元札幌拉麵 (宇晴軒商場) (Closed)

去到荔枝角唔知食咩好，發現有間好小的店，專食拉麵，裝修好日本的，就入左去食晚飯了。全間舖都係以簡潔為主，舖頭細細但野食選擇多。最中意舖頭有一大樽熱茶比食客自己加茶，唔洗成日叫人加茶咁麻煩。選擇太多，又有二人餐，但我同朋友食得唔多，叫左元拉麵，什錦串燒，自家製餃子。拉麵師傅好快就煮好，拉麵湯底係醬油味，唔太咸，咬落去唔會淨係得面粉味，有咬口，恰到好處。叉燒薄，唔韌，好香肉味，仲有荀，以依個價錢有咁的質素拉麵，算好好。串燒有冬菇，雞翼，燒得脆，好味，唔太咸。雞翼細細隻，唔會食得好messy.仲要有雞軟骨，好有咬口，配上檸檬汁，正！自家做餃子有6舊好多，差d食唔哂！皮脆，有汁，有肉，可以一試總括就是抵食的日本菜！

下午茶超抵食！1.元拉麵佢塊肉有手掌咁大塊！個湯都好濃味，似豬骨湯底！啲麵都好多，好有份量，一個女仔食可能食吾曬！2.滑蛋豬扒飯有8塊豬扒，炸金黃色，一咬落去啲肉好鬆軟，個皮吾會好多炸粉。個蛋都做得吾錯，如果多啲蛋好更好。而且本身個汁甜甜地，食落都幾美味👏🏻小貼士:另上豬扒！就吾會比啲蛋汁搞到淋曬🙃🙂3.串燒所有都夠熱，好新鮮！雞軟骨: 有孜然粉，咬落去索索聲😛雞翼:拆好晒，方便食用，如果大隻啲，多啲會更好！豆腐：夾住啲鰹魚碎食，加少少汁，口感好rich !有多種嘅口感，值得一試！環境都乾淨，又會比一壺熱水，自助式沖水！整體$50一個人，有呢個食物質素，真係物超所值！

Dinner想食🍜，但男朋友想食🍚就來左呢間超多選擇嘅元札幌拉麵🥰好得意嘅係～佢地menu係用松，梅，竹，菊來代表唔同類別😆唔同價錢有三款自選套餐我地就點左$1️⃣9️⃣8️⃣嘅套餐四類都有齊，幾扺食👍🏻小店仲送左兩個口罩比我地，好貼心🥰（松）北海道櫻花蝦拉麵湯底夠清，唔會好重味精味，帶一點櫻花蝦香味。溏心蛋做得剛剛好，有半熟效果👍🏻 麵底份量多，麵身有咬口👍🏻 正常水準嘅一碗拉麵。（梅）串燒雞翼 雞翼外表燒得香脆，支啲檸檬汁再沈少少七味粉令味道更加提升🤩（竹）炒魷魚鬚魷魚鬚炒得入味，加左啲炸蒜係上面，非常惹味😋（菊）滑蛋吉列豬扒飯 豬扒飯份量多。吉列豬扒配滑蛋永遠都係完美嘅組合😍 佢地啲滑蛋加咗個菇同洋蔥，食落口感更加豐富。

走進小商場，竟然見到拉麵🍜呢間鋪頭食物選擇好多仲有一啲套餐方便我哋去揀😍呢度仲有一個特色，就係會派一個獨立包裝嘅口罩比客人！首先嗌左佢哋嘅王牌-札幌螃蟹拉麵($82)聽聞係老闆專登喺北海道新鮮食材運過嚟食落去相當有鮮味，仲有啲甜海鮮嘅甜味添拉麵嘅質地係黃色個隻麵質一食落去就有種熟悉嘅味道你個湯底都比較清，唔會搶走左螃蟹嘅鮮味而且湯入面都有好多細細舊嘅螃蟹所以都幾足料㗎地獄拉麵($72)因為朋友本身都幾食得辣，佢都讚呢一個湯底係幾辣，越食越上癮而且個叉燒都幾軟熟小食方面叫咗一個吉列豬扒($48)即點即炸，食落去卜卜脆、熱辣辣配埋個沙律醬，簡直係一流啊飲品方面就叫咗罐裝飲品(+$12,+$14)

我好鍾意食拉麵。香港煮得一手好拉麵的人不多。因為公司近昇悦居，lunch周不時會到這兒覓食。我沒有考究過，但這間的師父應該是日本人。Lunch需然都要8 90元，但食物豐富又好食，性價比非常高。今天遲了下班，趕不切回家煮飯，就叫家人來荔枝角試一試這間晚餐。第一次吃晚餐，原來晚市也有套餐！想也不想就點了個二人套餐，有兩個主食，兩樣小吃。意猶未盡下點了多一個小吃。主食點了一個拉麵，一個飯。拉麵指定是元拉麵。比起我平時lunch吃的Ankake拉麵沒那麼濃，不過湯底仍是滿滿的豬骨味。拉麵口感軟靭適中，豚肉也是一大塊，毫不吝嗇。飯則點了叉燒炒飯。仍是相當夠鑊氣。飯因為多肉有點油，可是放了紅薑在上面，減了點油膩。小吃點了南瓜薯餅。除了薯餅，還有椰菜在側，吃完吉列野再吃點菜，減少油脂罪惡感！南瓜蓉跟薯很配，而且吉列外皮炸得厚薄適中。餃子🥟皮薄餡靚，鯖魚不腥，最出色是牛舌。有牛味，煎得金黃剛剛好。另外也加了五元飲可樂。全是用玻璃瓶裝，懷舊得來相當夠氣。這在住宅區的小店，賣的是日本的味道。主打的拉麵煮得好食。沒想到晚餐性價比依然高，正！

Happy Friday,開心星期五，接埋麗妹放工，就響荔枝角附近搵左一家日式居酒屋🏮，試拉麵🍜同埋佢嘅日式小食。元札幌位置響荔枝角地鐵站上蓋，昇悅居商場入面。門口有個大叮噹一定認得。七點半時份，唔係太多人。相信依段時間都唔係太多人，不過都係不少街坊幫襯，可見口碑唔錯。佢既餐牌上有唔少係菜式，都係家庭式少菜。不過佢叫得元扎幌拉麵，我哋一定要試下佢。兩個人食一個二人套餐，一個招牌拉麵🍜同差燒炒飯有三款小食，我地另外左一個燒牛舌。個濃醬拉麵🍜十分唔錯，濃香醬油好傳統嘅面豉醬湯，跟拉麵好夾。拉面好彈牙。差燒又林夠晒入味。另外，個差燒炒飯非常唔錯，有鍋氣同用料十足。小食之中，南瓜餅最為出色，外脆內軟綿綿，甜甜糯糯的。總括來說，居酒式家庭小菜嘅拉麵店，抵食又好味😋。

呢排少咗約朋友食飯，難得一次去荔枝角做嘢，順便食埋飯先走。呢一間日本野都經過過好多次，發現佢價錢唔太貴，所以就試吓啦我哋叫咗個元札幌自選套餐咁佢可以包幾樣野嘅因為同朋友兩個人食，所以就叫咗一個牛肉飯同埋一個海鮮拉麵，仲有小食，就係燒魷魚鬚啦同埋燒雞翼海鮮拉麵都幾正有兩隻蝦同埋青口加埋都係大概$200 ，真係好抵。我比較鍾意食佢嘅魷魚鬚，因為燒得啱啱好，而家亦都係好新鮮咁樣笑出嚟，熱辣辣好正。朋友話晏晝食好似仲抵因為午餐平啲，可惜我唔係住呢頭如果唔係都去試吓。😆另外成間鋪頭都好有日本風味，而佢嘅餸菜亦都好似屋企煮嗰啲咁好有家的感覺，下次離開呢頭可以再試吓食其他嘢😃😃😃😃

第一次黎荔枝角食野，估唔到咁都比我食到好野喎，一入到去，就見到有食家蔡瀾題嘅字，都知唔惹小嫁啦。咁我同朋友就叫左個二人前啦，再加左兩杯啤酒。先講小食先啦，炸雞、牛舌、餃子都幾岀色，三樣裏面我自己最中意炸雞，大大舊，啱曬我呢d食肉獸，撕開完d肉，有一絲絲嘅蒸氣氤氳繚繞，係味覺同視覺嘅雙重享受！牛舌份量比較孤寒，如果可以，用串燒嘅方式上會好d，唔需要太多伴碟，好難夾，哈哈。至於主食，我地叫左元拉麵同滑蛋豬扒飯，雖然呢到叫拉麵店，但我自就中意食個滑蛋豬多d，豬排大大塊，加埋d滑蛋送飯，真係停唔到口。食左咁多油膩野，飲返杯清涼嘅啤酒真係一大享受，餐廳會比冰杯，等客人可以斟岀黎飲，幾貼心，臨走之時，更有口罩比惠顧嘅客人，更窩心！

今日黎到荔枝角，行過見到有間舖頭門面高掛紅燈籠，充滿日式風格，係千篇一律嘅舖頭入面突圍而出，吸引左我入去食個晚餐。我地叫左個二人前晚餐，就有兩個主食同三款小食，兩個人食嘅話，其實都幾飽，如果女士可能未必食得曬添！哈哈！先講拉麵，用味噌湯底，所以都幾濃味，有荀片海帶蔥花同一舊叉燒。加十蚊重可以改配其他拉麵，幾大自由度！然後係豬扒飯，豬扒大大塊，配料除左一般嘅洋蔥，重有一d菇，口感幾豐富。小食方面，叫左燒牛舌、炸雞同餃子，三樣之中最中意係炸雞，份量好足夠，不過如果可以剪成一口大小，分開幾塊食，應該會更好。餃子就比較似日式風多d，外皮唔會話太脆身，味道都偏淡。總體黎講，有種係日本食家庭式經營嘅料理店嘅感覺，幾地道。唔錯！

係香港正值抗疫之值，餐廳都少咗好多人去食。但正正係咁，先可以試到一啲平時少食既餐廳。係D2 Place行街，又唔想係果度食，唯有近近地去四小龍果邊望下。入面好多間都係連鎖大路野，但見到一間食日本野，門口又幾得意，有好大隻多啦 A夢同夾公仔機，好吸睛。入到去，環境都唔錯，有啲卡位私隱度都幾好。坐低食野傾計都得。個menu 都好多選擇最後我都係選擇咗個二人餐，因為可以揀2個主食+3個小食，小食既款式都多。但係講食物之前，呢間餐廳居然送口罩！真係抗疫恩物啊～如果買唔到，又要食飯，可能呢度都係一個選擇。^ 生啤好香花味，好女仔岩飲燒魚餅個魚餅燒得好香，魚味都唔錯，加上燒過，十分香口。吉烈蝦呢個吉烈蝦值得一試，炸得十分鬆脆、乾身、唔油。一咬落去，索一聲，入面既蝦肉又彈牙。一次過食到兩種口感。燒雞泡魚乾呢個雞泡魚乾，味道係有，但唔夠乾身。比起出面既串燒店，或者居酒屋，就略為失色。元拉麵黎到呢間以拉麵為名既餐廳，點都要試下拉麵。雖然其他食評都介紹櫻花蝦拉麵或者牛油拉麵，但套餐只有呢款，就試下啦。整體黎講，不過不失。始於唔係自選拉麵，無得選擇麵身軟硬度之類，所以未必岩自己口味。滑蛋豬扒飯最後到呢個主食

我地今晚去左荔枝角嘅元札幌拉麵店食。我地點左一份只需要$198嘅自選套餐（溫泉蛋牛肉飯+叉燒拉麵+蟹籽沙律+燒魚餅）再加鐵板牛舌同埋一隻糖心蛋，都係$289，真係好抵食，性價比極高。溫泉蛋牛肉飯。牛肉份量好多，而且牛肉味濃。溫泉蛋捉到精粹，煮到半生熟，配埋牛肉汁撈飯一流！叉燒拉麵。拉麵湯底用左豬骨湯，精心炮製，突顯出濃郁嘅豬骨味道。叉燒半肥瘦，肉感唔錯，無一般市面豬肉咁韌。鐵板牛舌。我個人黎講就好鐘意食牛舌，而鐵板燒牛舌我就第一次食，鑊氣十足。蟹籽沙律。我地叫左呢個做前菜，清清甜甜好適合開胃。燒魚餅。魚餅岩岩出爐新鮮滾熱辣，口感煙煙韌韌，魚肉味十足，完全無滲透發酵粉嘅口感同味道。糖心蛋。以$12價錢黎講，根本就係超哂班！

Good food quality, the environment spacious, with comfortable lighting.I ordered a dinner set that includes salad, miso soup, Japanese steamed egg and salmon sashimi with rice, a can of soft drink goes with the set. The scallop skirt salad was served at a reasonable portion and the seasoning went just to the point as an appetiser.The miso soup was impressive that the set meal included a bowl of Japanese steamed egg at this price. It tasted good and it was steamed together with Japanese crab meat

今天和老公去親戚家拜年，經過宇晴軒商場內的「元札幌拉麵」，見到門前的多啦A夢在歡迎我們，於是決定先食碗拉麵。店舖四周掛滿燈籠，店內也放了有很多日本小裝飾，午餐的餐牌有很多拉麵選擇。《A餐元拉麵包 + 自家製手包餃子4隻》$68A餐有一大塊半肥瘦的豚肉，拉麵麵身軟硬適中。餃子煎到金黃色，沒有過火，外皮脆，內裡肉汁多。《豬軟骨拉麵包 + 三文魚刺身》$83三文魚刺身食落新鮮，豬軟骨瘦中帶少少肥，每舊都有軟骨，軟骨也是可以咬爛的，還有半隻溫泉蛋，好吃。

過一排無食日本嘢又會想食返，咁啱過嚟呢頭見到呢間日本餐廳，望吓menu見到有咁多選擇，就急不及待咁入咗嚟啦餐廳都幾有心機喺度細節位度，例如呢隻杯同埋個vintage風嘅紙巾盒咁坐低繼續睇menu, 版版嘅嘢食都好吸引，真係目不暇給，唔係講笑由於今日太想食拉麵嘅關係，所以就叫咗呢個招牌嘅牛油拉麵，叫得招牌通常都唔會差得去邊我就叫咗醬油湯底，以免破壞咗牛油味啦一大片嘅牛油同埋厚厚嘅豚肉牛油味十分濃！豚肉亦都好有鮮味朋友就叫咗呢碗蟹拉麵，揀咗味噌湯底，湯底味道好特別，鍾意味噌湯嘅話一定要叫呢個試吓！呢間舖頭可能老闆好鍾意招財貓？裝修都見到好多招財貓嘅裝飾，而且仲有呢樽叫招財貓嘅蜂蜜汽水叫，味道幾清甜，亦都唔會甜得滯都只係24蚊，不妨一試呢個雜錦串燒有冬菇、雞軟骨、雞肉、同埋一個類似魚腐但實啲嘅串燒，唔會燒到太燶，肉汁都仲Keep到，又幾好食最後仲叫咗呢個燒多春魚，燒得恰到好處，好夠味又脆脆口咁，正！食咁多嘢先至2百幾蚊，都幾抵想食日本嘢嘅話呢間基本上咩都有，嚟呢間一定無錯

有朋友住荔枝角，去搵佢食飯，經過呢間，未食過就試試佢！牛柳溫泉蛋飯，個樣好似煲仔飯呢！份量好大（差d食唔嗮，太飽），跟餐仲有蒸蛋湯同沙拉。牛柳幾淋，有好多粒，一定夠飽。溫泉蛋流心效果good，duk落去即刻流嗮出黎😍😍😍蛋汁加上個飯本身d牛汁，非常好送飯。牛柳好令身！有明顯嘅黑椒味：蛋味道偏甜，唔算超滑但勝在足料。入面配料好多呢！加咗$38蚊要咗舊strawberry cheesecake...原來係有士多啤梨醬係上面嘅cheesecake。okay啦，唔特別推薦。d飯同定食出色好多！俾餐牌大家睇！都幾多嘢揀下！