沙嗲王 (眾安街) (Closed)

都唔知幾耐無黎過沙嗲王 印象中沙嗲王既裝修係有海賊、有寶箱同係好暗既，今次黎到呢間好光無海賊既沙嗲王，同行朋友仲一次都未食過，我諗住介紹我食開既野比佢，見到連牌都唔同晒樣，好在大部份都仲有見2人餐有我想推薦既白咖哩同埋蟹粉豆腐鍋仲係配薄餅，253既套餐 餐湯或沙拉 可以選2個 我地選左各一黎試 個湯一般 但薯仔沙律好好食 要試下主菜點左白咖喱豬扒飯同蟹粉豆腐鍋配薄餅 本人鐘意白咖喱配薄餅 蟹粉豆腐鍋配白飯 岩岩好有我想要既野食 有小食一個 點左煙肉菠蘿pizza pizza一般般 指定飲品2杯仲有甜品 強烈建議要雪糕杯 個鮮芒西米露d芒果酸到食唔到呢個餐錢都幾多野食 2個人食夠晒飽

如果唔曉沙爹王嘅，聽個名一定會唸梗係沙嗲肥牛粉絲，串燒沙爹果D至出名。事實好味嘅又何止呢兩樣個人至愛白咖喱豬扒飯勸喻減梗肥嘅、細食嘅都千祈唔好點因為食得第一啖，你係會忍唔住食曬的。細食嘅你會唔覺意食多左，之後就會好飽好後悔㗎喇

今日冇食早餐，去完銀行做嘢已經三點幾，係時候搵下午茶食啦！行過天橋見到有人揸住廣告牌寫住沙嗲王，好耐未食過，今日試吓先！細嘅白咖喱豬扒飯加兩隻牛油雞翼再加一杯凍檸茶，成為＄55！份量剛剛好

改變了風格 重新裝修又玩食物主題 去吸引年青一代 可是食物越做越差好幾款食物減價 如雞軟骨但份量很少 ⋯有幾款熱門食物又售罄 炒蜆又無叫了一個辣肉腸pizza 一梨到 ⋯（眼都凸埋 好似比人咬左忽甘 ）同佢反映話要換過碟 ⋯佢就收走左 過10分鐘 後（竟然上反同一碟扮無事發生）重要凍埋 當客人弱智？食到背脊骨落 裝修靚左 但最緊要既食物水準越做越差 又有咩意思禁掣禁 （呼叫 ）員工 佢行過梨禁熄個掣華麗轉身就走左去 真係要比個叻佢 係荃灣尼間特別差 旺角個間都幾好

小弟係荃灣人，已經在荃灣開飯左一段日子，絕對相信一分錢 一分貨，沙嗲王已經在荃灣好多年，我此終沒有興趣去開飯，不過近年又多一間分店，門外一排一排Led 燈，我次經過都會去食飯，在大河道店平地門囗出進，方便坐輪椅出入，值得一讚環境上相比其他連鎖算是相當出色，裝修設計上看得上有花心思，在香港租金高但運用充足空間設計，自然食得舒服，而且食物用上級用料，食物調味比較甜,不過我覺得可以接受，最後好食舒服需要加一服務費。

聽講沙嗲王最緊新出左個Monster Hunter 的餐，我係Monster Hunter嘅fans，當然就要黎支持下啦，好鍾意佢食物嘅賣相，因為全部都好靚，好有遊戲嘅特色。而且全部都幾好食。藍色的咖哩好special，唔算特別辣，但係甜甜地幾好味。個玻璃杯係送既，可以帶返屋企。我叫左即燒帶骨肉，佢個雞好香，外脆內軟，肉質鮮美，非常唔錯，啲薯仔又夠林賣相亦都非常之靚。睇得出好有心思。飲品係藥水的包裝，非常正！

一出lift以為自己出錯樓層，原來沙嗲王裝修完！成間餐廳光猛哂座位之間好似無以前咁迫。首先一定要講下呢個避風塘脆豆腐差唔多每次黎都會叫😍d豆腐外脆內軟 熱辣辣加埋d香料 辣椒🌶️Jeng 仲叫咗呢個牛油雞翼，又係脆卜卜 熱辣辣讚另外叫咗個鮮茄焗豬排飯，同大家樂差唔多😂質素好少少唯一一樣唔係幾滿意就係叫咗杯熱奶茶，但上到枱係一d都唔熱😰只係小小暖。。始終天氣凍係想飲熱野，就叫咗店員換，佢就幫我叮返熱但男朋友叫凍珍珠奶茶係ok的！

呢間沙爹王係荃灣已經好多年喇！以前係海盜主題，環境比較陰暗。最近新裝修！光猛左好多！令人眼前一亮🌟沙嗲豬排同白咖哩豬排！沙嗲味對我黎講太濃同太油，鍾意食濃味野嘅朋友可能就會岩食！白咖哩就岩我口味多d！薄餅好鬆軟😋個個都話好食！炸饅頭係又平又好味嘅小食😎熱辣辣! Yummy !!避風塘軟殻蟹~好多件！！要趁熱食呀如果唔係就會lum晒🙈芒果椰汁西米露～偏甜！不過都好飲嘅😛其實沙嗲王真係幾抵食！因為每次食完都可以拎coupon 留返下次用！而且食物味道都唔錯😋推介～

午飯時間，雖然唔洗等位，但叫咗食物等咗半個鐘都未上枱，仲要追兩次都仲未上到枱，午飯時間得一個鐘，試問仲點去食丫？食物質素還可以的，不過我地叫嘅係午餐冬蔭公扎肉軟殼蟹蝦烏冬，冇咗軟殼蟹，另一碗係冬蔭公扎肉軟殼蟹蝦粉絲，唔單止冇咗軟殼蟹，連粉絲都變咗米粉，連單都落錯，真係好失望～可樂都等咗四十五分鐘先上枱，仲要係機斟果種，點解要咁耐呢？仲有碟粉卷，唔知點解個皮可以咁硬！睇怕都幾難再去呢間食第二次了，太慢了，服務太差了！

有唔少朋友同我講沙嗲王嘅大雞脾餐好食咁岩經過就上嚟試一試先因為生焗嘅關係所以等既時間都比較長因為鐵板參上先有汁揀咗個白咖喱汁另外再加左個白飯先先啱啱好夠飽-因為生焗嘅關係個雞髀比較多汁同埋嫩滑雞皮薄脆~中午食仲優惠價加2$有凍飲添

今晚頹頹地去左荃灣既沙嗲王食晚飯而家所有新裝修完嘅沙嗲王，都冇曬以前嗰啲海盜裝飾， 有時候嚟到嘅時候，都覺得同以前嘅沙嗲王，好似已經係兩回事咁！ (時間一去不回頭呀😞😞😞 )入返正題先😅我地叫左個白咖喱豬扒飯,呢個白咖哩豬扒飯簡直係佢哋嘅皇牌，每次嚟沙嗲王都一定要叫！佢個白咖哩汁，好香好濃，而且有少少辣味豬扒有三大塊，而且醃得好入味，好香濃嘅香茅豬扒味！👍🏼而且佢有跟一碗白飯，女仔食就一定夠啦！另一個必食推介就係日式蟹粉豆腐鍋，亦都係配白飯！每一次叫呢個都一定唔會失望，因為佢用個石頭燒載住啲餸所以每次上到嚟都係好熱！味道方面，佢有好多蟹肉同蟹粉係入面，好香，豆腐亦都整得好滑我哋仲叫咗個芝士椰菜花個人認為一般個汁好浠，但朋友就話好食，椰菜花夠新鮮wo😂😂😂另外我哋仲叫咗一杯鮮芒果沙冰配蘭香子每買30蚊以上嘅嘢食就可以用半價嘅價錢叫一杯飲品，所以原本呢杯48蚊嘅飲品，就變成24蚊啦一杯鮮芒果沙冰好夠味，唔會好假，而且夠凍，唔會得小小凍 好快就溶曬！埋單嘅時候，如果你食夠250蚊嘅話，就會送一支秘製辣椒油畀你，但係我哋今次食唔夠，所以就淨係得coupon！我哋今次食咗$212.3, 所以就攞

好耐無食過呢間啦…今晚晚餐就揀佢啦望望餐牌，um...不如叫個二人餐啦唔駛揀又豐富，餐湯小食主菜至甜品都有齊。餐湯就味淡左少少，小食揀左脆豆腐同脆脆蝦，香口野好食主菜就緊係白咖喱豬扒飯啦，佢既主打另一個就叫左日式蟹粉豆腐鍋配薄餅，not bad…但我覺得薄餅襯咖喱好食啲甜品都有得揀，總有款啱你

前日(31-12-2017 Sun)晏晝,同老公出旺角行之前食晏,其實想去試食滿軒,但呢兩日,接近一點都未開門,去沙嗲王,因為張慈善獎劵又有張消費滿$100.00就當$10.00o既優惠劵用,我行o黎睇吓menu先,兩個人散嗌都應該叫到$100.00,於是我先攞位等老公o黎會合,上到去,人唔多,但個女仔都要我搭枱,我要求坐另一張枱,唔俾.之後有另一組兩個人o既客人要求就得.老公o黎到,我原本想叫個咩日式豆腐泡飯加小食,但因為呢o度環境太熱,老公話唔食.OK,咁叫6” pizza,我o地揀o左:1. $34.00o既水手pizza (鮮茄芝士)芝士唔太鹹,車厘茄唔酸.味道: 3分2. $38.00o既煙肉菠蘿觧茄醬pizza明顯呢個味道豐富好多,都OK.不過兩個pizza底都係印度酥餅o個種酥皮,奇.味道: 3分3. 半價$18.00o既凍抹茶鮮奶,要西米唔凍, 抹茶味濃, 西米唔係一粒粒,而係一條條啫喱狀o既o野.味道: 3分4. 半價$24.00o既士多啤梨雪香比抹茶鮮奶更加唔凍L,但味道係唔錯.味道: 4分環境:如上面講,呢日天氣和暖,但呢o度冷氣唔夠,好熱.應該係全新裝修過,好新

今日一個人喺荃灣食lunch， 經過沙嗲王。原來有十幾年冇去過沙爹王，所以決定去幫襯及緬懷一下。叫左個午餐set: 白咖哩香茅豬扒烏冬加杯青蘋果啫喱紅茶，另追加ㄧ客雞翼小食$15。比起我以前食真係多左好多款式選擇。當然價錢亦因為通脹高左好多，而且已經無左我以前必食"沙爹牛肉粉絲"。不過仲見到有軟殼蟹，我以前係超鍾意食。 要搵日再去幫襯， 當然唔係自己一個人。

好耐冇來，好多人等位，等左一陣每枱有個電子鐘，欣賞這個服務！選擇也不少，價格夠平。人氣十大好似好吸引！！手抓餅好鬆軟，配咖哩就一流，熱辣辣好味。飲品大杯吸引，可以半價好抵，話梅青檸好解渴。芒果蘭香子好味道。綠茶珍珠好香綠茶味道，好好味呀！！春卷不是好脆。不夠熱。雞亦都ok的。白咖哩豬扒飯，豬扒夠淋身又香口，咖哩不是辣的。幾惹味的。沙律係芒果大蝦的，好味的。雞脾大隻，好滑身，啖啖肉的pizza好味，酥皮底，料多，有菠蘿同好多煙肉，好香口。我們在差唔多走時……見到枱下面有幾隻曱甴環境衛生要小心注意下