元札幌拉麵 (宇晴軒商場) (Closed)

荔枝角星悅居同宇晴軒嘅商場其實都有唔少餐廳可以選擇，但係通常都係連鎖式餐廳為主。呢間日式餐廳好似好少見咁，就是就去試下。Menu上面都有幾多選擇，主要就係以拉麵為主，價錢都幾大眾化，唔算太貴。兩個人食可以要198嗰個套餐，可以揀四款，當中可以選擇拉麵同埋飯再加兩樣小食，都幾抵食㗎。札幌蝗蟹拉麵，個溏心蛋整得幾好，好嫩好滑。而蟹棒都唔錯。但個湯底就一般，好淡唔太濃郁。三文魚好鮮甜好肥美，有入口即溶既感覺。環境都唔算。

呢日做嘢去到荔枝角， 做完嘢都大概晚飯時間， 就去附近商場度搵食， 見到有間拉麵店我哋之前喺荃灣都幫襯過， 覺得唔錯所以我哋今次又去試下呢間分店， 呢間分店比較起荃灣分店的座位比較多， 裝修都幾日式， 店舖有提供勁辣嘅辣椒粉可以問店員索取， 鍾意食辣嘅朋友可以挑戰下， 我本身就冇挑戰啦。自家製手包餃子餃子係由雞肉和菜做餡料， 煎得唔算太燶， 個皮唔會太厚， 配嗰日式醬汁幾好味。串燒雞肉丸將醃過嘅免治雞肉做成長條型， 然後用竹籤穿成， 免治雞肉嘅調味唔會過鹹， 配個日式燒汁味道啱啱好。雜錦拉麵雜錦拉麵有日式叉燒， 豬軟骨， 蟹柳，蛋等其他材料， 日式叉燒和豬軟骨都夠淋夠入味， 湯底係配咗醬油湯底， 味道唔算太搶， 面係用咗日式嘅曲麵 ，幾彈牙。北海道櫻花蝦拉麵將櫻花蝦和麵撈勻， 櫻花蝦嘅香味滲透了落個湯和麵， 令面和湯都有蝦嘅香味， 特別一讚個流心蛋做得唔錯。

早兩日去荔枝角交收，順便行下宇晴軒商場，見到呢間元札幌拉麵，裝修感覺唔錯，幾有日本風味，一於坐低試下～日本的綠茶可樂～比普通可樂冇咁甜，多了一份清新口感，通常見到ｍｅｎｕ有我就會飲～可以散叫，也可以按松、竹、梅、菊的分類點套餐，套餐會更抵食，大胃王記得留意！一個人獨食嘅我揀咗松+梅餐，$108自家製餃子（小）一個人食4隻餃子其實都唔少😂皮薄而且幾滑，一咬落去肉汁就漏出來，係正嘅👍🏻🌶地獄拉麵嗜辣魔人誠意推介，真係好。夠。辣！我食第一啖果陣呆一呆，呢個程度係辣過一般嘅中辣，不負地獄之名👍🏻叉燒質素都唔錯，仲有埋溏心蛋添！

平時好少嚟荔枝角，今日咁啱有嘢做， 難得嚟到就順便喺附近搵下好餐廳呢間拉麵店好得意，周圍都係某卡通人物嘅擺設，加上座位闊落舒適，令人份外有親切感同舒服餐牌選擇好多，仲有唔同嘅套餐可以配搭另外有啲廚師推介嘅美食海鮮拉麵用上鮮蝦、青口同扇貝，配搭軟硬適中嘅拉麵湯底可能有海鮮嘅關係，比起一般嘅豬骨湯底冇咁鹹，好合我嘅口味北海道櫻花蝦拉麵拉麵同樣彈牙，配上大大塊嘅叉燒、蟹柳同一隻好靚嘅流心蛋湯底可能係有豬肉嘅關係，味道較濃郁鐵板牛舌呢款牛舌同出面食到嘅有啲唔同，平時食嘅可能係燒過嘅關係，會較脆口，不過呢款就相對較滑，似係食緊好可口、充滿牛味嘅嫩肉，非常特別自家制餃子喺拉麵套餐入面選擇咗呢款小食，餃子微微煎香，入面包住少少肉，一啖一口好滋味有咁多卡通人物陪住食麵，成餐飯食得好舒服好享受，係一個特別嘅體驗

今天來長沙灣和小朋友上興趣班，來到這個商場，想不到有這家價錢相宜的日本料理店，相比起連鎖店，這家店也蠻有特色的。溫泉蛋泡菜豚肉鍋小朋友愛吃豆腐和蛋，於是我便點了這道菜，配上泡菜後有少少的香辣，也蠻不錯。吉列豬扒飯我的小寶貝十分喜歡這飯呢，因為蛋是甜甜的，而且有洋蔥，在我的鼓勵下，她也全吃光光，下星期再來長沙灣時，必定要再來這家餐廳！燒三文魚骨為我的小寶貝點了三文魚，想不到經調味後，頗為惹味，而且魚肉新鮮，必點喔。

今天難得放假，我上次逛街時見到這拉麵店不錯，所以便和母親大人來試試。我們覺得「松、梅、菊、竹」這個套餐不錯，樣樣也有一點， 十分合適我倆呢。札幌螃蟹拉麵啖啖肉蟹棒總共有四大條，而且拉麵軟硬度適中，佳。蟹籽沙律沙律比想像中大碗，也夠兩人吃呢！蟹籽量也很豐富。滑蛋吉列豬扒飯吉列豬扒飯是最驚喜的，因為豬扒底有甜蛋、蘑菇和洋蔥，配上珍珠飯後，吃起來十分開胃。還有燒三文魚骨呢，也很不錯！其實$198 有四大食物，也算是很便宜呢：）而且大大碗，也很相宜，下次再和媽媽來呢！

今日同男朋友行D2 place，之後就去左附近嘅餐廳食晚飯。呢間餐廳性價比幾高，又抵，所以去左食。入到去日本餐廳，第一件事緊係要飲熱辣辣嘅茶！2個人叫一個「松·梅·竹·菊」自選套餐，確係好抵，可以叫到2款主食同小食。小食方面，我地叫左蟹籽沙律同燒魚餅。蟹籽沙律好fresh，最重要係青瓜絲夠幼又唔苦。而燒魚餅好香口，都大大份，又彈牙，唔錯唔錯。主食方面，男朋友點左溫泉蛋牛肉飯，份量都幾大下，好大碗白飯，配足料牛肉同温泉蛋，餸飯一流。而我點左叉燒拉麵，大大碗，連叉燒都有4塊，好抵！d叉燒大片又唔會太肥，而拉麵最忌太冧，好彩餐廳煮到恰到好處，湯底味亦濃。我地另外重加左$12，叫左一隻糖心蛋，好抵食，一人半隻！再另外叫左鐵板牛舌，幾有趣，份量亦唔少，唔會太韌。柚子蜜暖胃！

其實荔枝角都算幾市中心起碼我住九龍又方便住大西北嘅朋友亦一定有巴士除咗過咗紅色嘅門簾入到餐廳嘅入面位置其實坐出面都唔錯六七點又闊落啲又少人啲啲呢度嘅小食款寧舍地多而主食又夠平芝士年糕係我每次都必定會encore嘅食物而且一定係上檯後兩分鐘食完因為咁先食到佢嘅最佳狀態熱辣辣融融地之後食咗個八爪魚刺身配菜個份量多到我地可以當沙律唻食因為我自己唔太鍾意撈醬嗰種八爪魚呢種食到佢本身爽口彈牙同屬於海鮮嘅味比較合我自己胃口最尾搭個好香口嘅牛油拉麵飽到上心口先一百幾十

餐廳店內很大，感覺親民又帶點復古懷舊風。梳化座椅寬敞舒適。看看menu，發現原來不只有拉麵，還有多款各式各樣的日式料理。我點了一個小食，一個飯和飲品，每款味道都唔錯。串燒雞肉丸一口咬下厚厚的肉串令人非常滿足，肉裡面有軟骨，口感豐富。口味剛好，夠味又不會過鹹。滑蛋吉列豬扒飯蛋真係幾滑，配上甜甜嘅醬汁，撈飯食一流。飯入面加咗菇，多一份香味。豬扒好厚好大件，份量好足，醬汁又夠多，食完個飯都幾飽。富士山可樂見除咗一般嘅可樂，仲有d特飲好有日本feel，見個樽咁靚貪得意試吓，飲落其實都係可樂咁嘅味。另外值得一讚嘅係店員嘅服務態度，非常細心，會留意客人嘅需要

碰巧男朋友在附近番工，近近地選擇左哩個商場食晚飯。餐廳佈置十分日系，日本風到不行！座位數量亦多，坐下感覺闊落，沒有太大的壓迫感。我地二人各點了一款主食，分別是豚肉生姜燒飯定食及溫泉蛋叉燒飯。小食方面我們點了三文魚刺身。刺身一客約有五片，魚生也是挺新鮮的，色澤鮮明，沒有雪藏味，魚生也很有口感！ 豚肉生姜燒的豚肉肥瘦適中，與洋蔥一起吃可減肥膩！每個定食也會附送茶碗蒸，滿足！溫泉蛋叉燒飯份量也多，叉燒很淋身，推介！

不說不知荔枝角原來除了D2 place 外，還有其他細商場，這個商場連接私人住宅，內裡以食肆為主，應該都是主力做住客生意！在商場轉了一圈，最後選了一間日式餐廳，看上去感覺不錯。餐廳佈置充滿日本風情，佔地亦不少，分室內及室外。我選了坐裡面，午市Menu 有不少套餐，選了吉列蝦打烏冬 及 芝士蝦餅。吉列蝦有4隻，金黃酥脆，粉漿不會太厚。手打烏冬軟綿綿，口感幼滑又煙韌，好吃！咬開蝦餅，軟心芝士隨隨流出，蝦餅彈牙，滋味好吃～

平日很少到荔枝角，也是第一次來宇晴軒商場，本以為是一個住宅樓下的小商場，隨便吃個晚飯，點知商場比我想像中大，也有不少餐廳選擇。行了一圈，我地最後也是被這間門口掛滿紅燈籠🏮有多啦A夢和夾公仔機的拉麵店吸引。餐廳食物款式頗多，除了拉麵和丼飯，還有各式各樣的小食。以下幾款食物我都覺得非常唔錯。燒牛舌牛舌切成薄片再燒，口感好爽，又唔會好乾。加少少七味粉就更加惹味！鹽燒三文魚鰭一客有兩件，燒得非常香口，連骨都可以食埋。𥚃面嘅魚肉有陣陣油脂嘅香氣，好juicy，咬落去感覺好滿足，正！北海道櫻花蝦拉麵🍜大量櫻花蝦令湯底都帶有蝦乾香味，溏心蛋整得好靚，而且有用醬油調味，好好食。

🍜🍜🍜放工過來荔枝角吃麵，商場位置易搵，進地鐵出口。特別適合放工之後這段唔想用腦嘅時間，自己靜一靜，享受一晚暖心暖胃的拉麵🍜.自選套餐 松+梅 $108泡菜拉麵🍜+凍豆腐原來在日本料理裡面，松竹梅有吉利吉祥的意思。由中國的歲寒三友而來。餐牌上的松竹梅是一種等級的分類，松是最上等，竹是上等，梅是普通。細心之處都是學問🇯🇵今晚的套餐，拉麵採用了日本料理裡特有的麵條，柔韌勁道。湯底味道濃郁，配上泡菜的酸甜爽口，味道鮮美可口。串燒日本迷你甜薯$18一口甜薯是我的最愛，外皮焦脆，內心厚實，薯仔特有的甜美，讓妳感覺到格外溫暖。.餐廳寬敞，環境舒適，又日本料理店的特色。人均消費140，可以說是物美價廉的選擇。

今日嚟到荔枝角食拉麵呢間鋪頭之前已經食過一次覺得裝修好特別地方亦都好闊落坐得好舒服啊菜式都幾多元化基本上你諗到嘅日本菜都有得叫另外佢仲有一個好抵嘅套餐198+1已經可以有四樣野食可以揀兩個主食同兩個小食散叫定食亦都多選擇所以最後我哋都係決定叫咗個套餐主食方面我哋叫咗ankake拉麵，即係濃湯嘅叉燒拉麵配菜非常之多，拉麵亦都爽口彈牙之後再叫咗個串燒雞翼雞翼燒得啱啱好，仲保持到雞肉嘅肉汁加埋檸檬汁個感覺好清新自家製吉列豬扒分量幾多炸得亦都香脆可口，炸粉唔會太厚而最後亦都叫咗個煎三文魚頭但由於咁啱佢三文魚頭賣晒所以佢係唔駛加錢嘅前提下三文魚扒俾我哋覺得店員都幾有心機即使冇咗嗰種嘅食材都盡量去搵相同嘅食材去代替返比個客人煎得亦都唔錯

聽講荔枝角有間幾抵食嘅日本菜，原來都幾有居酒屋嘅feel，而且嘢食都好多，唔係剩係得拉麵，所以今次就試吓啲唔係拉麵嘅食物。極上雜錦魚生飯定食$128裏面有各式各樣嘅雜錦魚生，包括三文魚，吞拿魚，油甘魚，北寄貝，八爪魚，蟹籽等等嘅刺身食物，口味都算幾新鮮，表面亦都加上左一啲芝麻同海帶，令口感味道變得更豐富。配白飯，酸蘿蔔，沙律，茶碗蒸及味增湯 沙律上有d裙邊，鹹鹹地甜甜地好開胃，而且口感有啲彈性，配搭嘅沙律菜就比較爽口。茶碗蒸方面口味偏甜，不過質感好滑，而且有多款配料包括冬菇，鳴門卷及雞肉，都好豐富。