三多 (Moved) New Location

平時通常叫炸🐔脾但係 喉痛啊😭 試試油🐔脾點解甘耐呢🤔 ohhhh 原來即浸嘩 皮滑滑的👍 肉juicy👍又大隻😋😋😋😋 我配沙律 好好食呀 夠凍 唔會太多醬好清爽「本人好怕原本應是凍的食物 上枱時係室溫」所以熱辣辣油脾 配 啱溫度剛好沙律這個下午 好歎😎

在東大街，不愁冇好野食！剛剛吃完別檔的燒賣，見肚子還有位置，就來到三多，點了一隻紅到香港島的炸肶品嚐。的確，三多做了隻出色的炸肶！皮薄香脆，重點是不厚粉也不過硬。至於肉質，嫩滑非常，真的做到皮脆肉嫩，值得一讚。而$29一隻肶值不值，見仁見智了。

自從上次係荃灣分店食完三多炸脾之後, 發現分店越開越多, 不用走到新界區都有得食先黎一隻炸脾, 小辣都幾辣, 依然keep到水準, 雞皮炸得夠脆夠薄, 似食緊薯片咁, 內裡雞肉嫩滑多汁, 此店有座位可以坐低食, 更有膠手套提供, 繁忙時間認真要等位另外點了炒腸粉, 整體比較油, 肉碎不多, 反而芽菜份量多, 味道不算出眾飲品原本想點凍檸茶, 點知下單時職員告知沒有檸茶, 後來職員介紹飲爆檸, 原來就是芒果味爆珠檸檬茶, 味道跟普通檸茶沒分別

中午到筲箕灣三多，點了個炸脾配卡西汁意大利粉午餐，$50元跟熱飲。十二點半左右，人不算多。因我只有一個人，所以坐bar檯，但坐位奇高，要跳落櫈⋯未知是否炸脾製作需時，侯餐時間需要大約十分鐘。更奇怪的是堂食都全用即棄餐具及好容易爛，唔夠力。有提供即棄手套但作用不大，手仍是油淋淋。值得一提，炸脾口感很好，皮脆肉嫩，份量亦足。但意粉同配菜很一般。冇奶茶或㗎啡供應，有啲失望，只有汽水，華田，可立克，凍飲要加＄8元啊！點餐後要即時付款！

三多大埔真係冇人唔識佢，但係真係冇咁神心山長水遠入大埔不過原來筲箕灣都開左即刻黎潮聖睇左啲食評話29蚊一隻唔抵，其實抵唔抵就見人見志啦，不過我覺得29蚊淨係比隻雞肶啲肉汁都值回票價！叫左炸肶沙律，炸肶好juicy，個粉應該好薄，好脆，沙律都唔錯仲叫左個炒腸粉，聽親三多都係雞肶，估唔到腸粉都出色，辣辣地幾惹味，唯一唔好就係咸左啲。值得一讚係員工好nice,我地去果時候客人比較多，佢地不停過黎同我地講唔好意思，仲同我地傾計，聽講仲申請緊酒牌，遲啲會開到凌晨3點，筲箕灣終於有間似樣啲既宵夜檔啦

諗住黎呢頭食安利點知今日冇開，咁就試下之前save左喺list嘅三多啦！由老遠開到黎香港區，要帶我嘅至愛黎食佢至愛嘅炸雞肶！叫左個炸雞肶意粉($46)同埋辣巴東豬頸肉撈麵($50)，下午茶時間都唔包野飲。唉。。伏呀。。先黎個麵，樣子都唔吸引嘅☹️，味道唔係難食但個汁🙄唔係食家嘅我只識得用"好冇層次"黎形容，個麵又淋，d豬頸肉又肥，簡單d講唔知放左d咩入口。隻雞肶炸出黎個樣好似ok，一食落去。。完全唔係傳說中講到咁Amazing！juicy? 我嗰隻冇，仲有d雪藏味添☹️。反而意粉較為好d！要食炸雞肶大把好食過佢囉！🤷🏼‍♀️

之前一直係朋友ｄfacebook見到成日都有人食呢間野 , 又話有幾好食幾好食 , 見到ｄ相又真係好吸引,好似好好味咁 , 一直都想試 , 但查完地址即刻打消左念頭 , 因為係荃灣,元朗,大埔果ｄ地方 , 對於我呢ｄ香港人好遠呀 , 但最近它們竟然在筲箕灣東大街開左分店, 咁梗係要拜訪一下啦 , 它們有堂食同外賣 , 可能我去到已經係兩點幾過左食飯時間, 所以人比較小 , 它們選擇都多 , 有飯,意粉,小食,炒公仔麵,甜品等等, 仲有set lunch(好似大約五十蚊左右) , 不過就冇下午茶set , 我當然選擇左最出名的炸脾啦我係買外買 , 返到屋企都不會油淋淋 , 外皮係好似吉烈豬扒果ｄ皮咁, 應該是沾了一層粉才炸 , 個皮好香好脆 , ｄ肉唔乾又入味

我本身係一個超鍾意食油脾既人，睇fb介紹元朗三多好出名再查發現原來筲箕灣東大街開左分店 所以專登揸車來潮聖下既！我原以為喱類型既小食店只for 外賣仲諗住一家大細要上番架車度食，點知有驚喜入面有四五張枱，都坐得幾舒服！咁我地一行四人就叫左２個油脾拼沙律，１個炸脾拼沙律同１個炸脾拼意粉！因為所有脾都係即刻整所以需時15分鐘左右！終於有喇先上油脾，店員姐姐放落枱已經相機食先勁肥勁大隻，我用刀切開完全feel 到Ｄ肉勁滑，放入口佢個隻油脾並吾係一般個Ｄ豉油皇或者瑞士汁個Ｄ味，應該係佢地自己調教真係好入味！而炸脾我都試左一舊仔Ｄ肉一樣勁滑，但因我本身吾太鍾意食咁炸既所以塊皮對我來講吾重要！至於沙律啱哂我心水因為吾會出現青瓜、豆豆丶西芹個類所以 好like ，咁意粉方面一直幻想係白烚後天加工醬汁之類，但原來吾係求其架！係加左小小蕃茄醬炒既，上碟賣相已經加哂分仲要味道吾錯份量都多架，＄46一隻勁大既脾拼意粉，一個男人都完全夠飽！所以下次有望老公再車我來食！

星期日同朋友特登來三多試下隻脾，一炸一滷，一人一隻。原來即叫即整，都叫做有驚喜，吾系晨旱整定，等左15分鐘都叫0K呀，超熱辣辣噴晒煙上，吾可以即咬，否則牙肉皮會炙損，店員細心有竹簽丶刀叉丶厚身碟上。炸雞比超大隻，外面灑滿麵包糠炸，外表份僕甘脆有多重咬口，裡面肉質嫩滑多汁，超正! 初初覺得$29太貴，食過知色丶香丶味俱全，CP值高，抵食。另外一個係滷水比，滷水汁微甜，超入味，也上色，入口有花椒入角及酒香蜜糖味，不會死甜或死咸，同是好味之選，怕炸比熱氣，滷水比也不錯。

三多炸雞脾，在朋友的面書上看見的圖片實在很吸引，不過要去到元朗或者荃灣，咁就真係唔會諗啦。在筲箕灣新開了一間鋪頭是新店，看來開張不久。店舖不算大，尚算整潔。暫時只收現金。叫咗炸雞脾，沙嗲豬頸肉撈公仔麵，爆檸茶。個人評分10分為滿分：炸雞脾：8/10 （新鮮炸、無味精、皮脆肉嫩（雖然皮有小小硬、但仍不失美味）沙嗲豬頸肉撈公仔麵：6/10（沙嗲豬頸肉：ok; 公仔麵份量不少）爆檸茶：5/10（一般）即凍懧茶加芒果珠，味道偏淡。

某日放工好夜都未食飯，終於等到9:30老公返屋企先落街搵野食。平日食開東大街都知大部分食肆都9:30 last order，本身諗住都係買印尼野返屋企食算啦。點知行行下見到三多仲開緊，一問原來仲未last order，當然即刻坐低啦。之前經過都想試他的炸雞脾，只係估唔到第一次會在宵夜時段發生（誤）。一坐低就送上餐牌，食物選擇大致分為：小食（大部分都係炸乜炸物），炒腸粉，炒/撈丁。反面有飲品，部分懷舊飲品例如金牛/黑牛/白牛都有供應。嗯，近年懷舊食品真係好流行啊 （茶～）。來到當然要食脾，基於已經好夜，唔想食太飽太肥，但食宵夜本身就係邪惡 （罪過罪過），於是就叫左3樣野：（1）XO醬炒腸粉個腸粉本身係滑既，同埋個汁幾好味，但炒得有點濕，同埋中間夾雜些少莫名其妙的公仔麵。3.5/5.0（2）鹵水雞脾呢隻脾，一個字，正！本身怕鹵太耐會老，但食落去完全唔係。雞肉好滑，同埋好入味。4.5/5.0（3）巴東肥牛撈丁個丁普通野，中間有芽菜，個料辣辣地甜甜地，但個肥牛有點老，早知揀其他肉。3.0/5.0總結：值得一試，主攻雞脾，其他野加減食。