札幌拉麵屋

Open Now

Now Closed

因緣際會, o黎左o呢度食晚飯. 叫左雜菜拉麵, 咖哩拉麵, 日式燒賣, 同一枝Asahi. 雜菜拉麵o既雜菜不怎麼樣, 而且食落有d幾油膩o既感覺, 但o係d拉麵真o係好正, 彈牙又有"麵味", 而且份量唔少, 食完碗麵真o係飽到飛起. 咖哩拉麵o係用甜而不辣o既日本咖哩, 食唔慣, 成碗麵o既味道怪怪地. 日式燒賣非常非常燙口, 塊"燒賣"皮好好味, 個餡o既味道淡左少少. 埋單多過一百七十, 老實講唔平. 六點零七點冇咩人客, 好靜但又好溫暖, 好適合傾偈. 服務同d拉麵一樣, 冇得彈.

行左成日書展離開時已經好肚餓搭巴士黎食飯叫左咖哩拉麵,海鮮拉麵,鹽燒牛舌同橙汁咖哩湯底香濃,唔太辣但D麵好似過淋而且配料過少,只得叉燒一片,少少筍同海帶如果多兩片叉燒會更好海鮮拉麵好多配料：帶子,蝦仁,雜菜一大埋,蟹柳,全部配料都好新鮮拉麵亦無咁淋身但食完覺得比橫鋼仲要差起碼橫鋼D拉麵彈牙得多不過始終都係函館係全港至好味既牛舌燒得一D都唔UN好好味除左我地呢檯之外全部都係日本人相信真係好地道

今次係北角區戰鬥完, 皇阿姐話呢間做晚餐.四個人便黎到呢度.入到去一個人都冇, 以為收舖添.論格局是港式拉麵店, 以為都係普通野.餐牌拉麵冇咩選擇, 小吃也不見特別多, 會唔會俾>_< 面?麥茶今次係熱的, 但我覺得好似凍好味的.叫左炒雜菜, 煎餃子, 燒魚餅, 日式燒賣, 另加兩碗拉麵, 包括麻辣拉麵和叉燒拉麵.炒雜菜雖不是十分出色但醬汁幾好味, 材料也新鮮.煎餃子大大隻又冇破皮冇燶到, 當然比函館的餃子好, 而且全部熱辣辣.燒魚餅我一吃便覺得似吃緊獅子狗咁, 但都算ok, 如果有少少汁或者冇咁乾身便更好.日式燒賣味道有點魚肉燒賣feel, 不過我又覺得佢少少似燒墨魚丸.侍應姐姐又推介左一款連佢都唔知咩既炸物, 佢話係有牛油, 薯蓉, 粟米等材料.還叫我地幫手改名.炸起熱辣辣夠脆,又有香濃牛油味, 的確幾吸引.至於兩味拉麵不過不失, 麻辣拉麵都辣辣地, 我一個人都未必食得哂, 味道則如咕姐話得辣冇麻.叉燒拉麵都ok, 但如果件叉燒有函館果件燒過咁正便好啦.麵身都中上, 爽口彈牙.侍應姐姐都幾識做, 得閒過黎搭下爹, 又準時上菜.行過北角區吃拉麵可以諗下呢間.

阿姐決定打完波o黎食，佢仲一早book了位，不過去到一個人都冇。拉麵選擇不算太多，我o地四個人叫了兩碗拉麵、及5款小食。先o黎係炒雜菜，這個不是有什麼特別。煎餃子，size幾大隻，煎得唔會好油又唔會太乾，味道唔錯幾有肉汁。燒魚餅-味道似獅子狗卷；日式燒買-味道怪怪的，有d似廣東式的鵪鶉蛋燒買。仲有一款係待應小姐推介的，她話係當日先推出，連名都未有。果然冇介紹錯，外脆內軟，初時以為有薯仔做材料，一咬落口好香牛油薯蓉口感，後經她介紹原來係用粟米、忌廉、牛油等材料炸成。食完後她還問我o地意見，仲笑說幫道小食改番個名。拉麵方面幸好共叫兩碗，因為份量唔小。麻辣拉麵-湯底唔夠麻辣，我估佢思意的麻辣係指面頭加了D麻辣肉碎，其實唔係麻辣，沒有麻的感動，只有少許辣味。叉燒拉麵-這個叉燒唔錯，唔會太薄冇晒口感。雖然我唔多鐘意食拉麵，但係是我近期食拉麵中，最有水準的一間。而我本人只得一樣唔鐘意的，就是得麥茶飲，冇得揀綠茶。

十二點o黎到, 得兩檯人. 開頭幾清靜, 但後o黎好多上班一族陸續o黎到, 店未滿, 都覺得好嘈. 因為要留肚食拿破侖, 我地只o係叫一個海鮮拉麵, 加一個餐, 有小碗普通拉麵同一個滑蛋雞扒飯. 我食海鮮拉麵, 麵我覺得彈牙度, "麵味" 同爽滑度都比我食過o既函館同Domon 更勝一籌. 湯不太濃, 但勝在冇咩油~ 話就話有層油可保溫同增加油潤感, 但我太怕肥油, 咁樣清清地先o係我杯茶. 失望o既o係配料得兩條蟹柳, 兩隻肉霉霉地o既蝦, 同兩隻帶子, 帶子亦鮮味不足; 其餘只o係一大堆芽菜同黃芽白.我冇食普通拉麵同雞扒飯, 但朋友食食下個飯, 個麵就o黎, 佢就開始一路食麵食到完, 同讚d麵夠粗又唔會淋bat bat! 好明顯個麵吸引d. 不過個飯賣相絕對唔差, 份量亦唔少, 加埋個麵只o係三十八蚊o係非常抵! 反而個海鮮拉麵成六十五蚊就唔太抵~服務一流, 親切; 先上凍茶, 但你要飲熱茶佢都會比你. 添茶頻密, 非常好.

同老婆話嚟好耐，今日終於嚟咗。我哋叫咗冷麵($55)，普通拉麵($38)，同埋燒雞軟骨($20)。首先要讚佢哋嘅凍茶，有玄米味又解渴。冷麵好正！麵質清爽彈牙，配上海蜇、切條叉燒、蛋絲、青瓜、紫菜絲、新鮮生菜等等，感覺好清新。至於普通拉麵，我起初都覺得奇怪，點解會咁樣改名，話自己啲嘢普通，不過食完就認為個名改得幾貼切，雖然麵質算唔錯，但係珠玉在前，給冷麵比下去，加上湯底我嫌唔夠好味，所以只算普通。燒雞軟骨方面，我哋係第一次食，雖然係即燒兼幾有咬口，但係對我哋嚟講，感覺只係一般。

午飯時間要到北角辨點公事,順道約朋友食個午餐.叫了$158套餐,包括兩碗麵,和3個小碟.貪心的我當然要加加換換啦.改了冷麵和鰻魚飯,各加$10.小碟方面魚干和餃子一定無走雞,串燒也會是坐上客.還加了牛油炒菌.$30.冷麵確實好味,麵質彈牙又夠冰涼,麵條上放滿蟹柳,蛋絲,豬肉,蕃茄,海蜇,青瓜,紅紅綠綠,酸酸的,正好解解暑.日本人會在盛夏食鰻魚飯解暑,不明何解,所以也有樣學樣試下.份量都幾多,飯很有口感,鰻魚亦好還有麵豉湯跟上,小碟方面所樣都有ok.唯一的問題是咸了點,不知關唔關天氣事? 口淡淡所以味覺有假象??希望下次可以再好一點.百多元的餐給我攪到要二百多元找數,我真過份!

最近很喜歡一首日本Mr Childen 的MTV, 內容是講述一班步入中年的好朋友, 對自己的理想作最後的爭扎, 歌曲名子好像是"Mr. Adult".中午時借意約同老朋友一聚, 一個向同一理想爭扎過的老朋友, 相約在北角碼頭等待, 微雨下著另天氣更冷, 還是來一個湯麵曖暖身子; 和朋友點了一個二人餐, 他仍是已往般的隨便, 先來了一個燒雞泡魚干, 味到鮮甜; 日本餃子, 這次有點失色, 餃子皮有點鬆開了, 餡料味道仍然不錯; 雜錦串燒包括, 大蒜, 雞軟骨, 雞翼, 冬菇, 其中雞軟骨表現香脆討好; 主角點了牛油拉麵, 牛油味道不香濃, 麵質亦一般; 意猶未盡再來一個燒開邊池魚, 肉質味道一般, 而且偏向多骨不太討好.朋友從來不解酒, 唯有簡單的點了一技啤酒自酙自飲; 其間大家談談近況, 亦談談舊日戰友們, 原來大部份已偏離了自已的理想方向, 只剩下這位老朋友仍然在努力當中; 午餐過後朋友相送到碼頭, 微雨仍是落過不停, 在船上不禁拿起相機拍拍雨景中的維港.當你年老時, 還能有一位這樣跟你一起瘋的朋友嗎?

我一個月會來一次,通常是下午放課後...我是在中環上課的但還是愛到這裡,中環也有札幌的但是貴多了100元一個set,來到這裡只要60.5元次次也是要了c set 餃子+拉麵..凍茶他們用的也是西山拉麵所以是和中環的一様的.物有所值.拉麵多蔥妤食些.

和朋友兩人去食, order 左麻辣拉麵, 煎餃子, 牛油炒草菇, 一罐雪碧, 基本上食物都唔錯, 唯獨炒草菇唔夠味, 同埋計我個總共有6客人, 但當中已有三係日本人, 感覺上呢間野都幾正宗下仲有下次一定要試香蔥拉麵, 望張相好似好好味

今日咁0岩經過，同朋友食了個年飯，一入到好，好有家庭feel，睇落都有幾多lunch set 選，我食0個個係燒雞飯加拉麵，先來燒雞飯，食落都覺唔錯，不過唯一係d燒雞唔係咁脆，跟手來個拉麵，湯底唔錯，d配菜都幾好，食完都覺得幾滿足，老闆娘都幾好人，幾好招呼，而且都見到幾多日本人來食！

心情有點低落, 約了朋友在北角午飯, 從九龍城碼頭坐小輪到北角, 趁機會吹吹海風散散悶氣; 朋友先到一步, 正在喝著清香的麥茶, 看了菜牌還是點了一個二人套餐, 當然再加一支清酒相伴, 這裡的清酒選擇不多, 隨便點了一支白雪本釀造生貯藏酒, 清爽辛口; 一客六隻的煎餃子, 皮薄餡料多汁; 雞泡魚干味道香甜, 質感柔軟和清酒十分相配; 什錦串燒, 包括了雞翼, 雞軟骨,大蒜及冬菇各一串, 雞翼十分入味, 雞軟骨味道輕清肉質爽口, 大蒜和冬菇亦香口討好; 和風冷麵材料豐富而且每次好像都有點變化, 這次有青瓜, 蟹柳, 叉燒絲, 蕃茄和海帶等等, 麵質彈牙, 汁料味道香甜討好; 清酒尚有半支, 意猶未盡, 再點一客燒鯖魚, 外皮香脆可口, 肉汁味鮮甜, 唯獨魚肉質感比較鞋了一點; 最後來的是海鮮拉麵, 拉麵彈牙湯味香濃, 海鮮料亦豐富, 包括了鮮蝦帶子和蟹柳等等, 兩個人食完豐富的午餐已經是三時許, 帶著半點醉意的乘小輪回辦公室, 船上搖搖曳曳有點令人昏昏欲睡.

從前在北角上班，LUNCH都間唔中會O黎食，轉工後，已有兩年沒來，昨晚剛巧要到北角辦點事，順利成章可以來回味一下。拉捫入去，見有三客，全是日本人，令我恍如置身日本，坐下後叫了一碗普通拉麵、燒牛舌和燒雞軟骨。拉麵個湯底好好，不太油而且都頗香濃，麵條孿孿的亦夠彈牙，最喜歡她超多芽菜同海帶，加點蒜蓉，YUMMY 呢~~可惜是燒牛舌水準大不如前，好韌同冇味，雞軟骨就燒得好好，正！

係30/10中午同朋友去食午飯，一入舖頭，沒有豪華裝修，簡樸中有家庭feel......仲幾乾淨。餃子做得唔錯，個底好脆，另外燒雞泡魚乾都唔差，唔會太乾，唔會太濕。比較特別係個海鮮沙律，味道配搭得好好，而且有o的新鮮感。返去個主打─拉麵，麵質比一般拉麵店好，配菜味道都不遜(尤其係o的筍)，畀人o既感覺唔係港式日本拉麵囉!!!

今晚同老公專程來試拉麵, 先點了個$158的套餐: 兩碗扎榥拉麵及三種小食, 由於我們選擇了其它麵款, 所以各加咗$10. 之後叫咗支Sake(其實老公只是陪我飲小小應酬吓我). 首先來了個鹽燒秋刀魚, 外皮燒得很脆很香口,肉質都OK! 而另兩個小食則打孖叫了什錦串燒(雞翼,雞軟骨,大蔥及東菇), 大蔥燒很清甜, 雞軟骨亦有水準, 香脆得來又Juicy(不會太乾), 至於東菇及雞翼不知是否遲咗吃的關係, 不大香口. 清晒啲小食後, 再追加咗個細炒飯, 味道都過得去.值得一讚是服務員非常細心及友善, 一路留意住我們吃的進度以確保出拉麵的時間啱啱好! 平心而論, 麵質的確是有水準, 爽滑兼彈牙, 並不是間間鋪都捨得用此上等貨色. 可惜的是湯底及义燒, 其實湯底的麵鼓味很濃, 斎飲湯就OK, 但同啲麵配埋就顯得唔夠咸, 另外湯面亦少了一層油, 令到碗麵欠缺了油潤感. 至於义燒就太廋, 沒有入口鬆化的感覺. 若然在這兩處上再下工夫, 就真係接近完美啦!