世華餐廳

Open Now

Now Closed

想不到在尖沙咀找到家那麼多年歷史的茶餐廳， 它自1936 年創立。 地點就位於尖沙咀isquare對面，交通方便。我點了一個咕嚕肉，甜甜酸酸的， 調味調得不錯。 特別喜歡咕嚕肉的肉不是太多肥膏。另外再點過揚州炒飯裏面特別多蝦仁， 如果可以再小一點味精會更加好。

咁啱行到去北京道嗰頭，見到世華個招牌，心諗世華個名都好多年，應該有返啲水準，就同同事上咗去食。打開menu，見午市推介有海南雞飯，我本身又好鐘意食海南雞，於是就叫咗呢碟。侍應問我飲咩湯，有羅宋湯同忌廉蘑菇湯，心諗海南雞飯唔係跟冬瓜湯㗎咩？是但啦要咗個蘑菇湯。我同同事碗湯一齊上，但係得一個餐包，問侍應佢話我個餐係中餐所以冇餐包跟🤔唔係好明白不過費事問落去。飲完之後個飯好快嚟，餐牌上寫住叫叉海南雞大碗飯，又真係好大碗。先食塊叉燒，好硬，再夾塊雞嚟食，都係好硬。碗飯除咗真係好大之外冇嘢係ok嘅。老實講，$60喺度食個飯，我寧願去返公司附近間燒味店食個叉雞飯算。

今日lunch同同事出左黎尖沙咀嘅正中心 - Isqaure附近搵食，明知商場入面嘅餐廳比較貴，喺Isquare門口望到對面商廈嘅招牌「世華餐廳」，勾起無限回憶。記得中七畢業喺尖沙咀番part time sales有時都會黎食，事隔差唔多十年，「世華」依然屹立不倒係鬧市嘅正中心，不過我對食物嘅味道已經全無印象。上到3樓發現同以前差唔多，拎起餐牌睇基本上講得出嘅碟頭飯，炒粉麵甚至泰式湯粉、韓式午餐都有，結果我揀左茶記其中一樣最common嘅碟頭飯 - 咖哩牛腩飯！ 首先黎嘅係餐包，咦明明我地兩個人點解會得一個餐包呢？！原來我個咖哩牛腩飯係餐牌上歸類西式午餐所以有餐包...同事叫左中式午餐所以冇包～ 餐包上枱凍冰冰，冇翻熱，偏硬。 再黎午餐可以揀紅白中，姐係羅宋湯/忌廉湯/中湯，我揀左羅宋湯。羅宋湯味道唔濃唔辣，只係用茄膏吊味，我估冇用牛尾/牛骨熬，湯內椰菜嘅份量亦唔夠。 =========================咖哩牛腩飯 $58食完餐包飲完餐湯，主菜5分鐘唔夠就到，擺明係預先煮好。咖哩嘅賣相都唔錯，有5大舊牛腩，幾舊薯仔。不幸嘅係，點解咖哩嘅味道同公司隔離茶記一模一樣嘅？！似乎

今日同男朋友行完尖沙咀就去左isquare對面d餐廳食飯 佢話世華餐廳入面好多海南人所以點左招牌海南雞半隻半隻既份量已經好夠兩個人食肉質嘗算滑嫩有雞味 比較肥美多肉 都幾好食既 泰式無骨鳳爪本身就好鍾意食呢道菜 味道夠濃郁辣味較重非常開胃做前菜一流沙嗲金菇肥牛煲個汁好濃一定要加個白飯撈飯食加左紅椒青椒係入面香味撲鼻 份量都好多真係差啲食唔晒 芽菜較多口感層次豐富d叫左咁多肉類當然要叫返個菜啦 朋友就最鍾意食西蘭花

這天點了兩客下午茶（下午二時至六時半）鮮茄牛舌飯：這個好吃啊！牛舌煮得軟，醬汁不只有番茄味，還有淡淡的蒜蓉味，配米飯一流，還有牛舌和米飯的份量也不少，只是$42，超值飽肚之選。炸雞髀沙律：這個就一般，雞髀炸得有點乾，肉質有點柴，沙律是雜菜沙律，味道不錯，另外份量不太大，售$45，相對而言，牛舌飯較抵吃。飲品方面，凍檸檬茶不錯，凍奶茶則太苦澀。

在尖沙咀行了一個下午，對腳行到倦，又去左浩楠食堂之一，世華餐廳。世餐廳能入選浩楠食堂之一，係因為舒服，最適合下午茶時間光顧，座位寬敞，在isquare 對面很就腳。今次就點了燒童子雞沙律 及 焗芝士什錦長通粉。因為焗通粉，所以都等了15分鐘。廚房大意整了焗芝士什菇長通粉，問服務員，服務員即時幫忙更換，抵讚，當然要再等15分鐘。焗芝士什錦長通粉有 火腿，尤魚，肉片，$40元，算大碟，幾抵食。童子雞就大大只，但肉比較干同沒有味道，不太推介。

都唔係第一次來，今次仲帶兩個朋友諗住幫襯，點知遇到個白恤衫矮大叔，廣東話都講唔正，係度不停eeumum, 問佢講乜又話自己同自己講野，但明顯係講緊我地，本身都算預備落單，大叔仲係隔離繼續話我地，係咪痴線架？宜家咁既事勢，已經要派人落樓下派傳單，仲要俾d 咁既態度？我即刻起身走人，多得呢位大叔，俾我搵到另一間平靚正快餐，係樂道，大家唔駛再幫襯世華，呢頭大把又平又有扒食既選擇！我都好多年無寫食評，迫到我要寫，好明顯係好惡劣！！

下午茶叫咗個火腿菠蘿油，不過走火腿。嚟到個牛油得個一粒仔，要另外叫人加多塊先勉強夠。一食就知中伏個包超淋，個皮唔脆，用植物牛油一啲都唔香咁就$36，垃圾。個檸茶就普通啦

下午茶時間，諗住坐底食，有啲唔舒服，諗住清清地，於是叫一份價值$37既下午茶，「芝士火腿三文治」。我知，份野係會得芝士、火腿同包，但都唔係垃圾到咁呀？！放落黎既時候我真係唔相信我雙眼，呢份野平日行過麵包店最多$10-12！近$40 一份既下午茶你咁樣呃食客！連牛油都無落！做得hea 都算，個份量會唔會少左啲？！你嗰啲料幾多錢！如果你係餐廳負責人，麻煩你諗清楚做生意賺錢但係咪要賺到咁！永不幫襯， 大家唔好上檔！呢間野無良心到一個點！做飲食既我真係睇唔過眼！

喺尖沙咀食嘢都算幾貴，不過呢間餐廳喺樓上，屬於茶餐廳類型，基本上中西式東南亞菜式都有，雖然整體味道唔算話非常突出，但係今次叫嘅有啲菜式都幾好食，而且價錢唔算貴(尖沙咀嚟計)，可以推介一下！首先推介係佢嘅西湖牛肉羹，非常足料！豆腐同埋牛肉份量都好多，食嘅時候加少少胡椒粉更加可以帶出牛肉嘅香味，而且成個羹係非常滑口，唯一有少少不足嘅係佢嘅牛肉係用切片方式而唔係用免治牛肉，口感上同以前食開嘅有啲唔同...另一個推介嘅就係印度薄餅同埋咖哩牛腩，一來咖哩味非常濃同香，牛肉炆得好林好入味，佢嘅薄餅又香又煙韌，配咖哩汁係好夾，估唔到一間茶餐廳做印度嘢都做得咁好食！今次食完絕對有下次！

在尖沙咀上班，午餐的價格難免比較高，在同事的帶路下，來到這間茶記，下午茶價格十分合理，我點的是西炒飯，味道還可以，食到茄汁的味道，飯亦炒得很香。但是同事點的其他食物味道較一般，對重口味人士而言十分淡，大概只有一個字「平」。*餐湯是免費的，但要自己向服務員要求。

This ship is on the upstairs, the restuarant is quite spacious and its pretty easy to find seats duting lunchtime. They also got a lots of lunchset, and having two menu, too many choices make you hard to choose. I ordered sweet and sour fish rice. As first, they gave me the wrong dish of sweet sour pork, they just recognised when I almost start my dishes, lol, and they said never mind, hope mine haven't been started by others...Sweet and sour fish is quite thick and sticked with thick layers of

要在尖沙咀食個經濟實惠的午餐，一定要識路，今日去的世華餐廳，位於北京道的樓上鋪，雖然位置不顯眼，但午市的時候食客人數都不少，幾十張枱幾乎全部滿座。今日午餐點了海南雞飯和椒鹽豬扒飯，兩者之中，海南雞飯做得比較好食，雞肉十分嫩滑，油飯充滿雞油香，而醬汁亦正宗惹味。椒鹽豬扒飯敗北之處在於炸得不透切，甚至連煎豬扒也講不上，表面還是白雪雪的，其次椒和鹽的味道也不足，作為一個出色的椒鹽豬扒飯，要做到既辣既咸，才叫美味，這個飯極其量只可以稱為豬扒飯。

作為遊客區的茶餐廳，大概是這等質素。地理位置很好，lift 也不用等太耐。食物不過不失，茶啡亦正常。試了咸魚雞粒炒飯，還好上枱時暖的，建議叫其他飯類作為一個小休息點，也是不錯。坐位很舒適，大部份時不用等候。

叫左個西冷牛扒 蒜蓉汁 牛扒冇牛味 蒜蓉汁冇蒜味 叫左個生牛金邊粉 碗野首先唔係金邊粉黎 加上啲牛同個湯底係臭嘅 食左2啖就食唔落 真係食屎咁食 仲有唔少得杯熱奶茶 未試過咁難飲 如果各位想食少啲減下肥真係一定要去 仲有張枱有隻曱甴添 可以嚇下出身汗 一流