海皇園林酒家

Open Now

Now Closed

今日同一大班朋友黎鯉魚門食海鮮😍 本人非常期待，因為從未試過！朋友揀咗呢間餐廳😉個氣氛吾錯👍🏻 海鮮🦞夠新鮮&得好出色，我最鍾意炒聖子，聖子啲肉好大隻 味道夠惹味！ 條魚肉質好滑😍👍🏻👍🏻 黃金蝦好香口😊

每隔兩個月就黎鯉魚門食返餐海鮮唔知幾時習慣咗黎呢間,感覺比較乾淨保持原汁原味,新鮮爽口大大隻海蝦 好滿足鹹蛋黃炒蟹 好香口唔記得係咪瓜子斑,咁新鮮當然清蒸啦最後例牌黎碟龍蝦伊麵

年近歲晚又到team gathering時間。公司找數梗係唔可以唔豪，今次就按每年慣例，去鯉魚門歎海鮮。先嚟個炸乳鴿熱身，雖然叫乳鴿但都幾大隻吓，肉厚又嫩滑，唔蘸淮鹽都夠味。食海鮮點少得龍蝦，爽彈鮮味，仲有伊麵底，大滿足！豉椒蟶子，睇個殼都知大隻，豉椒非常惹味而且辣度適中，極力推薦。薑蔥蠔煲熱辣辣，薑蔥好香口，蠔又大隻。瀨尿蝦好多肉，而且新鮮肉唔黐殼，件件都咁大件。鹽油焗奄仔蟹當選全晚最正。奄仔蟹大隻、蟹羔極多，蟹肉鮮甜。我地全晚最靜就係食奄仔蟹時間，好食到個個掛住食唔駛講嘢。餐後甜品係木瓜，清香甜蜜。呢餐有排回味。

老地方又黎啦～大大話話公司請客ge~我都食左5，6次有多！但今日真係堅嬲爆，明明前日打去確認左booking,都話冇問題，點知琴日打去改野時，竟然話我冇book到，嚇得小妹好恐慌！如果冇book到位，我boss實話我啦！好在最後都有位有房今次老闆就叫左幾樣海鮮，其中最吸眼睛一味係清蒸亞拉斯加蟹,勁大隻，個個都拎住部相機影，其實叫海鮮係出面d店叫好左份量，然後酒家係加工，不過老闆有相熟店，實係拎到d靚海鮮~加上好在琴日人流唔多，d菜都上得幾快，咁我地又可以早d散場，如果唔係又要飲多幾杯白酒茅台

今日阿 sir 請食飯, 大家都提出左不少意見，當中包括西餐、泰國嘢、BBQ、海鮮餐。。樣樣都有。。最後阿 sir 決定食海鮮餐。食海鮮出名來來去去都是得幾區，為了就大家放便回家，所以決定了去鯉魚門食海鮮，但咁多間，都唔知邊間好，好在有朋友推薦食呢間，一於就去試試。。我地一行十幾人，入到去，我地就入左房內，環境舒適，好乾淨，至少不會似酒樓咁嘈，總共點了九餸一湯，還有生果同甜品，食到個個都好滿足。當中有幾樣食物都值得推介蒸蝦 - 啲蝦眼見都好大隻，每隻都好新鮮，咬落去清脆利落，加少少豉油，更帶出鮮蝦的味道。。奄仔蟹 - 一上枱，大家都雙眼發光，啲蟹大大隻，加上蟹膏仲要多到流出黎咁，咬落啲蟹膏到，好香好滑，啲肉好爽，直頭齒頰留香蒸鮑魚，蒜蓉蒸貴妃蚌 - 大大隻，蒸煮時間剛剛好，最重要係好新鮮。

今次係第二次嚟同事聚餐，皆因環境乾淨舒服又好食。食物質素普遍都保持水準，我最鐘意奄仔蟹，多膏而且肉質鮮甜。有啲跌Watt嘅係紅燒乳鴿，個人認為紅燒乳鴿一定要熱到燙手先香脆好食，但今次只係外層勉強夠熱，失望。仲有我地點了酥炸蠔最後嚟左砵仔焗蠔，唯有照食，個人口味嚟講不太喜歡。好在其他食物都不錯，整體而言合格嘅。

食過鯉魚門好幾間餐廳，海皇園林係我一再幫襯的，亦會推介朋友去，服務好,味道好！環境亦舒服，內面園林位置裝修有D似北京四合院感覺！炒球，味道新鮮，魚肉剛熟嫩滑炆頭腩，夠乾身！冇油益味！最欣賞嘅龍蝦芝士米粉，鍾意食芝士嘅朋友唔可以錯過，用米粉做底，簡直絕配！佢嘅米粉脆口的！超正，每次米粉都被秒殺！陳皮蒸飽魚，豉油汁味道剛好，唔會過咸佢送嘅甜品脆麻花亦都勁好味，雖然係送,但一啲都唔會敷衍！南瓜糖水，每啖都係南瓜，足料

今日為公司飯~由油塘地鐵A2出口,再行樓梯向下再步行地面大約步行10分鐘(快步)椒鹽蝦~因對蝦類敏感-以各同事評語-味道惹味想一食再食 一向大愛魚類,新鮮大魚,面珠肉大大塊 椒鹽墨魚,比較平時的椒鹽魷魚細塊,一啖一口,不用為平時咬唔開魷魚而煩惱 清蒸鮑魚-鮮甜龍蝦伊麵-因對蝦類敏感-以各同事評語-龍蝦多過伊麵以值得一讚!!!!炸蠔-炸醬不會太厚太硬,一口就可食到蠔,香酥口感乳鴒-沒有太肥的油膏蒜茸粉絲蒸带子 -大大顆帶子,口感鮮甜必有的飽肚炒飯-炒得乾身,飯有趙口,值得一讚最後有甜美的木瓜作結尾~大滿足

有耐冇同阿哥家姐食飯，我提意不如提早團年，最初諗住去沙田hyatt食片鴨，點知booking full咗，我話去太湖、利苑、龍皇，但佢地又唔係咁想，最後阿哥提意去呢間。

生炒骨差不多所有中菜館也有做，看似簡單，但要做得好吃也並不容易．這裡是海鮮菜館，想不到生炒骨也做得很出色！脆槳薄薄的包裹著肉，而豬肉亦是選了腩排位置非常軟熟，勾上適量的甜酸汁，絕不比海鮮差呢．

預早興祝母親節，就由朋友介紹到鯉魚門食餐好D，我們一家十二口訂了房間，未吃海鮮已吃環境了，內裡環境清幽，還有一個長壽烏龜池，樹木生長壯盛，座位擺設寬敞，我們點了扣鮑魚、牛油大蝦、椒鹽瀨尿蝦、上湯龍蝦米粉底、蒜茸粉絲蒸元貝、冰震凍蟹、薑汁介蘭、生炒骨。老闆黎生推介的上湯龍蝦米粉底好"正"，米粉香脆，又索了上湯龍蝦汁，真係要食才感受到的美味，而冰震凍蟹的鮮味，使人整晚都在腦海中轉，我媽媽好喜歡吃生炒骨，她說吃了這裡的生炒骨不吃其他了，還有老闆介紹的秘製蛋散，色香味全，好久沒有食一餐另全家人讚不絕口了，而餐前有多款小食選擇，直得一試，唯一不好是洗手間不夠。

有客請食飯，地點當然唔到我選擇，佢話去邊就去邊，食咩就食咩。結果揀左去鯉魚門食海鮮，話有間叫海皇園林幾好架喎！我大大話話成五年冇去過鯉魚門呢個地方，今次去到，也有點陌生既感覺。時間預鬆了，很早便到達目的地，我們一班人就在附近兜個圈，然後先行入座。未幾，主人家隨即到埗。出去睇睇心水海鮮，再點菜。食餸前，先每人來一碗海鮮湯。喝一口，也算清甜。最先來有蟶子皇，很大隻的，用蒜茸粉絲蒸。蟶子幾爽口彈牙，不過味道偏淡口，即使蒜茸也不太出味，有點浪費咁新鮮既螲子。薑蔥蟹也犯了同一毛病，其實蟹肉幾美味的，但薑蔥爆得不夠香，整碟餸也好像差了一點點。鮮鮑魚相對要好很多，鮑魚隻隻厚身，新鮮又爽口彈牙，不會像擦字膠咁死實實，十分美味，又有口感，我一口氣吃了兩隻。龍躉兩味是另一樣我喜歡的。炒球，啖啖肉，魚肉嫩滑，入味，加上西芹既爽口，很好的配搭；炆頭腩，香脆可口，又值一讚。由於敏感，沒有試中蝦和椒鹽賴尿蝦，不過同檯人話這是全晚最好味的兩樣，同時也很快清碟，相信有一定水準。唉，又錯過了美味的海鮮，多可惜。吃咁多海鮮，也要一碟炒菜調劑一下，叫左薑汁炒芥蘭片。薑汁味幾重，芥蘭炒至清綠爽口，不錯。甜品方面，先有脆麻花，

一頓極之豪華嘅生日飯,主人家點了不小海鮮如海蝦',龍虾,大聖子(即馬刀貝),奄仔蟹,墨魚,龍等(拼音)等.先說豉油皇大蝦唔夠乾身唔夠脆,Ｄ殼吃不到,龍虾可以接受,大聖子(馬刀貝)很軟熟好味,奄仔蟹很多膏,椒塩墨魚也很不錯.但做得不好的地方也有很多,伊麵底麵身未熟透炒芥籣也未熟,生咗Ｄ壽飽可能昰用微波爐叮,大家認為這間只是賣海鮮,所以其他就?????唔惦加上伙記經常出入唔閂門,因為好多蚊,所以自己在門口寫上(請關門.有蚊)

服務: 很好 地點: 偏遠(但當行街啦, 食完行路消化一下也是一件好事) 價錢: 一般不太貴, 算是老實, 又要看看你吃的是什麼呢? 衛生: 只是廁所差了一些, 但可接受 清潔: ok

唔知係咪之前d post已經係一年幾之前，根據哩度食評去左哩間食海鮮...結果，「失望」兩個字！第一步己經係咁「掠」，我地d後生唔係好識一「斤」或「兩」大約有幾多，佢問你幾多人，我都講少1個，點知每碟份量多很多。白灼蝦：蝦肉太硬、feel唔到新鮮的味道。炒蜆：全場最差，又細隻又「梅」，差過出面茶餐廳，但行過見到隔離大枱，又超大隻...蒸魚：條魚叫乜名其實唔記得，但d肉又係「林」同「梅」之間，而且比我地去揀時細條好多，事後反映，老闆竟話哩種魚係咁架d質地！我只有答：「係你d伙記介紹個喎！」講真，如果d質地咁咁咁特別，就講聲啦，唔係個個人都鍾意咁奇怪的口感！瀨尿蝦：唯一較好味的一碟，不過，落重調味，好難會唔好食...金銀蛋浸莧菜：話明淨菜梗係要「林」，d菜又硬又老，老人家都食唔到！全場最好食：唯一一碟小菜---生炒骨！諷刺！另，停車場同酒家打晒關係，大大隻字寫住一小時8蚊！食野仲話免一個鐘，但到埋數係收你十幾蚊個鍾，真係唔知點計！建議大家泊入隔離市政大廈室內唔駛露天！總結，咁大個人第一次帶父母兩老食海鮮，結果：失望！我諗咁0既價錢去出面d酒家食一餐可以好豐富！(清心直說，希望酒家積極改善)