更紗制菓 (K11購物藝術館)

Open Now

Now Closed

開心果蛋糕唔係成日有 所以經過更紗制菓見到時就買左一個返屋企😍更紗制菓嘅天使蛋糕系列有幾款味道😊我地覺得開心果味係最特別 比較少見，所以決定揀依個！開心果士多啤梨味天使蛋糕嘅表層鋪滿柔滑嘅cream，上面再有開心果醬同果粒👍🏻 入面係勁軟棉棉嘅戚風蛋糕🍰 蛋糕係粉紅色加綠色 真係勁靚😍 少女人爆發😂分別係士多啤梨味🍓同開心果味💚 唔會太甜女士/小朋友食都好岩👍🏻而且口感好軟熟鬆軟 食完都唔會覺得膩！

係尖沙咀行開街，屋企人又就嚟生日🎊經過K11 Art Mall見到主打和洋甜點嘅更紗制菓，蛋糕非常吸引，就買左個嚟試下。🎂開心果士多啤梨天使蛋糕 $250蛋糕有15cm同20cm，今次買左個細嘅嚟試下🥳開心果 | 士多啤梨 | 開心果士多啤梨天使蛋糕 | 開心果朱古力醬| 原味忌廉表面鋪滿柔滑細膩的忌廉🤍上面曬上開心果碎、香濃開心果朱古力醬🍫及新鮮士多啤梨🍓裡面粉紅色及綠色的天使蛋糕顏色鮮明😍口感鬆軟😋帶有開心果士多啤梨味道。

更紗制菓 SARASEI @Saraseihk以天然食材作為原材料💕臨近中秋！又係時候同親朋好友聚會食飯今次訂左🎂榛果栗子蒙布朗天使蛋糕 15cm 天使蛋糕鬆軟有彈性！配上綿密幼滑栗子蓉～足料製作！入口微甜！大人細佬都鍾意食更紗制菓各款烘焙產品每日新鮮製作～蛋糕、麵包款式多🎂仲有軟雪糕賣呀！😄今次我就喺尖沙咀K11分店購買📍臨近尖沙咀地鐵站#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #相機食先 #手機食先 #美食博主 #香港美食 #香港探店 #香港旅遊攻略 #香港旅遊好去處 #香港美食推薦

話咁快開咗學一個星期啦，雖然有兩日係打風🌬️但總算平安渡過，K2同P2嘅Jacey及弟弟每日都係快樂地入校門，同上年真係好大對比啊😆我都準備咗一個天使蛋糕俾兩姐弟簡單慶祝開學，以歡樂及愉快為主嘅🎂更紗制菓 Sarasei，店內除咗有包點，櫥窗仲有好多唔同款式嘅甜品同蛋糕，差啲仲以為呢度有飯團賣😳原來係飯團形狀嘅飯團蛋糕🤭好可愛呀👀鍾意食士多啤梨嘅我地，成個天使蛋糕都佈滿多汁嘅士多啤梨🍓口感食落輕盈，配埋幼滑嘅忌廉，會唔覺意食多咗㗎😋

Sarasei 傳承日本職人傳統手工藝, 融入西式烘焙理念，嚴選進口、天然食材作為原材料, 出品質素有保證👍《榛果栗子蒙布朗天使蛋糕》$250法式蒙布朗栗子蓉佈滿整個蛋糕面😍😍😍加上幾粒灑上金箔嘅糖漬栗子，睇到就知係真材實料👍蛋糕嘅內層充滿焦糖忌廉，令蛋糕味道層次更加豐富🤗而且內層戚風蛋糕入口鬆軟，味道偏淡，搭配濃濃嘅栗子味，整體調和得剛剛好，食完都唔會太過甜太過飽👍👍除咗天使蛋糕之外, 仲有包裝到好似飯糰嘅蛋糕🥰真係好得意, 買畀小朋友食一定好開心啫✨

記錄一下，今日係尖沙咀地鐵站一行出嚟見到呢間嘅啲麵包好似好好食咁，我就買咗個包，老公又買咗個朱古力蛋糕！但無留意佢買咗成個嚟食😂老公成日久唔久都會買朱古力蛋糕食！鍾意食海綿蛋糕，出邊有朱古力cream！呢個唔錯👍🏻啲朱古力好濃同蛋糕好軟！好食🌟🌟🌟🌟4其他佢好多海綿蛋糕款，仲有麵包類都有好多款，而且個個獨立包裝，好衛生！🤩新出咗牛角包脆脆，有好多味道！將個牛角包夾到扁扁！再淋啲朱古力醬或者士多啤梨醬！下次經過一定會買！⭐️

之前阿仔21個月時爸爸話不如食個蛋糕見到k11 有間叫更紗制菓既麵包蛋糕店好似幾好食所以就試吓我地今次揀左焦糖脆餅天使蛋糕佢上面配有牛奶朱古力脆脆、牛奶朱古力、焦糖醬 同埋焦糖忌廉個蛋糕真係好好食本身揀咗焦糖怕好甜但係佢嘅甜度啱啱好唔會過甜而且個蛋糕入面好鬆軟阿仔見到都流晒口水佢食完好想再食🫢🫢值得一提嘅係佢個生日牌上面嘅字店員寫得好靚爸爸表示次要再買其他味試下佢另外都仲有不同款式既麵包亦都可以一試！