沙嗲王 (+WOO嘉湖二期)

Open Now

Now Closed

16:31以qr code落單 叫左2個餐 餐廳內客唔多 好多吉位 職員眼見並不忙碌 朋友既餐 約10分鐘送上 2個人食野 正常會等埋一齊先開始食 點知等極都未到 到左16:51 另一餐仲未到 問職員係咪走單 佢話跟跟 跟住又話就到 到17:00再問職員有未 又話黎緊 最後17:03送上另一個餐 烏冬涼涼地 個汁暖 唔係熱 隻蛋就完全凍既 用左32分鐘去處理一個平平無奇既烏冬 咁樣做飲食 食過一次既 都肯定唔會食下一次 仲要收加一 認真一絕👏🏻👏🏻

平日黎食早餐叫左個豬扒滑蛋公仔面 8:58分落單，9:25先到餐，仲要比錯，我+左$3轉滑蛋，最後比錯左煎蛋，搞到9:32先黎，足足半個鐘有多，係唔係特別多客既情況下都要等咁耐真係第一次，早餐時段 冇下次

好耐冇行過+WOO呢頭，原來天水圍都開咗沙嗲王。好掛住佢好出名嘅白咖喱～沙嗲牛肩胛粉絲 💰HK$70見到午餐有好多選擇，突然唔係好想食飯，所以就叫咗沙嗲牛肩胛粉絲。粉絲軟硬適中，撈埋啲沙嗲汁幾入味🤣牛肉係普通肥牛，冇乜特別～紅酒牛扒汁芝士焗牛柳粒飯 💰HK$70朋友就叫咗呢個焗飯，賣相非常之吸引，牛柳好大粒，個汁似茄汁溝咗黑椒～泰好味之叉燒豬頸肉配泰式汁(小) 💰HK$52食落去一啲都唔似豬頸肉，似叉燒多啲！但同泰式汁都幾夾～

曾經在這裡吃早餐，覺得還可以，於是找一晚來吃晚餐。人多要等位但都不太久，坐下來才出事。上菜極慢，一個白咖哩豬扒飯等了40分鐘。當人多，算了，加了溏心蛋，竟然是實心蛋黃並且不甜，就收了12元，更要加一。所以我不推薦這餐廳。

見到有$9濃蝦湯，估到唔會大碗，但好抵，我鐘意飲好熱嘅湯，呢碗就唔夠熱，不過好鮮味，好滑，性價比高。蒜香牛油烤餅兩件$4，唔諗即叫，嚟到好夠熱，預左會油啲，但好鬆脆，好香蒜味但又唔太濃，超抵食。蟹粉豆腐鍋配薄餅兩件，佢啲餅真心好心，用手撕開都唔覺油，又鬆又脆。蟹粉豆腐鍋有幾舊蟹肉，食到金沙醬，配清清地嘅豆腐，顯得好鮮味，個汁有啲杰，唔係水流流，好香濃，真係一個人食晒都冇問題😅。食極唔停芝士條，細細條，真係一口接一口，我諗叫客大都食得晒，芝士控唔使諗，必點。己前係出面成日食，但次次都係叫果啲咖哩豬扒，食到悶。估唔到幾年後多左咁多新菜式，天水圍呢間做得幾好，唔怪得咁多人排隊。

見到嘉湖銀座裝修完過去望吓好耐冇食過沙嗲王啦仲有啲舖頭未開咁就試吓佢 以前都係食荃灣嗰間分店記得當時裝修都係比較昏暗我記得以前食係好似好多選擇而家就唔知係咪新開選擇比較少 裝修都比較新潮同以前風格好唔同叫咗佢推介嘅蟹粉豆腐煲！以前冇食過呢個菜！一個人食啱啱好！佢啲蟹粉超級好食係會令人想一食再食成個汁都好入味！好鬼死香！豆腐超級滑 入口即溶！難怪係三大推介之一！另外配埋白飯撈埋啲汁一流真係齒頰留香😚😚

在上年平安夜，我跟兩位好姊妹，去天水圍銀座站的嘉湖海逸酒店 Christmas Staycation！ 當我哋3個女人煩惱食咩聖誕節早餐，經過+WOO 嘉湖商場二期 <沙嗲王> 有早餐供應！這裡都幾大，又好多枱，就算當日公眾假期都不用等位！早餐多選擇價錢又合理！衛生方面，店員推車仔送餐，每杯熱飲也用杯蓋蓋上，保溫又衛生！值得一讚！聖誕節早餐台灣櫻花蝦雪菜肉絲米線 $36櫻花蝦的蝦殼含有鈣質，雪菜肉絲的雪菜好豐足，米線份量滿滿，入口煙韌掛湯，整體惹味！蒜香烤餅 & 滑 Lulu 炒蛋略嫌蒜香烤餅不夠熱，勝在蒜香十足！滑 Lulu 炒蛋富蛋漿，水潤嫩滑！啱我心水呀！熱奶茶口感香滑順喉，茶味與奶味平衡！

我又要鼓勵大家做沙爹王會員😂，生日月有得減$50。母親節一定多人出去食飯，早啲食先係明智嘅選擇😁沙嗲王真係一間質素幾穩定嘅餐廳，佢個二人餐都幾抵食，基本上次次都叫。今次母親節沙嗲王有個優惠加$1有芝士蟹蓋，我初初以為得一舊，雖然佢個圖係有三粒，點知上菜果陣真係同張相一樣喎🤭，蟹蓋入面有啲海鮮蓉加芝士焗，味道就正正常常，不過已經好好了，差唔多送俾你食咁。佢哋嘅王牌白咖喱豬扒飯從未失手，另外Grill大雞髀都好大隻，但我地見到滑lulu黃咖喱魚同豬扒都好鬼大塊😜睇到都覺得正，不過佢嘅黃咖喱係無白咖喱咁好食。前菜嘅蒜蓉牛油雞翼好正👍🏻，芝士條就普通啲，無咩芝士味，唔係拉絲果種。兩個飲品：鮮芒椰汁沙冰配寒天波波同特濃朱古力沙冰配阿華田脆脆都好好飲👍🏻炸饅頭$25/5個都好抵食，食食下先記得影😅，佢炸得好好，外脆內軟。食哂所有野記得問佢拎雪糕🍧，我試過兩次叫二人餐都唔記得叫待應起甜品🫠，大家千祈唔蝕咗兩個Häagen-Dazs雪糕！沙嗲王今日真係冧晒檔，好多人食，又好多人叫外賣，啲外賣要等成個鐘，好多人排隊，不過呢啲特別日子大家真係要互相體諒下，單真係好多，啲員工真係無停手，但出餐真係要時間，我

白咖喱香茅豬扒飯，幾好，必點啦！濃蝦湯：味道唔錯喔！都好濃下，$9.9/碗抵啦！蒜香牛油烤餅：$4/2件，好香好好食，不過配濃蝦湯就唔好食了～泰式酸辣嫩滑鮮魚片鍋配飯，唔好食，好奇怪，似酸辣雞爪d汁煮熟左果陣味，唔啱我和屋企人嘅口味～椒鹽魷魚筒：唔好食，外面果層粉好淋，唔脆，唔會再叫，上一次叫左蘿蔔糕，都幾好鮮芒椰汁沙冰：好飲呀，仲有脆波波可以咬下！食左250+，送左支辣椒醬，仲會再去食～濃蝦湯同烤餅一定要叫

沙嗲皇一向都有質素，去間間食都差唔多我地要左個2人套餐，都幾多野食餐湯：粟米忌廉湯，加錢可以改冬陰功湯，個冬陰功湯都幾足料有蝦有青口，不過今次佢唔係咁夠熱小食：牛油雞翼3隻主食：佢地最出名嘅白咖喱豬扒飯真係好好味，果個汁嘅味道係其他地方食唔到，嘉湖呢間嘅豬扒都幾大塊，有3塊，都好新鮮炸鐵板嬌嫩巨脾飯，好大隻，啲肉都好嫩飲品：鮮芒椰汁沙冰配寒天波波特濃朱古力沙冰配阿華田脆脆甜品： Häagen-Dazs雪糕大家食完野記得拎點品，我之前成套餐成日唔記得叫甜品，蝕晒！基本上個套餐已經食到好飽，搞到成日唔記得甜品叫起。你唔講職員未必留意到你未食

20:50去到，場內有位，但都未執枱所以要等入坐。點二人套餐，但嗰app 有廣告落吾到單。最後要找職員落單，攪咗成20分鐘先落到單。上菜時見職員嘅清潔膠手套插着啲飯上菜，已經冇晒胃口。上菜嘅樣同餐牌完全有出入。嗰𠴱朱古力脆脆沙冰，還要一點脆脆都沒有。餐廳九點後就會進入清潔模式。最離譜係21:30後所有員工都不招呼。全部只顧清潔收工。想找人幫忙出雪糕，舉起手3分鐘都冇人理。有的員工看見還繼續低下頭清潔，最後要大呼一聲唔該。才有職員從門口入來看看發生什麼事。離開時還要在門口差點給濕地板跣一跤。以後都唔會再幫襯呢啲餐廳。

同細佬去左沙嗲王食野晚市都幾多人等左15分鐘.環境好闊落上菜都好快我地叫左一個2人餐龍蝦湯超級好飲.極推薦好濃烈既龍蝦味飲完又唔會話好口渴白咖喱豬扒飯豬扒非常淋.唔會好韌咖喱好濃烈.唔會好濟肚沙嗲肥牛粉絲汁超級濃配搭粉絲超索味每一啖都係沙嗲味蟹粉豆腐鍋飯超驚喜.熱辣辣上菜豆腐非常滑.送飯一流新品叉燒豬頸肉外表極似叉燒邊位有微微焦香又唔會過肥配搭泰式醬非常特別鮮芒椰汁沙冰（配珍珠）唯一難食既飲品珍珠係未熟哂（硬既）好甜.又唔解渴

不錯沙嗲叫左2人餐，朋友既食物冇影到🤣吹水太開心連飲品都忘記左影🥕石鍋沙嗲牛⭐️⭐️⭐️⭐️☆要左粉絲，加左一拳頭芫荽$6，石鍋一上枱好大鍋呀～將成碗粉絲落左去，再加上芫荽，沙嗲勁濃郁香甜，粉絲完全索晒汁，又配上芫荽，完全昇華左，好正，牛肉都有好多塊，牛味一般，食完勁飽。🥕泰好味之叉燒豬頸肉+$18⭐️⭐️⭐️⭐️⭐️豬頸肉燒得好香口，外脆內嫩，口味偏甜，夠大碟。======詳情======沙嗲王 (+WOO嘉湖)天水圍天恩路12-18號+WOO嘉湖二期地下G01C號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #天水圍好去處 #天水圍美食 #RR天水圍 #RR茶餐廳 #石鍋沙嗲牛 #沙嗲牛 #石鍋 #牛肉 #泰好味之叉燒豬頸肉 #豬頸肉 #沙嗲 #沙嗲王

同亞女去完冒x樂園玩，就去食晚餐，銀座番新後，開咗間沙嗲王，之前朋友請我食過，都OK，所以今晚再去食，場外都滿座，大約等咗15分鐘就可以入去，二人枱真係好迫，因為張四人枱分拆兩張。用手機落單叫嘢食，但係場內冇Wi-Fi，仲要我部手機只係收到1格😂，幾艱辛先落到單。落單後，等咗30分鐘先開始有嘢食送到，不過成日上錯隔籬枱🤣，見到周邊枱枱都追單，但啲侍應已經好努力送餐。我哋第一個餸嚟喇！明明叫咗炸饅頭$23（5個）但係就變咗非洲黑媽媽饅頭😂，炸得比較黑，不過都香脆😋。💛越南春卷 $41 （3條）好脆，但入面啲餡食落好粉，好齋😅。💛白咖哩香茅豬扒飯+太陽蛋 $76 豬扒鬆軟，但唔知點解，覺得個味道食一件後，就唔想再食，白咖哩就有少少辣，煎蛋，有好香嘅蛋味👍，飯就大約一碗左右。💚椒鹽豆腐$28（4件）等咗差唔多1小時先送到，個樣炸得好肉酸，不過味道係正常嘅，只係影響視覺☺️。另外叫咗兩杯嘢飲，都好好飲❤️特濃朱古力沙冰$22 好香濃朱古力味，甜度適中，又大杯。❤️鮮芒椰汁沙冰配寒天波波 $22 好香椰汁味，啲寒天波波好得意，好有咬口，但就比較甜，勁似以前許留山。CP值：⭐️⭐️⭐️

新開天水圍分店，叫左招牌白咖哩香茅豬扒飯，唔知係廚房速度慢，還是職員上菜速度慢，星期一19：10堂食落單，等左20鐘都未有，效率有待改變。白咖喱汁只係微暖，白飯（珍珠米）夠熱，豬扒 keep住水準，夠淋&炸得酥脆。樓面人手就夠，職員仲有出餐車，但我都要等20分鐘先有嘢食，而且要加一服務費，好在有張$6優惠券抵銷返，等佢改善左先會再幫襯。去旺角分店好d， 好快，而且飯餸分開，用大碗上，非碟上，碟上就打卡靚d咁吧，個人較喜歡碗上。