生記海鮮酒家

Open Now

Now Closed

朋友推介下嚟試一試， 鍾意佢啲嘢食上枱時仲好夠熱， 但一般食物都偏鹹。 餐具同環境都算乾淨衛生， 但座位有啲逼夾， 服務員態度總括算係唔錯欖菜蝦仁蛋白炒飯$58 (特價時段)可能有欖菜關係味道偏鹹， 不過炒得夠乾身，唔怕少少鹹的話，其實好食過一般咸魚雞粒炒飯魚肉煎讓茄子好油！我估係油炸生記蝦餃皇蝦饺新鮮，味道ok，但蝦餃皮質感 麻麻地， 乾身咗少少唔夠濕潤花枝脆油條唔好食， 肉質散收收， 油條亦都好似粉咁， 食咗一啖已經想放低其他點心不過不失

平時酒樓真系好少食開 但呢間嘅嘢食都幾高質 整體食物都唔錯 夜晚食完飯仲有豆腐花送 其實都真心推介 日頭黎飲茶就有啲偏貴 員工服務都唔錯 態度好好 酒樓黎講 都幾推介呢間 食物質都真系有保證

因為屋企停電所以同阿爸阿媽出荃灣搵姑媽飲茶，姑媽帶我哋去呢間喺悅來坊2樓嘅茶樓飲茶。星期一至五全日點心都有六五折，真係非常之抵食。雖然平但味道都唔錯㗎！我哋六個人食咗十幾個點心同芝士龍蝦伊麵，唔使六舊水就埋到單，仲飽到晚餐都慳返😂

每個月都去一兩次飲茶，但越食越唔得，點心基本上可以，但每逢星期日十一點都要等成個鐘(因為要兩人枱），星期六好啲，不需要等，但最近發現酒樓既冷氣超唔掂，食到出汗，經理講話商場中央冷氣，但堅熱

行過呢間餐廳好多次反而我哋就對佢興趣不大不過媽媽就比較想食所以今日就揀你啦位置喺悅來2樓如果有時去行開行街 樓下又有吉之島行街好方便二話不說非常肚餓坐低即刻飲啖茶阿嫂好鍾意食鴨舌就特登叫咗個海蜇拼鴨舌我自己就唔欣賞不過冷盤都係口痕痕試吓味道都OK嘅不過唔知道鴨舌嘅魅力喺邊度後面個燒腩仔就幾脆口不過比較鹹唯有食住呢個先啦呢個芝士龍蝦伊麵個味真係幾好食芝士好入味，不過龍蝦得好細好少肉平時其實都唔係太鍾意食清湯龍蝦伊面因為好多時都着到好淡個龍蝦同啲面都係格格不入呢個一食就覺得好好味芝士處理得好好同個龍蝦好夾個人認為值得一食推介

這天又跟家人來吃晚飯，預早慶祝中秋節，今次其中一位吃素，所以點得比較多菜及素，12人吃了$2188，菜式如下。海皇冬瓜盅$168潮蓮燒鵝半隻$220蟶子皇12隻$504肉質鮮嫩入味南乳齋煲$92足料好味鮮淮山雲耳炒萵筍$118除了淮山丶雲耳丶萵筍，另有三色椒，令餸菜色彩豐富，可惜份量不多胡椒鹹排骨煮芥菜$118馬友鹹魚蒸肉餅$118肉餅鬆軟入味，送飯一流瑤柱海味雜菜煲$168足料好味椒絲腐乳唐山菜$98醬汁另上，醒目豆腐花贈送的是日糖水，不錯

之前都有食過灣仔生記既野，得知佢開左間生記酒家係荃灣，就特登帶埋2位家人來試試下午茶，在下午茶時間同一般酒家一樣，都會有優惠，他就是正價點心有8折，並且有些孖寶優惠，我地3人就叫了些點心，及叫左2個燒味，一個湯河，一個湯麵，好快野食就來了燒味唔錯，好似是$25，份量都幾大，另外碗粥都值得一試，皮蛋魚片粥，外面比較小有，點心份量及味道正常，有一種是特別推介嘅就係煎糭，一來到就食，忘記影相，味道唔錯，糉帶有煎香既味道，值得推介

一家人到這裡晚餐，今次沒有點餐吃，因為想點個冬瓜盅，所以散點。海皇冬瓜盅$168 - 足料好味👍潮蓮燒鵝半隻$220 - 我不吃鵝所以沒試😅蝦乾豬油渣炒通菜$98 - 不錯胡椒粉絲大肉蟹煲$398 - 不錯但有點辣蟶子皇12隻$504 - 頗鮮嫩馬友鹹魚蒸肉餅$118 - 送飯吃一流👍胡椒鹹排骨煮芥菜煲$118 - 不錯👍松子海皇粒配雞汁蒸蛋$128 - 這個不論賣相及味道也很好，有點像吃日式茶碗蒸，令人讚不絕口😍陳皮咕嚕脆豚肉$138 - 不錯👍太極鴛鴦飯$138 - 不錯👍豆腐花 (送) - 香滑，甜度適中👍

今天放假做孝順女，回娘家同媽媽飲下午茶。為免老人家辛苦，選了附近的熊貓酒店聚腳。雞包仔，大大個非常飽肚彩色炒米粉是兒時致愛~懷舊的味道。潮州粉果，皮薄饀靚雙色水晶包~ 小朋友至愛菜苗餃~ 蝦肉新鮮彈牙菲林卷~ 又是懷舊之作。 甜度剛剛好, 口內充滿著黑芝麻的味道

今日同老人家2個人去悅來坊呢間生記飲早茶叫左個盅頭飯$12.x 同一個孖寶$28食物質素正常嘅食食吓就 print 咗張點菜單俾我人數係 2, 食物都係啱嘅我慣常計好數先去找數: $65老人家爭住請，因為係我生日，收佢 $176佢就不以為然想比錢，我就話等陣先點解咁貴我即刻話要睇單，佢唔俾我睇話等等先後尾㩒完電腦出左張$76嘅單俾我睇我睇吓完來計左我3個茶錢 ($9/ 位)我話我得2個，點菜紙都係寫2位個女收銀就好惡咁話 : 咁個電腦係入左3個吖嘛之後要等男經理來改, 晦氣咁話: 佢話得2個喎(好似我哋呃佢1個茶位咁)我就喺佢哋面前講: 就係蝦嗰啲爭找數唔 check 單嗰啲人囉個經理話: 只係計多一個茶位唔駛咁講嘢呀？我話: 點只一個茶位？個收銀收我176蚊呀之後個收銀話睇多左個1字( 做收銀咁都可以睇多個1字，唔見佢睇到$7.6?!)結果埋單只係 $66, 即係佢想多收我$110我之後同其他人講，個個都覺得佢哋2個有心收多同扯貓尾就算真係唔小心睇多左同收多咗，呢間嘢都真係好唔小心囉

男友屋企提早吃團年飯，第一次來這裡，在商場內半開放式，感覺也不錯。我們15人點了乳豬，龍蝦，西蘭花🥦鮮魷帶子，另外有雞，有魚，有湯，甜品有紅豆沙芝麻湯圓，還有一些菜也忘記了😅龍蝦一上枱時驚喜萬分，擺盤非常精美，肉質彈牙，新鮮味美又啖啖肉👍(可惜沒拍照=.=)西蘭花鮮魷帶子亦很好，鮮魷切得細細片，而且很軟腍，老人家也吃到，帶子大大隻很好味👍湯的材料很豐富，有淮山，雞腳等等，雞腳細細隻，非常軟腍，很好味呢👍最後上的甜品紅豆沙內竟然有芝麻湯圓，好像很久沒吃過了，細細粒但皮夠薄👍不得不提這𥚃的果汁還是百份百鮮榨的呢！

生記的豬膶久杞同白肺湯人人稱讚，今次去左佢喺荃灣的姐妹店，此店的招牌菜是"胡椒粉絲蟹煲，今次黎到梗係要試試蟹好鮮, 粉絲好入味, 我最鍾意啲蔥，好香甜藍龍蝦烏冬，但都係配伊麵正，最後加左個伊麵撈汁，正到核爆乜乜吐珠, 其實就係星斑。老實講，本人係特別鍾意食"鞋"的魚，所以我係鍾意嘅，雖然朋友話鞋茶薰雞，有啲味，但茶薰味比較淡。作為一間中菜廳，是好味有餘，環境亦不俗。因為地理位置亦方便，作為九龍友我不介意來。不過始終不是旺區，要約朋友是有一點的難度。

7-10-2018 (Sun)朝早同老公落荃灣買o野前食早餐,佢話想飲茶,橫豎我o地o黎AEON買o野,不如試吓呢間,我o地去到好快有位,我o地剔o左:5. $22.00o既花枝脆油條份量唔多,唔係即叫即炸,所以係凍o既,但食落,薄油條好脆又唔油膩,花枝厚,OK o既.味道: 4分3. $36.00o既三式腸粉皇(特點)有鮮蝦,牛肉同叉燒.鮮蝦爽口,牛肉軟滑,叉燒瘦不過蜜味唔夠;腸粉開始有少少糊口.味道: 3.25分4.$27.00o既芝麻卷熱騰騰,芝麻味濃,但口感腍o左啲.味道: 4.7分1. $78.00o既點心拼盤有叉燒包,潮州粉粿,蝦餃同燒賣各兩件.蝦餃內充滿爽口蝦仁; 燒賣入面o既豬肉鹹淡適中,潮州粉粿o既粉粿皮糊口,但食到o岩o岩好o既五香味,入面有脆口o既粒粒,但唔係沙葛係菜脯;叉燒包蜜汁夠,叉燒亦鬆軟.味道: 4分2.$36.00o既北菇棉花雞(特點)呢個幾耐至到,份量比例適中,鹹淡亦適中,雞肉juicy同滑;魚肚外腍內爽.味道: 4分環境:坐o係1號枱,係邊邊位,冷氣唔夠,坐出通道少少就被侍應叫坐返入啲,話有車仔過.乜呢o度會推車仔o既咩?呢o度係剔點心紙個喎,我坐o

話說我屋企每隔一個星期都會同公公婆婆食飯,因為佢兩個食咩都無咩所謂 所以通常都係我地揀食咩.點知佢地今個星期就講 '' 發現左個地方飲茶都唔錯.平時兩個人都食唔到D咩, 今次咁齊人不如就過果邊試下佢D小菜.''難得兩老話想試, 我地個個緊係無異議啦.兩老一入到餐廳, D伙記已經同佢打晒招呼,轉個頭茶都開埋.個主任就行埋過黎落單,推介左個冰鎮鮑魚,脆鱔球,咕嚕同個蟹粥我地食.我覺得個冰鎮鮑魚無調味就差緊D, 加左豉油WASABI會好D.個鱔球同咕嚕肉全家都話好食,又脆又滑又入味.個蟹粥都好得,煲得好綿,好鮮甜,而且仲好大煲.夠我地8個人每人食兩碗,最後佢地仲送左豆腐花做甜品,我就唔太鍾意食豆腐花 , 所以就無食到啦.但見佢地食到咁飽,連我果碗都唔放過,我諗都好食既.食完餐飯,個個都食到好滿足,要坐多陣傾下計,俾時間消化下估唔到岩岩食完無耐,我公公婆婆已經傾緊下次試咩好喇.真係好可愛哈哈.

居然荃灣開了聞名已久的灣仔生記，有機會當然要試食吓，但好可惜，我還未吃過總店，所以唔知有什麼分別。環境新裝修，都算坐得舒適，但未知是否新店，員工唔太熟悉當晚菜式供應， 我想點啫啫通菜煲，一個話當晚無通菜，但我們唔忿氣，問了另一位侍應，居然真係有通菜，可想而知有部份侍應唔知當晚菜式供應情況。我們三人點了。。。冬瓜盅，一百六十幾蚊，菜單寫6-8人，但上台見冬瓜已起皮切了一半，坐在一個湯盅上，不是原個冬瓜燉，份量比想像中少，湯料沒有正宗冬瓜盅應有的夜香花，廋肉粒也好像沒有，較失色。蒸元貝，百六蚊4隻，又係失望，超細隻，完全唔值呢個價，唔厚肉又蒸到鞋口。柚子骨，呢個合格，汁料惹味又帶點外脆內軟，一字排骨好爽口。焗魚腸，尚算可以 ，但略嫌魚腸唔夠多，份量算大，但吃不出有果皮香。啫啫通菜煲，夠香夠惹味，份量算足料，蝦醬香口又唔太咸。最後還送上熱豆腐花，又香又滑，還下了黃糖，要讚。