蛇王濤蛇店 (Moved) New Location

昨晚2 月21 日原打算去"骨煲皇" 打邊邊, 可是太多人了, 於是試找其他地方打邊邊, 行經一間沒有招牌, 隔離是汽車維修店名, 於是便四看有沒有另一個店面可以查問, 但祇看到了間吃蛇的店舖, 於是走回打邊邊的地方查問有沒有位, 她叫帶我們到蛇店隔離樓梯上去, 原來是此間蛇店的!!我覺得食物不錯! 而且那個什菜HKD 20 有很多, 我們真的估不到, 真是超級抵食!!我們也點了一個椒鹽蛇吃, 不過咸了一點!生蠔30 一碟, 有8 隻左右, SIZE 也不算細, 都算不錯!!鮮蝦有12 隻HKD30 抵肥牛HKD50其他都是HKD 30 OR HKD 15 一碟埋單HK397 ( 5 個人吃)

乍暖還寒,近日氣溫略略回升.但也阻不了來一碗蛇羹的心癮.抱著探路同"頂癮"的心情,來到大角咀的蛇王濤.有分兩間,一間吃蛇宴為主,一間吃蛇羹.見排面$30有蛇羹包糯米飯,加多$10還可有碗蛇湯.不要蛇湯,只要糯米飯加蛇羹,是否真正太史五蛇羹就有點過份其詞.單睇質感,已經很豐厚,吃落啖啖蛇肉絲,木耳絲.落點檸檬絲同薄脆,很滿足.糯米飯嫌其略濕,同顏色一截截,唔夠入味.眼見蛇宴六位都唔洗$600,有蛇羹,龍鳳煲,蛇碌,蛇酒等等,仲有雀局送.可惜圍內老友大多非好四方城,得物無所用.趁春天來臨之前,在此來個蛇宴也不錯.

今日好凍，已不停吃去補充熱量。但還是冷得令人不適。睇波後，跟教會朋友到了這裡吃，朋友說好好味的。叫了一個大胡椒豬骨窩，$120，另加十碟左右，都是$15=$20一碟，不過碟頭不大。真是很好吃，不過好熱氣，湯底亦很肥美。少吃為秒。朋友還說我吃完面色紅潤了很多，哈，真難得!

足料但唔杰薄脆任加食完滿足晒但個身好似唔夠慶

秋風起三蛇肥又係食蛇羮既時候朋友仔外賣左蛇羮同我一齊食當消夜啖啖都有大大條既蛇肉湯汁唔會好杰有埋肉絲,木耳絲,冬菇絲同埋我至愛既薄脆味道唔錯但略嫌少左檸檬葉同埋胡椒粉太重但以呢個價錢真係好抵食

朋友介紹黎食蛇煲, 黎到先知原來係用蛇做湯底打邊爐, 仲有水魚做湯底選, 又幾特別喎~ 今次我地選左細既龍鳳鍋, 即係蛇同雞仲有d配料(粟米,馬蒂, 冬菇等), 再多碟本地肥牛, 鵝腸, 花技片, 唐生菜, 白鱔片, 牛根丸&　生蝦龍鳳鍋- 湯底好甜但好油, 蛇同雞好足料味道都幾好, 蛇皮爽肉煙韌, 雞好淋入晒味, 粟米超甜本地肥牛& 花技片- 普通無乜特別鵝腸- 好肥, 味道麻麻唐生菜- 好大顆, 好甜入晒d湯味白鱔片- 切得太薄, 唔好味牛根丸- 彈口, 幾好味生蝦- 8隻$20幾抵食估唔到龍鳳鍋咁大煲, 我地2個人食到超飽都食唔晒, 食完個身暖晒呀, 好在今日唔係咁熱咋~

1月11日21:00是晚又在京港下車，昨晚去英記時，經過這店，本想吃完麵後，一試這店，可惜已有七成飽了，祇好留待今晚試。店內滿座，祇好坐到店外。載蛇羹的碗看似很小，但滿到瀉(可能是手法之一)，較杰身，不是我所好。蛇肉：份量多，肉寬厚。配料:木耳和菰絲充足。這店吃蛇羹或喝蛇湯，有味飯送，但需先揚聲。這裡亦有蛇宴，六人為HK$580.-，菜式亦可以。

見咁多人讚呢度既蛇羮足料又好味今晚見轉涼左就同朋友仔黎試下叫左大蛇羮($44),糯米飯($10)同羊腩煲($63)未夠七點已經坐滿人遲d都有排等講番食物等左無耐已經陸續上檯大蛇羮～一碗份量真係好大,足足可以分到5個飯碗,蛇肉大片而且料足,除左蛇肉外,亦有好多木耳絲,冬菇絲;味道唔錯,但就有d似糊仔!個人而言無乜所謂,唔漿口都ok!糯米飯～呢個好失望,一上檯已經係凍既,肥臘肉多而且無乜蝦干,唔似蛇王桑咁多蝦米黎增加口感,而且呢度d飯無乜豉油味,不過平平地10蚊碗都抵食既!羊腩煲～唔係古法而係清湯底,而且用火窩形式分開羊腩同湯底咁上,失望左d!湯底幾清但夠味,配料有蘿蔔,腐竹,粟米,但就無左馬蹄,失策左dd囉! 臨尾老闆送左一籃菜俾我地,雖然係好平,但有心既服務,唔怪之得咁多人黎幫襯!環境係大排檔形式坐o係街邊食都幾大風味

早兩日行過,見凍凍地於是嗌咗碗蛇羹食;味道OK,大蛇羹真係好大碗,以$44既價錢可以食到咁大碗又有咁多蛇肉(D料多到睇唔到D羹咁滯)既蛇羹絕對係超值;不過呢度既蛇羹可能材料太多,所以質感比較"傑",口感似食糊仔多D......順便一提,臘味糯米飯都係賣$6一碗......

近曰天氣寒泠,男友介紹此處的蛇好抵食,點都要去試下。這兒除了蛇羹蛇湯糯米飯,還有得打邊爐。我們點了兩碗蛇外,叫了一個羊腩煲,加多碟唐生菜、象拔蚌及白鱔片。由於人多,在黑黑的街道上加枱,幾隨意,但對住個窩又好暖,重無咁多煙味。蛇羹真的很大碗!用料豐富,蛇肉多又大片,是真材實料,個人覺得比桃花源的更好食及抵食。羊肉用碟分上。窩湯底非常清甜,有粟米、蘿白、支竹、馬蒂、冬菇等,加上醃得入味的羊,十分嫩,少燥味,真是值得一讚。象拔蚌鮮甜爽脆,白鱔片則一般,有不少細骨。食到肚脹也食不完,個煲只是$68,十分便宜。叫多支汽水,埋單只需$208,真令人高興。知是否又蛇又羊,街上刮着大北風,個身都是暖笠笠的。

前一排天氣好冷,立即揾Ｄ未食過的地方食蛇羮,保下身,女人唔補好易………!! 一睇張相就知道份量十足啦,一碗蛇羮再加個糯米飯$50成交.質數幾好,都有幾多蛇肉架.而糯米飯都好味,一粒粒好好咬口. 店內還有蛇湯,蛇酒,…………我就唔放試.對我這個九龍盲來說有Ｄ難揾,差Ｄ要打電話求救.

多數買外賣返歸當宵夜$23... 細碗夠飽~ok多料...又有有味飯送~好抵食~

入秋以來還未有機會吃蛇，openrice眾人的桃花聚消費額剛好是我一整個星期的午飯預算，要吃蛇，唯有自己想法子。見MM1970推薦此店，我又剛好人在太子，決定一試。$30有蛇羹和糯米飯。蛇羹足料大碗啖啖蛇肉，大口饞之。糯米飯份量一般，不油，蝦干大粒味美。但臘腸臘肉味淡，飯亦不夠乾身。整體上算一般。不過$30有飯有羹，足矣。

下午天氣轉涼了一點, 同朋友趁早一嚐蛇羹, 點了一大碗蛇羹二人分享, 一大湯碗蛇羹料足蛇肉大片, 另點了一碗爉味糯米飯, 爉肉碎粒肥肉比例較多, 糯米飯香口討好而且唔多油.

約$44 一碗湯碗大蛇羹同一碗味飯, 蛇羹十分大碗同蛇肉十分大塊, d料好足下. 而味飯記得好似係雞油飯咁上下, 幾好味~