海鮮島海鮮酒家

Open Now

Now Closed

即日興起book位入布袋澳食海鮮, 一行兩人, 飽到要打包! 好似叫得多得濟:1. 100分椒鹽賴尿蝦(x4)：一定要試! 賴尿蝦有手臂咁長! d肉夠實夠鮮甜, 爆多膏!！肉質彈牙鮮甜！2. 85分蒜蓉粉絲蒸扇貝(x4)：仍然比好多菜館整得好食, 扇貝新鮮大隻, 唯一係粉絲雖入味但唔夠滑...3. 90分椒鹽墨魚：非常香口不油膩墨魚大大件, 有咬口!! 不過細碟左d囉!4. 50分海膽炒飯：食唔到海膽味wor，d飯仲炒得太乾!!5. 90分抵食炒蜆一句講哂: 足料, 入味, 夠獲氣, 正!!最後成盒飯都打包因為已經好飽總括黎講, 今餐飯都好滿意, 一定會再黎, 最好同多d人一齊黎, 兩個人真係幾難叫嘢!

黃昏 6 點入到黎已經有好幾枱客人，有d重差不多食完，估唔到甘早食飯。黎到海鮮島，當然全部點左海鮮大刷一餐。椒鹽賴尿蝦：十分厚肉！十分彈牙鮮甜！重有香濃既蝦膏！椒鹽好野味但沒有蓋過蝦肉既肥美，好愛呢個菜啊！蒜蓉粉絲蒸扇貝：平時其他食店既失敗之處係粉絲太乾身，呢度就做得好好，炒絲爽而滑，加埋蒜蓉超級好味。扇貝亦鮮甜肉滑。清蒸杉班：條魚太大條了，兩個人食好多甘，最重要係唔好味，肉質比較 “鞋”，魚味唔夠鮮，三百幾蚊唔抵食。海膽炒飯：完全食唔到有咩特別，亦無海膽既香味，好似一碟普通炒飯。豆豉鯪魚油墨菜：唔知點解 d 菜無豆豉鯪魚既香味，而且好油膩。食完飯有生果食，d 橙好甜，好正既飯後果。

一想到吃海鮮, 第一時間便會想到布袋澳, 那裡的海鮮比西貢的廉價, 味道也不錯, 這裡好像只有兩間海鮮酒家, 以往都是會去另一家的, 今晚經友人介紹便到了這一家嘗試了!每一碟都很大碟, 份量足夠, 味道不錯, 也很新鮮呢!墨魚刺身新鮮, 正!象拔蚌刺身爽口得很, 新鮮不在話, 全是切最好的部位上碟, 讚!白灼蝦彈牙, 新鮮!蒸扇貝味道不濃, 還有陣陣鮮味, 不錯!蜆的湯味道清甜!聖子的鮮味並沒有被一同炒的豉椒遮蓋味道, 讚!反而象拔蚌粥一般!芝士龍蝦一般, 始終都是上湯才吃到鮮味, 但配上炒飯底也不錯!西蘭花鮮尤!薑蔥炒蟹的汁味道一流, 但蟹肉淡而沒有味道!蒸海班不錯, 有魚味而不腥!整體來說是很好, 價格亦合理, 我們還有喝酒呢!~

數月前, 聽到公司有同事去布袋澳食海鮮, 雖然自己無緣參與 , 但已食指大動, D 喂食虫走晒出來了, 期待已久 , 終於等到啦 可能中秋節吧, 好多車入西貢, 在彩虹村已開始排長車龍了, 入到布袋澳已九點了, 幸好不太滿座, 即時有近邊看海景的枱 , 亞女要自己落網撈海鮮, 樣樣都想試, 終於選了點滿枱先來個豉椒蟶子皇, 好彈口又有鮮味 , 一流 椒鹽瀨尿蝦 , 炸到比較干身 , 沒有了瀨尿蝦的鮮味 , 普通啦墨魚兩味 --- 刺身+ 椒鹽炒球 , 每張枱都會 , 証明係好野啦 白灼東風螺 --- 店員極力推薦酒煮, 但老公話要揸車, 唔要酒 不過白灼都好鮮味 蒜蓉開邊蝦--- 蝦唔夠大, 普通啦. 仲有楊州炒飯, 紅燒豆腐 , 炒菜, 全部都好大碟, 好夠料 , 出名大飯桶的亞仔都大叫好飽 , 有半碟炒飯要打包帶回家呢. 特別場 ---- 順路兜了上飛鵝山一圈, 回程時已十二時多了, 架車因為水箱太熱, 唯有停入去龍翔道觀景台賞賞月啦, 可能下了場雨趕走D雲 , 個月亮好光好圓呀 , 呢個中秋真係超正

因為聽到好多人話布袋澳GEI海鮮好味~所以決定去一次~~探下實況~~HAHA一心我係想去試墨魚刺身,但係原來6-9月係冇墨魚刺身食~~T.T 我失望喔~~為咗補返我冇得食墨魚刺身~我要叫多D嘢食填補返我個心靈~~XDDD又大碟,又冇粉包住,而且唔會炸到含哂油!!正呀D粉絲軟硬道適中,D豉油又唔會好鹹~VERY GOOD好抵~勁大條~又新鮮~~仲好好好好好滑~正~好大碟蜆,又冇沙,又鮮甜~~咁多樣最唔抵就係個賴尿蝦,四隻唔係大..都要430蚊~而且唔係特別好食~個人認為呢個可以唔洗食都得~~第一次去布袋澳食~覺得好有驚喜,嚟緊都會再去~不過如果冇車,去嗰喥我都覺得幾唔方便.

（１）椒鹽瀨尿蝦：算惹味，但瀨尿蝦煮得太老而有點霉，明顯用上了千年油，油益味重。（２）薑蔥炒花蟹：花蟹揀的比要求的細隻，而且吃時完全感受不到薑蔥的味道，炒得根本不夠火喉。（３）粉絲貴妃蚌：全晚最好味的一道菜，貴妃蚌很鮮甜！（４）蒸瓜子斑：價錢三百多元的瓜子斑卻沒有魚味，失敗兼失望！這一頓兩個人吃了超過一千元，換來只是失望和肉赤！

6 個月未入去食過, 今次家人外國回來, 點都去食一餐。。。次次我都好少點海鮮, 今次都唔例外, 由家姐搞掂。最後, 計過都係套餐最抵再加象拔蚌2食。呢個象拔蚌2食一定要試, 因為只有佢地有提供將象拔蚌的膽做椒鹽炒, 有驚喜之餘亦十分滑。價錢真係一般, 最重要是好食。

今日假期, 同屋企人自駕車周圍逛, 突然想食海鮮, 但唔想去西貢鯉魚門果d 出名遊客之地, 又唔要出海, 就選擇左布袋澳呢間海鮮島....大概6:30 左右去到, 泊車慣用都係路邊, 未算多人, 未坐低個魚王靚姐就話今日岩岩生劏左條大龍躉, 二話不說留左舊腩, 機會難逢就坐低左.....望住個海鮮檔, 最搶眼的係好多隻長過個keyboard 的大墨魚, 同埋好靚的大蝦碌.... 跟住點菜如下:1) 魚翁蜆湯 - 招牌野, 唔駛多講, 同外面比起, 會濃郁同多一陣鮮味, 唔錯2) 金蒜粉絲蒸象拔蚌仔 - 象拔蚌仔都爽口, 同埋外面遊客生意比, 呢d 少見值得一食 =]3) 豉油王大花蝦 - 一人一隻大花蝦, 肉質鮮美, 蝦頭蝦膏入口回香, 豉油王味道剛好與蝦肉相夾 =]4) 薑蔥炒肉蟹 - 雖說是肉蟹, 但係都有d 膏食, 而且蟹肉炒後唔黐殼, 入口鮮甜, 推介5) 海膽蒸蛋 - 小小的一盤, 但唔好怕唔夠quota, 因為技巧好高, 海膽同蛋都唔會太老, 呢碟係食功夫 6) 炒龍躉腩 - 真正的主角, 雖然係好簡單的陳皮絲炒, 但係皮肉都炒得入味但唔會搶左先係重要, 龍躉皮亦都非常彈

聽聞此間酒家食海鮮出名，所以一行7人星期六山長水又遠咁黎試食，點知真係好失望呀! d 海鮮唔算新鮮，食物又唔夠鑊氣，服務又唔係好。我諗我下次一定唔會再黎. 講真, 流浮山, 西貢同鋰魚門真係好好多~椒鹽賴尿蝦 - 炒得真係好唔夠鑊氣蒸鮑魚仔 - 求其俾枝竹籤等我地叉住黎食, 但又勁難叉出黎食, 成舊野un到死.墨魚刺身 - 一般, 冇咩特別炸墨魚so - d粉勁厚, 都唔知食粉定食墨魚so象扙蚌刺身 - 最好食, 幾鮮甜象扙蚌粥 - 還可以芝士龍蝦伊面 - 芝士冇芝士味, 龍蝦冇龍蝦味海膽刺身 - 還可以豉汁炒聖子 - 聖子唔新鮮，炒得完全冇鑊氣蒜茸粉絲扇貝 - 扇貝唔新鮮 好un咬唔爛, d汁好似冇味咁啖到很總之....唔會再黎。

一如以往, 選好枱之後自行去魚池挑選海鮮. 因為 Mum and Dad 同行, 唔可以太多煎炸 dish, 向來喜歡椒鹽墨魚改成白灼, 不過味道依然精彩. 點咗八道菜:1. 紫菜蟹皇炒飯 - 飯炒得爽身, 紫菜帶咸香; 好大碟, 人少唔好 order 2. 魚湯伊麵 - 魚湯鮮味, 伊麵烹調水準普通3. 膏蟹粥 - 自行挑選超巨膏蟹, 粥底 okay 綿, 蟹膏多而蟹新鮮, 成煲粥都香濃鮮甜 4. 白灼墨魚 - Mr. Cuttlefish 白灼後肉質爽脆, 配上辣椒豉油已經帶出鮮味5. 椒鹽瀨尿蝦 - 瀨尿蝦都幾大隻, 啖啖肉, 肉質爽甜彈牙6. 陳皮蒸鮑魚 - 陳皮唔夠, 不過鮑魚本身鮮味搭救, 肉厚鮮甜7. 金蒜粉絲蒸聖子 - 聖子好新鮮, 甜, 爽脆, 與金蒜粉絲十分匹配8. 金蒜粉絲蒸扇貝 - 新鮮, 味道唔錯, 可惜 size 太細滿足的一餐

岩岩過去既星期日, 由於工作關係借左老細架車, 就想同屋企人去食下海鮮, 鯉魚門, 西貢都去過啦, 聽人成日講布袋澳都ok, 反正有車, 所以就去試一試!!都係上open rice見到d人介紹呢間海鮮島既食評唔錯(其實成個布袋澳都係得2間食海鮮), 所以就book左呢度!!黎到既環境都唔錯, 叫左既食品如下:1) 蜆湯 : 佢應該係用魚黎(坳)既湯, d湯好甜, 好好味, 不過d蜆就咩特別啦2) 鳳爪 : 好食, 好夠味3) 一斤白灼蝦: d蝦好大隻, 好抵食, 我同屋企人都話應該唔上一斤, 但當然埋單都係一斤啦4) 一條老虎斑: 煮既時間岩岩好, d肉好滑, 唔老5) 椒鹽瀨尿蝦: 超正, 必食, 老實講, 我左右睇過每張台既客人都必試呢個, 好好食, 一定要試6) 炒聖子: d聖子好大隻, 炒得好夠味埋單: hkd1210.00總括黎講,. 好滿意, 價錢好抵食, d份量好大碟, 起碼好過去鯉魚門食抵好多, 當然, 環境可能就同西貢呢d就差少少, 不過價錢又平返d呢!! 唯一一個缺點就係超遠, 如果無車既話, 真係唔好去, 因為好似得一架小巴到, 仲要係成半個鐘一班!!!!!!

都好一大排冇來食海鮮, 今日和大豬女友再來食先.入o黎都幾遠, 但又冇車位, 泊車哥哥叫我泊上上面, 之後有接應van仔車我返落去.再行幾步就到了. 沿途都有不少海味咸魚賣, 幾有漁村風味.坐下了, 看看menu, 兩人都唔叫得太多....不過, 見本menu 咁靚的大墨魚, 出去再睇睇, 又幾生猛...也叫了一碟吧.味道都很鮮, 真係新鮮片的, 仍半透明, 點少少wasabi, 入口少許韌有咬口. 鮮味好突出.另叫了蟶子都唔平, 但幾大隻. 豉椒味太濃, 蓋過了海鮮的味, 下次都係清清地仲好.帶子都幾新鮮, 但上面的粉絲竟係冇浸淋/ 定係未熟的, 硬, 敗筆!炒蜆係最基本也冇令我失望, 都幾多肉. 獻汁略厚.服務一般, 阿哥阿姐都好快手.價錢同估計的差不多; 墨魚都ok 喇, 但我不能忘記硬的粉絲....

今日一行7人來到差不多7:00pm, 只有幾枱食客,不過我們早一日已訂枱,我們選擇坐外面,好在天氣不太熱.我們商討想吃的墨魚刺身,花螺竟然無貨,最後選了大頭蝦,琵琶蝦,瀨尿蝦及幾款小菜椒汁大頭蝦~~椒汁味唔夠,味道一般蒜蓉蒸琵琶蝦~~第一次吃,肉質好似龍蝦,我們叫了4隻,,看似細細隻,一開二,原來啖啖肉,味道鮮甜椒鹽瀨尿蝦~~今次原隻上,每人一隻,個個吃到津津樂道京都骨~~肉有些硬,味道普通蝦醬通菜~~通菜幾嫩,但完全吃不到有蝦醬味椒鹽鮮魷~~椒鹽唔夠,炸得又唔夠脆身,有些失望,原先好有期待揚州炒飯~~飯炒得好乾身,ok啦總括來說這裡還是吃海鮮好些, 其他小菜都是一般,因為今日我們想吃的海鮮有好多都無,所以才叫幾樣小菜補上.我們走的時候約8:45pm, 但見還有客人入來,可能是星期日吧!

同男朋友2個入去布袋澳食海鮮!不往此行!雖然係遠d!麻煩d!但係真係大部分都好味~!冇冷氣不過有好多把風扇~吹1陣都已經唔熱~好有漁村風味~~好多飛蟻4圍飛~檯面又會有...有時仲會飛去食物度...不過我同男朋友都冇理咁多~哈哈,因為食到停不了沙薑雞腳:1定要熱辣辣食!好味!必食椒鹽賴尿蝦:好正!好香!好味!停不了蝦醬通菜鮮魷:蝦醬唔會太咸剛剛好鮮魷感覺好鮮味!蒜蓉粉c蒸貴妃蚌+象拔蚌仔:有沙!差!貴妃蚌甜!象拔蚌仔好"un"要趙1陣= =2個都有沙清蒸羔蟹:其實我第1次羔蟹..原本想食奄仔蟹但冇..原來d羔係硬到不得了好難食不過d肉好甜好味!辣酒煮花螺:夠辣!甜!冇沙埋單$836

13-6-2010食過隔嚟發記 (http://www.openrice.com/restaurant/commentdetail.htm?commentid=1960228) 覺得幾好食, 今次試埋呢邊呢間據聞仲好食的「海鮮島」. 一行 4 人, 都係叫返最常叫嗰幾款海鮮配最常叫的煮法, 不過唔知是否期望太大, 離開時幾失望的:-白灼蝦: 蝦頭內勁黑色, 完全唔敢食 肉質結實爽身, 不過食落味道幾淡, 同「鮮甜」有一段距離喎 , 好在有碟又香又辣的辣椒豉油蘸吓.豉椒炒蟶子: 蟶子無沙又幾鮮, 但幾韌, 芡汁「豉」味夠但唔夠辣, 質地又有點杰, 印象麻麻哋.椒鹽瀨尿蝦: 炸得又油又濕 , 味道亦唔夠「椒鹽」; 瀨尿蝦肉地一般, 又無膏, thumbs down! 蒜蓉粉絲蒸象拔蚌仔: 象拔蚌仔鮮甜度 ok, 不過蒸得過火, 食落好韌; 粉絲索了蚌汁及蒜蓉, 其實好難唔好食, 不過蚌汁其實份量唔多, 食食吓都覺得粉絲唔夠味, 呢味只屬 ok.清蒸羔蟹: 唔 in season 嚟講其實幾好膏, d 膏又算香了, 不過蒸得太耐, 食落都有點硬; 蟹肉唔算結實, 但味道十分鮮