唐三樓Cafe (Closed)

個次星期晚上去~一個人都無~原來岩岩包完場XD後尾坐落都坐爆人~真係旺~個度d sofa 好舒服又有好多野玩我同女友玩波子棋同大富翁~雖然好多旺角cafe 都有依d野玩但依到勝在唔嘈同埋唔迫~野食方面~ 唔算太特別d 野有d唔夠熱吧不過都ok 的, 價錢vs 分量算係合理比例

今晚我地一行10個人上左去呢間cafe....好彩之前book左位,如果唔係都冇位.....我好耐之前都上過黎..感覺好舒服....但今晚就差左d因為坐係我地後面班人實在太嘈喇....嘈到我地傾計都計唔到....如果老闆出下聲就好喇....d飲品keep到之前個水準冇乜點變....佢\個杯\"朱古力脆脆\"好正我仲叫左兩杯添~~之後再叫左d小食同晚餐\....um...呢個就冇乜特別...算ok喇....唔知係唔係耐冇上去呢...覺得個地方細左迫左....可能多人呱....整體上都幾好..我地10個人埋單都係660....算係ok喇....

朋友Chris喺度開咗個展覧,於是上星期六晚便走上去捧場(生平第一次畫展),之前從未黎過,個塲好爆,好在先Book位,如果唔係都怕要白行!飲品超多選擇,幾個人睇咗本Menu幾個字,先揀到最合心水嘅飲品(全部特飲,但並無提供一般凍奶茶凍檬茶)本人點選了黃金合(芒果沙冰紅茶--很正,芒果沙冰面很幼滑)店員推介朋友A order咗杯男仕多多龍(藍莓士多啤梨火龍果特飲--試飲感覺酸酸地少甜,幾清新)朋友B 要咗個小玲龍(士多啤梨乳酪沙冰--呢個超正,口感豐富,本人至愛),所以encore時,自己再叫1杯!另朋友C order 香蓮桂圓花茶(本人對花茶並沒好感, no comment)叫了幾客夜間小食Set小食一般(最特別係即焗雞奕,係焗,唔係炸,非常好食,別處少有)由於果晚好爆,隔離幾枱人都喺度玩Game, 故Hea咗幾粒鐘都無時間靜靜地睇Chris啲畫,好在有寫嘢留言俾佢!遲啲會揾日閒日上去再睇過!

平日都無去開Cafe飲嘢,不過今日個friend約左嚟呢間,佢係會員話會平啲喎！咁咪去囉！點不知間cafe都好難揾吓,幾唔顯眼,樓梯冇標示,揾死我！行到氣來氣喘仲要爬上三樓,連menu都唔想睇,叫個waitress介紹咗個"黄金少年",OK好飲！好冰涼,好有芒果味,消哂啲暑氣,原來個friend話次次嚟都飲！間cafe環境唔錯,都幾適合傾偈,下次我都會再嚟過。如果有lift 搭仲好,行上三樓好攰呀！

星期五晚上同3個朋友上咗間人哋介紹嘅cafe，一開門見到間店唔係好大，約有30幾個位，但經已有大半坐滿，好彩訂咗位。坐落叫咗兩個set dinner，一個係三文魚意大利云吞，一個係牛油什菌意粉，仲點咗四杯特飲- 黄金俠& 莓子樂園等。人多關係，我哋等咗30分鐘先有嘢食，真係好肚餓，我哋鯨吞個意大利云吞，咦！有啲水準喎！三文魚係煙嘅，都算大塊同埋幾新鮮，意大利云吞就有8，9粒，睇落唔係好大份，可能啲饀料係芝士同菠菜嘅関係，越食越有飽肚嘅感覺，啲汁好香仲有鮮磨菇！好正！60幾蚊個set仲包杯drinks，算抵食啦！仲有個牛油什菌意粉好香蒜味及牛油味，意粉都幾彈牙，平曰食得多肉食吓素都幾好。越食越有勁，仲order咗個超級德國腸拚盤&甜蜜蜜雞翼，啲腸好juicy，雞翼焗得脆脆哋，好似燒鷄翼咁！全部食哂，食得飽飽，每位都係80幾咋！4人一行hea咗3個鐘，啲位都算好坐仲有法文歌聽！唯一缺點係啲嘢食等得耐咗啲，但如果唔等時間嘅話都冇所謂嘅！店主話weekday少啲人，我哋諗住揾個星期二再嚟試吓homemade cake & cookies，仲可以打埋NDS！

地方乾淨, 全店禁煙, 食物同飲品都有好多選擇, 質素唔錯, 而且價錢合理, 係一個傾偈o既好地方~~我o既最愛係特飲「朱古力萬歲」同汁燒烏冬, 後者落左燒汁、鰻魚汁同麻油一齊炒, 好入味~~總括而言, 值得推介~!!

一直以來, 上樓cafe俾我o既感覺都係烏煙瘴氣, 食物粗製濫造, 真係冇乜好感, 好多時都係因為同一大班朋友想搵地方坐低傾偈先會去。上星期同一位朋友去左太子呢間上樓cafe, 感覺出乎意料地好, 雖然地方細細, 但十分企理, 最緊要就係全店禁煙, o岩晒我~~食物同飲品都出奇地多選擇, 個menu好似本相簿咁厚, 我地叫左個"牛油蒜蓉雞翼", 即叫即焗, 熱辣辣又入味, 搞到我地要encore叫多碟, 雖然等得耐左d, 但真係好好食, 好過一般cafe將d肉炸到"乾爭爭"!!飲品方面, 我叫左個"士多啤梨多多龍", 老闆話係士多啤梨+ 益力多+ 火龍果特飲, 幾特別, 我朋友就叫左個"黃金少年", 原來係芒果沙冰, 我飲左啖都覺得好正, 夏天飲o岩晒~~不過最正都係我地最後叫o個件曲奇cheese cake, 老闆話係自家製, 味道唔算太甜, feel到係誠意之作, 唔會用埋晒"卡夫"呢d死cheap野黎整, 一句講晒:好味道~!!我同我朋友都話一定會再黎幫襯~!!

以咁既價錢可以吃到更好的。o個日同班friend來吃, 每人叫左幾個set dinner, d野細細碟咁, 男仔就唔係好夠食, 結果要另外叫小食。如果齋聊天談心的話, 呢度氣氛環境唔錯, 但真係要來食野的就唔推薦了。

食物和飲品也是用心之作，價錢合理~是一個聊天的好地方。本人最喜愛飲品- 「黃金少年」，是芒果沙冰特飲，但與一般的芒果沙冰，截然不同，味道一流。而食物方面，阿儀雞翼（蒜蓉焗雞翼）是本人的最愛~總括而言~食物環境也一流，值得一去！

今天和朋友去這間cafe，食物有好多可以選擇，很正，不是一般樓上cafe有的!無論環境和質素也不錯。

這間"唐三樓"這間樓上cafe確實不錯~~我們一行十人，幫朋友慶祝生日唐三樓值得讚的地方，首先，是全店禁煙的，很少有的，也符合了生日的友人的要求;第二，環境也很舒服，和朋友傾計都好好的;第三，價錢也很相宜，花茶真的不錯~~唐是可以值得推介的。

太子區樓上caf橧{ 立，枱頭隨便一望已發現不少裝修別緻的caf憿A 在眾多caf擗，'唐三樓'的window display最appealing，於是便和男友上去歇一歇。'唐三樓'全面禁煙，正合我倆心意。裝修簡潔，偏女性化，帶些少田園風味。餐飲選擇超多，淨係花茶都過20款。我要了一種淺藍色的花茶(名字忘記了)，男友就要酸梅金桔特飲。飲品算係誠意出品，坐得算舒服，每人只需花費約$30蚊便可hae足兩個鐘，抵玩之選。