三洋餐廳 (Closed)

相約同事出去食lunch... 諗唔到食咩 最後都係揀返三洋...平時食開特餐 見今日落毛毛雨 又凍凍地而且見到好多人食湯飯 就試下個湯飯先佢寫明無味精 我食完都唔覺得好口渴既肥牛金菇小白菜湯飯味道9分個湯的確好鮮甜 唔會太咸 而且好大碗 食完暖笠笠 仲超飽

收工預約佐係附近整回鄉證 所以就同男朋友係附近搵食！ 上次食完覺得特餐幾好食 又抵 所以又嚟食特餐！ 加上上餐特別快！時間趕既話就食得過今次食回鍋肉米線 少少辣 都唔錯！最正係蒜蓉包

無帶飯⋯同同事出去食飯⋯近近地揀佐三洋⋯反正新同事未試過⋯見到特餐好似幾抵食⋯$43有洋蔥包 有火腿磨菇炒蛋 配 沙爹肥牛米粉仲有杯熱飲！D餸兩分鐘左右就送到 仲要熱辣辣！ 個洋蔥包好夠味夠熱又好味肥牛都唔會太熟 岩岩好 有驚喜⋯

工商贸区午飯時间好似打仗一様，快靚正既午餐又价格合理的真不容易找到。今天這家算可合乎要求。第一午市即叫即蒸實是難能可贵，香噴噴的蒸餸配上熱腾腾的白飯兼撈点餸汁，简简单单就满足了囗腹之慾！最近试了三款蒸飯，各有所長。腊肠蒸排骨：肉排骨排各半,  满足不同人事喜好，腊腸香而味濃，半肥瘦，有口感蝦醬豆腐卜蒸腩肉：薄切五花腩，爽口肥而不腻（估计是先把整條豬肉放在例湯煮熟切片再蒸），蝦酱味道清香不咸，只是豆腐卜少了一点！土鱿蒸肉饼：特别之处是土鱿铺在肉餅面上，更能特出土鱿香味，土鱿煙靭跟肉餅軟滑成强烈對比，再配上一口白飯，口感味道層次盡出。再来一口淸甜香濃例湯，打造完满午餐！

星期六本身計劃好同朋友行山, 但睇天氣報告話會落雨..所以改計劃... 去行運動博覽行完展後..本身諗住去MEGA BOX到食個LUNCH..但朋友又唔想..佢想食茶記..咁好啦..佢帶左我地去佢食開既一間三洋餐廳地點較近地鐵站而比起一般工廠區既茶記... 三洋既格局感覺係清潔D但呢一間..我就咁睇佢地餐牌...中式既野食較多我就簡左個洋蔥汁雞扒煎蛋飯對於成日食茶記既我覺得...呢個價錢黎講..好似貴左小小雞扒份量好似又真係細左DD而應該煮耐左.. 令到質感偏硬左...但入味既...而洋蔥汁味道亦不過不失最大驚喜...但個例湯...味精既味道比想像中小唔錯唔錯

行完九展 唔想係商埸限死選擇 決定午餐由自己揀行出九展 很多地道茶餐廳但千揀萬揀 都係揀左有集團式背景嘅三洋先黎餐湯 - 節瓜排骨味道清淡 不含味精 幾乎無油 但亦無乜湯渣 只有湯水揀左個粟米肉粒飯賣相討好 茨汁很多 肉粒很大粒味道上 粟米甜 但肉粒大粒得來既無味又乾而飯粒亦非常乾身 再多汁都食唔晒啲飯不過對工業區茶餐廳來說 還是以速度為主 質素其次

去到德褔又吾想食食商場內的餐廳，寧願食返普通茶餐廳。所以最後去左工業區的三洋餐廳。今次三點到當然食下午茶啦。今次選擇茶餐廳必叫的星洲炒米和豬扒包再黎個茶走先.....星洲炒米：米粉幼身之餘又炒得勁干身同有少少辣的咖喱味，配料都不少。最重要一點食到底吾覺好油的感覺。好味道。豬扒包：一黎見到超大個，用了豬仔包好香牛油係入面又脆口，而入面豬扒勁厚又吾淋，好有咬口，加上一片蕃茄，生菜絲和少許沙律醬，都味道十分好。奶茶：係香港獨有茶走，即奶茶加煉奶。可以令到更加滑，而這間的奶茶都不錯，飲落去吾會覺得有鞋既感覺。飲落去滑又有茶味。不錯。

三洋，絕對不是「小店」，在搜尋OpenRice下發現原來全港多區都有分店。但同時又未如其他連鎖茶餐廳般賣廣告，所以反而對它的認識不深，偶爾在午飯時間經過，總會見到外面大排長龍！今晚就來看個究竟。「三洋」這個招牌很顯眼，在晚間還亮起燈來。抬頭眼上天花，才驚覺用上假天花拼砌出一片「假天空」。餐牌封面是一幅汪洋大海的照片，顯然「三洋」想給人一種置身「海洋」的感覺。不知怎的，卡位的間隔位會用不同顏色字貼上不同蔬菜的名。而枱上的調味品，以至店內都很企理。部分卡位還可以望到街外呢。至於店內，座位不多，比較寛敞；而最令我詫異的是到處都很「立立令」，裝修得很閃亮。整間店都沒有一處帶着老香港茶餐廳的殘舊之感。不過，員工就像茶餐廳員工，態度一般，不時也會「吹水」…我點的是常餐（$40）。首先上奶茶啊，一看見「白淨」的黑白淡奶杯和碟，那種港式正宗茶餐廳味道又回來了—果然，茶是靚茶，奶絕對是純正黑白淡奶。選對了茶也用上正宗的奶，茶和奶比例剛好，每一口都呷着香滑的港式奶茶味。只需加一少匙糖就夠味了。接下來是醬爆雞丁米粉。雞丁只是幾粒小雞肉加上洋蔥、椒粒等等，雞似乎太少了，幸而是嫩口的雞肉。「醬爆」也不過是小許辣

一行四人食午飯1, 豆腐蒸鯇魚，豆腐多，魚少！2, 牛魔王，也可接受3, 海南雞飯，完全沒有海南雞味道，雞好肥多油，油雞無味又少4, 沙薑雞肶飯，怎麼可能會原隻肶上，又無刀，點食？！員工說話很粗魯，明明我叫熱檸水，其他三人也聽到，但佢比熱檸茶，我同佢講返，竟然目無表情攞走，唔講嘢，又無講唔好意思，好似係我問題咁！？什麼態度呀？另聽到有熟手當面鬧新手，想點？

開工第一天, 冇帶飯, 突然諗起呢度的湯飯, 同事話好濃的湯, 我都想試下, 同同事一齊去食, 12:00鬆D, 都已經好多人啦喎, 我們坐卡位, 仕應已叫我們坐在一邊, 因為陣會好多人.我叫左一個湯飯, 豬潤及枝竹, 白菜仔. 原來湯飯係分開一碗湯及一碗飯的, 我仲以為係成碗上添. 白飯一大碗加落碗湯度, 湯底好甜, 係豬骨湯底, 好濃喎. 豬潤都好粉的, 好味, 又甜, 白菜仔都好多, 都甜的, 枝竹OK. 整個配合都好好味, 同埋夠晒大碗, 好飽呀.同事食海鮮炒烏冬, 有一碗中湯, 一杯飲品, 42元, 都屬於係平的呀. 不過賣相麻麻地, 有點亂. 顏色都一般, 冇咩色, 佢話唔夠味, 麻麻地呀.

星期五放工，已冇咩胃口，但總要吃點東西，隨便找間茶記搞掂就算。三洋也好。好多選擇，毫無頭緒，點指兵兵，點來了一客豉椒雞球飯。雞球口感較差，甚至有點莓，唯一可取的，只是青椒，爽甜。喝的是凍奶茶，這個還好，至少有奶味，也有茶味。看著電視新聞，有點沮喪。

今晚兩公婆由Megabox行番去德褔花園,行經常悅道見到三洋餐廳湯飯皇小炒皇應是佐敦和砵蘭街嘅分店,咁就入去試試見到餐牌有羊腩煲食$168跟爐上,送時菜一碟羊腩煲內有枝竹,冬菇,冬筍,馬蹄,羊腩也份量十足OK,羊腩夠淋夠味一支藍妹,一礶可樂,一碗白飯滿足非常兩公婆差喲食唔哂可能今晚唔旺,侍應招呼都好好,加湯加汁一叫就嚟非常滿意嘅一餐

當了OL多年, 在工作時間上我多數是個自閉女.所以通常午飯我都會帶飯或獨自買外賣.不過前陣子看到公司附近開了家新的茶餐廳, 還大大個招牌寫著自稱''湯飯王''能大刺刺的做出這樣的招牌, 看來信心十足. 這樣的話實在不能不試下.這家三洋餐廳原來巳有7家分店, 大多在旺角, 深水涉那邊比較旺的地區或工業區, 似乎做的都是街坊生意. 看環境餐牌亦是一家頗大的茶餐廳, 地方還算整潔.午餐款式多, 不過我是衝著湯飯而來的.湯飯價格HKD$35, 能配二個配料及一個菜. 標榜著無味精, 湯底是鮮魚湯.我貪心一點, 要了豬潤, 鮑片, 黃鱔及金菇. 三個配料一個菜再加杯凍檸蜜, 盛惠HKD$44.外賣的話有2盒, 一盒是白飯, 一碗是湯底跟配料好大的一碗魚湯, 嘗一口, 魚鮮味不太突出, 跟普通高湯有點大同小異, 但飲完又確實沒有口渴.白飯有一大盒, 飯十分濕潤, 不知道是不是要配湯所以做得那麼濕和淋?把一半飯放進湯內, 比較淋軟的白飯浸湯後果然又很對味而且不會頂著胃.不過飯雖多, 但配料算是十分少. 豬潤只有2小片, 不肥厚很鞋又乾; 金菇有2大紮不過沒打散的;黃鱔有3舊, 肉質尚算彈牙, 但浸湯