新哥廚坊

Open Now

Now Closed

老友好介紹的新哥廚坊，足料酸菜魚薯粉，怕辣嘅我叫咗BB辣，味道合適，酸菜好新鮮咁，吾咸👍👍。下午茶追加埋小食炸鯪魚球，新鮮熱辣，仲包埋杯百香果熱飲，份量足夠，價錢合理，晚飯都唔使食😋😋，超驚喜！😍😍

星期五放工之後，我哋去咗觀塘嘅「新哥廚坊」食晚餐，真係一間好正嘅餐廳！呢度最出名嘅就係佢哋嘅招牌酸菜魚，仲有其他嘅酸辣米線同小炒菜式，價錢實惠又好味，真係好抵食！🍽️🐟🌶️😋必食既「新哥招牌酸菜魚」，真係非常出色！酸菜魚煮得好入味，酸辣味道剛剛好，魚肉鮮嫩多汁，口感豐富。🐟🌶️🍲😍而小炒推介「脆皮咕嚕肉」，咕嚕肉炸得香脆，肉質鮮嫩，每一口都可以感受到肉汁嘅濃郁味道。佢哋嘅醬汁亦都好正，甜中帶咸，好開胃。🍖🥢🤤再嚟就係「新哥秘制雞翼」，呢個菜真係好受歡迎！雞翼煮得香口多汁，每一口都可以感受到雞肉嘅鮮美同香料嘅香氣。佢哋秘制嘅醬汁亦都非常特別，帶有微辣同甜味，好開胃。🍗🔥👍再嚟就係「麻辣皮蛋」，呢個小食真係好開胃！皮蛋軟滑，配上麻辣醬汁，味道辣爽。🥚🌶️🔥😄總括嚟講，「新哥廚坊」係一間非常出色嘅餐廳，以招牌酸菜魚為主，另外嘅菜式都好出色。如果你想食一個經濟實惠又好味嘅晚餐，呢度絕對係一個好選擇！🍽️🌶️😄

叫左兩碗粉麵! 先黎薯粉 清湯 唔辣，配料叫左雞翼 魚片 酸菜❤另一碗叫左淮山麵 酸菜湯 小辣，配料有魚蛋 牛丸 雞翼❤雞翼即叫即炸，香脆可口，一D都唔嚡口唔會好油膩，魚蛋 牛丸食起黎一D都唔粉! 而且佢地既薯粉同淮山麵都好掛湯，清湯夠鮮甜，酸菜湯酸得黎好開胃!而且份量都大大碗，抵食!孜然豬肚絲❤夠哂香口惹味一D都唔騷，而且仲好彈牙，好爽口，必點!蕃茄煮滑蛋❤番茄一D都唔水汪汪，雞蛋夠哂香滑，番茄既香甜同雞蛋既香氣係mix埋一齊! 食起黎多汁軟腍，送飯一流。金針菇炒萵筍絲❤夠哂清爽怡人，唔油膩。萵苣肉質脆嫩，清甜鮮美，加埋香口既金針菇令呢碟炒菜既味道更加豐富。

午餐晚餐好去處！好推薦這間中菜餐廳，鄰近觀塘地鐵站，位置好方便～這次試了招牌酸菜魚及小菜，款款高質，絕對值得一試🔥 有各式各樣涼拌小食、川辣小炒、酸菜魚、水煮魚、雞煲等等，味道正宗，質素高有驚喜！✨✨食評✨✨晚市招牌二人餐 💰$248超抵食的套餐！食到超飽肚🥢新哥招牌酸菜魚香辣惹味的酸菜魚，聞到都流口水🤤 配上大量酸菜、魚片、薯粉及娃娃菜，味道好正，好滋味😋 份量夠二人食🥢脆皮咕嚕肉酸酸甜甜好開胃😋 份量多，香脆可口，配飯食一流🤤 🥢新哥秘製雞翼（4件）香脆又嫩滑😍 鹹香味十足，外皮非常香脆，肉質鮮嫩多汁👍🏻🥢麻辣皮蛋推薦！擺盤好精緻😍 涼拌小菜，辣味適中，好正👍🏻🥢絲苗白飯🥛豆腐自家製飲品，豆味香濃，無添加糖 好健康～

新哥廚坊 (觀塘)觀塘成業街10號電訊一代廣場1樓1A號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：新哥招牌酸菜魚米線 (轉絲苗白飯) $78，加麻辣(大辣) $3，(跟餐) 凍檸檬茶$3，(跟餐)孜然豬肚絲 $28，(晚)酥炸鯪魚球 $32新哥廚坊鄰近港鐵觀塘站B2出口，交通方便！😄😄😄新哥招牌酸菜魚米線：獨特滋味食法是加麻辣，並轉絲苗白飯，可令酸菜魚變得更香更美味，食得辣的朋友可選大辣，更能令你過足癮！❤️❤️❤️酸菜魚：酸菜魚的外觀色澤鮮豔，湯底非常鮮美，轉了麻辣風味後變得更為惹味。魚肉切成片狀，每片魚肉均附有香脆魚皮，外觀十分誘人，魚肉的口感鮮嫩，加上吸收了麻辣湯汁後的豆腐卜吸其他食材，味道一流！👏🏻👏🏻👏🏻孜然豬肚絲：這是食店的新菜式，豬肚絲切得非常細薄，質感軟綿，口感爽脆，十分有咬口，與孜然的香氣結合後，豬肚絲吃起來非常有層次感，絕對值得一試！😋😋😋酥炸鯪魚球：鯪魚肉製成球狀，炸至外層金黃酥脆，內部鮮嫩，每一口咬下去，都能感受到肉質的嫩滑，帶來滿口的鮮美，加上些許的特製調味料，使得整道菜更加美味！👍👍👍凍檸檬：大大杯茶，鮮紅通透，清甜可

我最近去了觀塘的新哥廚坊👨‍🍳 門口見到大大張餐牌～價錢也算相宜。菜品主要是川味的小菜，也有米線可以選擇。✪ 新哥招牌酸菜魚 (2人份） ⌫💲168點了2人份的酸菜魚，性價比幾高。酸菜魚搭配了滑溜的水晶粉。魚肉鮮嫩。酸菜味道可以再濃多點。✪ 千島沙拉骨 ⌫💲80搭配著濃郁的千島沙拉醬，口感豐富，肉質嫩滑，非常美味。用上了香茅豬扒，味道好香。✪ 柚子梳打 ⌫💲22帶有柚子的清香和微微的酸味，非常解渴。✪ 冷泡茉莉綠茶 ⌫💲22綠茶清新怡人，茉莉花的香氣和綠茶的苦澀完美平衡。【 新哥廚坊 】📌觀塘成業街10號電訊一代廣場1樓1A號舖

🔸招牌二人套餐 $248🔹四川水煮牛肉🔹千島沙拉骨🔹酥炸鯪魚球🔹白飯兩碗🔹熱飲兩杯-觀塘又有新開人氣食店，依間新哥喺新蒲崗店時已好受歡迎，今次仲喺觀塘開店，咁近當然要去試吓啦！收工同男朋友叫咗招牌二人套餐，份量好大超抵食。水煮牛肉係以店家自己炒嘅香料製成，唔食得辣仲可以揀少辣，牛肉係新鮮厚切牛肉，底下仲有寬粉～沙拉骨係用千島醬比較少見，豬扒肉質鬆軟而且調味剛好。酥炸鯪魚球又係店家自家製作，超級彈牙冇空氣架，有誠意啊！

新開店，午餐試過水煮牛肉，牛肉滑。夜晚再來試其他食品，知道有大閘蟹訂，所以都訂了10隻試試。大閘蟹膏好香好滑。豬耳都好好味，上枱是熱的，對食品好有心。老闆行話仲可以的預訂海鮮，下次一定要試。

放工又來到觀塘食飯，朋友話距公司附近開了新店，食辣的想試下，便到了呢閒新哥厨房試試。小店坐位不多，但觀塘晚上一般比較靜，一來便有檯唔使等。小店主打酸菜魚，水煮牛，都有小菜客飯點的，有散點有套餐，價錢親民。⭐啖啖口水雞先來一個涼菜口水雞，個辣汁幾正，香口不死辣，雞件嫩滑，不過隻雞有點肥，皮下的脂肪挺多啦。⭐乾煸四季豆有辣有唔辣揀，我地就揀左辣炒，上檯時好香呀，四季豆脆身，肉沫鹹香，送飯一流😋⭐腩肉炒藕片唯一一樣唔辣嘅菜，哈哈，我地全部叫辣野😆腩肉肥美有咬口，蓮藕片爽口，好食。⭐辣子肥腸最後一碟係辣子肥腸，望落好多辣椒但食落唔算辣呀，肥腸真係幾肥，有咬口好正，蘿蔔乾鹹鹹辣辣又脆口，又係一碟好啱送飯嘅小菜🤤⭐白飯好大碗，啲餸勁好送飯，大大碗都食得落。⭐凍檸茶食辣野點都叫杯凍飲降下火，冰冰涼涼啱晒。小店無加一，抵食😋

店舖位於觀塘工業區，觀塘地鐵站A出口 步行5分鐵便到達。他的招牌是酸菜魚及水煮牛肉，還有單點的小菜吃！新哥招牌酸菜魚米線配有：大豆芽菜，娃娃菜，豆皮，寬粉，雲耳並由酒樓大廚主理，果然是食香味俱全。魚片是採用無骨生魚，性質滑身、魚肉結實有彈性。湯底較酸但很醒胃😄豆皮和娃娃菜吸取了酸菜魚湯的湯底，酸酸辣辣，很好吃😋米線是滑身爽口的米線，份量適中。小食加配：酸辣小木耳$22這是一個冷盤小食，非常香！廚師加入了麻油及大量芝麻，為這個菜增添不少色彩。而木耳非常爽口，營養價值高。凍奶茶奶味較重。*中午時段較多人，建議早一點過來拎位。推介指數：⭐️⭐️⭐️⭐️⭐️

觀塘🚇呢間新開嘅川菜館🌶️小店，主打酸菜魚🐟同埋米線🍜，佢哋個自選二人餐🥢有唔少嘢揀，而且仲十分之💰抵食添。餐飲🥤有多款選擇，又可以加💰錢轉凍飲或者特飲🍹。千島醬沙拉骨🥢十分之香甜，豬扒🐖鬆化肥美又入味🤤。酥炸🔥鯪魚球好有🐟魚鮮味，而且仲幾彈牙🦷添。🌶️麻辣皮蛋🥚香麻十足，唔會太辣😋，皮蛋又香又腍又入味👍。主菜新哥🏅招牌酸菜魚🐟份量足，配嘅白飯🍚仲可以加錢轉米線🍜。🐟魚肉好嫩滑入味，酸酸🌶️辣辣十分開胃，入面仲有唔少🍜寬粉，啱晒我口味🤤！

今日放假，過嚟觀塘探朋友班，順便一齊食晚飯。朋友想食中菜，帶咗我嚟成業街呢間主打招牌酸菜魚同小炒嘅「新哥廚坊」。原來朋友早前經過，見到餐廳新開張，晚市幫襯仲有九折優惠，所以專登同我嚟試下。我哋點咗個招牌二人餐 ($248)，套餐包兩款涼拌小食、主菜同鑊氣小炒各一。小食選了蒜蓉手拍青瓜 同 新哥秘製雞翼。手拍青瓜好脆好清爽，蒜蓉味道啱啱好，唔會太多😋 入口酸酸辣辣，十分醒胃。雞翼即點即炸，新鮮熱辣，一咬爆汁，正👍主食有酸菜魚、水煮牛肉、金菇肥牛同招牌秘製雞煲可供選擇，雞煲可自選微、小、中、大或勁辣，甚至唔辣都得，照顧嗜辣程度唔同嘅食客需要。雞煲即點即炒，上桌時香味撲鼻，令人食指大動。馬上一嚐，果然有料到，雞肉非常嫩滑，汁底調校得剛剛好，入口唔會過鹹，微辣惹味。配料份量亦唔手軟，內有枝竹、豆卜、紫洋蔥、雲耳等，加上索曬醬汁嘅精華，啖啖滋味。另外呢碟麻婆豆腐亦做得非常出色，紅白綠相襯，豆腐形整不爛，食落又軟又滑，入口更帶陣陣花椒香，用嚟送飯真係一流！套餐奉送絲苗白飯，轉米線+$5，另外仲有兩杯熱飲，我哋點咗柚子茶同百香果蜜，柚子茶酸甜清爽、百香果蜜滋潤養顏，味道唔錯，下次有機會會再嚟試埋佢哋

係觀塘做完嘢之後 就係附近睇吓有咩食😆係OpenRice見到有一間新開嘅 新哥餐廳☺️見到係前寶湖集團主廚"新哥"主理所以就去試下啦😝見到餐牌上面提供米線 小炒或者係一啲套餐😋今次就選擇咗要晚市自選套餐- 招牌二人套餐😋$248性價比好高 平時呢個價錢都食唔到咁多野😂- 四川水煮牛肉一見到碟水煮牛肉 就覺得好大碟😋今次我哋要左小辣 但都已經好刺激到味蕾😂如果食得好辣 建議真係要食大辣😆用嚟配白飯真係好好味😍牛肉爽滑嫩口 一啲都唔韌啲豆卜吸晒啲湯 入曬味而且配埋寬粉 正😋- 脆皮咕嚕肉吃落去覺得好脆口 而且啲肉一啲都唔肥 同埋啖啖肉啲汁酸酸甜甜😋一啲都唔膩而且份量好多添🥰- 麻辣皮蛋食川菜 通常都會食皮蛋😆今次個皮蛋食落有彈性 唔會好淋麻辣味做得唔錯- 新哥秘製雞翼 最鍾意就係呢個雞翼 塊皮好脆口同好香😍果然係秘製😝- 千島沙拉骨我地仲單點左一個千島沙拉骨😋個千島汁一啲都唔稀 全部掛曬上沙拉骨度啲肉亦都唔肥膩 啱啱好用黎送飯一流😝

假日行觀塘工廠區，部分餐廳都選擇休息，而呢間就繼續營業，價錢又唔貴。小店主打米線酸菜魚，亦有小菜。套餐可以酸菜魚，水煮牛同酸菜金菇肥牛，三揀一。另外一大堆其他選擇，揀埋口水雞同雞翼。新哥招牌酸菜魚酸菜魚對板，魚肉多，酸菜足，底下亦多芽葉。酸味較突出，可以揀番中辣令兩個味道得到平等。套餐送白飯，亦可以加轉米線或烏冬。啖啖口水雞口水汁清爽帶辣，雞肉嫩滑，加入花生粒增加口感。新哥秘製雞翼雞翼金黃色，皮脆肉嫩，非常香口。最後估唔到杯凍檸茶幾有茶記水準，茶底唔錯，又冇死甜。

朋友🧒🏻同我一齊喺觀塘，肚餓要搵嘢食，行咗入呢個小商場，見到呢間小店，乾淨整齊企理，店員姐姐企喺門口仲叫我哋入去試吓，咁好啦，就決定入去試吓🤣呢度有多款「晚市自選套餐」可以選擇，咁揀咗2個套餐，一個係 $168「新哥招牌酸菜魚2人份」，包熱飲，要咗「熱檸茶同熱檸水」；另一個係 $70「嫩滑香口蔥油雞飯」，包熱飲，要咗「熱檸茶」，「晚餐」都包白飯🍚；再加一個 $68「魚湯菜芯苗」🤣「新哥招牌酸菜魚2人份」可以揀不同辣度或者唔辣，我哋呢日揀咗 唔辣，「酸菜魚」嚟到嘅時候飲啖湯先，嘩！非常鮮甜，湯底味道濃郁😋，魚湯撈飯食亦都好好味🤩；再食魚片，魚肉非常鮮嫩細滑，好味👍；配菜當然包括大量酸菜、豆卜、大豆芽菜同埋水晶粉，水晶粉仲滑脫脫😋「嫩滑香口蔥油雞飯」：「蔥油雞」皮黃肉白好好雞味，肉質亦都真係幾鮮嫩😋「魚湯菜芯苗」：菜心🥬新鮮爽脆，簡單好食，浸咗喺濃郁嘅魚湯裏邊，更添美味😋