Seafood ghost (Closed)

Sea food Ghost只有英文, 中文名自己想想吧! 商場一入門口, 就見到呢間舖. 位置當眼. 店內座位也多，座位密星期六一點來到，等左幾分鐘就有位。日式餐廳, 今天暫定供應魚生類餐牌可以分為三大類.鍋類，定食和魚生鍋類十分吸引。由於天氣太熱，無勇氣食呀🙈飲品好多選擇啊！銀鱈魚定食好滿足的，可以食到真銀鱈魚燒銀鱈魚，白滑的來，不是油魚太好了！好味！湯是有一點不同的像西餐湯，但加海帶。⭕️座位間有透明膠板相隔

手抓海鮮餐$308 （1人份）最後意思係用手拿住食😟半邊龍蝦🦞、1隻鮑魚、青口、魷魚🦑、蝦🦐2片蒜蓉包、意粉、粟米🌽原本仲有一份刺身，點知落完單先告知，全店都冇刺身，只可以換兩隻雞翼😖😖好搵笨😡😡🤬講真$300⋯⋯食呢啲，真心唔抵！又唔係好食😣另有1碗海鮮餐湯，味道濃。一般😕點左1串雞皮$201串雞腎，嚟錯左雞軟骨$201串牛舌心$38唔覺好食，一般無驚喜😔1664 （500ml) $68Asahi $48, 可接受跟餐送雪糕🍦有咖啡、朱古力、雲呢拿、士多啤梨， 俾Movepick算無咁蝕🥺整體來講，唔抵食唔好食唔會返轉頭😢

座位舒服，冷氣開到好勁，非常凍，打邊爐就會冇咁凍，落單用QR code，埋單自己行去counter埋單，所以連加一都唔洗！*北海道昆布湯豚肉鍋 $58估佢唔到咁抵食！包海鮮湯，包飲品，跟烏冬/白飯。海鮮湯係西式蝦湯，面頭有啲炸物吸湯，不過已經浸腍晒，湯應該係用粉開，但係都唔錯飲，係配搭怪少少😂豚肉鍋嘅鍋有大量娃娃菜，少量皇帝菜京蔥粉絲鴻喜菇，一塊細豆腐一塊大冬菇。湯係昆布湯，普通味精湯啦，$58唔好要求用真昆布熬湯。豚肉有5片，帶雪花紋而且純脂肪嘅地方唔多，烚完都唔會好韌咬唔開。烏冬喺豚肉下面，完整一個稻庭烏冬，絕對唔係cheap野。

成日行過好想食一次點樣叫「手抓海鮮🦞」？今日係供完樓🏡的大日子🎉😚於是就去慶祝🪅一下！原來係一大個盆盛滿海鮮🦞🦑同意粉，蒜蓉包🍞一次過用手食！😋我哋選左「避風塘少辣」同「新加坡黑胡椒」煮法。兩款味道都好濃味，如食得清淡的人一定會覺得太咸😅，絕對重口味的。龍蝦🦞半隻丶鮑魚一隻都好爽，🦐三隻蝦應該係雪蝦，唔太新鮮，其他海鮮如青口丶魷魚🦑丶沙白正常冇乜特別，還有餐湯🥣同幾片刺身另上。食曬一盆係相當飽😋之後⋯還有movenpick 雪糕🍨超級滿足！😄$300幾一個人其實都可以接受的。如果包埋飲品🥤☕️更好！因為食物咁濃味，啤酒🍻汽水🥤走唔甩！🤣

開發新晚飯地區～石門站4個女仔扮細食，見到海鮮餐又唔敢叫太多，先叫兩人份量頭盤刺身好新鮮～特別係章紅魚，清新得嚟口感彈牙兩款海鮮調味唔錯星加坡黑胡椒惹味又唔會過辣，口味可適合大部份人，海鮮都有配意粉，味道其實似茶記嘅黑椒炒意，但配多樣海鮮，都好豐富。有特色嘅生椰菜配味噌醬，更特顯椰菜清甜加上脆脆嘅蒜蓉包，一個人食肯定滿足再加點咗串燒，最好食係燒雞皮，塊塊都好脆又夠乾身，感受到廚師認真同耐心咁燒另外多出去食飯，本身對人均消費300嘅地方服務唔會有多要求，我哋4個女仔要share食物，成日要額外餐具，不過侍應都有禮貌咁快速送上，都係值得加分之處

原先有3個餐，嚟咗兩個，等咗半個鐘都未到第三個餐，本人覺得是送錯比人。知道冇比餐比錯餐，就扮聽唔到我哋叫，就話個爐有問題，態度係幾好，但會推卸責任。吹咗好幾次，但係好耐都未到。

/藍妹🍻手抓海鮮Seafood Ghost/最近成日跟住 #杉哥 193周圍覓食！最開心搵到地圖💛食到好味既 #手抓避風塘炒海鮮😋 有鮑魚、蝦、青口、魷魚、粟米、蜆肉、蒜蓉包、意粉等⋯⋯味道同服務都值得一讚👍🏻大家有興趣記得去試下點食得甘招積😜

#double👧🏽👧🏻吃在石門【手抓海鮮x海鮮火鍋🦞🦞】..#🥭👧🏻呢間同樣位於石門嘅火鍋店 主打海鮮餐 包括手抓海鮮同火鍋 仲有壽喜燒🍲今次叫咗兩份海鮮火鍋同一份手抓海鮮餐👅🔻手抓海鮮餐($308/位)🔻火鍋海鮮餐($308/位)兩款海鮮餐嘅嘢食都好豐富😍火鍋海鮮餐嘅安格斯牛🥩牛味幾香龍蝦 鮑魚等嘅海鮮都好新鮮👍🏼魷魚唔會韌 湯底揀咗昆布湯同雞湯 👧🏻就鍾意雞湯多啲套餐包埋一大片稻庭烏冬🥢刺身嘅三文魚腩好肥美 仲有個芝士棒好好食🤤🤤但最後冇食哂因為好飽🙈另外叫咗個手抓海鮮餐🦞揀咗避風塘味 少辣 呢個比較惹味 但就唔係好辣 不過配撘意粉 成件事好似唔多夾🤔串燒就唔推介了 牛舌有啲韌 雞腎嗰啲冇咩特別 整體來講都係海鮮火鍋抵食啲😋－－－－－－－－－🍴食物：3/5🏝環境：3/5🛋服務：4/5💲價錢：3.5/5💥翻兜指數：3.5/5✨CP值：4/5-🍴餐廳：Seafood ghost📍地址：沙田石門安群街3號京瑞廣場一期地下G11號舖-🔎餐廳選擇👉🏼#double_火鍋店🔎菜式選擇👉🏼#double_日韓🔎口味選擇👉🏼#double_咸

今日一行四人去搵華哥食日式火窩，相識華哥十幾年，每次佢發版的食物質數十分高，今次又不倒外由華哥發版，由前菜已經有驚喜，刺身是華哥特別給我安排的，有如拿魚腩，赤貝，象投蚌，海膽，牡丹蝦，極度鮮甜好咁，燒牛脷保持當年在深水華哥的食店的水準，炸蝦及軟殼蟹天婦羅又係一絕，沒有肥膩的感覺，亞波美雞翼又係燒得好香及皮脆，完全沒有脂肪，安格斯肥牛灼來吃，入口鬆化，口感一流，雖然係貴些少，但絕對值得，海鮮火窩每樣材料都是新鮮生猛，配合昆布湯底去灼來吃，不會搶走食物鮮甜味，日式豆腐又係超軟滑，真是吃得很飽，最後華哥再拳上甜品，又是一大驚喜，每款小點心不會太甜，份量又剛剛好，真的無話可說。今晚找數不算便宜，但以質論價，確實超值。

今日一共叫左4個餐，2個海鮮火鍋2個海鮮手抓。火鍋料都唔少，有一碟牛，一碟豬，一盤海鮮；手抓就海鮮撈少少麵跟一碟魚生。每個大約300蚊，今日total 食左1600連埋飲飲同service charge. 我就覺得食物品質同數量都成正比既，但就有少少貴可能因為個餐跟左龍蝦同鮑魚。 總合所有野黎講呢間餐廳都係食物唔錯幾好、服務有禮貌、容易訂位👍🏻 差d唔記得同大家講，食到最後係有Movenpick 雪糕送！

上星期黎食晚飯，四個人叫左三個set。枱面得三套餐具，就叫佢加多個位啦，個waitress 黑人問號左一陣，咁我就話差咁set餐具啦。佢串串貢咁話：「哦，原來你指餐具啊。」咁串都算啦，佢仲要將成套餐具就咁劈係份menu上面。大佬，份Menu 咁多人掂過，你都可以就咁放係上面，衛生常識冇，禮貌冇，我真係呆左。食物方面，🍣刺身唔新鮮，出水咁滯，放題質素都好過佢。烏冬幼身唔彈牙。佢地主打嘅海鮮方面，質素係比較過得去。避風塘手抓海鮮辣度適中。食咗咁耐，冇人會幫手收碗碟，冇人斟水。環境方面，一路食一路見到有d蚊滋飛來飛去，唔知係邊度走出黎，好不安👎🏻總括而言，食物質素普通，職員欠缺基本衛生與待客常識，環境普通。唔推薦，唔會再黎。😤

今日三口子趁放咗學就去石門Sea Food Ghost食嘢。佢哋既門口有一個比一般人高既Ironman做生招牌，所以都好吸引小朋友做食客。大家都好耐無食過一人一鍋，所以叫吓佢嘅午餐鍋物類嘅嚟食。佢嘅午餐一D都唔貴，五六十蚊起左右一個set lunch。主菜外仲有一碗昆布湯同飲品。我哋三個人點咗兩個北海道昆布湯牛肉鍋同一個雞肉鍋。餐廳係用QR Code去點餐十分之方便，大約五分鐘後，所有食物都已經可以出到餐。佢嘅肉類份量係適中，配上昆布湯底係非常之鮮甜，加埋本身湯鍋有既蔬菜份量同跟飯或烏冬已足以飽肚。順帶一提烏冬係喺雪櫃拎出嚟所以再放落火鍋度係好煙韌彈牙，唔會有糊狀。而昆布湯底唔夠可以無限添加。所以我哋都覺得今次食得好飽足。

平時經過見到晚餐好似幾貴，但原來下午茶超級抵食，兩個人一人一個餐轉凍飲都係啱啱好$100 ，估唔到自己夏天會去嘆住冷氣打邊爐。我叫咗豚肉，男朋友叫咗牛肉，個煲嚟到嗰時入面好多菜同菇，感覺非常健康，不過肉嘅份量有啲少，只有3塊，因為烚吓烚吓嘅關係好快就縮水，變咗唔係幾頂癮。由於好快食晒肉，之後都係靠菜嚟送烏冬。值得一讚嘅係，我好鍾意杯凍飲嘅份量，大大杯，可以慢慢飲。整體黎講$50價錢真係好抵，強烈推介俾大家！

點咗個手抓海鮮餐，$308。 送到黎時基本上係一個大盤內咩嘢都擺埋一齊，每樣2-3份，有本地龍蝦、蝦、青口、平時在街市見到細細隻嗰啲貝殼，仲有啲意粉、粟米，同生嘅菜。有人可能覺得抵食，但我覺得賣相真係好一般，有啲似我平時餸頭餸尾擺埋一兜咁。味道其實都係一般，唔知道係咪急凍海鮮，如果係，其實真係唔明白點解要$308。另外點咗個黑松露薯條。呢個okay，薯條夠粗，炸得好食，但成$80一客真係幾貴。 呢間餐廳不太適合我，應該不會再幫襯了。

火炙龍蝦雜錦刺身丼飯✔️啲刺身勁厚切✔️最正係金倉魚✔️火炙龍蝦都不錯，不過少咗啲鮮甜同埋太厚實✔️第一次食當飯食到覺得太多刺身😂✔️$180包湯包嘢飲 唔使加一實在太抵了