SAVVY

到海港城途經這餐廳, 門面雅致新款有型格, 看一看餐牌是西餐及東南亞食物, 而主餐牌當日有半價優惠, 於是入去一試.安排坐在梳化位置, 枱與枱至少有150cm, 環境舒適.點了一個頭盤沙律及兩款主菜: 頭盤: 烤爐魚柚子沙律$158柚子沙律很有東南亞風味, 加埋烤爐魚粒唔腥都幾夾味.主菜一: 燒虎蝦配灰薯及時菜$308有三隻不小虎蝦, 味道新鮮, 灰薯則跟普通薯仔味道差不多, 很特別沒有見過, 時菜味道新鮮, 這個推介可以一試主菜二: 澳洲和牛配意大利青瓜紫薯及黑椒汁$368和牛肉質嫩口, 有牛味亦有少少'羶味, 份量剛好好, 配菜有意大利青瓜, 椰菜花, 蒜頭, 洋蔥, 有驚喜的是紫薯蓉香滑. 整體不二人半價後合共$500, 在海港城加上餐廳環境價錢合理, 不過大家訂枱時要再查詢一下有關優惠

Shopping 經過被色彩繽紛的裝潢吸引，再看看原來是酒店內一間型格餐廳。一於試吓佢哋嘅中午半自助餐。價錢$268都唔算貴😛因多人而沒有影自助餐區，海鮮有蝦，青口都算新鮮，兩款中西湯有雪耳木瓜湯及周打魚湯，味道比較淡。大約有6至7款中，西，泰泠盤是個人比較喜歡，沙律吧都是基本有的材料，算新鮮！Main course 揀咗香草三文魚扒，三文魚煎焗得剛剛好，味道👍另一款是馬來西亞炸雞及炸雞蛋黃薑飯，炸雞外皮唔夠脆，肉質唔夠味，似醃得未夠。我哋楝咗加$48一杯澳洲紅酒🍷味道略甜易入口，值得一試😜加$20 一個甜品，係餐車度揀咗一個朱古力，一個粟子之後佢話要處理一下，原來佢哋都留意到booking 加咗週年紀念日所以加左一塊朱古力牌送俾我哋，呢一刻感到窩心及體貼💖

之前睇到一位食家在報紙上高度評價這裏的半自助餐和優質服務，而且價錢非常合理，雖然要過海到尖沙咀食，但是都一家老嫩去試。到達時間12:15，但發覺頭盤部份菜式已經清空，例如西式菜湯和煙三文魚。而且需要很長時間才補充。西式菜湯到第三轉補充的時候，已經發覺湯底浠了很多。頭盤有白灼蝦和一般的沙律，salami 和另外一款cold cut，再加兩款芝士左右。到了很遲的階段，應該差不多1:30後，才有小龍蝦。侍應告訴我們由於主菜烹調需要起碼半小時，提議我們盡快決定。可惜到大概12:40落單的時候，和牛便當和另外一個主菜已經全部售罄。由於餐牌起碼有四個菜式是辣的，所以剩下選擇不多。半自助餐包一杯飲料但甜品要另外加$20。總體評論：差不多是最失望一次的半自助餐。

環境優雅美觀，寬敞舒適，適合家庭朋友聚會，商務傾談。週一至週五是半自助餐，有多款主菜選擇，包括中西日式，適合不同人士口味。當日選了和牛便當，牛肉鮮嫩，飯不夠軟，配菜一般。自助餐有少量海鮮及以沙律為主，味道不錯，但款式不夠多樣化。小編沒有拍攝自助餐區，因擺盤缺乏美感，十分混亂，數盤食物共用一個食物夾，廚師上菜像茶餐廳侍應，大力拋下枱上。自助餐有少量海鮮及以沙律為主，味道不錯，但款式不夠多樣化。小編沒有拍攝自助餐區，因擺盤缺乏美感，十分混亂，頭一個小時refill 速度十分慢，整張冷盤枱可以15 分鐘只有一盤青口，其他蝦火腿三文魚麵包全部欠奉。當友善問廚師可否refill, 廚師不回答你，當你透明。向經理反映後，refill 速度有所改善甜品加$20 可選一款，侍應會推出全架甜品車向你介紹各種甜品，甚有驚喜，總括來說，餐廳硬件例如環境食物味道合格，上菜速度擺盤有極大改善空間，侍應不熟悉主菜食物內容，表達能力差，而餐廳缺乏侍應，坐下10 分鐘沒人給餐牌及給清水，這方面絕不合格！

SAVVY位於太子酒店内，於星期六日及假期提供sunday brunch，今天去了一試，雖然選擇不是太多，但沒有失望。餐廳主要提供東南亞美食，凍海鮮有波士頓龍蝦，凍蝦，麵包蟹及泰式蜆肉，全部都很新鮮，尤其是蜆肉大粒，加上泰式醬酸酸甜甜，又没有沙，很開胃，唯一不好的是龍蝦每次出的份量不多，很快便被搶光，補充速度又不快！其它的有沙律，有數款選擇，味道還可以，熱食則有燒牛肉，麥樂鷄，芝士焗雜菜，泰式豬頸肉，蒜片炒牛肉，咖喱蝦，燒鷄，沙爹串燒，义燒菜心炒飯，即叫即煮長通粉及中西餐湯，較欣賞的有咖喱蝦，味道似星洲咖喱炒蟹，很好味，那里的印度厨師笑容滿面，很nice，炒飯粒粒分明，餐湯我特别欣賞周打魚湯，很creamy，比一般大酒店毫不遜色，甜品有很多精緻甜品，欣賞的有榛子蛋糕，芝士蛋糕及士多啤梨蛋糕。最欣賞的是pass around，有專人不定時將食物送上推介，德國腸，泰式燒鷄，泰式魚餅，素菜春卷等，最有特色的是堂弄火焰橙酒芝士蛋糕及將H字牌雪糕批再加上自選配料例如杏仁，orea餅碎等，有特色。餐廳侍應服務也很專業，且笑容滿面，座位也濶落，坐得舒服，用餐時間又可以長達3小時，以價錢468加一計，

餐廳在某段時間內做主餐牌有半價優惠, 如有合適主菜可品嚐一次. 黑松露醬薯條(不是主餐牌內) 黑松露味道輕輕的, 薯條放耐了都不脆, 味道一般烤爐魚柚子沙律烤爐魚size碎濕濕, 柚子亦都不是爽口, 因為整個沙律偏濕多汁, 口感一般澳洲和牛配意大利青瓜紫薯及黑椒汁和牛肉質嫩口, 高質食材, 重牛味亦都有少少騷味. 配菜有意大利青瓜, 椰菜花, 蒜頭, 洋蔥, 分量也不少. 紫薯滑滑. 整體和牛質素有驚喜😃印度羊肉咖哩外表像顏色盤, 食物種類多元化, 滿足我每樣食少少心態😬 內有印度薄餅, 酥餅, 咖哩羊, 咖哩蘑菇, 燒雞, 炸餡角&印度米飯. 咖哩辣度屬於普通辣

最近發現咗一間海港城性價比超高嘅Lunch semi buffet，就系冇耐前先新裝嘅SAVVY❤️，哩間無論系lunch同下午茶都咁抵食，而且味道不錯，真心可以一戰✌🏻！Weekday Lunch Semi Buffet ($268/人)，可以在menu中自選main dish，然後頭盤任食。而頭盤嘅選擇良多，花甲青口鮮蝦、ham & cheese，牛油麵包、各式沙律同湯……而大大粒嘅蜆肉系我嘅最愛，食咗兩大盤。主菜1️⃣：印式秘製咖喱羊肉配烤餅，膚淺嘅我覺得系必食因為打卡實在系非常之靚。而味道當然都系高水準，遺憾系餐廳當日冇整印度手抓餅，比咗塊餡餅我哋，同烤餅冇得比，小失望😢。主菜2️⃣：日式和牛定食，哩個便當靚🍱，裡面每樣食物分量都不太多，吾會太飽。和牛🥩透出鮮嫩紅色，食落吾會太生，而個醬汁就畫龍點睛，帶出和牛鮮味。餐後甜點(+$20追加)🍰，現場職員會推住甜品車逐枱問是否需要享用蛋糕，件件都好精緻又好味🥰，之後會再post分享，不過甜品絕對系驚喜，大家要留肚食啊💗。跟餐茶或咖啡，無需額外付費，賣相靚靚👍🏻。哩個價，好似仲可以用海港城券(未核實，因為我系用Marco Polo member

想搵一個坐得舒服嘅地方，Savvy 係一個好選擇。設計時尚，入門口有bar 枱，跟住係賣甜品區，地方寬敞舒適侍應先問我哋飲sparkling water 定係still water中、西式湯各一；沙律選擇多，仲有泰式炒粉絲、柚子沙律海鮮有煙三文魚、青口、泰式炒蜆、蝦；亦有幾款芝士。中文叫定食，英文係bento，其實真係一個便當，因為全部嘢都好似預先煮好。和牛雖然好淋，但冇肉味，嚿飯已經黐住塊紫菜，蕎麥麵淋晒，椰菜放得好求其炒得幾好，唔太油；一啲都唔辣，勝在有好多帶子，個人喜歡唔太濃味加$20就有一款甜點。如果太飽，可以攞走遲啲食，就連主菜都可以打包最後歎返杯cappuccino ，細細杯已經好滿足呢！

超驚喜嘅自助餐呀！話說，香港人嘅生日、紀念日、母親節同父親節等等嘅慶祝節日都好鍾意搵間酒店嘆自助餐，所以嚟到我哋嘅週年紀念日，我哋就揀咗位於尖沙咀海港城嘅太子酒店SAVVY，SAVVY全新裝修，環境舒適，而呢度嘅週末自助早午餐選擇除咗海鮮同好多驚喜嘅pass around食物之外，每位成人同行嘅1位11歲或以下之小朋友仲可享免費用餐優惠添，性價比超晒班呀！SAVVY位於尖沙咀海港城太子酒店嘅SAVVY，近期翻新重開後，一直都喺我哋嘅bucket list之內，因為餐廳充滿格調，氣氛環境唔錯。至於SAVVY主要分為三個部份：酒吧、酒廊同我哋今次食自助餐嘅餐廳。平日嘅SAVVY提供半自助餐，而我哋今日就食週末嘅自助早午餐，餐廳分為唔同區域，有海鮮、沙律冷盤、餐湯、切肉熱葷、甜品等等之外，仲會由店員以pass around形式嘅精選食物。SAVVY會不定期更新菜單，而今日就有唔少泰國同印度菜式，一解我哋久久嘅旅行癮。海鮮講到食自助餐嘅回本之選，又點少得海鮮呢！呢度嘅海鮮有龍蝦、麵包蟹、青口、小龍蝦、大蜆。龍蝦預先開邊，肉質彈牙，仲有唔少膏，非常鮮甜！除咗龍蝦，大蜆係我哋瘋狂encore嘅海鮮

上網book, 本來以為係semi buffet, 去到問佢攞餐牌先知今日係full buffet. 怪唔得淨係啲龍蝦已經睇到好開心！好型格嘅lobby bar， 可以淨係去飲嘢。今日午餐時間大概有十格客，唔會好擠迫， 但可能因為唔係好多客，食物選擇唔係非常多，基本選擇每樣都有啲，但就擺放得幾靚幾吸引。我自己就比較鍾意龍蝦，食多幾隻已值回票價。另外蕃茄焗雜菜，焗烤牛肉都唔錯。食物質素可以接受，服務員態度殷勤一試無妨。

放工去Savvy 飲番杯cocktail, 絕對係made the day gorgeous.吧檯曲呎流線型設計, 高貴時尚,注目的燈飾,整個設計奪目耀眼 。-去得新酒吧當然要點番兩杯signature cocktailPome and Plum  以咸柑桔及巴西烈酒 cachaça 做base，加入甜甜的石榴汁同紅石榴糖漿再用海鹽調配加添韻味, ，甜中又帶有少少咸, 無論口味與賣相都引人入勝 。Yuzuvvy –橙黃色讓人一看已經超開心, 混合梅酒、柚子蜂蜜、orange juice 同清酒， 並鋪上金桔泡沫，清新怡人宜人, 甜中帶點點酸，freshy 又微妙

早聞太子酒店新餐廳SAVVY終於開業, 超讓人興奮又期待的,全新設計的餐飲空間一入Savvy 先經過設計時尚的酒吧, -繼而是優雅的酒廊即使只是aim at 飲杯cocktail 或是食件cake,也完全是無可匹敵之選。-走到最盡頭是精緻的用餐區, 設計時尚雅緻以開放式廚房設計，來自泰國、印度、印尼及本地的廚師, 就在眼前大顯身手, 最重要還是SAVVY由擁有超過 28 年經驗的總廚吳冠龍主理，由午餐、下午茶到晚市, 各款亞洲及西式風味，環保海鮮、亞洲麵食、印度食物、素食甚至無麩質食品都有,梗有一款合胃口。-週一至週五供應的lunch 以semi buffet + 主菜作為主打, 最後還有cake 作結, 各式冷盤頭盤就在眼前一覽無為,各式特色沙律, 自助沙律吧, 泰式青木瓜沙律, 印度沙律, 粉絲海鮮沙律也有芝士、cold cut 拼盤及麵包籃, 還有熱湯, 仲有凍海鮮，青口同小龍蝦、炙燒吞拿魚、泰式大蜆最重要係會源源不絕refill, 基本上每樣食少少食完一round 其實已經飽左大半, 仲有主菜arrrr~~~-至於主菜, 今次我地揀左Savvy signature 的焗香草三文

食物味道: 試咗兩個飯一個沙律，整體味道不錯，其中巴東牛肉配脆蝦片及印尼炸雞蛋配白飯十分出色，烤爐魚柚子沙律係好特別嘅配搭。食物份量: 烤爐魚柚子沙律份量十足，至於配送嘅飯，份量太少，變成餸多飯少，我覺得飯嘅份量起碼要增加50%。價錢: 以酒店餐廳嚟講，一點都唔貴，現在3:00-5:00pm入座，更加可以享有主餐牌五折優惠，今次我都係享用呢個優惠，所以覺得非常抵食。環境: 環境一流，枱與枱之間距離充足，裝修新穎，燈光以滲光為主，氣氛柔和舒適。服務: 酒店式服務，侍應有禮及殷勤。回頭指數(10分滿分): 10分

新開的餐廳，面積超大，結合了西餐自助餐和酒吧，環境看著不錯，便來一試。中午不太餓，又是一個人，便選擇了吃麵條，沒有吃自助餐。檳城叻沙是我心頭好，這裡的看著賣相還不錯，可是一嚐之下，居然是沙丁魚罐頭？便很失望。儘管麵條和湯還可以，但這個配料準時叫人震驚。不管怎樣，也是100多的一碗麵，選材過於隨意了。

以前海港城都做幾間有semi buffet都結業了，知道savvy 有semi buffet極興奮。首先savvy 的裝修靚，而且坐的空間夠大，枱與枱距離夠梳，坐椅特別舒服。食物勝價比高，semi buffet 前菜salad 選擇多，也有中湯西湯麵包，但不包甜品。甜品需要另加$20元，但係好大件低食，講真吃完兩碟salad 跟湯還有主菜，係完全吃不下甜品。主菜同事選了和牛便當，但一定不夠印度curry擺得好靚，而且原來除了羊，其他小碗內有燒雞肉，另一碗是蕃茄蝦，都煮得好好味。下次一定要再來。