Video
Read full review
2011-04-25
93 views
今日假期, 同屋企人自駕車周圍逛, 突然想食海鮮, 但唔想去西貢鯉魚門果d 出名遊客之地, 又唔要出海, 就選擇左布袋澳呢間海鮮島....大概6:30 左右去到, 泊車慣用都係路邊, 未算多人, 未坐低個魚王靚姐就話今日岩岩生劏左條大龍躉, 二話不說留左舊腩, 機會難逢就坐低左.....望住個海鮮檔, 最搶眼的係好多隻長過個keyboard 的大墨魚, 同埋好靚的大蝦碌.... 跟住點菜如下:1) 魚翁蜆湯 - 招牌野, 唔駛多講, 同外面比起, 會濃郁同多一陣鮮味, 唔錯2) 金蒜粉絲蒸象拔蚌仔 - 象拔蚌仔都爽口, 同埋外面遊客生意比, 呢d 少見值得一食 =]3) 豉油王大花蝦 - 一人一隻大花蝦, 肉質鮮美, 蝦頭蝦膏入口回香, 豉油王味道剛好與蝦肉相夾 =]4) 薑蔥炒肉蟹 - 雖說是肉蟹, 但係都有d 膏食, 而且蟹肉炒後唔黐殼, 入口鮮甜, 推介5) 海膽蒸蛋 - 小小的一盤, 但唔好怕唔夠quota, 因為技巧好高, 海膽同蛋都唔會太老, 呢碟係食功夫 6) 炒龍躉腩 - 真正的主角, 雖然係好簡單的陳皮絲炒, 但係皮肉都炒得入味但唔會搶左先係重要, 龍躉皮亦都非常彈
大概6:30 左右去到, 泊車慣用都係路邊, 未算多人, 未坐低個魚王靚姐就話今日岩岩生劏左條大龍躉, 二話不說留左舊腩, 機會難逢就坐低左.....
望住個海鮮檔, 最搶眼的係好多隻長過個keyboard 的大墨魚, 同埋好靚的大蝦碌.... 跟住點菜如下:
1) 魚翁蜆湯 - 招牌野, 唔駛多講, 同外面比起, 會濃郁同多一陣鮮味, 唔錯
2) 金蒜粉絲蒸象拔蚌仔 - 象拔蚌仔都爽口, 同埋外面遊客生意比, 呢d 少見值得一食 =]
3) 豉油王大花蝦 - 一人一隻大花蝦, 肉質鮮美, 蝦頭蝦膏入口回香, 豉油王味道剛好與蝦肉相夾 =]
4) 薑蔥炒肉蟹 - 雖說是肉蟹, 但係都有d 膏食, 而且蟹肉炒後唔黐殼, 入口鮮甜, 推介
5) 海膽蒸蛋 - 小小的一盤, 但唔好怕唔夠quota, 因為技巧好高, 海膽同蛋都唔會太老, 呢碟係食功夫
6) 炒龍躉腩 - 真正的主角, 雖然係好簡單的陳皮絲炒, 但係皮肉都炒得入味但唔會搶左先係重要, 龍躉皮亦都非常彈牙, 魚肉嫌有丁點過火, 老左, 整體都有85分
隨後叫左糖水, 都好正, 分別係「手磨花生芝麻糊」同「昆布海帶」, 雖然係叫隔離個伯伯做的生意, 但係食得出兩種糖水都係自家制, 新鮮煲的, 唔係出面大油家開粉果d 糖漿水, 真係足料的, 值得支持!!!
隨記, 同行的屋企人有船牌, 經常出海自己捉海鮮, 所以見到旁邊有一檯客食特別的菜, 就知道人地係食「私房菜」, 因為佢地食一種冇賣的螺, 叫「大眼螺」, 相談之下, 人地好客請左我地食幾隻, 非常鮮味, 跟平時食開果d 東風螺, 翡翠螺, 乜螺都冇得比, 一黎出面冇得賣, 二黎係今日新鮮捉上黎整, 最重要係, 本身呢種螺係爽口彈牙, 鮮但唔係腥, 而且個殼入面的特別構造讓海水味留下, 食完之後一定要拎個殼聞下, 會有一種好海洋的氣息, 同出面養果d 差好遠, 係好舒服的海洋味!!! 而且打聽下佢地食果d 海膽都係自己撈, 即食做刺身, 真係睇得出比起其他檯食的來得新鮮~ 正!!!
Post