四季冰室 (青衣市場)

Open Now

Now Closed

專登開個賬戶寫食評，之前谷鬼氣寫漏咗。樓面既人大部份唔係做野既，尤其個短髪阿姐，目光呆滯，滿懷心事。叫咗個麵餐，個火腿炒蛋等到食完個麵都未到，個面就涼既算，個蛋見到喺水吧位放左出黎好耐，唔會有人睇下有冇野埋，我份人就好硬頸既，專登唔叫睇下你埋唔埋，個阿姐真係望住一點，唔埋就唔埋，到之後埋枱，個火腿蛋凍既，但係碟底浸滿油，仲要張枱號寫單張餐紙仲喺碟野度俾埋我。收銀阿姐又係，好似欠佢錢咁。冇誇張既，我從來覺得俾幾十蚊，要求唔會高，求其有野食正正常常就ok, 老細可以睇番cctv就知我講乜。好老實，老細俾咁多錢開間餐廳都係求財，請咁既人點會有人再幫襯，之後睇番先知原來啲食評個個都投訴，老細真係要正視下，至少有個幫到手話到事既睇住個場。我從來唔會曬時間寫啲咁嘅嘢，因為真係太離普，希望openrice能夠貼出黎，提醒相關餐廳，唔好成日話香港餐廳點解成日冇人幫襯，根本係自身問題。

西式晚餐白菌汁龍利魚配雞扒 飯（汁多，魚未夠脆，雞扒合格之上）是日例湯 白菜仔湯 正常發揮 夠熱蒜蓉多士 夠脆 +3 涷檸茶 太多冰 份量唔夠正常發揮，唔差，只係冷氣係爭d。 等候時間大概10分鍾，人流唔多。 相比起銀龍，呢間好食d，但銀龍冷氣好好多。

第一次去食，有得單叫炸雞比。第二次去就話無。行到去門口等樓面帶位。個經歷6直接企係收銀隔離掛住同人傾計，好唔耐煩咁話 自己入去啦，有位架啦，極無禮貌。不會有下次。跟住叫個星洲炒米，d粉多到我係食到一粒粒係口。未食過咁難食ge星米。

因經常夜收工,2300想話堂食就問下收晚上幾點,話0030；落單食緊,就吃完在未夠2330 就追你一定要埋單計數,話欠2口飯可否吃完先,都話唔得,企係度係咁話埋單埋單截數,唔等得；以後不會再幫襯.

全部人都唔願做，無人執枱，無人落單。落單都要等10分鐘得一個姐姐係前面，其他人呢曬係後面唔知做咩。叫人自助斟水，但係冇水比人，聽到無水即刻走左去，店員趕客，唔會有下次。

入店我哋原本自己揾咗個近門口位置坐，姐姐好好，溫馨提示，內裏位置比較涼爽，我哋轉左入去坐，真係涼啲喎。坐低後，點餐，姐姐再度提示中湯唔錯，結果湯好濃、夠味、無咩味精👍果然無介紹錯！果晚同家人食左鯇魚煲同埋肉餅，都幾多同幾大份。肉餅要即蒸係要等，但值得，好好味，家人本身鐘意食肉餅。佢食完話餐廳肉餅係人手剁，唔係用機攪，口感好好多！佢有要求都收曬貨，下次一定會再幫襯👍晚餐埋單2個人2個小菜餐大約係$170，茶餐廳價錢，ok 收曬貨啦～

經常行過青衣街市有間光鮮闊大的餐廳，特意一試平均晚餐70-80晚飯價錢合理餸菜碟頭亦算大碟，味道不錯比商場內其他餐廳質素更佳可惜樓面員工質素參差即使入座率明明只有3成左右，但員工落單態度極為敷衍，自己落錯單亦面露不悅亦完全沒有詢問客人餐飲情況下，就擅自轉湯當客人食物發現粗硬頭髮，投訴過後竟然無人跟進，不聞不問，令人非常詫異希望店家多多改善樓面質素不要因為個別員工參差表現及經廳經理管理不佳，而拖累質素上乘的廚房出品。

食個午市套餐既沙牛面 一直都可以轉米粉 突然話唔俾轉 咁點解我外賣同一個餐 餐話俾丹麥酥 結果變成包 姐係搬龍門啦 我食野唔算濃味 我打邊爐 清湯可以唔點醬食 佢啲汁又淡 唔係屋企人覺得好坐 我都唔會食

新開果時見好多人，今日見到冇乜人就即管試吓！入面真係坐得好唔舒服，啲位又迫啲枱又矮！坐得唔舒服都算，嘢食真係一般過一般！碗米線熟到淋過鬼，乾炒牛河啲牛肉有渣，河粉好難食，雞髀西多士隻雞髀勁細炸完都仲有凍肉味。講真喺長發食嘢，泊車要成$300，下午茶我哋四個人都有啲難。最後問佢拎多張單夾，就同我講無大單，問佢有冇午餐單佢就同我講話過咗午餐時段，所以冇，好心做印定一堆大家方便，就算唔太好食，人哋都可能會再嚟幫襯吓。垃圾領展加垃圾茶餐廳，香港真係搞唔掂！