三多炸肶 (Closed)

三多炸肶係大埔真係出哂名，估唔到去到第五間分店終於嚟到紅磡啦。環境唔算太大，但都幾舒服，可能岩岩新開張關係唔算太多人。最後就叫咗個炸肶餐，有一隻雞肶同埋一杯凍飲，可能岩岩開張關係店員就介紹錯咗有其他套餐，但都無所謂啦。炸肶套餐（炸肶+大大杯爆檸）爆檸茶其實係檸茶加爆珠，飲起上嚟幾特別，而且唔會話好甜，但茶味就差小小。炸肶都算大隻，而且仲會俾隻手套你都幾貼心，而雞肶外面非常脆身但略微食果陣因為太脆而界到個口，而內裡雞肉嫩滑都有好多肉汁相當唔錯。整體呢個套餐都算相當抵食，有機會下次再試埋其他小食啦。