三洋餐廳 (Closed)

今日下晝趕住要準備開會嘅野 又要搵間餐廳食個快飯 咁就近近地嚟咗呢間喺路口嘅三洋餐廳🍴三洋好多地方都有 都係一間好普通嘅茶餐廳 真係完全冇期望咁入咗去食 預先講定個結果 其實真係完全冇特別 好一般 唯一優點係快😂不過都要講吓啲野食嘅 我見普遍嘅人都係叫精選午餐㗎啦 咁我都係喺裡面揀一個食 咁就叫咗香煎魚柳煎蛋飯😬 佢附送一個例湯 個中湯就同一般餐廳嗰啲都一樣 都係味精鹹湯啦 飲咗兩啖就冇飲啦個飯就真係好大個 都唔係好食得晒 至於魚柳就係一般雪藏嘅魚柳 但係唔係佢冇落到好多胡椒粉 所以雪藏味都幾重🤕 洋蔥汁就略嫌甜咗啲 不過都係要嚟送吓飯 易入口啲㗎啫整餐快餐只係需時十五分鐘左右 真係啱晒我呢啲連食個飯都要趕頭趕命嘅打工仔呀😅 下次趕時間可以再嚟

每逢假期，#小秘書 嘅 #生理時鐘 都會 #大兜亂😅 呢日我又搞到下晝3:30先食中午飯，不過都好嘅，又承機可以食平啲啲👉🏻👈🏻呢日我哋打算去 #唱karaoke，所以一定要填飽個肚先，因為勁唔想去食我至怕嘅「kFood」😅 沿路見到 #三洋餐廳，既然無咩idea食咩，就試試佢🙃 呢度嘅 #下茶餐 選擇非常多，我就揀咗 #鮮茄焗豬扒飯，份量唔太大，啱哂女士，不過 #豬扒 無咩味道，配埋 #蕃茄醬 一齊焗又ok嘅👍🏻 朋友叫果個 #常餐 都唔少嘢，#蕃茄通粉、#奶油脆豬，仲有 #奄列 ... 再加埋杯 #凍檸茶🍋 滿足！

約左幾位朋友食飯, 朋友推介呢間, 因為我上次有要事不能出席, 故他們也就一就我再去一次這間餐廳等我可以品嚐下呢度的美食, 這間餐廳在工業區範圍, 要行一段路才找到, 但都不致於難找的去到見餐廳不是太大間, 座位不濶落, 今日難得唔洗排隊, 咁就試下先三洋一向好好生意, 但食評好少, 亦是寫字樓區少數星期日都有開門的平時職員太忙服務麻麻, 又坐到好迫星期日經過, 見人不多,  我就點了C餐蘿蔔魚鬆飯$48+凍飲3蚊    等我介紹一下先果然好快上菜, 最搞笑係全部蘿蔔來, 真心奇葩你敢都上比客, 我係好客來, 唔會投訴, 不過一定無下次反正佢生意咁好, 但真係太搞笑

呢間鋪一向好好生意, 但食評好少, 亦是寫字樓區少數星期日都有開門的我不常去, 因為平時職員太忙服務麻麻地又坐到好迫今日星期日又要係附近做野, 亦見終於不用多人到要等位, 就入去因為趕時間, 點了個C餐蘿蔔魚鬆飯$48+凍飲3蚊結果果然好快上菜, 咁既份量竟收$48也算了, 最搞笑係全部蘿蔔來, 真心奇葩你敢都上比客, 我係好客來, 唔會投訴, 不過一定無下次, 只是寫出來紀錄一下我寫上網亦不是唱佢, 反正佢生意咁好, 但真係太搞笑

服務態度真係奇差，明明點個餐加凍飲張單都已經寫左凍飲價錢。後來俾左熱飲叫轉返，系度口up up，又話你無講凍飲啊，重要係張單寫多幾蚊，收錢個陣問佢點解收多幾蚊，就大大聲話你自己去問落單個人，真係以後唔會再幫襯

茶記從來都係經濟實惠之選，見到之前既餐牌有芝士撈丁，所以就決定去食。可惜，原來已經無左lu😢唯有睇下其他選擇啦下午茶選擇都算幾多👍🏼👍🏼👍🏼有炒粉麵、魚湯麵、扒餐、三文治餐⋯⋯比一般茶餐廳選擇多！值得一讚！我一心去食撈丁，當然就照揀返撈丁啦～初時想揀反蛋，不過個侍應好似唔知咩係反蛋，話得煎蛋😓服務態度一般雞扒煎蛋撈丁(和風汁)和風汁係甜甜地既，雞扒亦都有腌過，有啲香草係上面，都算有啲誠意😌整體味道唔錯，不過份量就有啲少餐飲係熱杏仁霜口感較厚，我鍾意唔係好稀個隻，正！

唔明唔明白點解三陽個招牌會改咗(冇咗餐廳兩個字 ), 究竟係咪轉咗老闆餐是發生咩問題。價錢好似加咗啲。求其食咗下午茶餐, 都係知在飲杯熱奶茶, 叫個餐蛋麵。餐蛋麵都ok啦, 冇乜特別。熱奶茶係幾好飲嘅, 可惜都係用咗黑白淡奶嗰隻細杯, 份量少啲囉, 唔夠喉。(我最憎就係見到呢隻黑白淡奶嘅杯。)啲侍應好似做到懶係專業, 其實好趕急, 想催你快啲落單、催你快啲食完走人。間舖嘅冷氣好凍, 杯奶茶凍得好快。去九龍灣工貿區冇辦法, 跟本想食餐好嘅都難。要將就下。

工廠區飯堂出品，一點也不馬虎。以往工廠區飯堂給人的感覺，只是追求吃”飽”，"快" 和 "平宜"的目的！ 在今時今日經已轉變，取而代之是追求美味、質素的出品！接近下午2:00的時間，路過此餐廳，見內裡依然有大量客人，心想此處應是個好地方，姑且入內，隨便點了個鮮茄焗豬扒飯午市套餐 果然是認真製作，飯是炒過才焗的，豬扒軟硬適中、醃製認真，醬汁恰到好處，加上芝士添加香滑口感， 味道不太甜也不太酸，五十多元連茶、湯，還有理由不試嗎？

早餐嘅話我覺得平靚正，有啲餐送奶油豬，又香又好味。早餐嘅話唔會超過$40以上埋單，都係睇你叫咩，價錢幾合宜。呢到最正嘅我覺得係杯奶茶，熱或凍都好好飲。奶妹濃郁，好香，飲落又滑。侍應都幾細心，有陣時你睇完餐牌之後一轉身想嗌野佢地就已經行緊過嚟，原來佢地一直留意住你幾時落單。不過繁忙時間就唔係咁。

自從來試食早餐，寫了篇食評後，我再來過幾次，都是吃早餐。見到網友大讚這裏特餐，今日三時許專程想來試。奈何午餐仍未消化，見到特餐的內容豐富，應該吃不下，還是留待下次再試。改點了奶油豬，和網友介紹的「茶走」，即奶茶加煉奶。食物和飲料又是熱辣辣送上，奶油豬仔包金黃鬆脆，牛油和煉奶都下得多，舖滿在包面，非常好吃。我次次都是飲奶茶，今次試茶走，味道與用淡奶相近，卻多了種煉奶獨有的香味，很好。這個套餐收$25，同樣內容太興要$33，質素卻相近，故我寧可行遠一點了。吃完後才看到有芝士吞拿魚焗豬仔包或多士，賣$30，下次定要試試！

新年第一日，一早又要揾食。假日的工業區，很多食肆均沒營業，我又不想去連鎖快餐店，見到三洋沒休息，便進去了。以往光顧過其他區域的分店，感覺只是一般，所以即使知道九龍灣有此店，也沒想過去吃。原來因為自己的執著，有點錯失了。相比其他的茶記，這裏的服務員較勤快和有禮貌，令食客感到窩心。飲食從業員的工時長，工作頗為辛勞，他們能有如此服務，實在值得一讚。希望不只是非繁忙時間才這樣吧，因為見到有熟客來，與他們亦有講有笑，氣氛甚佳！我仍是揀例牌，即餐牌上「醒神早餐A」中的C項：沙爹牛肉米粉+餐肉煎蛋+厚多士，配奶茶，價錢是$30。整個餐看來屬正常水平，份量亦頗足。先吃多士，新鮮熱辣烘起，雖然只有半件我亦不要牛油，吃起來仍是甘香鬆脆，讚！唊著奶茶來吃，茶亦香濃滾熱，不論是茶味和淡奶的份量，亦配得剛剛好，是高分之作。我特別留下半杯，待稍冷卻再喝來試水平，亦沒有苦澀味，又讚！那件午餐肉算是厚切，雖然只是略煎，但因厚切故口感比薄切的好；煎蛋則屬正常，沒有特別。而沙爹牛肉米粉，味道是「港式沙爹」，色澤和沙爹汁亦對版，沙爹醬內亦有花生粒。但由於放了湯配米粉，我覺得沙爹的味道稍淡，於是便加點豉油來提味，果然令整碗米

點了技竹，鯪魚，介菜湯飯！味道的確可以！但係，本人下午兩點前只吃了兩個鹹豬仔包！食完呢個湯飯，之後係宜家家俬睇睇下窗簾，感覺吾對路，要衝去廁所！大瀉特瀉，依家行到德福，又要衝去廁所再爆過？兩次都吾係正常開大！特別第二次全是咖喱水，我好難相信，吾關個飯事？行翻轉頭就關了門，我係咪可以報食環處？

下午茶要$38，都比較貴，點了個豬頸肉炒公仔麵，係夠鑊氣，炒得幾好味，不過豬頸肉不多，份量比較少，價錢都幾貴，因為經過開九龍灣又有D肚餓，所以求其入一間餐廳填飽個肚，味道係唔錯既。

驚喜往往就係你最平常的時間發生。三洋，感覺就是一家普通的連鎖茶餐廳，那天獨自一人，懶得行，就隨便入去點了個金牌特餐。首先，呢度既特餐係比其他餐廳多好多款，仲要唔好最老例果啲叉燒火腿，而係醬爆雞丁，番茄薯仔肉碎，豬扒等等，仲要有得揀米線！而個多士，佢係奶油豬來的，脆卜卜，仲有兩舊！而個蛋，佢係芝士磨菇火腿蛋！！勁足料，仲大個我塊面！！而個雞丁米線，好多雞粒，絕對唔係得幾粒果隻！！足料，好味，杯奶茶都唔弱，茶味濃，正！！我一路食就一路諗住要寫食評，因為實在係太太太出色，太好味了！！本人好鐘意食茶餐，我想講其他名氣甚勁的茶餐水準，都實在比唔想呢間！！抵讚！！

34度炎夏，食咩都冇胃口；尤其五穀類好似白飯呀咁，食落爭爭、硬掘掘，冇厘味道，真係唔想食。今天就来過湯飯，食落易入口，又可以配合不同菜。今天就叫咗果鱼湯飯配鱼腩，豆卜和白菜仔。奶白色鱼湯底，清甜冇味精，湯飯靈魂所在。新鲜魭鱼腩，豉油都吾駛点，多兩件就perfect 。豆卜，最緊要冇油臆味，索咗鱼湯好好食。最後白菜仔新鲜又多，煮得夠淋就足够！配埋一碗香飯，低卡、Omega3、健康又飽肚, 夏日理想午饍。