沙嗲王 (金馬倫道) (Closed)

呢間沙嗲王好少食，上次嚟食應該係2019年，因為十個煲得八個蓋，而家疫情，佢有特價，不過客少咗都一樣有問題，六個煲四個蓋，人手永遠都係應付唔倒飯市🤣🤣話說上年有次order 巨脾飯，12:40落單可以1:15都未到，其實我得一個鐘食lunch , 所以之後都無再嚟，今日見無乜人咁應該唔使點等就食啦，今次嚟係自己用QR code點餐，都好嘅，因為佢向來人手都唔多夠，不過online 點餐都唔太smooth, 個QR code 有啲難scan, 點咗豬扒同雞扒飯，餐有soft drink , 一個餐好快到，另一個等20mins 要催先有，雖然餐廳客人唔多，不過同樣地侍應同廚房都一樣人唔多，仲要做埋外賣，追完個飯又要追餐飲，而最後到埋單都係無嚟到杯野飲，真係無奈😑。講返啲野食豬扒嚟到唔熱嘅，而雞扒就幾好，鐵板上，熱辣辣之外仲好滑，面都燒得幾香，48蚊嚟講算幾抵食。👍

沙嗲王這間餐廳有多國菜式😍讓我一次過吃遍全世界美食🥰［芝士焗一口貝］扇貝頂層鋪滿厚厚的芝士🧀底下還有薯蓉🥔中間夾著扇貝口感豐富😋［蒜香牛油印度烤餅］這個烤餅配上咖喱汁簡直是此物只應天上有🤩餅皮不會烤得過硬或過脆是軟軟的口感~

今日出左去尖沙咀行街，先搵地方食飯。今次去左好耐無去既沙嗲王。好先進可以用手機自助點餐，看圖點餐不自覺就多點兩個小吃了。點左最新推出既，滑lulu 全日滑蛋套餐中的滑LuLu蛋香茅豬扒飯$48，另一個就點了午市套餐，白咖喱鐵板嬌嫩巨髀飯$76。香茅豬扒飯，配甜醬油很好吃，豬扒不會太干，滑蛋夠滑，有蛋味。白咖喱鐵板嬌嫩巨髀飯，鐵板熱辣辣，雞髀起了骨，很方便吃，雞肉夠淋，白咖喱汁很好餸飯。小吃就點了，越南薄皮春巻(6件)$29,和香脆芝士條(10條)$10。芝士條很脆，越南薄皮春巻很多料口感豐富。飲品就加$2就有凍青蘋果紅茶配啫喱，加兩元就有特飲，好抵，夏天飲番杯特飲透心涼。

The best Thai white curry at a reasonable price! It’s so aromatic with onion, spring onion, lemongrass and garlic! It’s slightly sweet while not too spicy. The pork chops are particularly tasty as it’s tender and juicy, while being crispy on the outside. A good place to have a quick lunch or dinner in town!

由細到大都覺得沙嗲王嘅嘢食好有水準，每次嚟到必點蟹粉豆腐鍋，撈飯一流😋上菜時仲熱辣辣，簡單嘅配搭（蟹肉+豆腐）伴隨着濃烈嘅鹹蛋黃味，配住呢個咁惹味嘅汁，食幾多碗飯都得！至於避風塘軟殼蟹口感就一般般，感覺上炸粉比例較多，蟹肉味唔夠突出🤔。

一team人去到尖沙咀食lunch, 梗係要搵間高CP嘅餐廳啦，所以我地一行4人來到位於尖沙咀金巴倫道嘅沙嗲王，上樓梯到2樓等候入座，服務員先消毒檯面，才放我們入座，夠衛生🤗之後我地都決定好吃沙嗲王signature白咖哩午市餐，用app自行落order，兩人點白咖哩豬扒飯、一人點白咖哩烏冬、最後一人點白咖哩炸爐魚飯，各人都點唔同餐飲，包括菠蘿的海、話梅密同凍檸茶，餐飲不太特別～白咖哩依然好好食，撈飯一流，烏冬相對冇咁出色，而白咖哩配炸爐魚也可以接受，但始終夾豬扒最得！4個餐扣埋coupon埋單$285，好抵！

7點幾睇完戲唔係太肚餓，開頭諗住搵間Cafe坐低食下沙律，經過沙嗲王就不如上去食啦，食碗粉又得，食小食又得。今晚三個人都唔係好肚餓，開頭諗住叫二人套餐再加嘢食，最後都冇叫。主食方面，豆腐蟹粉鍋幾好，蟹都算多，配白飯一流。另外一個主食揀咗海鮮喇沙粉絲，喇沙湯較少，粉絲煮到一舊舊有d失望。小食叫咗炸雞翼，都ok，嘢飲甜品方面不過不失。今次晚飯Overall都ok啦，如果諗唔到食咩沙嗲王都係一個唔錯嘅選擇。

去首都夾完公仔有啲餓就過咗對面，由於龍門太多人所以嚟咗沙嗲王，勝在有唔同菜式可以揀嗌咗「蟹粉豆腐鍋飯」同「肩胛肥牛拉麵」坐低慢慢食， 7pm冇咩人「蟹粉豆腐鍋飯」$76蟹粉味好重，都有少少蟹膏味，豆腐炆得入味，上菜嗰陣仲係熱辣辣滾緊，配一個白飯，一個男人食就啱啱好👍🏻「肩胛肥牛拉麵」$65+ $8 全隻糖心蛋湯底有得揀白咖喱、黃咖喱、沙嗲，面底都有得揀拉麵、米線、粉絲、烏冬，成碗野冇咩特別，拉面都唔係特別好味，所有嘢都普普通通，我覺得佢淨係值50幾蚊左右😥

一大班朋友去食沙嗲王真係好開心！如果人多去食沙嗲王確係唔錯嘅選擇，一來坐得舒服、二來又唔會趕人走、三來人多又可以嗌多d野食！朋友話呢個蟹粉豆腐粉絲煲一定要食喎，因為真係好好食每次麗都沙嗲王必嗌嘅牛油雞翼必嗌嘅仲有避風塘軟殼蟹！呢個白咖哩豬排飯其實都唔錯幾好食！小食蝦棒仲有好多野食，不過影唔哂...沙嗲王嘅野飲亦係我每次黎到必定要飲的！不得不讚呢間沙嗲王嘅服務，夠快不特止，而且職員的服務真係好貼心，真係值得一讚呀！

食一百次都唔會厭倦的白咖哩香茅豬扒飯😍通常連鎖餐廳味道麻麻同埋保持唔到水準，但沙嗲王既白咖哩香茅豬扒飯真係好正，每次食都好正保持水準，一定唔會令大家失望。咩時間都勁多客人必點的一道菜。祕製白咖哩味道又香濃充滿椰香但又唔會太咸配上熱辣辣香脆肉嫩豬扒，咁平個飯仲要用珍珠米，3個組合都好夾，次次食連汁都撈埋。真心平靚正又夠飽😂難怪一直是大受歡迎。下午茶時間：白咖哩香茅豬扒飯餐跟野飲一杯$52 （+10%服務費）

現家無左上網拎位，變得好唔方便。今日係門口排左15分鐘先可以入座。入到去點左個冬蔭功米線，平時都幾好食，但今日完全唔得。個湯完全無味，冬蔭功湯咁重口味既湯，都好似加左水咁。唔會有下次！

餐廳好闊落，燈光好光猛，坐得鬆動，環境唔會好嘈，可以邊食邊傾計。蟹粉豆腐鍋配飯($76)每次必點蟹粉豆腐鍋，沙嗲王既招牌菜，全場最好食。上菜時渣渣聲，超熱。蟹肉、豆腐同咸蛋黃味既配搭一流，好香！再拌混白飯一齊食，正！美中不足既係，食飽少少同凍左會無熱辣辣咁正，會覺得有少少膩，不過都係好味。(個人口味: 4.4+4.5/10)意大利芝士白汁焗餃子($45)即叫即焗，同豆腐鍋一樣超熱。餃子有6隻，賣相好吸引，餡既調味唔錯，唔係淡而無味，餃子都幾有肉汁，食3隻已經覺得飽。不過個人覺得白汁同餃子既配搭一般，未必會再叫。但"友人"出奇地幾滿意尼個焗餃子。(個人口味: 3.1+3.7/10)蒜香牛油烤餅($15)烤餅有3塊，好香既牛油味，微暖，口感好鬆化，唔需要沾任何醬汁都好食，好飽肚，抵食。(個人口味: 3.5/5)脆蝦棒($27)蝦棒有8件(即係4條)，比薄餅更熱。蝦捧真係有蝦肉，配他他醬好味。(個人口味: 3.2+3.7/10)埋單送現金卷，約$10送$1，留返下次用，當免加一。今餐就用左上次送既$16現金卷。

成個沙嗲王個氣氛都係第五人格 好靚😎第五人格x沙嗲王做到10月9號仲有第五人格既禮品買🙆🏻‍♀️而家仲有第五人格既特色飲品🙈黎到沙嗲王一定食我最愛既白咖哩😍👍🏻佢有得選擇白咖哩豬扒配飯或者配粉麵最後我揀左白咖哩豬扒配粉絲粉絲入哂白咖哩味道👍🏻一啖粉絲一啖白咖哩 白咖哩永遠唔會令人失望！不過粉絲對我黎講偏少 問個待應可唔可以加低答案係唔可以架🥺下次可能要叫兩碗😂而豬扒係炸過 仍然好林 好好味👍🏻

好耐無食沙嗲皇啦 今日心郁郁 心動不如行動再點個招牌菜-咖哩豬扒飯 雖然重係好好食，但飯同豬扒都細份左好多。午餐時間1230 唔洗等位 一上到去大約五成入座率左右翻食指數

2:30pm 下午茶時間又到。炎熱的天氣下，突然好想食啲香口野。最近尖沙咀沙嗲皇的主題是第五人格，幾有特色。環境不錯，上樓的，裝修好新淨，坐位多梳化位，岩哂帶著小朋友的家長。入正題，必食白咖哩豬扒飯，由於下午茶關係，是輕食份量，另送一樣小食，選擇了蒜蓉炸雞翼，連普通餐飲，$51而已，這個價錢在尖沙咀選擇無多吧。白咖哩甜甜辣辣，唔似一般咖喱汁重口味。另外的慢煮豬軟骨飯，很腍，好入味，輕食分量剛剛好，小食好香口，2款雞翼都好入味好香，好邪惡。