沙嗲王 (Closed)

我倆都鍾情沙嗲王，因為三樣野~平，靚，正。最近我倆愛上巨脾，所以沙嗲王係我地時常想去的食店今次又再戰巨脾啦，到了目的地，不用等位，我倆坐在近窗的卡位，坐得十分舒服。(想講講其實這間分店都好大好多坐位) 1.鐵板嬌嫩巨脾飯：我倆揀配咖喱汁，巨脾保持水準依然巨大，質肉嫩滑而且勁厚身，完全沒有肥膏，食落無油膩感，輕輕鬆鬆一刀切開巨脾肉配上咖喱汁加白飯一流，係必食既。2.勁脆厚切吉列豬排配沙嗲湯底拉麵：豬扒炸得好甘香，勁厚勁脆唔油膩，拉麵好有質感，軟硬度適中，但唯一就係沙嗲湯底比較啖，濃一些既話就一絕了。3.蒜香牛油烤餅：熱烘烘的感覺唔會太乾，勁鬆脆，勁鬆軟。4.秘製咖喱薄餅：又係熱烘烘勁鬆脆勁鬆軟，加上秘製咖喱汁簡直係一流，又係必食既。5.士多啤利雪香&熱紫薯鮮奶：兩杯都完全唔掂當，勁啖囉，係完全飲唔到士多啤利味同紫薯味，一個字差。(本人推介特濃牛古力冰沙&鮮芒椰汁冰沙配西米露，包大家話正) 沙嗲王真係平靚正架，係月尾最佳之選。

超级难吃的招牌菜！之前无意走到一家餐厅，吃过白咖喱，简直是人间美味，一直心心念念再吃一次。在open rice搜了很久，也没有找到。只有沙爹王，就放在收藏夹里一直想去试试，结果难吃到爆！不知道为什么还排队😂白咖喱里放了很多姜粉，辣姜味道十足！不喜欢！店家送的代金劵全部在门口送给了其他食客。。不会再来

銅鑼灣好多野食，但無準備下就會去番食開既餐廳，2個人食到既野唔多，但都可以令人失望無下次，比起以前真係退步哂，上菜時仲好早唔係人多，但出黎既作品......有圖有真相。（可能唔岩我心意，我就唔多like啦)

最鐘意食沙喇王既白咖喱，超好味! 甜甜地又唔會太油膩，唔會食到好濟咁。個汁唔會太稀太傑~而個人鐘意食雞多過食豬，所以通常都會揀白咖哩配雞扒。不過佢既豬扒係出名d。呢間分店既環境係我最鐘意最滿意既一家。可惜依家物價騰貴，變咗覺得有 d d貴。

今午約咗2個細妹下午茶，因為有嘢要傾，所以選擇呢度，貪怇地方大D，又可以坐耐少少吾會被趕，又可以幫人順便買沙爹醬。今次，我ORDER咗個香茅豬扒拉麵，想試下沙爹湯底，其實都幾好食，沙爹湯夠香濃，麵質吾會太腍，豬扒又好腍，可能碗麵遲咗拎嚟，便咗D湯吾係好夠熱，如果熱D應該仲好，個奶茶都幾好。不過今次見個下午茶餐牌嘅餐少咗嘢揀，好似冇上次比卡超CROSS OVER果排咁多選擇，但今次吾係志在食嘢，所以冇乜所謂，碗豬扒拉麵都OK啦！

自從尖沙咀分店結業後好耐都冇幫襯過，今日去開銅鑼灣見到即刻上嚟食😋呢間店好大，假日六點幾嚟到仲有大把位。未睇餐牌已決定叫白咖喱香茅豬扒飯。惠顧食品滿$30配飲料半價。今日點咗特濃朱古力沙冰同鮮芒椰汁沙冰珍珠。豬扒飯上枱一如以往的吸引，試過幾間不同的分店，水準依然，絕對抵讚👍🏼👍🏼👍🏼豬扒質地鬆軟，香茅味好出。白咖喱汁不辣略帶少許甜味而且很濃稠，送飯無得頂。飲品有驚喜，朱古力沙冰真係幾濃而且每啖都飲到朱古力碎。鮮芒沙冰味道香甜、珍珠夠晒煙靭👍🏼

好耐都冇去食過沙嗲王，今日心血來潮想食就要去食啦上到去唔洗等位可以直入。點知見到Menu好似比以前少左D野食，而且我最愛既炸蝦餅居然冇左脆蝦棒，夠脆仲有大大隻蝦係入面蒜蓉牛油雞翼，香脆可口，醃得入味，有少許的蒜蓉牛油味，肉質嫩滑芝士焗年糕呢個就係我既最愛，每次黎都一定要叫的，濃濃的芝士味加上煙煙韌韌的年糕煙肉菠蘿鮮茄醬Pizza，味道普通，餅底薄身不過焗得太耐有少許的硬鮮芒椰汁沙冰，芒果味濃，配上煙韌的珍珠

很久無幫襯沙嘜王了。想不到招牌菜白咖喱豬扒飯也包括在午市套餐在內，午市套餐由$50起。多年無食的白咖喱豬扒水準一樣，帶甜的白咖喱汁味道多年不變，以這個價位來說是很抵食。白飯尚算大碟，我浪費地食不完😔😛 午市套餐包冷熱飲品，最驚喜的是：連荔枝特飲及青蘋果特飲也在選擇範圍之內。由於銅鑼灣此店地方比較大，1-4人於繁忙時間只需等一會兒便有位。仍然大愛他們的電子叫喚店員系統。無論落單、加單或結帳都很方便。

仲記得讀中學嘅時候，成日同同學三五成群黎「沙嗲王」食嘢，因為平靚正又可以坐得耐今日因為遲起身，就同朋友來呢度食下午茶！都幾多選擇，一見到「香茅豬扒」就眼睛發光賣飛佛！沙嗲豬扒拉麵 配 荔枝紅茶（$39）豬扒水準不變，依然係咁好食！啲香茅味真係好正拉麵都好食！雖然係下午茶，但份量都唔少呀在叫埋另一個最愛-「炸饅頭」！但呢個感覺冇以前咁好食，炸都冇以前咁鬆！總結喺銅鑼灣食下午茶，呢個價位好抵！！值得推介！記得食香茅豬扒呀

趕不及lunch便要衝出灣仔得wedding expo, 排隊買入場卷企了半個鐘. 一定要食個勁嘅下午茶補返. 講到地方闊落嘅食肆第一時間唸起通常係樓上鋪嘅沙嗲王, 位處銅鑼灣貴貴貴租嘅沙嗲王很自然開喺高層吧.日式蟹粉豆腐鍋配飯 $68肚餓上黎不會理會係咪下午茶, 香港大部分餐廳menu都圖文並茂, 其實大家都唔prefer睇大量文字. 落單大約10分鐘, 用石頭鍋裝嘅蟹粉豆腐鍋就同一碗飯一齊送上, 仍處於滾燙狀態的石頭鍋已令人即使燙咀都想即刻起動, 只見一大抓蟹肉在正中間, 以豆腐粒和更多蟹肉墊著, 金黃色正是蟹粉. 用來送飯一流, 吃至鍋底還有煙出. 單是啖啖蟹肉已值回票價了.下午茶-蒜蓉牛油雞翼 $35吃下午茶總要配個飲品, 正好叫一個份量較light的炸雞翼開心share, 這雞翼很有蒜香, 附上M記細size薯條, 茄汁也比M記多, 所有都是現叫現炸. 脆卜卜的凍荔枝紅茶不錯的冷飲, 有荔枝味亦不會甜得掩蓋了茶味.

剛去了婚展發現沒有餅卡買, 走了一圈便離開會展, 原本經過海皇粥店想吃粥, 誰知因爲我們推了bb車, 海皇的阿姐拒絕我們進店, 唉, 吃碗粥都被拒諸門外, 只好繼續往銅記方向行, 還因此可以經過「三不賣」飲返杯. 下午茶- 特選肩胛肥牛沙嗲湯幼身拉麵 $53 一次過滿足我想吃: 肥牛, 沙嗲, 拉麵的願望, 因為這個在"麵類"下午茶個column其實是自由配搭, 湯底尚有清湯/ 咖哩湯/ 冬蔭公可選, 麵更有米線/ 檬粉/ 粉絲/ made in Japan烏冬, 譚式/ 越式/ 中式/ 日式樣樣齊. 不一會肥牛拉麵送到, 還是一貫用架雙層車仔運送食物, 安全100分. 沙嗲如常地濃香, 肩胛肥牛很多塊, 鋪滿整碗, 不是薄如蟬翼的切片牛, 是厚版的, 長的肥牛. 沒太多多餘脂肪, 所以我不用特地揀出來, 拉麵份量正常得多, 至少吃完是飽的. 還保持著一向的水準.熱檸水 喜歡大杯裝的熱檸水.又有coupon了！

每個人心目中，每一間餐廳都有一樣野係必點既！例如麥當勞既雞翼，吉野家嘅三文魚蟹子飯，茶餐廳一定食沙爹牛麵🙈而我同女朋友去食沙嗲王，就一定會點白咖喱豬扒飯同沙嗲肥牛米線，不過唔知係咪太耐沒食嘅關係🤔水準真係明顯差左好多☹️白咖喱香茅豬扒飯-HKD55$白咖喱嘅香味淡左好多，味道亦都比以前冇咁濃郁☹️雖然豬扒嘅大細都係好大塊，但明顯肉質同調味上真係差左好多，我唔知係因為個廚師嘅問題，定係整體分店嘅味道都改變左，以前真係好好食架😭😭順帶一提佢哋個沙爹肥牛米線真係完全變咗另一樣野🙄🙄湯底超稀！你唔講比我聽係沙爹我都食唔出，肥牛嘅數量有少左勁多，而家連生洋蔥都慳返，其次係佢個米線煮得太淋，真係夾都夾唔到😐唉，希望係分店嘅問題啦！

沙嗲王真係好多年無踏足過，以前中學時代真係成日食，平靚正。出左黎做野，反而太多好野食選擇下，已經漸漸違忘左佢。今日去開銅鑼灣，心血來潮好想食佢個蟹粉豆腐鍋😜，七點幾黎到居然唔使等位直入。蟹粉豆腐鍋配白飯真係超級正， 個鍋夠晒熱辣辣，蟹肉都唔少喎，食到濃濃蟹粉味同咸蛋香，豆腐又夠晒滑先係68蚊！正啊！白咖哩豬扒飯，個汁更加正，雖然話唔辣，但對於完全唔食辣既我係覺得有微微辣，不過真係好野味😚豬扒有香茅味，加埋啲蔥花，洋蔥絲更加香。食完啲刺激野，好彩有杯朱古力沙冰中和下。飲到底都keep到好濃既朱古力味。食完仲有cash coupon 送，真係幾抵食，侍應服務亦非常有效率。平野都可以食到好野

差唔多十年無去過我讀書嗰陣嘅食堂-沙爹王。記得以前星期六,日同啲同學仔出街嗰陣,諗都唔駛諗就去呢度食晚飯,點解?平靚正囉!就係咁簡單！今次去到,餐牌都無咩大轉變,可能之前每次去到都係叫呢樣-白咖哩豚肉飯!當飯一上枱,以前嘅回憶即刻出番哂嚟,試下味道有無變左先。進化左,味道比以前仲正,豚肉比以前更加爽口,白咖喱汁依然保持水準,好開胃,份量又足,淨係叫呢個order已經夠飽飽,仲有飲品全部半價,價錢好合理,正!

良久都冇去沙爹王食飯，曾經沙爹王都係我中學時既飯堂，一大班朋友聚會諗唔到去邊食，就一定會黎沙爹王食飯，我記得上次黎係用寵物小精靈做主題，而家已經係一個我唔識既卡通做主題。餐牌好可愛，盡是一個個卡通人物可惜呢，因為唔認識呢個卡通人物，所以勾起唔到我既食慾～～還是乖乖地叫番最基本既白咖喱豬扒飯午市餐牌白咖喱香茅豬扒飯($54)白咖喱汁香而不辣，以前比我既感覺係辣D，係咪我而家食得辣左，haha?不過D汁用黎撈飯就一流，3塊豬扒整得岩岩好，還帶點juicy！咖喱香茅豬扒粒炒飯($57)比起上面個飯，呢款似乎遜色得多，飯粒雖用上珍珠米，且用上咖喱炒到飯粒金黃，可惜沒太大特別之處了～特濃朱古力沙冰(+$13)呢杯沙冰又幾得，雖然要加上$13有點貴，但係又幾好飲，朱古力味香濃