小時光 (Closed)

「小時光」這店名好像最近常見常聽，但一直都未去試就趁著下午休息的日子，而剛好有事要去觀塘辦理，就跟同事來試試～其中一個同事曾經來過吃晚飯，覺得食物的味道都幾好於是她這次也一起來吃lunch丫～～內部的裝潢確實幾有特色，是台灣學校風桌子所用的是書桌類型，當然的，椅子就是一般學校用的靠背木座椅連筷子也用上顏色筆的文具造型雖然大家不是就讀台灣學校，但也會令人勾起一點點的讀書時光..樓下滿座，所以被帶上樓上的座位餐廳裝潢整體存在著一些殘破 / 破落感算不上好舒適的座位～選好食物後，就到樓下收銀處購買食物獲發一個感應器，便能回樓上坐坐，等感應器震動就能領取食物走上走落的是有點點不便，而且樓梯級也不算大級！捧餐時要注意腳步呢！我選了台式紅燒牛肉麵 ($60) 配凍蘋果綠茶原來還配有醃漬過的酸菜，先吃這個會較開胃啊！紅燒牛肉麵用上牛腩﹑牛筋和酸菜，牛腩及牛筋炆煮得稔，牛筋充滿膠質，但牛腩不算好入味...湯底味道還可，略淡一些，沒什麼牛香未能吸引到我回頭的是麵！麵是粗麵類，麵質偏硬，不夠吸湯，味道較淡..正正因此而覺得質素一般～同事試的台式醉雞冷麵，但她覺得一般醉雞不夠香，冷麵味道略淡，整體好普通至於

鰻魚唔算好肥美，不過呢個價錢真係有交代. 滑蛋加埋啲蔥同汁，撈飯唔錯. 雞扒底面都脆，唔鞋無雪藏味，其實算幾好.美祿恐龍自己倒自己加粉，仲有啲芋圓帶出台灣風味，幾好. 全部容器都有刻度，讓你會想求學時期chemistry堂嘅點滴.呢間係希望你哋有返返學嘅感覺嘅餐室，價錢大眾化，希望5星級服務環境舒適嘅你要調節下自己expectation啊..... 其實招呼幾有禮貌㗎. 下次再試其他ps. 星期日入口兜路有啲複雜，不過疫情期間，仍意外地多人.

今日同朋友喺觀塘工業區撐枱腳，經過一番激烈討論，最後揀咗呢間食台式野嘅小時光。其實知道有呢間鋪頭好耐，不過今次就第一次黎一入到餐廳覺得設計好vintage，好似台灣啲課室一樣，我相信好多女仔都鍾意喺度打卡。呢度點菜形式同一般food court差唔多，都要先去收銀處落單，在拎塊電子牌仔。當食物煮好之後就會響。我同朋友分別叫左夜市香酥雞便當 同藍帶芝士豬扒飯。個香酥雞便當啲雞扒好似整定再等送出嚟咁雖然唔知係咪下午茶少人叫嘅關係，唔夠熱辣辣不過口感都keep到幾酥脆加咗辣粉後都唔錯！而個藍帶芝士豬扒飯，豬扒食落口感好硬，分咗一舊俾朋友，但佢咬左幾啖都咬唔郁呢個就唔推薦不過店員態度有善，一坐低就幫大家消毒雙手，雖然食物水準一般不過可以當呢度係一間Cafe, 傾吓計影吓相都係唔錯

小時光地方有點難找，夜晚過7點後A座會關門，要由B座進入，需要經開停車場🅿️，在A座電梯轉左，真的有點難找，如果你見到一個M&M，那時候你就找到啦小時光食物還真的不錯！很好吃！不論便當/麵類都有好多款，小食都有很好種，餐飲都很多選擇！自己看看相片就知道啦鹽水雞真的好好味！食不停口，男朋友知我喜歡吃，基本上都俾我食哂鹽酥雞份量很多，都好入味，由於我唔係好食得辣，旁邊嘅辣粉其實對我來講有啲辣牛肉麵就正正常常，但都好味的點了黑芝麻拿鐵試下，但發現麻麻，太多芝麻，太多一粒粒，亦沒有甜味，可能是少甜吧？雖然賣相唔錯另一杯摩卡咖啡亦是正正常常吧總括來說，呢間係唔錯既

係工業區入面，出地鐵站行5分鐘就到。一入到去環境好有係學校的感覺，枱同椅都係小學用的設施，有好多漫畫書，餐廳係用自助點餐同取食食物既形式，店員都好有禮貌。我地2個人去，每人叫左你1個set，分別係滑蛋饅魚飯同正杯雞飯，每個便當有好少既蔬菜，飲品要另加。滑蛋饅魚便當（$75)：因為減肥關係叫左走汁，但都有比到少少汁，饅魚偏乾身，滑蛋都唔夠滑，飲品係蘋果綠茶，平日飲品有半價，但今日星期六去就要正價。個飲品好酸，冇點加糖。台式三杯雞便當（$60)：好失望，雞肉好乾，而且得咸同少少辣，D油浸哂苦飯到，唔推介呢個餐。

/又一間超黃既黃店💛一入門口就有種番左中學既感覺🤡回憶番晒黎🙈門口仲放左漂白水任人倒🥰（請自備樽）四周圍都有啲手足義賣🥰有口罩布，口罩，cookies等等😍忍唔住要幫襯呀！.✔️香酥雞湯麵 $58啲炸雞扒你岩岩炸好架♨️睇熱🤣啲雞扒有小小辣粉係上面，個雞扒好就好在炸粉用左好少同埋啲雞肉好滑😋個麵質幾滑配上雞湯😋一啲都唔肥，幾好幾好🥰值得推薦！.✔️台式魯肉飯便當 $58好多滷水既料多到覺得啲飯太少唔夠送飯🤣當然唔少得有滷水蛋，豆腐，仲有豬耳，雞翼🥰真係好多！仲要啲滷水好入味😍啲魯肉飯配上半肥瘦豬肉真係好好食😋依家去唔到台灣食魯肉飯，不防黎依到食下！.✔️黑糖奶茶 $28叫左小甜🤣佢放冰同黑糖係一齊，另外就裝奶茶甘樣🤪飲到最後仲有啲jelly 狀既野幾有驚喜💯

自從自己慢慢長大一次又一次的畢業禮後終於宜家已經要投入社會工作再無得體驗同感受返校園個種青春特別係中學生個種青澀同純真宜家係社會上唔會有幾多人係咁想識個真心朋友都唔係咁易但一入到呢間餐廳就覺得啲校園回憶返哂黎📚✏「哇！好正啊個環境！☺️😍」「啲枱椅咁細! 好有feel🤣🤣! 」「單行紙menu同木顏色筆筷子啊! 咩料～哈哈!😂~」而重點係我同我一個係中學個陣識既朋友一齊黎! 成件事就好似去返5至6年前咁!🤣－📚✏台式魯肉便當 $58(連餐飲):唔知點解我先入為主就覺得勁似中學食個啲拎住個餐盤去裝飯同餸既飯🤣! 個set有一碗魯肉飯，一碟小食(雞翼/滷蛋/豆干/蘿蔔/海帶/豬耳)，仲有一小碟酸菜涼拌。魯肉飯肥瘦分佈平均，都幾冧幾入味，飯有汁唔會太乾，好好食，但我想食大碗啲😶，唔夠喉😶。碟小食我覺得除咗豬耳之外都唔錯，要讚讚啲蘿蔔，真係好爽甜👍係豬耳係難咬爛韌咗少少咁~不過整體個溫度都係唔太夠熱就真既。但都ok喇~58蚊有野飲，咁既價錢同質素我都接受!有機會再去食下其他!btw我去個日餐廳好似無特別開冷氣定抽風，食下食下越覺得熱同焗🤔🤔。

呢間餐廳賣點嘅係舊式台灣學校既感覺，第一下入去：哇返校wo..🙈成個裝修都係"好懷舊", 用上學校嘅木枱木凳，用漫畫架去做間牆，有少少展物可以觀賞同售賣，其實感覺都幾新鮮，不過可能間鋪嘅舊物太多啦，同埋用上啲舊木枱木凳，所以發現其實好多書蚤出現，而且樓底唔算高，其實有少少壓迫咁喺度嘅。但係我哋去嗰日就唔係太多人，同其他顧客都有一定嘅距離，所以整體感覺都OK嘅。食物方面主要都係一啲台式嘅食品咁，大約種類都係嗰啲，鹽酥雞呀滷肉飯啊豬肚等臟類嗰啲，咁我哋就冇嗌內臟啦，叫咗個醉雞同埋三杯雞試下。醉雞來講唔似係一般上海鋪食嗰啲好濃烈嘅酒味，雞嘅話肉質滑度都唔足夠，佢係類似雞髀蒸熟左先再浸酒，所以就唔係好入味啦，變咗肉還肉，酒還酒味咁。另外三杯雞都唔算係好正宗嘅做法，而且熱度唔夠，所以以主打台灣食物來講嘅話佢只係去到啱啱合格嘅質素。飲品方面都冇咩特別話好出眾。另外本身想試吓佢甜品，可惜佢當日就全部都秀售罄，咁就冇辦法啦。如果以一間叫做享受食物嘅餐廳來講呢，咁就非常之一般嘅，但如果以一間係朋友聚腳聊天，或者自己休息放空，小工作睇書過幾個鐘嘅地方呢，都不失為一個選擇嘅。

本來想約個休閒嘅地方約朋友食下午茶傾下閑話就上網介紹去咗呢度了， 看見餐牌 都有啲台式地道嘢，於是我和朋友選擇咗藥膳排骨湯飯同埋酒香凍雞配冷米粉 還選擇一個小食肉鬆芝心蛋餅 ，望落兩個套餐樣子還可， 跟住第一啖飲排骨湯時是和暖的跟住覺得是飲緊生抽加老抽嘅味道，藥材味真係好少，後尾淨係食咗啲排骨送飯， 至於酒香雞配米粉 一樣 只係食到當歸苦味和普通濃濃嘅酒味， 鹹味甜味都食不出， 啲雞和米粉又雪到實一實都幾難食 ， 最後食個蛋餅都還可以 ，不過唔講話有芝士都食唔出 。 至於環境唔知個地方係可以高談闊論、捉棋大聲笑對話都冇人提醒為人設想細聲啲 ，對呢一餐都幾失望

💛💛💛黃店推介💛💛💛小時光係間工廠大廈入面嘅小台式cafe，設計好有懷舊嘅感覺，而且係模仿一個課室嘅，入面嘅枱櫈都係學生時期坐過用過嘅木枱木凳，仲有櫃桶嘅，好懷念呀一入到去，左手邊見到有啲紙袋，可以拎黎入住個口罩，等口罩唔會受污染，好貼心。呢間店係自助形式嘅，要出去點餐，食完要自己將個盤拎去餐車，但店員都好主動，一見到我拎起個餐盤就幫我放了。臨坐低食飯之前，店員會幫每一個人噴消毒噴霧洗手台式三杯雞便當（$60）食物方面，我食咗個三杯雞飯，啲雞好滑好嫩，佢唔會加好多調味料，好有住家飯嘅感覺，麻油已經足以令個白飯一啲都唔會dry。麻辣牛肉麵（$60）朋友點嘅牛肉麵十分吸睛！下次再黎試下食麵先台式鹽水雞便當（$60）朋友點嘅便當，雞同西蘭花嘅配合，健康又吸引肉鬆起司蛋餅（$40）我好鍾意食蛋餅，蛋味好香，如果多啲芝士就更好啦

藍帶起司豬排HK $65五知係咪比較少人叫依個藍帶起司豬排，所以似係翻炸過 😔 豬排入面夾雜住芝士同火腿，芝士冇乜拉絲效果，豬排肉質帶有少少鞋身，而且冇乜肉汁。不過豬排底下有少量燒汁，配豬排同飯食都幾夾嘅。本身對依個藍帶起司豬排有啲期待嘅，不過食完就有少許失望。水蜜桃紅茶熱/凍 HK $28平日午餐點飯類/麵類免費附送，轉凍飲+HK $2水蜜桃紅茶味道五會話好甜，水蜜桃味濃，而且五會話好假。紅茶底亦五會話好澀。

飯麵便當選擇眾多價錢十分相宜👌🏻點了香酥雞扒湯麵雞扒即炸，味道極好😋麵也很Q平日午市更配飲品和小菜👍🏻Happy hour(1430-1730)更有7折?!餐廳內地方闊落，裝修美好有特色由侍應安排入坐，看得出盡可能會讓客人們保持距離。由於店內有安排為客人量體溫和酒精潔手，並為客人介紹半自助用餐安排，因此帶位需時，敬請耐心稍候。但趕時間的上班族不用怕! 他們上餐很快的喔!還是擔心也可以外帶的!位處工廈一樓，走一走樓梯便到沒電梯亦不怕啊!附上餐牌吸引下大家

一間距離觀塘地鐵站幾條街遠嘅工廈入面有一間黃色經濟圈嘅台灣料理小店所以就黎幫襯一下台式滷肉便當🍱 $58飯嘅份量比較少而且飯質係好淋唔知係咪煮得太過耐滷肉好大部份都係肥肉不過味道都算唔錯至於滷水拼盤入面有雞蛋🥚豆腐，豬耳味道都係一般感覺好似車仔麵檔一樣左拼右拼因為假期關係所以冇嘢飲麻辣牛肉麵 $60同台式嘅牛肉麵真係爭好遠呢度嘅牛肉麵竟然係公仔麵底所以真係有啲失望牛肉嘅質素亦都好一般只係一個麵而且味道麻麻所以$60都幾貴香酥雞塊 $50一塊炸雞扒竟然要$50雖然係即叫即炸食嘅時候都算又熱又脆但真係有啲貴囉總括嚟講雖然味道好一般而且呢度全自助式由點餐到攞餐到交還食物盤全部都要自己做不過支持下小店都無妨

第一次食到中價位結冰千層蛋糕我地本來諗住食蛋糕⋯一入到去有幾款蛋糕選擇可惜最後原來剩係兩種要乜冇乜店員唔主動出聲話邊隻蛋糕冇要選擇好多次先揀到最後兩款千層蛋糕（鮮芋丶抹荼）之後我哋大概5:00落單差唔多5:30先送到上嚟初頭食落好地地幾好味添！芋頭千層有啲似芋頭鮮奶嘅味道值得一讚但可惜嘅係差唔多等左半個鐘頭嘅蛋糕竟然食到中間結晒冰硬到支叉吉唔入另外朋友既抹荼千層蛋糕就冇乜問題只係比較苦由於等蛋糕嚟嘅途中時間真係好耐⋯等左15分鐘最後仲多買兩份小食一份係芝士薯條令一份係炸甜不辣點知個甜不辣一上到黎又出事其實炸嘢可以比少少心機等啲油份去得7788先上枱比客人我哋差唔多食咗一半就發覺成隻碟都係由內仲要係好多，多到可以煎蛋整體來講用餐體驗十分差啦所有員工對客人嘅反應不夠敏銳甚至有啲懶散見到呢排疫症佢哋收銀嘅位置其實係有呢個體溫探測但係最後佢哋冇用即係做裝飾最後想講如果要支持黃色經濟圈都要睇下值唔值得幫襯唔好盲目去試

邊個話黃色經濟圈冇好野食架！？觀塘呢間小時光，除左打卡一流之外，食物都有一定質素。台式紅燒牛肉麵今日就同同事去左小時光食lunch，我地都一樣叫左台式紅燒牛肉麵。裡面有牛腩同牛筋，份量都幾多，全部都燘得好淋好入味，而麵條入口q彈。湯底都好夠味，但覺得六両三嘅湯底比較再濃味d好味d，咁就視乎個人喜好啦。手工水餃揀左韮菜豬肉同粟米豬肉雙拼，餡料滿滿，但略嫌水餃有d厚。炸花枝丸熱辣辣，即炸好抵讚，上面撒左d辣粉，更加惹味。桂圓枸杞紅棗茶剛巧大姨媽完左，叫返杯桂圓枸杞紅棗茶補一補，真係好足料！$30一壺好抵飲，真心推介！！！蜂蜜綠茶小杯裝住一粒粒的蜜糖波波，好吸睛！咁就可以自己control個甜度，好貼心。香港人加油喔！要齊上齊落💛！