札幌拉麵屋

Open Now

Now Closed

6月25日與友人晚上來試了1個套餐,包括:1)普通拉麵X 2-其中1個+$10轉為蔥拉麵-有2片叉燒,海帶之類,芽菜配料-麵質1般,未見彈口或有質感-大蔥絲呈白色,份量都多,但每次要食1"住"才有蔥味-湯底是味噌,濃,勝在不鹹,有肉味-份量唔少,因要留肚食甜品,食唔晒(無謂用普通嘢填飽個肚)2)3款自選小食-款式都有10多款i)日式燒賣-1碟4粒-以蟹柳絲(沒有紅色部份)包着魚肉,混有d蔥粒等作點綴-味道本是不錯,可惜第1口咬落去時,發現燒賣外熱,但個心仍然是微凍,証明加熱不足,未能熟透入心,故叫waitress來-waitress即時講了對不起,說立即拿去再蒸。望着我們碗內已咬過的燒賣,道"這两粒...",友人與我都意會到她想我們把它放回碟上4粒再蒸。我呆了呆,唔喺呱,將食過的跟未食過的撈埋1齊,咁都得?我告訴她唔想有食物污染,沒有把咬過的放回-店方當然沒有補償,碗內嗰2粒未熟透的,又唔想腸胃冒險,於是就白白犧牲了ii)日式餃子-1碟6隻-皮薄餡多,底煎得脆,不錯iii)燒雞泡魚乾-熱,燒得夠入味,又唔乾身,唔硬,好味,但份量少咗d,而且每條都唔長身(唔夠20條),不知是否套餐siz

同朋友專登0黎試, 叫了一個味噌湯底拉麵+ 4 件餃子, 牛油味噌湯底拉麵, 同share 了個雞泡魚干.幾欣賞一坐低有凍麥茶飲, 唔似得好多其他香港的日本拉麵店, 出面攝氏30 度依然斟熱茶俾你, 仲要斟到勁滿-_-"雞泡魚干(圖下) 甜甜0地, 韌韌的, 味道唔特別不過幾好食, 仲有d 帶少少mustard 味0既沙律醬, 幾開胃0既小食.味噌湯底拉麵(圖上) 湯底濃味, 唔多鹹, 都唔錯; 麵質就差d, 腍bad bad, 不及函館. 叉燒唔多掂, 無味又韌, 整體份量幾細.環境好日本feel, 不過service 麻麻, 店員做0野俾人求求其其的感覺.Overall 唔差, 不過比預期失望, 朋友則唔多鍾意. 不過相信下次如果0黎開呢頭, 可能都會幫襯的.

今日行遠咗好多來這邊LUNCH，籨未試過在這兒LUNCH 的，見到什市$38，有麵有飯，十分豐富。不過我只是要了一碗蔥拉麵，整體上屬高水準，蔥多、芽菜、海帶、筍等配菜全部足料，麵質又夠彈牙，只是味噌湯底略鎌不夠濃郁，$45 連加一，其實幾抵。

好有日本風味的一家小店～～星期一的晚上經過這裡想起食評不錯，決定一試。要了蔥拉麵，　我想大多香港人不喜歡大蔥的味道；　可是我超愛喔！！！　麵只有一塊乂燒，和日本好似呢。但對我一個不太吃肉的人來說～～～感覺是～～～超幸運喔！！！！麵上有很多蔥，和湯一起吃；非常好味。湯底很濃，又不會太salty; 味道恰到好處。麵也很彈牙，可是　水味重了點。令外～～女侍應很細心呢。我一坐下更倒熱茶給我。可能她看見我快凍死的樣子吧。別奇怪～～我是一個３２度也會覺得凍的人（只要沒有太陽）。呵呵～～～她有問其他客人要熱茶還是凍茶呢～～

要去北角辦事, 搞掂後同學仔力說我來這家拉麵, 小小的一間店沒甚麼裝修設計, 但風味十足十日本式~~~要了一個拉?和餃子, 拉麵好好味!! 湯俾我飲哂呀!! 餃子, 看住師父自家人手製做, 好新鮮!!! 同學仔話麵是札幌來的喎, 難怪這麼彈牙, 下次來這裡要叫正宗的札幌拉麵, 好喜歡粟米加牛油呢!!! 十分開心的一餐!!!

第一次去女友新office接佢放工，睇嚟以後仲有大把機會係呢頭覓食...第一站就選擇嚟呢度。佈置好傳统日式拉麵屋feel，店仔細細...女友叫咗個普通拉麵set，包一個咖喱牛肉飯，味道普通，咖喱汁有D過稀，比Oriental curry及味吉水準稍遜...自己就散叫，食個牛油拉麵再加一碟餃子。餃子味道幾地道，有濃濃蒜味，如果餡料再少D及個底再脆D就真係同响日本食嘅好相似嘞；拉麵係普通豉油湯底，跟大片牛油好似有D格格不入la(用miso湯底會好好多)；牛油好香，麵用嘅係西山拉麵，品質當然有保證；义燒偏瘦，味道普通la..可能之前對呢度有D期望，食落卻覺冇乜特別...只此一次la..

昨晚同囡囡又去呢度食麵，因為囡囡鍾意囉。一人一杯凍麥茶先，再慢慢選擇食D乜，呢度既環境好日本下，連D客人都有近一半係日本人，多日本人幫襯即係證明左呢度D拉麵夠地道囉，即係佢地食開果種。記得舊時幫襯過一間巴勒斯坦餐廳，都係咁樣。如果食慣左香港化左既日式拉麵，你可能會覺得佢D味有D唔同，不過我就覺得太過迎合本地人口味就會失食物原有既風采。今次我就叫左一個普通拉麵加咖哩飲餐，囡囡就叫左一客冷麵，另外仲叫左六隻煎餃子。餃子最先出場，隻隻都好肥大，而且煎到底部剛剛結焦，有一點點香脆但又唔會硬。跟住到咖哩飲，日式咖哩，你會食到咖哩香味，但又唔會辣。再來就是冷麵，只係賣樣已經夠吸引人啦，材料亦好豐富。最後係拉麵出場，麵質彈牙得黎唔會硬，個湯味道剛剛好，而且你飲個湯既時候會想像到好多材料，掂呀！我每次黎呢度食麵都會連湯都飲晒，咁樣係對造麵師傅既專重，同時表示碗麵好好食。

暴雨下的晚餐，想起剛才的開天殺價，現在終於可以將事件放下，靜靜的吃個冷麵。吃，有些時候不需要理由，想起酸辣的冷麵，就叫你有鼓衝動去吃，反正就腳，不必想那麼多，就一試而後快。飯市，客半滿，有點替師傅擔心，凍麥茶後點了海鮮沙律拉麵。見著小師傅煮麵到出檯，不過是6分種左右的事，心知不妙。蔬菜海鮮，麵底足而汁水亦不少，賣相真的平平，試吃一口，麵質煙韌有咬口，只拖水無冰冷，濕而微暖，沒有冷的效果；sauce稀稀的，不夠酸、辣，配著暖身的拉麵，絕不討好。或許是入秋，叫冷麵是笨，又或許是偶有失手，雖然試後不快，但還是會再去的。

唔知係咪受另一位member d食評影響,呢排成日搵拉麵食。今次黎左呢間評語唔錯既。 真係有d日本feel,隨左d裝修外,仲有d日本報紙同雜誌。坐低冇耐就見到有日本人入黎食。 我試左個豬肉拉麵,由於最近有食其他拉麵,自然有對比。肉比起利時對面果間Domon好食,味道好之餘,口感亦佳。但麵就冇咁爽口彈牙,而個湯都不錯,但domon都係好d。宜家夏天有得飲凍麥茶,不過唔岩我口味~ 鋪仔細細,得一個待應,我見待應姐姐做過不停,但佢有空閒就會自動過黎加番d茶,服務不錯。 價錢亦比tst or cwb 一帶既廉價一點,不過只是一點=o= 丫...差d唔記得講,我gf叫既係一人餐,有普通拉麵+一個細既飯。個飯係最早上的,好好食,d豬肉好入味,呢個一人餐都幾抵呢~~可以一試!

行開去北角買野, 就想起呢間拉麵館, 一出北角地鐵站轉右就到, 個星期六去到已經2點幾, 所以得3張檯有客人因為好耐未食過鰻魚, 所以我叫了一個拉麵加鰻魚飯套餐, 鰻魚飯只得兩小塊, 但係醬油味道好濃, 而且好似有少少酒味, 非常正, 應該唔係大陸鰻魚而個拉麵更加唔駛講啦, 麵底好爽唔會過諗, 湯底濃, 蔥花又多, 筍又爽脆, 再飲啖凍麥茶, 真係正呀, 喜歡日本拉麵私一定不要錯過呀!!

拉麵，有著不少回憶，識到女仔，第一次約會的指定動作就是到IFC的札幌吃串燒及拉麵，一來平，二來環境及氣氛都唔錯，最適合傾計飲野。IFC的札幌是約會最佳地方，而札幌拉麵屋則是私竇，OT或唔開心時，一條友走來吃碗麵加碟牛再加杯Ashahi是指定動作。每次來到，阿姐都會笑笑口的問想吃什麼，又每次都係個句：「麵豉拉麵同燒牛呀唔該。」，而每次來到，都總會聽到「架仔」食麵食到「o雪o雪聲」，又是拉麵屋的特色。麵豉湯拉麵，闊口大碗，配料十足，聽說不同地方，盛載拉麵用的碗都有分別，自問見識少，就得個知字；湯底較杰身，入口微黏，與IFC的札幌比較，這裡的質感較強較「厚身」，風味十足，就湯底而言，絕不比IFC的札幌差，是近幾年吃過最好的其中之一。而這裡的牛，寫著是燒，吃得出是煎的，有少少卑搵笨的感覺，切成薄薄一片，脂肪較輕，具濃烈的牛味，雖然不是燒，卻是不可不試。本來打算當日記寫完便算，唔諗住公開，但見樓下話湯底差幾皮，後生仔血氣方剛，亦忍唔要出聲，師傅小本經營，批評人家唔得時，唔該試多幾間拉麵店，再下定論吧。

終於有機會試這店子！店子門面毫不起眼，若不是見到一對日本夫婦入內，可能仍然與此店擦身而過。見傍晚六點一，店子晚市剛開始，只有我和那對日本夫婦兩枱客。是一間要「加一」的店子，店員主動添加熱茶，茶更是麥茶哩！心想：若夏天供應冰麥茶就好囉。見今天未食過蔬菜，於是點了「蔬菜拉麵」（$45，另加一）。拿了本雜誌睇，等了十分鐘，麵才上桌。以即淥拉麵而言，等十分鐘好合理。視覺滿分：賣相漂亮，配料種類顏色頗多。配料多元化，好新鮮，有海苔、大蔥、日式筍、豆芽、甘筍、椰菜、旺菜、日式叉燒片…等。真的有肉、有菜、有澱粉質。麵條彈牙，師傅淥麵手勢和麵條質素都不俗。湯底甚是鮮美，我還掏了幾口飲用。吃完整晚都唔會口渴，大概沒啥味精！？（希望猜對。）吃過這兒的拉麵，我肯定唔會再吃「味千xx」的港式日本拉麵。至於，「元祖xxxx」或「麵屋x平安」，正式淪為次選。

同男朋友叫左2碗叉燒拉麵加牛油其中一個叫左套餐,另加一碗好細既炒飯飲一飲碗拉面d湯.....只係覺得同函館相比真係爭幾皮面條同叉燒都可以~只可以話同普通連鎖拉面店比都可以試一試既~但特登黎食就唔駛囉~

今日同老婆黎呢度試下, 午餐都幾抵食, 三十八塊大圓有碗小型拉麵同一碗飯(有幾種菜式選擇), 拉麵d 湯底不俗, 好濃味噌同豬骨湯味, 正! 飯食就普通(我食炸雞), 下次要黎試下淨食拉麵!

經女友推介先抓倒既一間拉麵店。裝修間漏﹐有日本家庭式經營既感覺。試了叉燒拉麵和餃子﹐都不錯。麵質彈牙﹐湯既濃度識中。會再來的。這間店子既人流唔多﹐希望可以經營得住啦(估唔到山頭火都做唔住)。