Seafood Stand (Closed)

去左樂富同朋友食個飯揾到呢間性價比勁高既黄店SEAFOOD STAND😎😎😎😋巨人漢堡😋呢個巨人漢堡個size真係好大，漢堡係勁厚肉仲要打孖上，仲加左d煙肉，芝士，蕃茄，生菜，食個陣真係有d難一啖咬哂🤣但口感真係好豐富，好juicy🥰薯條好香脆，份量又多😚😚😚😚8oz肉眼扒😚平時出面食扒都要成百蚊，但呢度居然78就有仲包餐飲，真係良心小店黎🙈🙈🙈黎到個陣都真係有d驚訝有咁大份，雖然唔係半生熟，但都完全唔會鞋，用左黑椒汁調味，十分惹味丫❤❤😊餐飲😊呢度既餐飲都仲有幾多款，我中意蜜桃就叫左個蜜桃茶，非常香甜😚😚埋單只係人均$86好食既黃店真係好珍貴～而且論環境裝修同食物份量同質素，絕對係超值丫😚😚😚

午餐在「Seafood Stand」享用西餐，餐廳環境與氣氛都不錯，耳畔細聽著播放輕鬆英文歌曲之下鋸扒，感覺放鬆，而且價錢相宜。我的香煎法式羊架配薯菜，羊架可以選擇5、7、9成熟，我選擇9成熟。羊架很香酥，肉質色澤粉嫩、味道可口，汁液味道不鹹，與羊架很配合味道。家人的8安士美國肉眼扒配薯菜 ，肉眼扒同樣可選擇5、7、9成熟，家人都選擇9成熟，9成熟的肉眼扒起初有少許擔心會靭。很快，肉眼扒上桌了！煎得很不錯，我嘗試少許，沒有靭，而且很美味！我們的餐飲：凍檸蜜&凍柚子蜜，冰凍神怡。少冰、少甜、走冰、走甜，任君剔選！

我呢..真係好少寫食評，今次迫到我寫食評.. 話說依家6點後唔比堂食.. 諗住幫襯下小店..經過見到漢堡包賣相幾吸引.. 就決定幫襯..一入到去.. 完全無招呼.. 又無量體溫.. 埋到去收銀落單，收銀小姐語氣冷淡 好似聽緊你落單 但又好似心不在焉咁... 我叫左個牛魔王漢堡加大蘑菇（$14）加左$18轉餐 有汽水 同三文魚手指， 再叫左個滋味雞翼盤 $36... 落完單之後，佢問我 要咩包.. 我又重複多次.. 然後我問佢 大蘑菇係咪等於大啡菇... 佢唔答.. 轉向後問廚房 有無大蘑菇呀？ 點知廚房大聲話 唔煮啦 好麻煩. 個收銀小姐就話 賣哂... 我呆左.. 19:10 都叫做旺市.. 竟然怕麻煩唔煮...我都算. 轉頭收銀小姐又再問我 剩要一個包？ 我又再重覆一次.. 然後佢心不在焉咁又覆一次單... 我真係有少少炆.. 我問 仲要講幾多次？ 佢話覆多次怕錯. Ok 我真係覆多次.到我成功比到錢 等到外賣之後， 佢叫我號碼， 一野扔係枱面. 咩態度？ 無禮貌 收錢一句多謝都無. 依家仲要好似乞食咁. 我拎起外賣 望下有無執漏. 真係有. 我轉頭問佢 差罐可樂. 佢話：你都無落

是日家裏沒有煮製午餐，我便相約居住鄰座的朋友到住家附近商場用膳，想吃得輕便簡約些的我們，便挑選了到這間快餐店進食。牛魔王漢堡牛魔王漢堡是朋友點選的下午茶優惠套餐，可選擇配搭薯條或沙律，是餐廳的主打，上桌切開數份後我便小嚐了一份，漢堡使用的麵包口感鬆軟香濃，牛柳飽滿厚身，肉味濃郁，軟腍香嫩，配搭香濃獨特的芝士和新鮮的蕃茄、生菜，口感味道豐富。熱檸蜜上桌時熱騰騰的，色澤呈現漸變的黃色，清澈透亮的熱檸蜜散發蜂蜜的香甜，配搭上檸檬，氣味清香，這款是朋友套餐配搭的飲品，味道就不作說明瞭。香脆三文魚手指配忌廉雞肉意粉我挑選這款意粉是精選午餐，底部是忌廉配搭意粉，配料有雞肉、三文魚手指，意粉口感煙韌幼滑，加上細膩濃稠的忌廉，更惹味柔滑，雞肉鮮美嫩滑，三文魚手指則酥脆香口。凍檸茶飲品是套餐附送的，我選擇了加兩元轉凍飲並走甜，凍檸茶冰量充足，入口冰涼解渴，走甜後更突出茶味的香濃，配搭上清新的檸檬，味道清香濃郁。整體而言，環境舒適，整齊衛生，食材用料新鮮，味道可口，而且價錢合理，性價比高，是與朋友或家人吃西餐的好地方。

因家人在樂富收工，便一起去了Seafood Stand晚餐。去到發現此餐廳的確非常抵食，晚市免+1 ，平均餐牌上的食物價錢也是在$50內，份量也不錯。XO醬海鮮炒烏冬有驚喜， XO醬平均地附在每條烏冬上，雜錦海鮮也為此菜式帶來豐富口感。咖喱牛肉飯也有驚喜，有點像日式咖喱，咖喱汁帶來豐富的調味料，牛肉的份量也不少。牛魔王漢堡另外加了$14添了烤大蘑菇，漢堡扒還帶有肉汁，整體不過不失。他他白雪魚漢堡鱈魚份量偏小，建議可嘗試其他菜式。意式肉丸茄汁意粉抵讚的是有五粒份量頗大的肉丸。外加$18可以選單骨雞翼，或三文魚手指等小食。

黎開樂富成日諗唔到有乜好食，呢位樂富居民話帶我去試下樂富最正既burger😂😂首先，有個男店員勁高，落單好搞笑佢要wu低🤣上菜速度正常啦，薯條略嫌唔夠熱，可能係炸定既關係，建議唔好放太耐，可以炸脆啲。漢堡就出色喇，好多汁好香，的確有水準。我叫係較為原塊既牛扒，好易咬開，覺得肉香比漢堡扒更正但就油膩啲啲。兩個漢堡都係牛肉味好濃，火侯剛剛好。個飽就好多芝麻🤣價位對得住質素有突！樂富居民真幸福💕下次可以再試其他款～

今晚去樂富探姑媽, 知我中意食Burger, 就帶左我去樂富廣場平台食返餐。呢間餐廳主打Burger, 價錢介乎快餐店同外國品牌Burger專賣店之間, +$18升級套餐仲可以升級享用自選小食同飲品。餐飲揀左果汁先生, 我倆小食就揀左三文魚手指、芝士條兩款外皮帶焦脆, 芝士條中既芝士可以拉到長長芝士, 口感軟棉, 淡淡芝士香; 三文魚手指中既魚肉比較鞋,另外餐廳仲有自家製茄汁, 當中加入了香草, 點薯條食, 多一份香草味。【牛魔王漢堡】HK$52喜歡食Burger多一點香菇味, 於是額外加左$14加多一隻大菇, , 半溶芝士跟菇+牛肉漢堡扒溶為一體, 賣相邪惡, 塊牛表面有點焦香, 肉質粉嫩, 內裡keep到juicy肉汁, 同時夾住清甜蕃茄、清新蔬菜食, perfect!【半隻芝士龍蝦配牛魔王漢堡】HK$198龍蝦表面為熱溶芝士同茄蓉, 龍蝦肉質彈牙爽口, 配上甜甜微酸醬料, 惹味又開胃。餐廳全日冇加一, 抵食!

今晚同朋友去樂富試吓呢一間Seafood Stand，一入到去覺得餐廳設計別致，好似去咗外國咁。細細間餐廳，座無虛席，只有兩個服務員，但係服務態度非常好。我同朋友叫咗個牛魔王漢堡，好足料，另外轉套餐，加咗個芝士條同埋餐湯，個餐湯係粟米湯，超好味，值得推介。我哋再叫咗個10安士特級安格斯肉眼扒配薯菜，呢一個套餐就跟三文魚手指同埋橙汁。個肉眼扒煮得恰到好處，啲肥膏入口即溶，超正。我哋另外再叫咗個炸魚薯條，同埋田園沙律一齊食。我哋都好耐冇食過炸魚薯條，好懷念。我覺得Seafood Stand係一個同朋友聚會嘅好地方，暢所欲言，過好開心嘅一晚。

同朋友專程過嚟想試下呢間，點知真係嘥氣🙃🙃我都驚佢人多，打去想話留個位，因為只係早一段時間打去，都問過話有無位，問佢7:45到8:00呢段時間有無，佢答唔實，我留咗電話俾佢🙂🤷🏻‍♂️最後佢係無咗件事，我到咗附近，又打多次去，表明我到咗附近，問佢方唔方便，最後佢問我怕唔怕逼，我話唔怕，佢話留咗兩位俾我，我地最後係商場停車場搵到位泊車後過去，大約7:50左右，都驚過咗8:00佢唔方便留住個位，點知到咗之後佢話我做乜咁遲，仲要已經個位已經俾埋人😂🤷🏻‍♂️真心谷鬼氣，其實唔得可以答唔得，係有啲趕但佢又話留到，去到又俾咗人，仲要惡人先告狀話返我，無言🤷🏻‍♂️🤷🏻‍♂️🤷🏻‍♂️

事源：晚上7點30分打去問有冇位短髮女職員話有d full我地話已經向附近（泊車）7點9到8點有冇位佢話唔介意迫可以安排到咁我地即刻趕過去去到係7點50分我地同短髮女職員講頭先打左黎book佢就好燥咁鬧我地：有冇搞錯呀 又話好快到 我比左個位人喇（100％覆述）我地：…咁依家仲有冇位佢冇回覆就行走左大佬，專登揸車黎幫趁你地唔係求咩只係想安樂食餐飯，都要比人鬧，咁樣好咩？

唔知大家食晚餐係咪一定要食米飯呢🧐？而小編就覺得唔一定喇，可能簡簡單單食碗麵又得又或者食個包亦得🥪。而今晚放工之後獨自一人搵找美食，近近地就去到樂富商場見到一間食係漢堡包🍔，賣相好吸引，而且價錢亦唔貴。一個人的晚餐就唔諗咁多喇，一於試試🤭。✦✦✦✦✦✦✦✦✦✦✦✦✦✦🎈牛魔王漢堡 $52King of Devil’s beef Burger漢堡包相當大份🤩，餡料有蕃茄、芝士、青菜、芥末醬，相當豐富。漢堡牛肉厚身，亦唔會煎到好乾，啖啖肉好滿足🥰。小編切開發現，牛肉仲好鮮嫩，紅撲撲😚，牛肉味突出。住係附近嘅朋友有福了❤。52蚊食到高質漢堡又豐富材料，實在難得✨。另外，可以加$18蚊升級套餐，就可以加多款小食同飲品或是日餐湯🥣。小編就揀左單骨雞翼🍗，炸脆口感十分香口，熱辣辣香噴噴，雞肉嫩滑，小食佳之選👍。✦✦✦✦✦✦✦✦✦✦✦✦✦✦Seafood Stand餐廳除左漢堡包之外，仲有意粉同飯食🍚，唔會太一單咁只有漢堡包可以揀👏。而且餐廳環境格調好舒適，可以慢慢享受進食過程😎。✦✦✦✦✦✦✦✦✦✦✦✦✦✦

今天我同幾位同學仔去吃飯。因為看到舖頭較少人、唔使等就去呢間食午餐。 呢間舖頭沒有學生餐，午餐都至少48蚊， 對於我們學生來說都算贵。我第一次儘管就試下吧，只望價錢比貴一點，質素會比較好吧。可是事實不是如此……员工又少，落單遲遲未到，態度又差，我只是問他在哪裏落單，他就兇我了。當他送來食物時候態度才轉好。食物質素太差，完全沒有水準， 隨便找個茶餐廳都好味過佢，我食得好唔開心，我一定會釘佢牌。(╬◣д◢)

樂富商場平台係有好多唔同既食市但係藍店起碼佔左大半 堅係藍果隻 唔係無表態既藍店所以要係樂富搵到黃店其實都幾難 最近先發現原來SeafoodStand係黃店 所以即刻過黎試因為疫情影響 呢間平時走比較高檔既食市 最近都有減價 平日堂食免加一 外賣可以有九折 以樂富餐廳黎講 呢間餐廳室內環境真係算高質嫁以為呢到無文宣 其實係有 不過較為低調今次點左白鱈魚漢堡配薯條同埋Zero可樂漢包如果有烘熱會更加好食 宜家係室溫所以口感麻麻地炸鱈魚炸得夠脆身唔會成口油 肉汁豐富配上他他醬非常好食薯條炸得岩岩好 唔會太過硬或乾身 不過個人比較鍾意食粗薯條價錢黎講 略貴 間唔中過黎支持下是可以的最後 香港人加油

夜晚嚟左呢間餐廳，餐牌第一樣野就係番茄焗豬扒飯，諗住一定唔會有伏。。。等左冇幾耐，黎左貌相麻麻既一兜稍為凍左既飯。番茄醬冇番茄，完全只係食出茄膏味，好似漏咗加調味料咁。個飯似隔夜飯，冇飯香。醬汁唔得飯唔得都算，主角係豬扒，但係連豬扒都完全過熟，咬落超辛苦。想食豬扒飯就食番大XX算。

晚餐要左番茄焗豬排飯（$48）包飲品。個飯無炒過，食落又硬又一舊舊，個汁凈係有酸味，最差係豬排，非常乾而且無調味。個飲品（蘋果汁）亦只係有色既水。非常伏同埋真心好難食，並無一般茶餐廳正常水平。