唐三樓Cafe (Closed)

2008-12-27 (sat)星期六既旺角, 周圍都勁多人,想搵個靜靜的地方傾計真係唔係咁易.朋友說一定要到呢間cafe試試, 3點正, 一上到去..咩人都冇. 不過好舒服既環境吸引著我。呢度地方唔大, 大約只有600尺, 同一般既樓上cafe差不多. 不過裝飾得好舒服, 地方光明, 又整齊。我地叫左3個tea set, 一心打算食返件cake, 可惜, 因為xmas, 他們呢幾日冇時間整, so 成間cafe都冇cake叫. 可惜呀!1. 碎旦沙津飛碟 ($27): 好普通..2. 烤德國腸($40): unexpected!! 有大大的8條. 而且並非一般的芝士腸, 是不時在西餐廳食到既德國腸, 表面焗得香口, 內裡juccy又有肉味, 不錯不錯!3. 是日意粉 - 肉醬意粉 ($37) :好細份..可能係tea. 意灶粉較硬身, 煮意粉既手勢不錯, 意粉底加tomato jucie炒過. 幾野味, 個source 就一般,,有點失望。每個tea set都配有飲品一杯:1. coffee: 即磨coffee, 可惜沒有skim milk, 又沒有代糖..一般cafe仔都冇架喇..

Just had a Xmas Party there!Food were great against its price.They serve finger food and hot dishes in house cooking (Not from take away )Presentation and taste are great.I would recomment this Cafe for peoples who have party, but not more then 30 peoplesbecause it was very packed on that night!

12/12今晚約左同學仔傾project，搵左好耐最後決定book 7:30 pm。上到去先發現之前黎過一次，先醒起返d 野食都幾好食。7:30pm 準時到步，點知個老闆娘一入到去就串我地，"又話7點黎？我以為你地唔黎，我仲拍返好哂d 枱tim"明明係電話book 枱時個人都覆返我係7:30，都唔明點解老板娘咁串我因為傾project o既關係，無睇清楚個meun 就叫左個dinner set，叫左o既係"白汁煙三文魚意粉 + 終極朱古力(好似係咁o既名)"一陣間就黎左杯朱古力，賣相唔差，不過就相當"濃味(甜)"之後再黎碟意粉仲"精彩"，細碟到好茶餐廳o既沙爹牛米咁細碟。意粉"乾爭爭"，白汁係金寶湯，煙三文魚份量ok 啦！係好自家菜o既煮法。p.s. 咁o既食品$80真係唔太值

試咗焗巴辣腸同甜蜜蜜鷄翼，好味。巴辣腸味香濃，強烈蒜及黑椒味，坊間少有，tea set + drinks 都係$40，抵食。有一款好大條嘅芝士腸，真名忘了，又係焗嘅，咬落有芝士流出，最好用刀义切，肉味香濃，同city super 買到嘅德國腸有得揮。甜蜜蜜鷄翼焗得面脆內滑，好想食完再食。仲有好多小食都好味，好似有炸薯角、熱狗、三文魚沙律......都係我過去兩次食過嘅。服務ok吖！未如上手寫得咁衰，可能我遇唔到人哋寫嗰位，遇到個男侍應/老板同一個長髮少女。Lucky！

講真呢度d野都幾好食有一排成日上來推介所有朱古力飲品朱古力脆脆, 終極朱古力, 朱古力萬歲都好好味而食野就有焗雞翼同什菇牛油炒意粉但係果度d服務真令人受不了個女老闆都ok既唔係有禮貌,冷冷淡淡囉, 不過未算串但佢地有個中女waitness就真係勁唔得十叫九唔應叫野食都要叫幾次先來叫佢俾水下世先會到有幾次真係見到佢"反眼"嘩咁大枝呀?我係客都未反你眼啦如果我係個老闆就炒鬼左佢事關我同我d朋友都頂呢位女仕唔順冇黎左呢隻半年有多喇雖然好掛住呢度d野食同埋去呢度唔洗突特叫set因為特飲要加錢所以分來叫都係差唔多錢咖咋但可以揀自己鍾意既主菜嘛

好老實，本人對此店有偏好，皆因屋企喺附近，約朋友最方便，所以一個月頭都去三、四次。十分喜愛呢喥嘅裝飾，好有田園feel，以及我之前食評提過嘅cheese cake。近來佢哋有啲新嘅花茶 - 花旗蔘玫瑰茶。好甘甜又有玫瑰花嘅香味，係我哋呢啲一向少飲凍飲嘅人新選擇。尋日去食咗件藍莓cheese cake同飲咗壺剛提過嘅花旗蔘玫瑰茶，藍莓cheese cake一出嚟，就快快放落口，質地結實，藍莓酸甜，中和咗cheese嘅膩，好味。其實呢款cake我經已試過三次，每次都係咁好味。本人亦籍此機會提醒食cake嘅朋友：雪過嘅蛋糕上碟後必須盡早食用，否則幾好嘅蛋糕接觸到室温後質地会變得太冧而形嚮口感。冇嘢嘅，見到之前食客嘅留言後，純粹分享吓，可能下次該位食客又有唔同嘅感受呢！有嘢讚有嘢彈 - cake款式不多，有時賣哂要白走一趟。同埋啲客人玩game有時会過份大聲，有時係尖叫，嚇死人！不同意之前一位食客留言，佢話想keep客就要多啲game玩，但我党得keep客係講食品及飲品嘅質素以及環境和音樂營造嘅氣氛配合，不過，去cafe嘅人種類有好多，所要求嘅嘢係好唔同，我只不過係想食吓嘢飲杯茶傾吓偈，如果想

上星期五同朋友慶祝生日，揀左好耐先揀左呢間樓上cafe入到去，比想像中細，樓底矮，坐得都幾迫下我地五個人，只可以三個人坐梳化，其餘只可以坐扶手椅，唔係太舒服野食都ok啦個煙三文魚意粉好好味，好足料個薯角都炸得幾好味，幾香口其餘的意粉就麻麻地了飲左推介的「黃金少年」好似芒果乳酪沙冰咁飲落酸酸地幾開胃不過味道比較淡，放耐左就無咁好飲但呢度最差的地方係服務叫都無人應，好似無人理你咁要親乜野都要等等、等等最令人失望係我地拎個生日蛋糕出黎點住蠟燭叫佢地幫我地影張相都要等等支蠟燭點緊架，仲要等???最後都係要勞煩鄰枱的人幫我地影.....另外俾你玩的野都唔多我覺得佢地想keep客的話應該買多d game放係度得個幾款實在唔太夠

紐約芝士餅：麻麻地…餅身唔夠實淨…味道尚可接受藍天多多龍：即係藍莓+益力多…從此不愛益力多溝埋既野飲..不太好

Homemade Cheese Cake：曲奇芝士蛋糕、白朱古力芝士蛋糕：size適中，但有時幾散，不過不失啦朱古力棉花：沒特別薄荷朱古力：薄荷味不足xx小子(放在台上的menu)：幾好，好香芒果味，好正架藍莓多多龍：本人覺不好飲小吃：各式香腸仲有好多不同種類的飲品架…都好好味有分非/會員價…惠顧唔記得幾次以上就可做vip

已經成為會員嘅我，第一次同老公、姊妹嚟，好多人，我冇乜點食嘢，淨係飲咗杯特飲同食cake....飲品叫"黄金少年"，都幾好飲，乳酪夾埋芒果，都幾鮮味！好清新。再同舊同學嚟聚會，平日係幾舒服，冇第一次咁逼人。叫吓啲意粉、沙律、炸嘢、焗雞翼，啲食物味道幾home feel，如果話好好味又唔講得上，但唔似一般西餐咁standard口味，茄汁意粉有茄肉，並非橙色汁一堆，食得出有心機冇味精，讚！鷄翼幾好，焗得金黄，好惹味。cake係homemade嘅，但有水準，試咗blueberry同白朱古力cake，好有芝士味，冇花假。最近都係約人食cake，多人食cake關係，賣哂上次叫過嘅blueberry，只有豆腐cake，都幾滑，好有豆香。飲杯茶，食吓cake，就消磨咗一個星期六下午，坐窗邊坐得舒服，傾吓偈，不錯的迭擇。

嗜吃cheese cake的Monica介紹了唐三樓給我，話係有心之作，話點都試吓啦！上到去見cake的選擇不多，有兩款，明解，小店嘛！點了各一款Cake- New York Cheese Cake & Mango Cheese Cake。先吃Mango，嘩！好香好滑，事關芝士味不太重，不會搶去芒果的香味，3月份芒果開始當造，特別甜！而吃此cake的感党好似吃布丁一樣滑。十分愛！飲杯蓮花茶後，傾陣，再吃New York，好濃好結實，用义一吉亦不見鬆散，最怕食到啲散收收嘅所謂Cheese Cake，不知吃到麵粉還是吃到少得可憐的cream cheese!但唐記(唐三樓)真的沒令我們失望，亦籍此機會讚一下老Mon！果然好介紹！跟cake還有唧花曲奇數片，鬆化，吃罷不覺油膩。應鬆的鬆，不應鬆的不鬆，抵讚！加油！該晚傾埋啲八婆事，傾了兩小時才收檔，老Mon是會員，價錢平一點，埋單兼付tips都只是$110，她介紹我免費入會，下次自己來便收會員價，正合我呢啲女人仔心意！除了口淡淡想食糖水外，上"唐記"吃件homemade cake飲壼香茶，聽吓Bosanova，又是另一不錯的選擇。

自己間中都會上openrice揾嘢食，見到唐三樓啲飲品comment都幾ok，約啲friend上去純粹飲杯嘢同傾吓結婚事宜。星期二約咗5個兄弟上去傾，冇乜人，連埋我哋都係得11,2個人，都幾好坐。見其他食客留言話脆脆朱古力好飲，於是叫咗個試，正！本人叫肥青，梗係鐘意甜嘢啦！有朱古力&dreyer's雪糕，啱哂！其他人叫乜？我唔知，事關啲drinks名鬼咁長！但啲兄弟話ok好飲，其中有個"滋陰"仔叫花茶慢慢嗒！話可以慢慢傾慢慢飲。坐咗2個鐘，自己再叫終極朱古力！哈！合哂心意，好勁朱古力味！所以臨結婚都減唔到肥！不過傾得同飲得好開心。我個未婚妻今個星期五book位又傾婚禮，我都會去飲朱古力！希望佢唔會咋形啦！

如果放工或有時間，搵個地方hea hea、呢度絕對唔錯，野飲做得好好，尤其係杯脆脆牛古力，鐘意朱古力既人不可不試！甜品方面，試過一次d homemake cake、係芝士餅，好好！一d都唔膩、曲奇餅亦做得好好，好鬆化！o係小食同飲品方便真係唔錯，唯一係環境多人時會較焗，同埋有點嘈，如果撞正唔多人的日子，兩口子玩玩mini game，呢度係一個好好既地方。去左兩次，做左member，可以keep住再去。

唐三樓, 一間小小的樓上cafe. 主題不是太特別, 但勝在一個在家的感覺.坐在沙發上, 窗門旁兩個小茶几, 加上漫畫、雜誌、棋, (波子棋、象棋、飛行棋、Scrabble, UNO 等). 這是中學時家裡的流行玩意. 食物其實一般, 小小樓上cafe, 有時預得唔夠, 野食好快賣哂, 又照顧唔到女友, 叫佢mix and match整份素食出黎, 佢話只有磨菇意粉, (女友當日唔想食意粉), 叫佢地mix and match, 諗一諗, 原來唔識諗, 搞到我地冇得諗. 磨菇意粉, 不開心地accept!!!

簡單兩句: 創業難,守業更難,保持唔到水準呀!服務態度真係差到...我比錢o黎食,你洗唔洗咁串呀.長版: 前年有朋友搞party,就上到去,食物好好,招呼好好,環境當然係新啦~今年暑假再上去就差得遠,無錯,食物都係好食o既,但就七十蚊個餐都無餐湯~fine,可能你cafe貴一d,無湯啦~但d服務真係,叫杯水飲,都落左餐啦...無影叫多次,最後都係無影...點待客?又唔比你坐較舒服的位,明明間店無人,竟然可以話你可以坐一陣,一陣有人就要搬??我唔會阻你做生意啦,頂多咪食你一個鐘...令人食得好唔過癮...巴閉了.ok,今個月再去多一次,態度依然係好串囉同一個侍應,如果可以轉左個侍應,成間店馬上加分~哈哈老實講,cafe多的事,隔一幢都有間cat cafe啦~一樣做左幾年,又唔見人地咁串.你環境都舊啦~唔會再去