紫菜。這碗湯底是黑蒜油豬骨湯，濃香的黑蒜油味撲鼻而來，偶滲出陣陣肉香。雖然2款拉麵的湯底都是濃味，但鹹度還是ok的，吃完不會非常口渴。叉燒厚肉大片，薄薄的脂肪層令它多了一份油香。吃用拉麵時，可以自行加上拉麵胡椒、黑蒜油、魚介油等，令拉麵更加味美。

香港人食日本嘢依家都已經唔再需要理由啦，只需要搵到一個人陪你一齊去食佢感受就夠。好耐冇喺呢條街度食嘢，呢間好耐以前都幫襯過，但係印咗喺腦海入邊好心唔知點解，直到呢一次翻返嚟食，感受到店主嘅熱情同埋親切，呢間拉麵店嘅印象係我腦入邊有顯得更加深刻了。柚子魚介Wasabi沾麵本身諗緊夏天食沾麵會唔會太熱？但係個湯嚟到嘅時候，我都忍唔住一野沾落去食！都冇理佢係好熱~急不及待咁食！湯底好香鰹魚味，一飲就知道係滴滴精華咁樣咬出嚟嘅豬骨湯。揀咗粗面片軟身，呢個配搭簡直係一流！店主講開話俾我哋知佢每一晚用上好多咁嘅豬骨去咬呢個湯底，如下圖咁大個煲佢咬出嚟，熱到成間鋪都好似着咗火咁！好好笑。個湯入邊有魚肉，一大舊好似平時見到熟咗嘅吞拿魚咁樣，仲有啲脂肪等緊其他嘅配料依家望番啲相咁我就好似聞到當時碗湯嘅味道咁樣！四國香葱油拉麵上枱嘅時候見到有少少黑色嘅葱類似，問返店主先知道原來係好高成本嘅黑松露！不惜工本每一碗都用上好多聰嘅材料來做湯底上枱俾大家，為咗比大家食到好食嘅拉麵！呢碗揀咗普通麵質嘅面，食落去係冇粗麵咁好嘅如果食沾麵的話。呢碗拉麵入邊有半隻糖心蛋，本身仲諗緊加吳家好原來已經跟咗半隻太好啦！雖然間舖

今晚去咗佐敦嘅武士拉麵，老闆唔講都唔知，原來呢一間拉麵店已經經營左接近八年，仲攞過三年第一名。今晚試豊臣將軍拉麵，四国香蔥油渴底，份外香濃。豬骨湯係拉麵嘅靈魂，呢度嘅湯唔係直接用水喉水，係用濾水器， 加入豬骨煲至少八個鐘，攪拌到迫出肉汁，令湯底更香濃入味。而拉麵係揀厚身嘅，先過冷河，令拉麵質地更煙銀。日本叉燒喺處理過程之中會用火槍燒兩分鐘，迫出多餘油份，更能鎖住肉汁。再加一隻半生熟嘅溫泉蛋，同大量嘅蔥花，令成個日本拉麵晚餐嘅體驗更加完整。

一間好味既拉麵小店，入面得一排座位，位有點窄，大約十個左右，有時要排隊，咁岩今日中午黎唔洗排。叫左2號拉麵，湯底出奇地好飲，溏心蛋好食，叉燒唔肥，薄身的，下次會試埋其他味。

一間好耐冇食過嘅拉麵店，在於佐敦同尖沙咀之間嘅韓國街，位置來講都幾有日本拉麵小店嘅感覺，亦都唔會有好多人喺門口排長龍。心郁郁想再嚟試多次，所以就搵咗個friend一齊嚟食招牌好有氣勢豐臣將軍拉麵(四國香葱拉麵)非常強勁嘅香蔥味，唔介意香蔥味嘅話呢個麵就啱晒，加上叉燒同豬骨濃湯拉麵，少少的滿足感覺，唯一不足之處就係欠左隻溫泉蛋。武士沾麵 (柚子魚介Wasabi沾麵)本來想試北海道牛乳拉麵，可惜賣晒。上次係食湯拉麵，所以今次就係想試吓沾麵。絲棉最緊要就係個湯底，今次呢個魚湯加咗少許柚子，感覺幾清新，加上少許Wasabi點綴，味道清爽得來又有少少刺激，係幾新穎嘅嘗試。魚介湯入邊都有唔少豚角做配料武士小丸子因為太掛住日本嘅章魚燒關係，忍唔住叫咗一客。可惜水上都係停留喺香港一般章魚燒嘅水平，有點失望小食Menu主食餐單

尖沙咀都有唔少拉麵舖，一般都比較難做到特色。呢間嘅特色就係有懷舊風味，位置喺佐敦站同尖沙咀站中間左右，唔係大路，所以普通人可能會唔識嚟。拉麵舖環境裝修簡單，冇花巧，令人更加注重食物嘅味道。拉麵有10款，以唔同嘅將軍命名。另外可以喺麵條、麵質同埋湯底方面選擇，亦都可以交俾師傅拍板。我點左醬油拉麵，覺得個湯係重點，精心熬製，非常香濃但係又唔算好鹹，另外再有蛋、紫菜等等嘅配料，份量都唔少，價錢係$88。朋友點左香蔥油拉麵。蔥嘅份量都好多，鋪滿拉麵上面，賣相都唔錯。朋友連個湯都飲晒添。香蔥油拉麵相對就貴少少$99，但係都算係值得。見到有其他食客有同個店員傾吓計，比較casual嘅一間餐廳，應該有唔少老熟客。

Lunch 搵食難過dinner ,只可公司附近😅今日清閒，決定行多幾步食好西😬位於柯士甸大廈這間武士想試很久店舖吾算大，傳統日本拉麵🍜店feel,可能太內無去日本，加上親切招呼，有置身日本🇯🇵感覺🤣🤣有lunch menu豐臣將軍拉麵🍜 $68好霸氣的菜名，湯底濃而不膩，正是日本拉麵精粹，拉麵彈牙爽口，每一口伴著大蔥和湯一齊食，格外到位🤗🤗九州地獄拉麵 🍜$78好辣嘅朋友非常適合，好濃郁，較為重口味，連拉麵都沾滿湯汁，惹味！配上溏心蛋，正🥰🥰很不錯👍正宗、地道！

一般小店的食物品質都比較專業及好味，這間也不例外。進舖後已經有專業介紹拉麵及湯底的製作。拉麵口感適中，非常合心意。叉燒既鬆化又香口，原來用火鎗在表面燒過，所以非常香，不肥膩。還有溫泉蛋，流心的蛋黃，剛剛好。另外不同湯底，有不同的味道。四國香蔥油湯底，湯底加入大量的香蔥，非常清甜可口，好好味。黑蒜油豬骨湯底，豬骨味濃厚，另外黑蒜油極之香濃，配搭得很好。店長溫馨提示，試完頭啖湯後，加入特製魚汁，提升味道。日式煎餃子，餃子外皮薄，餡料肉質新鮮鬆軟，而且多汁。

唔係朋友帶我嚟，真係唔知呢度有間咁正嘅隱世拉麵小店。呢度好有日本拉麵店嘅風格，細細間，有幾個吧枱位。餐牌上有好幾款拉麵，款款個樣都好吸引，由於我好鍾意食蔥，店員就推介我一定要試豐臣將軍拉麵，係四國香蔥油湯底。呢度有得揀湯底濃度，拉麵嘅粗幼、同埋軟硬度，今次我就要咗普通濃度嘅湯底，一上枱已經聞到好香嘅豬骨湯底味，食麵之前飲一啖湯底，即使係普通濃度，都好夠味好濃郁，而且唔會好油，真係忍唔住飲多幾啖湯。而且個面煮得軟硬適中，加埋軟腍嘅半肥瘦叉燒， 同大量香蔥，呢個麵真係蔥控嘅首選！記得要落埋餐廳自製嘅黑椒油，成碗面即刻變得更加香同惹味朋友就叫咗坂上將軍拉麵，個蕃茄豬骨湯底好濃，每條拉麵都做到掛湯，幾塊叉燒肥瘦比例真係好好，厚薄均勻，好有肉香，同蕃茄湯底都好夾，入面仲有半熟糖心蛋。我哋仲叫咗武士小丸子share, 店員即叫即整，小丸子個粉唔會太厚，果皮炸到脆，入面嘅八爪魚粒有咬口！

去佐敦平時都係去九龍公園附近食，今次就醒起尖東交界附近都有好多嘢食，所以就沿柯士甸道行落去，沿途有唔同嘅餐廳， 行下行下見到有一間拉麵店，見到門口有一個電視講解佢哋整拉麵嘅過程，覺得都幾吸引，所以就入咗去食。入到去發現大概有十個位，店員就得兩個人，入面嘅裝修都好有日本嘅特色，甚至抬頭會見到幾把武士刀， 餐單方面呢就係用唔同日本著名武士嘅姓氏嚟命名，睇完之後再google下佢哋係邊個，對日本嘅武士歷史更加有認識。 本身想叫佢嘅牛乳拉麵，但係師傅話冇曬，咁就退而求其次嗌咗個蕃茄豬骨拉麵($98)同埋黑蒜豬骨拉麵($98)再加配咗兩杯嘢飲，包括係柚子蜜蜜飲同埋桂園蜜蜜飲同埋半熟蛋。呢間餐廳可以畀你揀湯嘅濃度，麵嘅粗幼等，不過我就相信師傅，圈咗師傅自行調配嗰一欄。唔使好耐就有嘢食啦，見到紫菜比起平時食嘅拉麵更加大塊，可以一邊食有蕃茄豬骨湯味嘅紫菜，另一方面又可以食到脆卜卜嘅紫菜。蕃茄豬骨湯嘅蕃茄味好突出，仲可以食到一粒粒嘅蕃茄，覺得成碗拉麵健康咗好多！而且個面亦都十分之爽口，唔會有發咗嘅感覺，叉燒方面因為佢用火燒過，所以有一陣嘅焦香味，溫泉蛋方面都做到蛋黃有流心嘅效果而且蛋味濃郁。飲品方面都非

“武士拉麵”這個餐廳名字很有氣勢和霸氣，而且門口還有武士的畫像裝飾和以日本武士不同將軍的名稱來命名其拉麵餐單，可說是十分有特色。進去後是日本拉麵店的格局，面對廚房可看見廚師一手一腳悉心烹煮美食，老闆還很熱情地招待我和友人，閒聊了幾句，十分有人情味☺️我和友人分別點了九州地獄拉麵（辛辣地獄湯底）和豐臣將軍拉麵（四國香蔥油湯底），還有一客芝士小丸子，飲品則是跟餐的武士蜜蜜飲，一杯柑桔和一杯生薑。我的九州地獄拉麵（辛辣地獄湯底）首先送來，色香味俱全，紫菜大塊香脆，日本叉燒肥瘦適中，湯底香濃令人食指大動，麵質入味帶嚼勁😋湯底是小辣，不能吃太辣的人也可以品嚐，正好適合我這種喜歡辣湯底又不能吃太辣的人👍🏻友人的豐臣將軍拉麵（四國香蔥油湯底）是老闆熱烈推薦的，果然很好吃，朋友大讚湯底濃郁，溏心蛋美味，餐桌上的自家製醬料如黑椒醬、魚油和辣醬他都一一品嚐過，與拉麵配搭起來另有一番風味，而且吃得出拉麵湯底無味精，老闆即時回應醬料和湯底都是自家製的，與坊間拉麵不同，且更香更入味，我和友人也喝了幾口湯，毫無以往般吃拉麵後的口渴感覺。飲品也有驚喜，我和朋友都很喜歡，柑桔和生薑飲品都加了蜜糖，不但潤喉，還很好喝，而

前幾日落好大雨，我同個friend都冇帶遮，好狼狽之際就發現左呢間細細間唔太起眼嘅拉面店。反正都要避雨，我地就順便入去食埋個lunch。我地分別叫左黑蒜同埋辛辣拉面，裡面分別都有半隻溏心蛋同肉味濃厚嘅叉燒，唔會太硬或者太淋咁冇哂咬口。黑蒜湯底好濃味，但唔會太過油膩，而辛辣湯底仲可以同老闆request多d或者少d辣，好貼心，但就算好似我個friend咁叫左少辣，都唔會太過淡，唔太辣得黎依然食到香辣味。另外我就叫左日式煎餃子，煎得脆得黎又唔乾，加埋肉汁同醬汁，已經好入味。我個friend就叫左唐揚炸雞，有成6舊，好抵食，仲要炸得熱辣辣，點埋d汁就唔會咁熱氣。呢間拉面店好似日本d地道拉面店咁，一排櫈向住拉面師傅，成間鋪頭都好有返返日本食拉面嘅感覺！

呢條街超多野食，今日行下行下見到呢間拉麵店，個樣相當地道,睇下有咩食先～德川將軍拉麵（$88）其實係醬油豬骨湯底，相當濃郁，叫左幼同比硬身既面底，唔知係唔幼麵關係，掛湯能力不錯，配料有兩塊叉燒、半隻溏心蛋，一大塊紫菜。幾鐘意個湯底，味道香濃之餘食完唔會好頸渴，應該唔會加左好多師父——味精足利將軍拉麵（$98）朋友叫左呢款，其實係黑蒜湯底，我試左啖，黑蒜味好香濃，叫晒惹味，朋友都相當滿意好值得支持既小店！

尖沙嘴隱世拉麵小店! 好鐘意老闆好好人而且會主動同客傾計😛 湯底配料拉麵全部都好用心咁煮 老闆最推薦💛四國香蔥湯底 (豐臣將軍拉麵)🍜織田將軍拉麵 - 鹹味豬骨拉麵 ($88)湯底好香豬骨味 飲落唔油膩同時帶鹹味 配料既木耳爽口 溏心蛋煮得啱啱好流心 麵底屬於幼身 夠硬身 雖然幼身好難做到煙韌口感 但好掛湯 而且份量好多!🤭 叉燒肥瘦適中 輕輕炙燒咗 帶啲炭燒味 不過略嫌薄身唔夠嫩 —————————————————————😋 味道評分: 7.2/10🥳環境評分: 6.3/10🤑性價比: 7/10🤩回頭度: 7.1/10—————————————————————📍 武士拉麵尖沙咀柯士甸路15號柯士甸大廈B座地下