泰屋

Open Now

Now Closed

好朋友生日～佢話想食泰國菜，所以就同佢搵間泰國菜館啦！叫得泰屋，應該都係正宗泰菜啩～😁🤭🦐泰式生蝦：頭盤就梗係嚟個生蝦啦！🥰啲蝦幾新鮮，大大隻…啖啖肉…非常爽脆！！賣相真係唔錯～呢set杯我平時只係用嚟當shooter用，咁樣上枱真係第一次見！🤭👍🏻😁🥠迷你小食雙拼（素春捲+炸蝦餅）：炸嘢就梗係香口㗎啦～蝦餅彈牙！春捲皮薄餡料多！份量都幾夠～點埋個泰式辣汁～一流！！🍛冬陰功鮮蝦炒飯：泰式菠蘿炒飯就食得多～咁樣炒真係第一次！！又係大大隻蝦，好爽脆！冬陰功味幾出，酸酸辣辣鹹鹹好惹味！🌿馬拉盞炒椰菜苗：馬拉盞就梗係香口啦～椰菜苗都好鮮嫩，炒得比較生，口感就比較硬身，有啲咬口！🦑酥炸魷魚鬚：朋友話豬頸肉食得多，好想食魷魚鬚，炸得好香脆，新鮮彈牙！🍹三色冰+椰汁紅豆：冰食辣嘢配返啲有花奶嘅飲品，真係可以解下辣嘅～清甜又好味！地點方便，環境都幾舒適，好彩早入座咋！坐唔夠十分鐘，陸續有客人嚟，越嚟越多…到我食飽都差不多滿座啦！所以下次嚟驚冇位，都係訂定枱好啲！

收工同朋友喺旺角揾嘢食，見到間泰國菜即管試吓🥰呢個餐廳由泰國人主理，裝修同食物味道都好正宗，好似去完一轉泰國咁🇹🇭炭燒豬頸肉 $88好正宗嘅泰式豬頸肉，燒得好香好惹味！豬頸肉係第一道菜，本身諗住等埋個炒飯一齊食，但因為實在太香，唔夠五分鐘我同朋友已經清晒成碟😂😆咖哩牛筋腩 $98一上枱聞到勁香嘅咖喱的香料味🤤牛筋腩炆得勁腍勁入味，入口即溶，好好食🥰冬陰功鮮蝦炒飯 $92見到係餐廳推薦，叫嚟試吓。一試果然冇失望！炒飯粒粒分明，唔會太濕亦唔會太乾，口感好好。冬陰功味道好香好濃，每隻蝦都好大隻，夠晒新鮮！值得一讚！椰青 $48椰青好大個，好清甜，消暑解漏一流呀，好飲又健康🤤🤤芒果糯米飯 $48最後嗌咗個芒果糯米飯作為甜品。本身諗住呢個價錢應該會好細碟，點知個份量都幾大份，芒果同糯米飯份量好足，好抵食。芒果好甜，糯米飯落咗椰漿好香，好正🥰🥰飽晒好滿足整體來講，值得一試再試🥰🥰食物真係好正宗，好抵食！環境好舒服，坐得好安心👍泰屋 (旺角)旺角彌敦道726號2樓

旺角📌 【 泰屋 】旺角彌敦道 726 號 2樓收工同閨蜜一齊去好耐都冇行過嘅花園街 Shopping ( 記得讀書嘅時候成日都會去花園街買衫 )，行到差唔多 9點都未食晚飯 😂 上網見近近哋，環境又寬敞，就揀咗【 泰屋 】開餐 🍽️ ·𖧷˚金柚鮮蝦沙律 $98呢個沙律係 Menu 👍🏻 推介，本身都有擔心啲柚子會唔會唔甜？ 點知柚子清甜之外，啲蝦仲大大隻，爽口彈牙，面頭鋪滿蒜粒同埋腰果粒，呢個真係好推介 👍🏻·𖧷˚串燒沙嗲豬 & 雞肉 (半打）$92半打串燒我地極速 KO。串燒上枱熱辣辣 ~ 勁香 🤩 重點係個沙嗲醬，花生味好香濃 😋 ·𖧷˚醃肉碎生菜包 $96醃肉沾滿香料，食得出有用豬油爆過啲肉碎、紫洋蔥等配料，好有鑊氣，好惹味 🔥 ·𖧷˚草原薄荷青檸梳 $38呢杯青檸冰梳打特別之處係，除咗有好 fresh 青檸味，仲有淡淡嘅薄荷香味，別有一番清新 🌿 ·𖧷˚龍眼冰 $38龍眼冰非常清甜，龍眼肉又大大粒，有咬口，超 juicy，好好飲 🤎·𖧷˚鮮芒果糯米飯 $48芒果鮮甜已經好加分，糯米飯係鴛鴦糯米配搭 ~ 口感滿分。我同閨密兩個女仔一人一半 share ，真係超滿足。呢個芒果糯

好耐冇去過泰國旅行啦，今晚好想食泰國嘢，朋友帶我嚟呢間位於旺角嘅泰國餐廳，裝修環境都好舒服乾淨👍🏻🌿泰式香葉肉碎炒飯呢個炒飯辣辣哋好惹味，炒飯係粒粒分明，調味有泰式香葉嘅香氣，每啖炒飯都伴隨住好多肉碎，完全還原泰國食到嘅味道呀🥩黃咖喱羊腩呢個黃咖喱係限量供應㗎，所以有個陣一定要叫嚟試吓。羊肉唔會好羶，肉嘅份量都好多，唔會好肥，咖喱味道唔算好辣，配菜仲有薯仔、甘筍同埋西蘭花🍗泰式香茅燒雞半隻呢個燒雞好好味，因為即叫即燒所以都要等一陣，雞皮係好香脆，係炭火燒個隻，唔會燒到太燶，但雞肉仲保留到好juicy，半隻真係唔夠喉呀！🥛椰汁沙冰 平時我都好鍾意飲椰汁，呢杯沙冰整得好好味，冰係好綿密個隻，唔會死甜，飲完好解渴

呢間餐廳位於旺角彌敦道，一間正宗泰國菜餐廳。我地嗌左4樣食物。泰式金邊粉香辣的金邊粉，配上豐富的配料和獨特的泰式調味料，口感鮮美，辣味十足！一試成主顧！🌶️🍜馬拉盞椰菜苗椰菜苗經過香濃的馬拉盞炒製，帶有微辣的味道和濃郁的椰香，口感爽脆，讓人回味無窮！🌿🌶️泰式生蝦新鮮的生蝦配上泰式特製醬汁，鮮甜多汁，入口即化，帶來一股清新的海鮮風味！🍤🌶️冬陰公湯酸辣鮮香的冬陰公湯，充滿了泰國的獨特風味，辣味與酸味的完美結合，讓人胃口大開！🌶️🍲泰屋的特色在於它的位置非常方便，位於旺角彌敦道2樓，對於在旺角逛街的人來說非常方便。而且價錢也不算貴，可以在舒適的環境中品嚐到道地的泰國菜。泰屋絕對是一個讓人垂涎三尺的餐廳選擇！🌶️🍛

旺角彌敦道726 號 出名成幢食堂位置方便 旺角東Moko出天橋 行到尾 右邊電梯🛗落 就係！試試 泰美味～椒鹽雞軟骨 $72有好多配料 配 炒 洋蔥🧅、辣椒🌶️、蒜🧄粒炒得香口、粒粒脆口冬陰公鮮蝦湯 $92一碗 好濃味～一隻完整大蝦🍤在內 切半小辣 既 純正冬陰公～馬拉盞炒通菜 $78用蒜🧄粒、辣椒 🌶️ 炒起 的通菜食泰國🇹🇭菜必叫蝦醬炒飯 $92好多蛋塊🍳、菠蘿🍍既炒飯好配 濃味 既 既炒飯！菠蘿 🍍消除 油膩感菠蘿沙冰 $42超開胃既飲品， 酸酸甜甜 超好味😋泰國椰青$48椰青水 甜 、 仲有得玩慢慢 刮椰子🥥肉食最岩 同朋友一邊Chat 一邊食～當埋甜品🥰🥰🥰成餐 埋單唔洗$500！ 值得一試！

//🇹🇭泰屋//🆗推薦⭕️醃肉碎生菜包$96⭕️原個菠蘿海鮮炒飯 $98⭕️明爐冬陰功烏頭 $192♡̴ 醃肉碎生菜包 $96作為肉碎生菜包嘅忠實粉絲係唔可以錯過任何食生菜包嘅機會！😂呢道肉碎生菜包味道真係好好食肉碎炒到香加上本身調味酸酸甜甜包住生菜食真係好開胃啱晒唔係好鍾意食飯嘅我😗♡̴原個菠蘿海鮮炒飯 $98用新鮮菠蘿殼裝住炒飯已經好吸睛炒飯底飯粒香口粒粒分明配上新鮮嘅菠蘿肉酸甜味道啱啱好料真係好多😂有幾舊蝦、魷魚、青口，雞肉等再加埋肉鬆腰果提子乾一齊食口感超豐富！♡̴ 明爐冬陰功烏頭首先造型已經好吸引係魚型烤盤而烏頭魚肉一啲都唔腥👍🏻成個冬陰公湯底做得非常出色入口酸酸甜甜帶點微辣一路飲係會有種上癮嘅感覺🤤推薦！💰$100-200/1p⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️ ⭐️ ⭐️

Walk in試吓大量好評泰菜，晚餐時段等了20分鐘才有位。難食、難食和難食，那些好評是鱔稿？！濕炒牛河：第一口食菇，竟然食到雪味；牛肉炒老了，汁太水狀，未夠杰，仲要無味。黃咖喱雞：雞「雪」味濃，雞無皮的，似用水焯熟，加入咖喱汁上枱，大大一個碗，份量偏少，上碗時汁在碗口都沒有抹一下。酥油餅：薄薄的餅，起酥不夠，實實的，唯一可取是切好一片片，不用手撕開。馬拉盞炒椰菜苗：比我想像中細份，雖然偏鹹，但是全晚最好食的。都有優點嘅，經理時刻留意客人所需，只要一舉手，10秒內就有人幫。總結，辛苦搵嚟志在食，快餐質素，性價比低唔緊要，難食是大，大集團快餐店都處理得好過你，濃濃雪味真係接受唔到！

香芒蟹肉炒飯（$98）香芒炒飯食落，一啲都唔油。呢個好重要！咁樣就可以一碗接一碗食好多🤣蟹肉份量都幾多，鋪滿晒成個面👏🏻同埋佢啲芒果好甜，同啲飯都幾夾～冬陰功蝦湯（$92）成餐飯雞髀最鍾意就係呢個冬陰功蝦湯🤩冬陰功蝦湯係好難做到好好食㗎！但係佢做到👍🏻佢整到啲湯唔會太酸，而且飲到有椰汁味，成個湯又唔會太辣，抵讚！推薦✨炭燒扇貝4件（$92）呢個扇貝，睇得出廚師好用心整，用咗好多蒜去包住個扇貝，令到個扇貝就算燒完都唔會乾，食落去仲好嫩，好多汁！面嗰浸啲蒜係脆嘅，入面嗰浸應該係撈咗啲牛油焗，所以都幾好食👍🏻泰式牛肉湯河（$58）個湯頭熬得唔錯，幾鮮甜，飲得出有香茅味唔會太鹹😼啲牛肉係嫩牛肉，我覺得都幾好食。不過要留意番佢嘅河粉唔係我哋平時食開嘅河粉，而係用炒河粉嗰啲粗河粉🤣鮮芒果糯米飯（$48）芒果好甜好甜好甜!!!!😍雞髀覺得芒果糯米飯，最緊要係芒果夠甜🤣所以推薦！龍眼冰（$38）正常發揮，推薦叫少甜～橙汁（$28）正常發揮，都幾大杯～整體嚟講，呢間家庭式嘅泰國菜算係唔錯，啲Staff都幾友善，會主動過嚟幫你斟水👍🏻位置處於中心地帶喺旺角，都幾方便。同埋坐位都幾闊落，啱晒三五知己想食泰國

小妹今晚突然好掛住泰國菜，撞岩去旺角彌敦道726😎 呢幢大廈暗藏好多食肆，差唔多層層都有唔同國家既野食😚 今次小妹就去咗呢間泰式餐廳😋 泰屋門口放咗好多泰國特式既擺設，裝修簡單整潔，播住音樂寫真係好寫意😙干炒泰式蛋包金邊粉🍝呢個干炒泰式蛋包金邊粉絕對係打卡之選，將隻蛋煎到變左一格格花紋，真係好靚，最特別利用隻蛋包住金邊粉😚 打開時相當足料，見到幾隻蝦🦐 金邊粉炒得乾身👍🏻不錯👌🏻
泰式粉絲雜菜煲🍲無諗過呢個雜菜煲咁足料🥳 有芥蘭、紅蘿蔔，紹菜、娃娃菜、西蘭花等，好豐富🤩 仲有不同種類既菇菇，重點好多粉絲，飽肚之如又健康🥰蟹肉煎餅🫓蟹肉煎餅煎得特別焦脆，口感脆身，外層好似食蠔餅咁，仲有埋辣醬；而蟹肉本身肉厚，食落除咗蛋味，仲有啖啖肉味道👅鮮芒果糯米飯 🥭🍚以糯米+紫米而成，糯米軟綿香糯，而紫米煙韌帶香😬 連埋椰漿一齊食，每嘿味道都好有層次，份量適中，唔會太多，無特別飽膩🤭芒果🥭份量不錯，香甜，小妹覺得係必叫之選🫡熱香茅茶🫖小妹第1次似香茅茶，除咗飲到香茅味外，更有蜜糖🍯味道，十分滋潤😚呢間餐廳環境幾大，坐得舒適👍🏻 價錢實惠，份量足，絕對適合喜歡食泰國菜既朋友仔😽

今天在旺角MOKO兒童樂園同呀女玩了一個下午，體力耗盡的我突然感到一股飢餓襲來，於是決定去附近的泰屋泰式餐廳解渴解饞。泰屋位於旺角彌敦道726號2樓，裝潢簡約舒適，讓人感到放鬆。一進門就聞到了濃郁的泰國香料味道，令人胃口大開。肥牛越式湯金邊粉$50。這碗金邊粉的湯頭鮮甜，吃起來十分濃郁。肥牛充足，搭配上滑嫩的粉條。湯中還有豐富的配料，如豆芽、青蔥和香菜，增添了豐富的層次感。跟餐免費配一杯餐飲。濕炒肉片河$48。這道菜色香味俱佳，肉片炒得剛剛好，保持了肉質的鮮嫩和彈性。配料中的青椒和洋蔥提供了一些清爽的口感，與肉片的豐富風味相得益彰。搭配上一杯清涼的青檸梳打，加$6，真是解渴又開胃。泰屋 (旺角)旺角彌敦道726號2樓#泰屋 #泰式美食 #金邊粉 #肥牛湯粉 #濕炒肉片河 #旺角美食 #食評 #foodie #instafood #yummy #foodlover #delicious #foodgasm #foodstagram #foodphotography #foodblog #foodblogger #foodaddict #foodporn #foodgram #fooddi

旺中～～Sawadee Thai泰式鹵水豬手🐖🐗香氣十足，獨特泰式風味鹵水醬料更是吸引，而滿滿骨膠原！ 美顏又滋補！ 冬陰公海鮮湯🦐🦐🦐酸酸辣辣的湯，有菇菌、海鮮和大量香料，有時也頗辣，但這間餐廳的冬陰公海鮮湯調配很合當！ 最欣賞的是採用大頭蝦。大頭蝦的蝦膏很多，所以鮮味十足！ 十分推介！🌟芒果海鮮炒飯海鮮炒飯上面鋪滿芒果，臘肉同海鮮粒，份量十足，非常之豐富，而且炒飯炒得好香🙂Sawadee Thai泰屋 (旺角)旺角彌敦道726號2樓😄😄

下午茶時間叫了一碗越式墨魚丸河粉和一杯椰汁冰，椰汁冰甜到”確”喉，我要用自己水樽水沖開嚟飲。但碗河粉就完全相反，係用清水浸出嚟的！！完全冇味!!! 佢應該冇乜湯底，好似用清水，浸住一堆疊埋一舊嘅河粉，加三粒墨魚丸， 幾粒蔥.....我覺得佢哋係求其畀啲嘢你食，就算.....味道濃淡完全隨意，冇心機煮嘢

今次嚟到旺角尋食，我哋選了一間泰國餐廳試下，餐廳裝修精美，有大落地玻璃，可以望街景，有梳化位，放工時間很快就滿座了，如果想嚟食，記得訂位喇 😁印度油酥餅 (兩件)我哋叫了咖哩，所以就點了這個油酥餅，油酥餅配咖哩簡直係一絕，油酥餅係即叫即煮，熱辣辣，香脆，唔好睇佢只得兩件，其實份量都好多 😋黃咖哩羊腩黃咖哩唔係太辣，啱曬我哋啲唔係咁食得辣嘅人，咖哩煮得好好，好正宗，羊腩炆得好淋，有部分黐住骨的，那些還可以吃到他的羊骨髓，羊腩份量都好多 😍椒鹽魷魚鬚魷魚鬚炸得外脆內軟，好嘢味，飲啤酒小食一流 😚印尼海鮮炒貴刁炒貴刁炒得好好，一啲都唔油膩，海鮮種類都好多，有蝦，鮮魷，青口，海鮮好大隻，好有睇頭，貴刁炒得好有鑊氣，冇得頂 🤗鮮芒果糯米飯糯米飯熱辣辣煮得好軟熟，配埋鮮芒果，一冷一熱，好正 ☺️

泰屋Sawadee Thai餐廳位於旺角繁榮鬧市中心彌敦道726號2樓,餐廳主打泰國菜,還有很多其它東南亞菜式供顧客選擇,餐廳裝修設計簡約以泰式為主調,設有佛像擺設,還有特色牆設計,食物仲超性價比高。鮮茄牛肉飯有洋蔥炒鮮茄牛肉飯,份量都不少,蕃茄新鮮,牛肉不韌有牛味.食落酸酸甜甜.越食越開胃,餐飲熱齋啡和冬陰功餐湯。泰式海南雞撈檬撈檬配有泰式酸辣醬',微辣,海南雞有雞味,入口嫩滑。跟餐有餐湯冬陰功湯,飲品熱檸水和冬陰功餐湯。泰式豬頸肉配有泰式醬汁,有蔬菜作伴碟,不膩,食落香口。