更紗制菓 (希慎廣場)

Open Now

Now Closed

🔸希慎地庫甜點店🔸希慎地庫自從裝修之後多咗好多新餐廳，其中仲有依間和洋麵包甜點店，雪櫃佈置戚風蛋糕，仲有超可愛嘅三角飯店，連同多款麵包，糅合西式同日式嘅結合！—— 焦糖堅果兔子脆餅 $150超可愛嘅兔兔造型😍焦糖香氣濃郁，添加大量芝麻、南瓜籽、杏仁、碧根果，口感好豐富，充滿堅果味，咬落十分酥脆—— 戚風蛋糕 $19總共有五款口味，除咗有紅茶焙茶，今次食咗士多啤梨、開心果🍓同70%濃厚朱古力。蛋糕超有空氣感，好鬆軟濕潤，有蛋香；士多啤梨味幾自然，朱古力味食落又唔會好甜—— 核桃楓糖卷 $15每層外皮包住香濃楓糖餡，綿蜜細緻，麵包面灑上唔少核桃碎—— 日本燉牛肉醬麵包 $14牛肉醬好惹味，食到淡淡肉絲，同平時西餐食到嘅肉醬意粉幾相似，好惹味—— 日本腸仔卷 $14幾特別嘅配搭，好少見係酥皮包住腸仔，熱食更加好味🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 更紗制菓(銅鑼灣)希慎廣場URBANHOOD B1樓5A號舖

超人氣飯糰蛋糕更紗制菓 Sarasei 喺主打造型別緻嘅飯糰蛋糕同三角形戚風蛋糕，仲有各式甜品杯、迷彩戚風蛋糕及天使蛋糕、麵包等.飯糰蛋糕放雪櫃可以保存大約1-2天，是新鮮製作開心果士多啤梨切件戚風蛋糕 $19好特別嘅戚風蛋糕。顏色靚靚，蛋糕質地鬆軟有微微開心果味同香濃士多啤梨味，好食呀..濃厚朱古力切件戚風蛋糕 $19最愛朱古力當然要揀濃厚朱古力口感濕潤鬆軟， 味道濃郁甜甜的.每件蛋糕都設有獨立包裝，存放在室溫環境即可焦糖堅果脆餅  $1509件裝焦糖堅果脆有兔仔及貓貓造型，我就揀咗兔仔型外層薄脆威化餅皮，配上香脆焦糖和堅果碎大小朋友都喜歡，入口夠香脆口感，味道香甜焦糖味。.意式芝士飯糰蛋糕 $29飯糰蛋糕有忌廉同蛋糕，加上有咖啡口味、芝士Cream味道.曲奇忌廉飯糰蛋糕 $29曲奇忌廉味，中間忌廉夾住曲奇餅碎中間夾有麻糬，口感好特別又煙靭最底層有朱古力脆脆 .更紗制菓 Sarasei銅鑼灣希慎廣場URBANHOOD B1樓5A號舖

星期二晚行過希慎 basement, 見到D蛋糕好吸引，問咗銷售員D飯糰蛋糕可以多久，佢話可以放2-3日，佢仲提議可以試戚風蛋糕，唔使放雪櫃。結果買咗4件飯糰蛋糕及3件戚風蛋糕，返到屋企先發現，其中3件飯糰蛋糕都係今日（25號）到期的，另外一件就過兩日（27號）先到期。我都明白鋪頭都會賣咗D快要到期貨先，但我問咗可以放幾耐，同埋又唔係買一件，都無理由俾3件仲有幾個鐘就過期的蛋糕俾我架。好彩戚風蛋糕係26號先到期D蛋糕算係幾好食，唔太甜，但$29/件就有D貴。推介三重朱古力飯糰蛋糕！

朋友生日來到了銅鑼灣希慎廣場更紗制菓 SARASEI買蛋糕慶生。 呢間蛋糕好出名的，成日見到人打卡，當然試試啦😍🍓開心果士多啤梨天使蛋糕🎂 $250外層鋪滿奶滑的忌廉，而最面層鋪了開心果碎、開心果朱古力醬和士多啤梨🍓一切開蛋糕入面見到其實是一個戚風蛋糕，入面係粉紅色+綠色 ，好特別食入口蛋糕非常鬆軟，口感綿密，蛋糕仲保持濕潤。食入口帶有淡淡的士多啤梨香味，很好食🤤@saraseink📍更紗制菓 SARASEI港島區：銅鑼灣希慎廣場、銅鑼灣怡和街、中環萬宜大廈、太古康怡廣場（南）九龍區：旺角豪坊、尖沙咀 K11 Art Mall新界區：元朗 YOHO MIX

有個儀式重嘅媽媽，就會經常有嘢要慶祝😂為感慶祝佢哋3個終於放完暑假，返哂學媽媽就有 me time 😂😂咁啱行過更紗制菓 Sarasei 見到佢哋嘅天使蛋糕有好幾款又好吸引，仲有飯團形狀嘅蛋好得意，最後就揀左 濃厚朱古力天使蛋糕 返去一齊切蛋糕！濃厚又鬆軟朱古力天使蛋糕，上面左濃醇的朱古力醬 及柔滑朱古力忌廉，仲有香脆黑朱古力片，每啖都係濃濃朱古力味道，都係小朋友嘅至愛！朱古力口味濃而不膩，甜度剛好，軟綿綿嘅戚風蛋糕好好味！

下星期就到黃豆5歲生日🎂 今年我俾佢自己揀鍾意食既蛋糕🍰 最後佢揀左更紗制菓 @saraseihk 既期間限定 —日本赤肉蜜瓜🍈蛋糕 😍😍蛋糕裏面係蜜瓜戚風蛋糕🍰配上蜜瓜忌廉😋外面當然唔少得日本赤肉蜜瓜啦🤪 呢款蜜瓜比一般香甜🤩 成個蛋糕都唔覺得好甜膩👍🏻👍🏻 佢果然無揀錯😎更紗制菓 @saraseihk 仲有其他蛋糕 下次想試下開心果士多啤梨蛋糕 🍰聽講切出黎有幾層顏色 係吸睛款💕如果係用黎做生日蛋糕 可以即時加生日牌即時寫名🫶🏻

慶祝🥳就梗係食蛋糕啦！為慶祝大女升小學細女升K2，兩個都終於大個女啦，所以去買個佢哋鍾意嘅口味蛋糕慶祝下！放工經開希慎廣場，見到Saraseihk有賣小朋友最愛嘅濃厚朱古力味天使蛋糕，唔洗諗，即買！之前有食過佢哋嘅超人氣飯糰蛋糕好好味同好足料！返到屋企已經急不及待要開黎睇同食啦！媽媽最欣賞係Saraseihk嘅天使蛋糕以戚風蛋糕為主體，入口軟棉棉好適合我哋，外面以香濃朱古力忌廉配襯，而且朱古力味真係夠濃唔會好偏甜，所以小朋友都好鍾意食！天使蛋糕分別有濃厚朱古力🍫、士多啤梨🍓、焦糖脆餅、榛果栗子蒙布朗及開心果士多啤梨味，下次麵要買其他口味食先😍😍呢間Sarasei除咗天使蛋糕出名之外，佢地出品嘅麵包類麵好多款式揀同好好味😋經過唔好錯呀！❤️‍🔥更紗制菓Saraseihk地點：銅鑼灣希慎廣場URBANHOOD B1樓5A號舖 @Saraseihk#Saraseihk #天使蛋糕 #濃厚朱古力 #人氣飯糰蛋糕 #麵包店 #和洋菓子 #銅鑼灣美食 #蛋糕甜品 ---

慶祝開學🤪，買咗個 #開心果士多啤梨天使蛋糕 🤭！（想食蛋糕時有一個藉口就夠😛）外層白白滑滑嘅忌廉，忌廉甜得黎唔假，好 creamy 好有質感，有啲開心果朱古力醬💚＆新鮮士蛋啤梨🍓點綴，設計簡約中有啲清新感～ 如果開心果醬可以再多少少就好😆，仲有開心果仁碎，碎碎口感切開有驚喜！粉紅＆綠嘅戚風蛋糕，非常鬆軟，又帶少少濕潤，口感好好。整體有濃郁開心果味 + 堅果香氣，搭配微酸士多啤梨❤️，無論係下午茶或飯後甜品都咁正😋～

最近有朋友生日就買咗個嚟自更紗制菓 @saraseihk 嘅天使蛋糕，佢哋傳承咗日本職人傳統手工藝，融入咗西式烘焙理念，用上進口同天然食材作為原材料，佢哋啲蛋糕好高質👍🏻 今次就食咗榛果栗子蒙布朗天使蛋糕🌰🤎 蛋糕表面覆蓋著順滑綿密嘅栗子蓉層層覆蓋，栗子蒙布朗天使蛋糕口感鬆軟，配以濃濃嘅焦糖忌廉，唔會覺得忌廉多過啲蛋糕，散發濃郁堅果香味，朋友勁like😍更紗制菓除咗有天使蛋糕，仲有賣多款麵包、飯糰蛋糕、蛋糕卷、布丁，樣樣都好吸引😝

又到左一年一度嘅周年紀念，往年都好少會食蛋糕慶祝，今年俾我發現咗呢間 Sarasei 甜點店，佢嘅蛋糕造型好靚，一於就買個天使蛋糕慶祝一吓。今次就揀咗個《榛果栗子蒙布朗天使蛋糕》，蛋糕面鋪滿一層層厚厚嘅栗子蓉，加上幾粒糖漬栗子，睇見個造型都feel到陣陣栗子味。唔單只咁，蛋糕嘅內層充滿焦糖忌廉，而且蛋糕入口口感鬆軟，口味亦唔會過甜，濃濃嘅栗子味一直停留喺口腔，真係不得了。買蛋糕慶祝當然要寫返塊牌啦，店員會按要求喺塊大大塊嘅白朱古力牌上幫你寫字，啱啱我呢個喺銅鑼灣店嘅店員手字仲好靚添😍。除左蛋糕之外，佢地仲有麵包、布丁等都相當吸引。

銅鑼灣希慎廣場有間和洋甜品嘅專門店😍😍 ✨更紗制菓 Sarasei 主打 外型可愛嘅🍙飯團蛋糕 、天使蛋糕 同埋😍戚風蛋糕🎂款款造型都色彩繽紛😍非常吸引淨係天使蛋糕都有5️⃣ 款口味選擇今次就揀咗媽咪最鍾意食嘅栗子口味🥰✨榛果栗子🌰蒙布朗天使蛋糕蛋糕表面係由綿密嘅栗子蓉覆蓋而成，栗子蓉非常香濃入口順滑，中層嘅栗子蒙布朗蛋糕，口感鬆軟配搭外層嘅焦糖忌廉🥰甜而不膩除咗蛋糕吸引之外，仲有多款麵包、甜品杯 同 脆餅禮盒🥰 鍾意和洋甜品嘅一定要試吓丫😍

位於銅鑼灣的蛋糕店。其實店舖有很多分店，當然未至於像某連鎖大牌蛋糕店般每個地鐵站總有一間，但大多熱門地區都不難看到其蹤影，要購買時算是很方便了吧!這間店舖最特色是其精緻的甜品糕點類，不論是貓貓造型或飯團造型的蛋糕仔，都使我心心念念已久呢!⋆_____ᴛᴏᴛᴀʟ ᴏʀᴅᴇʀ______⋆ ❣︎ 榛果栗子蒙布朗 $250五款口味的天使蛋糕，分別為：榛果栗子蒙布朗┆焦糖脆餅┆開心果士多啤梨┆濃厚朱古力┆士多啤梨我選了榛果栗子蒙布朗。好奇怪，小時候好討厭栗子，長大了卻喜歡~口味果然都會隨著年紀改變。蛋糕外層舖有一層栗子醬及榛果，栗子味道濃郁香甜，且帶有堅果的香氣；而底層有層薄薄的忌廉，香甜綿密，質感幼滑；忌廉下的戚風蛋糕入口鬆軟有彈性，口感濕潤，味道單純又綿密。很簡單的組合，很純綷的味道，但就是與幾間的連鎖餅店不一樣，好食又清香，至少我不會覺得嘥Qᴜᴏᴛᴀ。

依排好多朋友生日食黎食去都得嗰幾蛋糕店好想要啲新意啊😳比我發現到希慎裝修完之後多左好多小店進駐依度就係其中一間啦😍有好多款麵包同蛋糕賣佢地嘅天使蛋糕好靚 有5款口味 有榛果栗子蒙布朗 焦糖脆餅 開心果士多啤梨 濃厚朱古力 士多啤梨我揀左士多啤梨味 粉粉嫩嫩 顏色好靚 好少女💕外面有一層Cream 唔會好厚 好滑 甜度適中裡面嘅戚風蛋糕顏色好靚 食落好鬆軟 有彈性 質感好好 帶有好香好清新 士多啤梨味朋友仔收到一定好開心💕以後買蛋糕又多一個選擇啦🫰🏻

👈🏻更紗制菓焦糖堅果兔子脆餅禮盒 $150兔仔造型嘅脆餅勁可愛😍用香脆嘅餅底載住滿滿嘅堅果亦都有芝麻嘅香氣配上焦糖醬食落勁有層次楊枝甘露飯團蛋糕 $29藍莓芝士飯團蛋糕 $29好吸睛嘅造型 超級精緻 真係同飯團一模一樣樣😂用咗法式薄餅餅皮包住蛋糕楊枝甘露味味道非常清新芒果味特出仲有西米同柚子口感好豐富藍莓芝士酸酸甜甜夾住忌廉 整體就濕潤啲京都焙茶戚風蛋糕 $19皇室紅茶戚風蛋糕 $19好鬆軟嘅戚風蛋糕😆回彈力高2款茶味都幾香濃 會有餘韻Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟

前兩日去銅鑼灣行街，經過希慎廣場B1發現多咗好多唔同餐廳同蛋糕甜品店😍其中被更紗製菓嘅甜點吸引住❤️ 店舖除咗有多款甜點，仲有好多麵包選擇❣️最後我就買咗個焦糖脆餅天使蛋糕返去同屋企人一齊分享😆焦糖脆餅天使蛋糕 賣相好精緻😍表面鋪滿幼滑嘅忌廉再淋上香甜濃郁嘅焦糖醬蛋糕上面仲用咗香脆嘅朱古力🍫脆脆同朱古力片做點綴 裏面嘅戚風蛋糕 口感好鬆軟食落焦糖味香濃 味道唔會太甜🫶🏻屋企人都讚好味☺️下次要試埋其他甜品同麵包先🥰