四季冰室 (顯徑商場)

Open Now

Now Closed

新式茶餐廳裝潢 環境可以(⁎⁍̴̛ᴗ⁍̴̛⁎)座位設計 環境光猛 座位之間有空間感so far so good 環境上尚算舒適 中午蕃茄通常餐約$60 價錢偏高 偏偏店員服務水準 完全不達正常水平(´･_･`)一行二人 店員放低比一杯水就離開了（或者可以理解一杯水用嚟洗餐具用途吧）當我哋諗好點餐內容叫店員5分鐘都無人落單 兩手空空的店員直失直過 頭也不回 舉手示意落單睇唔到 唔該落單也聽唔到 定位做街坊生意既但禮貌欠奉 服務體驗一般

食物的味道不錯👍，沙菜牛肉麵極力推介，但，坐正角落頭經常被服務員無視🙄 ，點餐時會很麻煩😡，而且服務員都會一同視而不見，聽而不聞，若有點餐時，需用很多旳時間，令外，有些飲品🥤會太過甜，糖漿下得太過多了。不太乎合香港人的口味，但也會有小部份的大人和小朋友喜歡過甜，整體來說，食物的味道👅，衛生等方面，大致上都沒有什麼大問題👍，就是，如果真的不好彩，坐在角落頭，我真的寧願不吃😡😡，如果可以選擇的話，我絕對不會坐在角落頭！！

焗嘢等得耐我明，但要等25分鐘，催單先有?落錯咗外賣都算，雞扒變平啲嘅豬扒，同落單嗰個講，話「同收銀講囉」，一副懶理嘅態度。同個收銀呀姐講，好hea咁望咗一眼，就話係雞扒，但之前食過間嘢啲雞扒係冇骨，講咗半分鐘佢先補返差額，出門口嗰刻聽到佢講咗句「痴線」，呢個係一間餐廳應有嘅服務態度？

夜晚八點幾諗住叫個燒味飯，個人本身唔舒服就冇落樓下附近d酒樓買，見佢哋個燒鵝講到自己幾咁隱世幾咁正就決定試吓。一個燒鵝四寶飯要價接近$100，經過外賣Apps叫到嚟真係一睇嚇咗我個大跳，個飯就好大盒，得四舊仔燒腩仔，四粒燒鵝，加埋四片紅腸（我求其揀間煎釀三寶嘅紅腸都厚過佢）。我喺大圍買任何一間$50燒鵝飯都唔止呢個份量，而且味道並無任何驚為天人嘅地方。講真試咗呢次，以後呢一間集團嘢唔會再有第二次。

今晚想鋸個扒🍴，點了懷舊鐵板餐。✨招牌黑椒牛柳（$98）奉送是日餐湯，牛油厚多士（半件），總括性價比幾高。我選擇配薯菜、洋蔥汁，牛柳份量都多🐂，牛肉味道和口感都很好，薯條很多。

今朝去食早餐. 一入到門口就有位靚女姐姐微笑帶我入座. 我話我想坐卡位. 服務員小姐也盡量安排. 一座落就有服務員主動送上一杯水. 好過其他餐廳. 跟住又主動問我需要吃什麼早餐. 細心聽我講吃的早餐. 我話要多杯熱水. 服務員也極時比到我. 成個餐廳環境也吾錯. 坐得又舒服. 食物品質也吾錯. 值得推薦的一間冰室😊👍🏻

服務態度超差，完全不似一間服務食客的食店，食物簡直垃圾，入邊嘅員工簡直不可理喻，完全當你係狗入來餵狗糧一樣。叫嘢食叫足15分鐘冇人理，落單時你講食乜佢完全聽唔到，完全冇心聽取客人食乜，上菜時衰啲講句就嚟飛上台，呢間咁嘅餐廳簡直係趕客。叫員工完全聽你唔到。現今嘅香港多一間呢啲咁嘅餐廳。想令到人留港消費真係好難。其實講咁耐，真係想講呢一間餐廳嘅服務態度真係好差。

今日難得兩公婆一齊放假🏖️便去樓下冰室食早餐！意外發現平日都十分舒服！因為我通常都在假期先幫襯一下！進入門口就有位四眼妹妹問我幾位！然後就帶左我地卡位坐！都十分體貼！我當然要試試沙嗲牛肉通！通粉來到夠熱！牛肉好夠沙嗲汁！奶茶都調教岩岩好！我向侍應生要杯熱水！都好快就比我！總括早餐🍳服務我本人就很滿意👍食物都不錯👍其實我好少去冰室食早餐！我今次去實在令我感受到茶餐廳文化！很多都是街坊鄰居！有機會再要幫襯！

以外賣自取方式幫襯，員工態度非常惡劣！明白天氣唔好，多人叫外賣，係會比平時忙，我都等咗50分鐘，我都只係問咗其他同事一次驚佢漏單。啲客全部都係靜靜地等，唔明做咩要對啲客呼呼喝喝！無啦啦拎個餐出黎，就對住啲客大大聲，問係唔係你嘅？係就快啲拎走！真係好冇禮貌！大佬，號碼又唔叫，張單係邊個點樣睇？問佢做咩態度咁差，佢話多客！大佬，做唔到咪唔好接單，冇必要對啲客咁差！建議各位少啲幫襯，幫襯呢間野真心貼錢買難受！

一般茶餐廳質素食物一般，只係比較有裝修過。職員服務態度欠佳，大多數都扮睇你唔到🥲如果想普通快食都可以不妨一試，食物種類都多、有一般嘅常餐、三文治，燒味、茶餐都有。

食個早餐一肚氣，食物未到齊追左45分鐘也到不齊，所有問過的侍應，全部態度差，寸嘴，不跟進。牛油多士，食得出牛油味道非常奇怪，不是好牌子的味道。攞杯滾水也需要問5位唔同侍應，有人直接答，我唔得閒，幫唔到你。 其他人答：你搵其他人幫你。最終走的時候也收不齊食物。只有收銀姐姐講嘢會識得加上：對唔住，請。一定不會再講去受氣。最差是態度，其次是食物唔得，可惜顯徑沒有什麼競爭對手，她還是好好生意。希望大圍站商場快啲開，帶入新嘅競爭對手，令到一啲不合格嘅餐廳被淘汰。

叫外賣等左幾唔多2個鐘！不停打電話來問！最後講咗唔要夾硬送上來仲要態度極差！你一係唔好送外賣…..我等左差唔多2個鐘都唔洗食啦！仲要一肚氣！我以後都唔會再幫襯垃圾餐廳！

顯徑邨民:平時已經服務態度差，哟野又唔係咁好食又貴，夜晚8點幾去好似趕收工咁，9:00就要埋單，你地好似收10:00架啵。好啦，初三19:00等位15分鐘唔緊要，初三食飯話加一都唔緊要啦，等足40分鐘都未有得食，火都黎！！唔要取消走人！！！

行過顯徑商場見到間門面比較光鮮嘅茶餐廳就走入去試吓，入去已經冇人帶位只係🫵下你算，坐落未到晚上九點，個啊姐就行埋黎話依度收十點，要叫快啲叫，本著唔好阻人收工嘅原則叫左個鐵板餐日式鰻魚拼雞扒、羊架，同埋有個類似全日早餐。羊架又老又鞋口 唔似煎似炸多啲 意粉凍嘅。完全唔好食。鰻魚超級超級鮏又有雪味，好難食可以話未食過咁難食嘅鰻魚，雞扒正常雪貨。全日早餐揀左個魚柳，我相信佢係全餐廳最正常嘅菜式。味道唔差同快餐店差唔多。佢都仲有特餐常餐炒麵通粉餐。

作為屋邨街坊生意，如此多劣評，也一樣沒改進。入座不要寄望有何服務，只有安排入座時熱心，下單之後，就什麼都不是。食物等一下，看著遲入來的都在吃，自己的還沒有，只能呆等食物，都不會去追單，應答一下就行開去。見餐牌餐食幾吸引，入座就知如何貨不對辦。一個餐肉粒蕃茄濃湯餐，跟3.6牛乳滑蛋火腿及半份多士，這個滑蛋完全一點都不滑，有無用3.6牛乳炒蛋也完全吃不出。半塊多士係凍的，也不脆，火腿也沒煎過似的。只是跟蕃茄湯轉公仔麵還好，午餐肉粒是厚切的，蕃茄湯底雖然味道是甜也算是濃厚，但味道還能過得去，也能吃到蕃茄肉。一個餐食連凍飲要$52，物非所值。