Season Plus (Closed)

復活節嘅時候食都仲好好味點知過咗一個月多啲已經每況愈下 白汁煮青口 又細隻又腥又鹹 我喺外邊餐廳食飯好少投訴呢個係接近要投訴嘅地步地鹹128蚊嘅一田園沙律得八條菜 餐牌寫住係巴馬臣火腿 變咗兩條炸肉 嗰隻所謂溫泉蛋仲要九唔搭八炸咗佢 成碟嘢就係九唔搭八唔知想點海鮮拼盤 完全over cook 所有嘅只係得一種味道鹹好鹹同非常鹹嗰隻龍蝦直頭焗到乾曬嗰啲貝殼類加芝士焗完之後比係街邊小食檔更差之後再叫咗一個小食拼盤有腸仔薯條雞翼同蝦餅整得最靚就係呢一味 未至於話好差但係絕對唔會再去第二次唯一讚賞嘅係店員服務非常周到有問必答有禮

同朋友去尖沙咀食飯～ 搵咗間真係隱隱隱世嘅高質餐廳。呢度最出名就係生蠔，宜家仲有做優惠，抵食到爆～ 餐廳地方好大，環境勁正🥂Paesello Bianco (House White)雖然比較薄口，但用黎配生蠔一絕！最抵係叫一支白/紅酒就可以 +$50 去買6隻生蠔。之後再叫先用原價，但其實靚靚蠔都唔貴。紅白酒選擇都好多，價錢合理！🥢香烤牛骨髓配法國田螺油脂感極高，口感勁軟勁似啫喱，非常的軟棉柔滑。牛骨髓配上多士可以吸收油脂，再加上田螺增加口感🥢澳洲草飼黑安格斯嫩肩里肌牛味濃郁，而口感位較煙韌。加上烤過小小焦香～🥢卡邦尼配溫泉蛋配料多，啖啖都食到煙肉蘑菇同洋蔥。卡邦尼汁夠晒黏口奶滑～ 好好味

尖沙咀鬧市的穩世餐廳，室內外都可用餐，室內的佈置以花花主題，更有一幅花花牆，方便大家打卡。燈光浪漫，座位闊落～美中不足的是餐廳位置較難找，不過店員也會熱心幫忙！🩵精選生蠔 12隻 💰50 (換購價)雖然比較瘦，味道還是很不錯畢竟這個價錢，只需要有處理乾淨+味道平均兩次都閃吃這個，沒有甚麼問題🩵意大利巴馬火腿盤 💰148(帕爾馬火腿、伊比利火腿、莎樂美腸)上次吃過一次覺得很好吃🤌🏻 這次一樣好吃份量超足，還配沙律，超讚💗🩵葡式燒乳豬仔 💰278上次已經很想嚐嚐！很好吃捏～～～皮脆肉汁豐富配上原顆烤蒜頭、薯仔、蘆筍，調味搭配有考量過🫶🏻還附上芥末和中式乳豬醬，超細心💗🩵 Cornerstone Cabernet Sauvignon 2021💰248果香比較重，算是比較容易入口————————————————————————·飯後感·已經是二訪，上次的用餐體驗很不錯還試了凱撒沙律，份量相當大+誠意十足買一枝酒可以加購生蠔，相當吸引再加上食物質素不錯，而且水準穩定（所有價錢與食物質素一律以用餐當日為準）

早兩日同好耐無見既朋友二人聚一聚於是揀咗大家收工都方便去既尖沙咀Season Plus位置非常隱世😂唔係朋友之前去過帶我去我諗我要搵一段時間！就係係李家前少少條樓梯行上去見天氣仲未太熱，我哋選擇咗坐出面首先order左半打生蠔，因為太肚餓都未影相就食晒😂生蠔都好新鮮又大隻，仲好夠海水味🌊重點只係$18/1隻，簡直平靚正芝士明太子多士🧀呢個令我哋幾驚喜，塊塊多士上都舖滿哂明太子入口非常香脆又帶有明太子既咸香，超級惹味Y(^_^)Y烤焗海鮮拼盤🦞海鮮種類都幾多，非常豐富，有芝士焗龍蝦、焗扇貝、蒜蓉翡翠螺、燒魷魚同芝士黑松露焗大蘑菇，大蘑菇值得一讚！燒完都唔會乾身，仲好juicy添🫶🏻╰☆☆ 𝐒𝐞𝐚𝐬𝐨𝐧 𝐏𝐥𝐮𝐬 ☆☆╮📍尖沙咀山林道52號環海大廈一期地下A及E舖

和老公拍拖，想找一個環境優美又有情調的地方撐枱腳，朋友介紹尖沙咀這間Season Plus ，正符合我們的要求。餐廳位於尖沙咀，地鐵站一出，數分鐘就到，交通方便，佔盡地理優勢。餐廳環境寬躺精緻，椰林樹影，感覺進了世外桃源。餐牌選擇比較多元化，我們點了：✔️Red Bridge Chardonnay 2019的白酒✔️Barbecue 海鮮拼盤 ✔️半打生蠔✔️一份乳豬埋單 $994。白酒：Red Bridge Chardonnay 2019的白酒，入口清甜配，淡淡的水果味，與食物的配搭非常襯，尤其與海鮮是絕配。Barbecue 海鲜拼盤：食材新鲜，尤其龍蝦肉質非常彈牙，配以西班牙式的調味料，令你有食到停不了的衝動！半打生蠔：這次的生蠔特別新鮮，有淡淡的海水味，口感豐富！乳豬：這個乳豬的豬皮特別香脆，肥瘦均稱，肉質軟林林的；再配薯仔、蒜头、豆和醬汁，令食慾大增。在优美的环境下享用一顿美食，也食得出廚師的用心，真是一大樂事！

完全冇諗過尖沙咀鬧市會有間自成一角的餐廳，有種遠離繁囂的感覺。餐廳食物質素唔差，性價比高，好適合放工或放假日子同朋友聚會！室外位置空間比較大，門口有種歐陸風的感覺，會比較chill，但如果唔想聞到煙味，建議坐返室內，餐廳入面佈滿植物，環境同樣舒適。🥩 鵝肝拼安格斯牛柳 ($368) 👅:93.23分 呢個配搭一流！鵝肝好大件，煎得好香脆，啖啖油脂香，牛柳叫咗五成熟，質素還不錯，好鐘意伴碟的蒜頭同配菜。🍛 美國中碼生蠔 ($18/pc ) 👅:80.01分 呢個價錢嚟講，生蠔個size算適中，口感比較爽脆，蠔味唔算重。雖然價錢平，質素尚算可以接受，過吓口癮都不錯。叫支白洒加$50就可以有一打生蠔，如果鍾意飲白酒嘅你哋，不妨一試。🥓 白酒忌廉藍貝青口 500g ($128) 👅:86.33分 青口大隻鮮甜，白酒忌廉汁也做得香滑。最出色反而係個蒜蓉多士，焗得非常鬆脆，蘸點忌廉汁一齊食好夾，略嫌醬汁份量唔夠，如果可以煮多啲會更好。呢個份量嚟講 ，性價比非常高。

朋友早前已經強烈推介呢間食生蠔，因為價錢好平，而且新鮮酒買一送一哇，調和威士忌（買一送一）一杯60幾～佢哋嘅3號有唔同品種今次嘅美科中形生蠔，$18.1隻絕對有驚喜呢個價錢做到新鮮Creamy嘅感覺所以我都食咗好多隻法式鵝肝多士 （4件）邪惡嘅鵝肝真係咬落去口感一流，喺口裏面爆出的感覺鵝肝輕輕煎，之後嘅感覺更加好❤️🦞海鮮拼盤，係佢哋用心烤🦞🦪烤焗海鮮拼盤，龍蝦肉肉質飽滿，再加上有扇貝魷魚等等一份嘅份量，真係唔少呀牛油蒜蓉蜆肉意粉🍝好濃郁嘅蒜香味都加上新鮮嘅蜆肉呢度嘅意粉，味道都啱啱好唔會太鹹或者太軟

尖沙咀season plus 係山林道入到餐廳好似進入咗另一個世界。嚟得season plus 梗係要叫番啲生蠔食啦！我哋叫咗5款唔同既生蠔食。Gillardeau No. 2岩手縣雪解宮城青花瓷岩手縣風雅美國中碼生蠔宮城青花瓷差不多手掌的大小，蠔身比較厚和creamy爽口有淡淡嘅海水咸味。日本雪解(岩手縣米崎)生蠔 蠔肉肥美, 海水味適中, 裙邊爽口, 帶子位鮮甜, 蠔味香濃。法國Gillardeau No. 2識食生蠔既都知道係生蠔中既極品。法式鵝肝多士鵝肝入口即溶多士真係脆到一個極點好味道😋鵝肝蘑菇意大利飯個意大利飯煮得好好食😋配埋件咁大既鵝肝真係好正😋Cocktails Marigold 萬壽菊(右）飲落有啲芒果、青檸同薑味但個味道都好balance。Moscow Mule（左）有伏特加酒和ginger beer再加啲生果味。飲落又幾好飲。

今個月我生日，老公請我去尖沙咀Season Plus 慶生，餐廳環境優美，有不少打咭位，用餐氣氛濃厚。精選小食拼盤：即叫即做，每樣香脆可口，係佐酒佳餚。唐揚手羽雞翼皮脆肉嫩。雜錦風味腸：口感扎實的肉餡散發著清新香味。炸蝦餅香甜，重有香脆薯條，十分豐富。美國中碼蠔，特價蠔只係18蚊一隻，當然不會錯過，蠔好新鮮，係即叫即開，中碼蠔肉雖然唔係厚肉，但味道都好鮮。香烤威爾斯羊西冷：威爾斯羊在天然環境下長大，吃的都是天然飼料，故此肉質纖維幼細，入口嫩滑，香而不羶，而羊肉外的脂肪圈比例也較其他羊肉多，就算煮熟後也不會太韌，羶味亦不會太濃。其他配菜也燒得香甜。秘製醬汁焗豬肋骨：火候煮得剛好，肉會略為黏骨，但輕輕一撕便會分離，入口柔軟、咬落彈牙，而秘製醬汁醬更加令豬肋骨帶來豐富的味覺層次，非常好吃！

身邊朋友對season plus既生蠔都好高評價，而上一次黎食既印象都係食物質素好好，今次再約朋友happy Friday 黎食下蠔飲下野。哩度既花花牆絕對係打卡位，真係好靚👍🏻🦪美國中碼生蠔🦪$18🦪日本青花瓷🦪 $78原先想叫No.0，但係咁岩今晚無貨，叫左一打中碼，價錢只係$18/隻，全部都好新鮮，美中不足係有部分蠔偏瘦，但味道係非常鮮味既，有d輕輕掂下d邊位仲會縮一縮，証明真係新鮮。建議大家食高價位d既時令款，因時令而不時轉款，今晚既青花瓷好正，大隻肥美，味道清爽鮮甜，好juicy💦食一隻都好有滿足感。除左蠔，依度既主食都有質素。美國特級安格斯肉眼 $398肉味濃，肉質嫩而彈性，表面格紋帶焦香😋蔬菜伴碟全部都煎香，簡單以鹽調味已經好好食，另外個人口味都好中意配原粒烤蒜，好香😋鵝肝蘑菇意大利飯 $158重點在鵝肝既油分豐富，滲哂落意大利飯面，啖啖都有鵝肝甘香，好好食🤤Marigold $68蘋果，蜜糖本身既香甜，加左薑汁形成對比，味道微微辛辣，好特別👍🏻Purple Lamborghini $78岩岩上既時候有蝶豆花紫分層好靚，有蘋果，檸檬等果味，味道清爽。

以前幫襯過幾次Season Plus，覺得幾適合放工嘆嘅西餐廳，又可以靜靜地同朋友吹吓水。同同事傾開大家都有段時間無食，諗住睇吓仲有無free flow酒優惠，不過當日已經無咗，唯有試吓啲常設優惠，開枝酒再加錢食生蠔。La Catrina Moscato $298．呢款為澳洲出產嘅白酒，口感幾濃厚．帶有白花、蜜糖，水蜜桃同忌廉等香氣，入口香甜不膩，好適合女仔飲用．配搭生蠔或肉類更適合半打中碼生蠔 $50．以往一直有惠顧紅/白/汽酒，就可以$50享一打精選生蠔或半打中碼生蠔優惠，今次試吓都覺得幾抵食．中碼生蠔新鮮清甜，無乜腥味，肉質亦幾滑．無乜沙石，清潔得幾好．怕腥嘅朋友可以自行添加檸檬汁或雞尾醬法式鵝肝多士 $148．一碟有4份，適合作為頭盤小食分享用．多士整體偏脆，如果可以保留內軟感就更好，帶少許牛油香．鵝肝厚度適中，唔會食到好漏，油脂誘人精選小食拼盤 $188．內有唐揚手羽雞翼、什錦風味腸拼盤、炸美國薯條同炸蝦餅．拼盤最出色為雞翼同蝦餅，兩款都炸得香口惹味，厚肉雞翼夠吸引．風味腸有爆汁效果，夠juicy．另附茄汁同黑松露芝士醬，個人非常鍾意後者味道，提香效果一流澳洲草飼黑安格斯嫩肩

♧ 𝚂𝚎𝚊𝚜𝚘𝚗 𝙿𝚕𝚞𝚜想喺尖沙咀搵個靜靜地嘅地方同朋友食餐飯傾吓計，朋友就推薦左呢間係山林道嘅Season Plus😉地點方便，而且佢位於山林道嘅最尾，相對地比較靜，帶種清幽嘅感覺💗♥︎精選小食拼盤（$128）呢份小食拼盤入邊有唐揚手羽雞翼、雜錦風味腸拼盤、炸美國薯條加黑松露芝士醬、仲有炸蝦餅，相當豐富！最鍾意就係佢嘅炸薯條，炸得好香脆可口，配埋特製嘅黑松露醬，簡直係絕配！另外佢嘅腸都唔錯，咬落去肥美多汁，而且食完都唔會覺得好漏♥︎芝士明太子多士（$68）呢個多士嘅性價比好高，一份足足有成五塊咁多，而且件件都烘到啱啱好，面頭嘅芝士明太子停留喺半融狀態，份量充足，唔會令到個多士太鹹。♥︎明太子白汁煙三文魚意大利飯（$128）呢個明太子白汁同埋意大利飯完美搭配，明太子白汁味道濃郁，煙三文魚亦都好香，意大利飯淋得來又有少少口感，加埋少少香草，既可以裝飾又可以調味♥︎美國安格斯西冷（$368）我哋叫咗五成熟，佢俾我哋嘅預期相對熟少少，不過依然唔會覺得太靭，入口感覺牛味重，唔需要刻意作其他過分嘅調味都已經好好味，而且好鍾意佢嘅格仔坑紋，令到賣相加分！♥︎（楓雪）乳酪芝士蛋糕（$128）呢款係舖頭自家製

出邊有戶外好多人都坐出邊，感覺上更加chill再加上呢度嘅裝修都好靚，室內充滿了花花可以喺呢度打卡影相呀❤️美國生蠔🦪價錢最平，但係質素都有保證鮮甜，而且唔會好細個除了美國中碼生蠔仲有日本生蠔都可以試煙三文魚Salad份量夠充足又新鮮好味道大大塊煙熏三文魚沙律，配上特製嘅調味，味道一流鵝肝蘑菇意大利飯～蘑菇味道口感好入味再加上唔會太鹹調味啱啱好呀法國鵝肝煙燻安格斯牛柳❤️因為鵝肝西多士真係太好味，所以我哋先買呢個煙燻安格斯牛柳煙燻嘅咁講，一打開記得要打卡啊，同埋佢哋可以揀返幾成熟，我就覺得五成熟啱啱好

星期日我和老公去尖沙咀Season Plus食生蠔。我地叫了8隻精選生蠔 ($18/隻)、2隻日本岩手縣的雪解生蠔 ($58/隻)、2隻日本宮城的青花瓷生蠔  ($78/隻)，左至右排列，可以看到生蠔越來越越大隻，當然也是越來越越好吃，精選生蠔海水味頗重，雪解生蠔口感比較爽，而青花瓷生蠔肉多又很creamy，全部都是很新鮮的。雪茄蝦卷蝦卷呈現成雪茄的樣子很特別，外皮夠脆，裡面熱騰騰的，不錯。白酒煮蜆蜆非常大隻，而且完全沒有沙，白酒味也很出。蒜香卡邦尼意粉每條意粉都掛上忌廉汁，非常creamy又邪惡。鵝肝蘑菇意大利飯鵝肝挺大的，意大利飯充滿軟腍的蘑菇，吃起來偏湯飯掛。最後還叫了杯zero喝。

想搵間餐廳慶祝一下，無意中發現到佐敦呢間餐廳環境幾好，而且價錢合理，一於去試吓。海鮮盤好多款海鮮，男朋友仔不斷要求食龍蝦，但唔可以淨係點龍蝦，所以唯有點呢個海鮮盤，不過都冇令到我失望，龍蝦好大隻，而且好多膏，肉質彈牙，其他海鮮都係用芝士焗，食到芝士香味之餘亦食得出海鮮嘅味道，不過我尤其鍾意食個啡菇，芝士焗大啡菇超級惹味。白酒藍青口叫咗個細嘅size，不過我一上枱問咗侍應兩次係咪真係細size，因為真係好大兜，好驚人！不過我覺得如果醬汁可以多啲就更好，因為我最鍾意用啲汁點啲麵包食，真係好好食㗎。蜆意粉明顯就係為男朋友仔而設，佢一個人差唔多食晒成碟都咪話唔係大食，不過我都好鍾意意粉好香蒜蓉味，而且啲蜆好鮮甜唔會有沙，好味。最特別的雪茄蝦春卷，呢碟我純粹為自己打卡而設，我喺網上見到覺得好得意，實物原來除咗可以影相打卡，味道都真係好味，入邊嘅蝦肉真係好彈牙，配埋即炸嘅春卷皮，外面脆卜卜入邊又爽口彈牙，又可以影相又可以食，我覺得呢四條春卷嚟到呢度真係必點。