沙嗲皇城 (Closed)

今日同阿哥去食下午茶隔離間野坐滿晒, 於是黎左呢度入到去, 都幾空, 冇乜人食, 心知唔會好食得去邊我地叫左一個炒貴刁, 一個星洲炒米炒貴刁黎先, 阿哥一食, 好咸..係得咸味, 冇香味...我碟星洲炒米都係一樣, 超咸炒貴刁同星洲炒米冇分別味道一樣, 配料一樣得幾條叉燒, 同埋細細粒無味的雪蝦兩碟都係一樣超咸, 食左兩啖就唔想再食如果有人鍾意食好咸既野就去試啦!野飲方面, 阿哥要雪泉, 我要熱華田熱華田好厲害, 少粉多奶, 唔合我胃口不如改名叫"華田味牛奶"好過喇阿哥話, 成餐最好味係杯汽水我連杯華田都唔好味, 對我黎講, 最好味係杯清水服務方面, 唔覺得熱情, 冇咩特別價錢方面, $22一碟, 唔算貴但係都唔平味道方面, 對於我地兩個都覺得極差下次寧願去第二間等位, 都唔會黎呢度..總括一句..真係唔明點解咁多好評..

呢排食到唔知食咩好中午同同事一齊來呢間野食, 因為一個字... 平!20$ 就有個飯, 又有野飲(熱飲)都算抵食架啦可能因為咁既關系, 要求自然唔係好高先要講個環境外面睇, 似茶餐廳入到去, 似日本餐廳再向上睇到d燈, 似街市豬肉店感覺上成個設計有d搞鬼..除左個設計搞鬼, 原來d火計靚姐都好搞鬼..佢地又唔算衰, 都算nice.. 可能師奶的原因, 講野都好豪氣..一句就問我"喂飲咩呀".. 有趣有趣..到野食.. 都算過得去但係d咖哩就辣到我真係嘔血咁.. 可能我唔多食得辣, 唔關佢事掛.. 但係其實我本來叫白咖哩的=.="反而我同事食個沙嗲又唔係好辣喎.. 下次叫沙嗲..最後.. 乾淨就唔多得..有不明物體飛來飛去... d巾巾重有小蜘蛛整體來講都食得過既.. 20$ 重想點喎

佢最得就係個卡位d野都叫好食炸魚真係好脆, 白咖哩好食

次次去親旺角食野都頭痛,雖然旺角d食店係多,不過平靚正既就真係少之又少. 尋日睇過食評之後,決定黎試下呢度d咖喱啦,今日行到門口,見到個待應阿嬸係度招客,鋪入面得兩抬食客,其實已經有少少心知不妙,我仲安慰自已可能係時間仲早je.於是就入左去....... 我同男朋友叫左白咖喱牛肉飯同白咖喱牛腩飯,d野好快上,可能無客啦,一見到碟野,哇得個幾塊牛肉jar,牛肉下肉墊左兩寸厚既芽菜,d牛肉又唔淋又無味,d白咖喱汁稀到乜咁,我仲係d芽菜度發現一條10寸長既尼龍繩呀,仲唔止wow,我要左杯cream soda,杯野有怪味囉,我要佢換過杯可樂黎,佢好似覺得好平常咁,我懷疑呢件事對於佢地黎講好平常.唔怪得全場都無人飲汽水啦. 我求其食晒個幾片可憐既牛肉同爬左幾淡飯就埋單,個餐$28今日禮拜日仲要加一,盛惠$62 兩位,我強烈地建議大家唔好去呢間野囉, 想食白咖喱去沙嗲王啦,又多汁又多料,環境都唔知好幾多倍,今次我就當係個教訓啦....

只係食左個白咖哩牛肉同咖哩牛腩飯，整體不差，價錢幾抵，服務態度好好，好熱情，唔想食咁貴既朋友可以試下黎間。

尋日同朋友行街..then諗住去食野..係個頭行下..就見到呢間餐廳..咁我地當時都好肚餓喇..so我地唔理3721喇..入左去先算..我地開頭對呢間野既感覺都唔太ok..但d人真係好熱情囉..態度好好..!!好值得欣賞**^^我就叫左一個咖喱牛腩飯..加一杯凍奶茶..我朋友就叫左一個白咖啡牛肉飯..我以為係碟頭飯啦,,點知發覺好有係屋企食飯feel*白咖喱好好食..送飯一流=v=但咖哩就辣左小小咁啦..整體上都冇乜野..!之後愈夜反而覺得忥多人咁..!!唔錯..2個人都係60蚊..每人都係30蚊到..一餐dinner黎講算係唔錯!

諗番起,已經係第三次唻呢度食嘢,覺得都幾抵食之餘味道都唔差.嗰晚同朋友買完嘢,成九點幾都仲未食dinner,就去咗呢度食,叫咗個椰盅三人餐,包括有一碟海蜇(有d辣但真係好爽),大椰盅飯(炒底)(個炒飯幾乾身,唔記得有咩料,我都係當白飯咁食),3串雞串燒,2塊香茅豬扒(幾香幾腍),2塊蝦餅(味道不錯,係比較油),2條春卷(我個朋友似乎幾鍾意吃),一碟馬拉盞炒通菜(亦係幾好味),3杯飲品.我哋兩個人食三人餐真係食到頂住.整體上味道都唔係差,都不失為一個朋友暢談聚舊嘅好地方.

六点 三在旺角搵食,行經沙嗲皇城,想不到這個時段仍有茶餐,而且一直到七点,一於行入去試試。叫了個生熟牛肉河及香茅豬扒檬粉。牛肉河幾好,有牛肉味,豬扒又夠香脆。食完都七点,我同豬決定茶餐當晚餐,過一會餓就去食糖水。好主意!

新年有朋友請食飯，人地請，費事食貴野啦但由於度度都爆多人，最後由朋友帶左黎呢度環境唔好期望咁高，但咁既價錢，就真係叫唔差喇可惜間舖都坐唔滿一半set dinner 連加一唔使三十蚊，真係好抵仲有十幾款揀，叫左個鮑片飯，白咖厘汁，因為我唔食得太辣，都唔錯啦。另外仲叫左碟油菜同海蜇，海蜇十蚊咋，仲唔細碟添埋單兩個人，食兩個dinner set+2小菜都係八十蚊咋係旺角，夜晚想食平又飽，除左十蚊碗麵，沙嗲皇城係另一選擇

同沙嗲王無咩分別，連個名都抄足，不過白咖哩汁可以添就非常之好，送飯都正斗。

都唔算貴, 最好食既係炸雞翼同埋炸扎肉餅, 超好食, 次次去親我都必叫, 不過佢既沙爹豬扒始終都冇沙爹王好味

本來以為都ok~因為見幾多人叫good點之....可能唔應叫套餐4人叫左一個"3人椰盅套餐"+"菠蘿雜錦炒飯total$166,不算貴,但不好食>.<套餐有-椰盅飯-3串燒(有3味choose~我地叫左牛)+2炸蝦餅+3豬扖-海"節"-3汽水(完全係一杯"水"law)椰盅飯竟然同菠蘿雜錦炒飯一模一樣law....仲要無味...連個乜都食o既朋友都話難食..可想以知幾難食

好抵食喎~ 食o左以下咁多o野都只係百二蚊左右:豬扒凍檬- 檬粉唔夠凍, 個sauce係調較過o既, 我都係prefer普通o個d~ 但係個豬扒真係幾好味喎~炸札肉餅- 好香香料味, 不過幾多油~香葉包雞- 唔乾喎~ 淨係依點已經好過好多地方啦~炒通菜- 都幾大碟~

試過食什麼龍蝦套餐，頭很大，無乜肉食。呢度都幾多人，要拿拿臨食完就走。

o個度o的香茅豬扒真係好正, 無論係配飯定係粉都一流, o的豬扒又鋪到差唔多成個碗, 最緊要係佢o的豬扒係切開一片片, o岩晒o的女仔食, o個度o的白咖喱飯都好好味o架, 仲有就係o的set lunch都幾抵, 33有埋野飲, 實在正!