小時光 (Closed)

之前看到過這家店的宣傳，於是今天就來試一試，沒想到中大大大伏。我試過至少6間香港的台灣菜，這家是最令人沮喪的。1. 食物質素差 沒有味道 一點都感覺不到店家的用心2. 食物不新鮮 我點的蜂蜜綠茶有一股酸味3. 食物不衛生 我竟然在我的紅燒牛肉飯裡找到兩根黑色的線（很像頭髮）4. 餐廳的位置藏在觀塘的一間工業大廈裡，非常難找，氣味令人不適。非常令人不愉悅的用餐體驗，店內工作人員雖然態度不錯，但是食物質素太差，和價格完全不匹配，不會再來。

觀塘的工廈一向都有好多美食~~今日來到這兒尋找小時光的感覺~~🎈🎈🎈全是台灣美食~~有麵、便當、蛋餅、甜品~💃款式好多~~價錢由$30幾至$80幾~~要自己到收銀處下單啊~~🙋‍♀️下完單侍應生會提供一個取餐通知機給我地~到有通知，再自助形式取餐~~🏃‍♀️自助形式斟水、拎餐具等~~(題外話: 裝修是小學學校的鐵櫃、木枱木櫈、玩具、漫畫好懷舊啊~~~🤩🤩🤩)台式三杯雞便當 ($60)🐥三杯雞味道其實是香口的~~但就跟在台灣吃到的口味有一點不一樣~~🤔麻油香不夠~~~也沒九層塔的配搭感~~🤔雞肉沒有太柴，也沒有太嫩~~🤔就是一個味道不錯的醬油炒雞~🍛🍛🍛白飯是珍珠米，口感不錯~~🍚但是醬汁比較不夠配菜也只有少少酸蘿蔔絲和菜甫加上雞肉沒有太多汁~~吃吃下飯，真的有點乾~~😶😶😶又是題外話，筷子頂是木顏色筆的樣子頗特別的啊~~~🤹‍♀️🤹‍♀️🤹‍♀️肉鬆起司蛋餅 ($40)🥚大大一份~~暖暖的~~醬汁配上木魚鋪在蛋餅上~~樣子都幾吸引的~~☺☺☺蛋餅皮比較厚身~~像是酒樓的薄撐咁~~加上雞蛋、芝士、肉鬆~~超級飽肚~~~😂😂😂薑薑好咖啡 ($38)☕薑味真的是好淡好淡~~😶😶😶咖啡也是偏淡的，不是那

呢間Cafe嘅賣點就係令食客重拾返學嘅感覺。裏面唔同嘅角落都有「課室」、「訓導室」、「留堂室」既指示牌，彷彿你就係間中學入面，感覺新鮮。連食用嘅筷子都好似顏色筆咁，雖然有啲唔慣，但都幾特別。每張枱下面都有個櫃桶，就好似你中小學時上堂用嘅枱咁，但望落都幾污糟，所以都係當裝飾，唔會真係擺嘢入去。講到食物嘅質素，好老實，真係好一般。啲鹽酥豬扒比較乾，而且麵粉皮比較多，食唔到豬扒嘅香味以及佢嘅質感。啲飯都比較硬，食到一半已經唔想再食。總括而言，呢間台灣咖啡室嘅內部裝修確實特別，我都好欣賞創辦人嘅創意。但假如食品嘅質素有改善，相信定會更多人光顧。值得一試，但不會再試。

觀塘啲工業大廈好多台灣野食, 今日嚟到都幾有名氣嘅小時光, 亦都係第一次光顧。星期五12:15pm去到竟然無人, 加上座位非常闊落, 都算舒服, 但啲櫈就比較矮。午市選擇幾多, 叫咗一個豆乳雞便當。由於我哋係第一枱客嘅關係, 廚房好似啱啱開工咁, 都等咗15分鐘先有野食一嚟到見到碟前菜有條頭髮, 印象已經麻麻便當配白飯感覺有啲寡, 如果係肉燥飯會好啲。豆乳雞因爲即炸關係, 好熱辣辣, 份量都唔少。整體嚟講, 雖然價錢唔貴, 但自助形式, 衛生又一般, 觀塘區絕對有其他更好嘅台式食品選擇。

黎到觀塘食晚餐 想食台灣野就去左食依間都幾出名既 小時光🤪上次都已經太半年前🤣想食麵類野 就叫左依個手工麵配兩款水餃🥟我就揀左韮菜豬肉同高麗菜豬肉🤪兩款都好食啊🤤另外叫左依個肉鬆蛋餃 第一次食依度既蛋餅 都幾好食😗同埋幾大份🤣🤣🤣朋友就叫左依個 美綠恐龍🤣其實係美綠黎既 $20 有d貴🥺🥺

呢一日原本約咗個中學同學去打波，但好可惜落大雨，所以改咗去食飯啊，觀塘工業大廈裏面嘅餐廳，通常都可以坐得耐啲，於是我哋就揀咗呢一間小時候啦。先講呢度嘅環境，讀書嘅感覺啲枱啊等啊，都好似中學咁，旁邊又放咗好多漫畫書，感覺好青春，而且有一種回到過去嘅感覺，瞬間好似忘掉生活壓力，歸讀書無憂無慮嘅時間。方便係有台式主打，我哋嗰日叫咗一個滷肉飯便當同埋一個鹽酥雞便當。先講一講個滷肉飯便當先，個滷肉飯嘅好有台灣嘅感覺，佢個滷水拼盤你都好大份好豐富，當中我哋又覺得滷水蛋做得非常之唔錯，雖然簡單嘅滷水，但都好美味。鹽酥雞便當，雞就炸得比較鬆脆，不過雞肉就唔係太過嫩滑，而且比較鹹，不過整個便當都算係野味。嘢飲方便，呢度嘅嘢飲係好有特色，佢係用一個燒瓶來盛載飲品，以用杯來在冰或生果，等你可以將飲品溝落隻杯度來飲，幾特別下。總結呢度都係一個幾適合打卡，傾計食嘢嘅地方，三五知己去坐下都係一個唔錯嘅選擇。

小時光👧🏻👦🏻🎒👣桌子、椅子讓你回到校園生活的美好時光✍🏻📚台式魯肉飯便當(雞翅膀，滷蛋，豆干，蘿蔔，海帶，豬耳朵) $58賣相很好，而且款式很多，但味道卻一般，大部分材料滷水品不足，適合冇咁重口味既朋友。其中，豬耳同海帶係幾好味。值得一讚。加上個飯面有魯肉同汁，我覺得好好食。加返好多分數🤓😉——————————夜市香酥雞便當 $58賣相很一般，因為炸得太黑，如果跟台式魯肉飯便當相比，簡直比下去。🙈💥但！！！個味道真係幾好食，同個賣相成反比。個外層好脆，雞夠入味，而且仲有d肉汁。有意外驚喜！😍👍🏻👍🏻——————————百香果綠茶 $28賣相很好，味道同一般既台式飲品鋪相若。用左中學實驗室用品盛戴🧪，好似可以回到係中學搗蛋做實驗既時光🤪

係觀塘做完運動，朋友係網上見到小時光好似好得意咁，雖然網上睇到食評好壞參半，不過係附近就即管走過黎試下個午餐，首先講下個地點，因為係星期日嘅關係，工廈原本有嘅路無得入，結果要入停車場兜一大個圈先上到黎。 入面黎，其實都知佢感覺係sell 懷舊，但比較估唔到實際嘅感覺係真係幾舊下。首先店家其實係有花心思佈置成個空間嘅，放咗好多懷舊嘅玩具，擺設，漫畫，有部份木椅直情有台灣學校嘅名係度，打卡影相係幾靚嘅，但近望就見到好多野都封咗塵，而且有點痴立立嘅感覺，好似係好耐都無人清潔過咁。 食物方面，點咗三杯雞便當同台式滷肉飯便當 三杯雞味道同係台灣食過嘅味道有點不太一樣，第一醬汁無乜，似係輕輕滷過嘅雞肉，唔知台灣三杯雞嘅油亮沾上醬汁；第二無乜香味，三杯雞最重點係有啲酒香，麻油香同九層塔嘅香味，呢度嘅九層塔就咁放咗係面都無放入去一齊煮，米酒味都無，麻油味都無乜。食落更加係無乜味，而且雞肉比較鞋口，敗筆。 滷肉飯就似返啲台灣口味比較肥，其他滷味煮得OK 只係比較咸，可惜份量都係比較少，女生食就應該岩岩夠，男生食就一定唔夠。 店員態度方面，sell 得台式感其實唔多唔少都會覺得有啲台灣親切風，但店員樓面嘅

呢間小時光餐廳，喺朋友口中就聽得多，但自己就真係第一次食啦。嗰日同朋友嚟到就帶咗一個滷肉飯同埋一個刈包。一睇張相都見到佢嘅滷肉飯同普通出街食嘅好唔一樣。肥瘦適中均勻，而且份量都唔少㗎！配合埋半隻滷水蛋，食落去亦都可以中和返滷肉汁嘅味道。而個刈包入邊都係包住左非常之多嘅滷肉，一個包兩份食都夠晒！包嘅外皮非常之厚，有少少似饅頭嘅質地。即使有滷肉汁係入面，個包都唔會軟身。

心血來潮，終於一試聞名於觀塘的<<小時光>>聽聞<<小時光>>長期爆滿，要花時間等位，點知去到都係得幾枱客仔我就點咗個"古早味滷排骨便當"轉滷肉飯飲珍珠奶茶滷肉飯--> 平平無奇，求其搵間都好食過佢滷排骨--> 酸酸地少少辣味，啲汁浸到排骨淋晒，食落去感覺好怪，簡單嚟講係幾難食珍珠奶茶--> 淡而無茶味綜合各種食品，今次<<小時光>>畀我嘅感覺真係麻麻地，以前聽朋友講好似好好食，可能以前真係好食，但係最近呢次畀我嘅經驗就的確係一個惡夢，我諗係觀塘是旦搵間餐廳都會好食過<<小時光>>

小時光嘅裝修擺設都非常有心機，營造出台灣高中教室嘅味道，連枱同凳都係真嘅課室用品，側邊仲有好多舊漫畫同舊式擺設，同朋友黎打卡真係一流啊。佢主要係台式嘢食同嘢飲，選擇都幾多，食物價錢都幾合理，但係平日晚市唔包嘢飲，而佢嘅嘢飲基本上都要二三十蚊，加埋都差唔多100蚊一個餐，個人認為嘢飲嘅價格可以再調整下。我同朋友都嗌咗夜市香酥雞，一個配湯麵，一個配飯。鹽酥雞嘅份量都幾多，聞落好香，不過夾起黎食嘅時候就發現冇乜雞肉，可能因為炸粉太厚啦，食到一半覺得太熱氣就冇食哂啦。麵同飯都正正常常，冇乜特別。嘢飲方面我嗌咗杯抹茶拿鐵，賣相都唔錯，味道就麻麻，唔係好夠熱。黎小時光打卡飲嘢都ok嘅，不過就建議大家唔好對佢嘅食物質素有太高嘅期望啦。

呢間都唔係第一次食 有時都想再去食過但lunch 真係無本事排隊 早收工又無飯食 就想到可以黎呢到呢到行懷舊路線 打卡一流 打算食過之前無食過的款R4 夜市香酥雞便當 $58配菜無特別亦無味的 白飯亦有陣「行行」地的味如果係配魯肉可能就會岩岩好 唔會咁事又無左陣味 香酥雞外表好黑 初初諗住可能係調味料的關係吧都幾大塊下 炸得唔算香脆但都唔算油食食下覺得雞扒有陣酸味 可能D肉唔新鮮真係唔係好食得落 紫薯拿鐵 $35相比個便當 味道都算正常 沒有死甜亦有奶味 第三次來結果係失望！十分失望！我應該都唔會再想黎食了！

無意間行過，見到有間台灣餐廳。入到去無咩人，唔駛排隊就決定試下。呢間餐廳好有特式，裝修以學校形式設計，用讀書時的枱櫈，作為用餐枱櫈，又有輔導室，懷舊海報，打卡影相好去處。食物質素唔差，價錢唔貴，兩個人食左2個主菜，加左2個小食，2杯飲品，都係2百幾蚊。重點係佢地唔會趕客人，可以舒服慢慢食，慢慢傾。觀塘工廈，有多一間好去處。👍👍

觀塘呢間小時光係工廠大廈入面，位置入口都比較難搵。不過終於比我地搵到佢嘅入口，呢間餐廳係全自助式，入到去係自己搵位坐，落單都係自己行去收銀嗰度買飛。呢度主打台式便當同埋台式飲品，環境佈置得好似一間課室，啲枱燈好矮，令人有返小學嘅感覺！之後揀咗個夜市香酥雞便當，飲品揀左美祿恐龍。個香酥雞便當冇乜特別，感覺上佢個雞扒係一早炸定，因為上枱嘅時候好淋，反而個美祿恐龍幾好飲同埋幾得意！有一樣野唔好係佢冇套餐，嘢飲係要另外叫。

之前有食過小時光，咁啱阿妹放假，又未去過，就帶佢試下，反正少女係最最緊要打卡。水蜜桃紅茶（$28）香酥雞塊（$50）因為週末餐點係唔包飲品既，需要正價。哩個紅茶就比較普通，勝在賣相搭夠。香酥雞塊，外皮炸得幾乾，都算酥脆，味道也不怕太咸，喜歡濃味既朋友，可以點蝶邊既辣粉。雞塊其實頗有台灣風味。台式紅燒牛肉便當（$60）牛肉有筋有腩，都炆得入味，酸菜可以減輕啖啖肉既膩感，不過都幾酸下。台南鹽水雞意麵（$58）其實哩個好抵食，有一碗麵，同一碟鹵水餸。鐘意鹵水既豬耳絲同海帶絲，蘿蔔都入味，不過皮就比較厚。整體來講，CP值就幾高既，比較真係唔貴，同埋食物都唔錯既。而且環境好有懷舊同古早味，可以無限打卡。但係服務就麻麻地，不過本身服務都無咩期待既，收銀個女仔唔好咁西口西面就好了。