三多 (Moved) New Location

去年在元朗吃過三多炸肶 ，超正。今日 在openrice搜尋發現原來港島區的筲箕灣也有分店 ， 特登搭車去幫襯， 店舖原來不是在東大街較旺的一邊(即安利那邊)。 由地鐵站行去，遠遠見到黑漆漆一片都心知不妙, 原來....佢已經因租約問題搬遷了. 此文不是評分。post此文以免有人重滔覆轍。😉

黎得三多 必定要試試佢地嘅招牌炸脾炸雞脾係即叫即炸嘅 所以要等大約10分鐘左右不過雞脾夠哂大隻 而且肉汁都鎖實係香脆嘅雞皮下面雞肉嫩滑 即使係一個人食一隻 都完全無好油膩嘅感覺$30一隻雖然價錢有啲貴 不過絕對好食！（小聲說：咁平啲就當然更好啦～）

有日無意中發現東大街後面竟然有元朗名物 – 三多 我共去了兩次都係下午茶時段，一次自己一個人另一次與老公同行。 環境潔淨,開方式廚房近門口因此鋪面不是太多油煙. 雞睥沒有想像中大隻明顯是界開再炸令視覺較大隻，雞睥夠入味亦炸得香口，沙律味道不錯可惜中間結冰破壞了味道同口感而且並不是偶然的問題因為兩次都如是真的有點失望。 炒腸粉色澤及味道都吸引，微辣肉碎有點肥而且很少 整體合格但價錢較貴，會再來不過並不會常來。​

由細到大我都好鍾意食雞髀，直至出現了三多雞髀，我真係瘋狂了，試了很多分店，水準都保持一致，今次經過筲箕灣，忍不住又要食了，筲箕灣是主店，店內有幾張枱，堂食都坐得舒服，除了炸髀，還有很多嘢食，有撈公仔麵，意粉，台式飲品，最特別的是豉油肉碎炒腸粉，等我試吓先雞髀一如既往炸得很出色，我食了這麼多次，都沒有出現不熟的情況，因為這麼大隻雞脾，最難控制的就是火候，雞髀外面鋪滿麵包糠，外脆內嫩，很出色。豉油肉碎炒腸粉，炒得好出色，有鑊氣

元朗間三多就聽得多今日行過東大街見到又有間叫三多雖然唔知一唔一樣但都叫隻炸脾黎食下先因為佢係即叫即炸所以都等左大概15分鐘左右先有攞上手其實覺得俾我想像中細隻第一啖一咬個皮係超級脆而且完全唔會覺得乾佢係皮既外面脆卜卜而裡面就有層油食落好滋味 唔會覺得太油膩裡面d雞肉好嫩而且好有肉汁食到最後一啖既雞肉都依然係有肉汁食完覺得唔夠喉好想再食雞脾的確係高質但其實價錢都唔平平時呢個價錢都夠我買碗粉麵食所以都係有機會先再食下啦

久聞三多雞髀嘅大名🤔今日突然間醒起特登搭車走去食😬雖然知道筲箕灣呢間分店都開咗一段時間😅等我試下佢係咪真係咁ok 🤨佢哋嘅雞髀應該都係即整，因為都等咗成10分鐘，我同老公分別嗌咗一隻滷水雞脾同一隻炸雞脾，炸脾我要咗bb辣，店舖都有唔少其他嘅炸物同埋蕃茄類嘅產品，我地一心諗住嚟食雞脾，所以其他睇都冇睇到下次再試啦！終於脾到啦！比我想像中嘅細隻😕我諗住30蚊一隻炸脾，應該大過我塊面可能我塊面唔夠大啦🤣滷水脾個味道就比較普通冇乜特別，甜甜既味道，都算滑唔係鞋既，不過個味道唔夠香，相對炸脾係幾出色👍🏻唔油入面都好juicy 皮夠脆！係好食既，差在唔夠大隻😆我覺得不過都ok啦! 味道搭夠!

三多？何為三多？我諗，偶然放縱，又何懼三多呢？人，有時都係要偶然放縱吧!首先試的是生炸雞脾，和想像中大不同。醃製香料太過濃烈，也嫌太鹹。肉質較為幹身些少。有d失望。尼個係鹵的，單睇顏色，你又認為如何？我食左。其實係入味的，濃味的，但講唔出係咩味。覺得似浸出來的。可能，始終不能太放縱。雖然今次好失望，咁下次又包保自己不放縱嗎？我諗，我仲會再偶然放縱。總會有美味的等待我去發現……

食完飯補多隻炸脾頂肚，三多炸脾比上次大有改善，30蚊一隻炸脾絕對唔平，有要求係應該，今次我叫左中辣，雞脾非常厚肉有別於之前，亦有新鮮雞肉味，炸雞脾既精粹在於雞皮，雞皮非常脆，雞肉亦好嫩滑，唯獨應該叫小辣令我可以更享受到雞肉本身既味道。時間就係金錢，等左7分鐘即炸總算係值得。

一直聽朋友說「三多炸肶」十分美味，但一直沒有機會嚐一嚐，這天終於來到這間筲箕灣的分店「朝聖」。一進店裏，剛坐下，我便馬上點了一個炸雞肶。殊不知原來有辣度可以選擇。由於不清楚這裏的辣度，我便詢問了店員，而店員亦很有耐性地告訴我有甚麼不同的辣度。到最後，我還是選擇不了，結果店員還很貼心地給我拿了一瓶辣粉，讓我到時自行洒在雞肶上。熱騰騰，外表金黃的炸肶很快便送到。這裏的炸肶與其他地方的炸物略為不同，並非只用炸粉炸成，在雞肶的表面有一片片淺黃色，像是麥皮的東西，吃下去比普通的炸粉更為香脆可口。一切開雞肶肉，內裏的肉汁便伴隨着金黃的雞油流了出來，有種吃流心奶黃包的感覺。吃下去，香脆的外皮和裏面彈牙的雞肶肉層次分明，既能吃到各自的質感，配在一起又令口感更豐富，確是不錯的美食。只可惜，我吃到一半，竟然看到雞肶肉還未炸透，還帶着血紅色。心中不禁一怒，連忙向店員投訴。幸好店員也立即向我解釋，並且願意為我再炸一次，尚算為我這一次「朝聖之旅」劃上一個美好的句號。

今日特別肚餓，但係又唔想食飯。行過見到三多唔多人，於是9秒9衝入去。嚟個炸雞🍗脾配炒意粉，仲要多汁。隻雞脾勁大隻，而且咬落去勁多肉汁，意粉又係逐個逐個炒，好正！食雞脾又點可以無汽水呢？食完繼續辦年貨！

港島筲箕灣東大街優質食肆林立，不論大舖小店都經常坐無虛席，今次就幫襯筲箕灣小店但名氣相當大的三多炸脾。餐廳有炸脾及鼓油雞脾供選擇，但既然要試當然要試佢個炸脾啦。對於炸雞脾最常出現的缺點就是容易唔熟及出血水，又或者有雪藏味，何況是佢的雞脾size比一般還要大，所以一上枱先用刀界一界望下熟唔熟先。一界開雞脾肉汁溢出，但沒有出現上述情況，於是乎緊係立即戴上店家提供的膠手套大口大口食啦！雞脾就是要這樣吃。適量的辣粉令雞脾份外惹味，加上一份爆懧懧懞茶，就算唔食得辣都立即過癮完就解番辣啦！值得一試再試的食店。

8點幾入到去。。店員話改咗收9點。。唔知係咪平日夜晚冇乜客。。叫咗炸雞肶（唔辣）+沙律。。百香果紅茶（少冰）+椰果。。雞肶夠大。。皮夠脆。。好多汁。。唔油膩。。唔會一路食一路勁口渴。。可惜入面有少少生。。沙律幾新鮮。。係細個食茶餐嘅味道。。連墊底塊生菜都爽甜嘅。。百香果紅茶茶味唔濃。。不過有好多椰果。。

每次經過筲箕灣東大街的「三多」，我的目光必會停留數分鐘！不用猜測「三多」內有美男店員、也不用以為有什麼靈異，全因這「三多」與我曾到訪過的元朗店有著明顯的不同！ 我認識的元朗店，地方狹窄，空間只容許小量客人立食！但這裡卻設有數張供四人的桌子，面積和陳設有如快餐店！ 除了招牌生炸和滷雞髀外，筲箕灣的「三多」還設有炒公仔麵、撈公仔麵、湯公仔麵、意粉、飯、巴東撈麵、咖喱角、 醬爆司華力腸、涼拌小食，甚至蒜茸雜菜等。而飲品亦多元化，附設台式飲品、梳打和朱古力系列，十足一間「三多」小食店，實在叫我驚訝！ 因為我的無知，中女唯有不恥下問，最後得到店員完美的答案。原來「三多」分主店和專營店，食物種類繁多的便是主店，主店數目並不多，很容易便分辨出來！ 凍檸賓 HK$20 老媽也愛香口炸物，於是成為我的「三多」吃伴 。雖然這裡選擇多多，但兩人也不肯錯過招牌的生炸雞髀。我先要來許久沒嚐的凍檸賓，而老媽則要了可樂！ 招牌炸雞髀配沙律 HK$47 老媽選的招牌炸雞髀配沙律，沙律是快餐店的港式沙律，混合薯仔和雜果等，對我來說沙律是兒時的味道重溫！ 招牌炸雞髀 HK$30 而我則選擇簡單的炸髀！ 兩母女來個歡樂的炸

約朋友係東大街食飯，佢地提議食三多，所以今日終於有機會試到聞名已久的<<三多炸肶>>。 黎到門口見有特餐，不過價錢都唔平喔。 餐廳雖然細細地，但坐得舒服，有幾張四人枱同吧枱。 最後叫了特餐F的<<雞肶卡西西意粉>>。炸雞肶即叫即炸，等10-15分鐘，夠大隻，而且唔會有種炸得好油的感覺。雞肉入口夠嫩，不過食到底有小小膻味。因為雞肶的關係，意粉份量剛剛好。 特餐跟熱飲，加5蚊可轉凍飲，但只可惜只有汽水揀，有點莫明奇妙，埋單$56。

三多炸脾享負勝名，無數咁多人去過，我永遠就係最遲個個，今日嘅晏晝我特登嚟到買咗先至返工。一隻＄30，話平唔平話貴唔貴但我自己覺得就幾值得吃，即叫即炸大概要等10分鐘。本身嗌外賣嘅我同侍應講話想響度影張相佢哋都好有禮貌亦都願意俾我等完先放入外賣袋。一路等嘅時間我同同事msg ，佢哋話強烈推薦要食辣喎，好彩我一早都叫咗辣。睇一睇原來三多影開咗好多分店，見到唔少食評都話無論邊間分店水準都依然keep得到，一樣野係最值得驕傲嘅。好多餐廳或者美食開咗分店之後就大不如前，i個個都依然讚好絕對唔容易。雞髀十分之大隻，我咁大個女啦，未試過可以食得晒成隻雞比嘅。唔係話我細食而係好多時食到一半就會俾人搶咗啦！今次我獨食好肥呀，哈哈！三多炸脾呢，炸得好金黃好靚，外層呢亦都唔會好油，裏邊好juicy ~ 加左辣粉係真係好味架，即使要用15分鐘先返到公司依然可以keep到外層香脆裏邊流汁。$30朝個聖都值得嘅，有機會要試吓佢嘅滷水脾同其他小食。