世華餐廳 (Closed)

上到去打算搵個位坐，員工知我系一位， 就咁講左句 後面。 我以為佢系要我搭枱，就問個枱食客有冇人坐。然後侍員工大聲講後面呀。第一次上你間餐廳 點知你講邊到後面,而且都無人指引。坐低叫左個海南雞飯，等候時間不算長，大概5至10分鐘左右送到，有一碗飯，湯，一碟雞同飲品。份量算多，價錢尚可。55蚊包湯和飲品，味道方面不過不失。埋單要自己出去埋講枱號，但不會給單你睇。結賬後，沒有說句多謝就咁把找回的錢放枱上。員工態度太差劣，以後不會再光顧!!!!

呢到吸引之處就係響樓上~坐窗口位望番出繁忙既尖咀別有一番風味~岩想靜靜地 唔太貴既時候食~好入番正題先叫左2人餐 係水煮魚 加金銀蛋時菜~送例湯湯好多豆味道唔錯~鍾意食豆既人好岩~但好味到有啲出奇~搞到我諗會唔會好多調味料(人就係咁~又要好味又想健康~貪心鬼)水煮魚同出面打正旗號嗰啲有啲距離~但以佢價錢係算係咁~味足但偏咸金銀蛋正常味~但咸蛋比例再高啲應該會更好味

今朝黎食早餐，上到去我搵左張空枱坐，舉左手一陣都冇人落單，之後我叫人喇，佢員工好吾滿意咁走過黎，話坐過果邊喇(其實我坐一上樓梯果排，平時都係坐呢度，之後我話想坐呢度，員工話吾得喎，冇聽錯係(喎)我，我話點解吾得先，一向都咁坐!我又吾係走到入角落，佢話我吾想抹呢度~咁冇道理啊嘛，你地咁大間餐廳，我又吾係故意難為你地行到最入，就係一上樓梯果排，又吾係多客，做咩一定要我同其他吾識既客排排坐先，之後佢地員工就話冇得吾得，一係你吾好食，所以我走了!以後都吾會幫襯。

屋企有個大帝 瞓到點幾 仲要唔願落街食飯…仲要叫我去買外賣～算啦，呢排阿大帝又係倦d嘅…附近食開嘅茶記裝修緊，今次試下世華先～門口望落選擇都幾多甘～最後叫左個星洲米$48+$3凍飲凍奶茶茶味較淡，奶味亦唔香，唔算滑，普通貨仔星洲米，咖哩粉唔夠味，色又唔夠黃，真心唔夠＂星洲＂味道，只能形容是一般炒米，餸料好少，蛋絲同叉燒絲搵得比較辛苦lor，味道也是普普通通吧！$48 價錢唔算抵

世華是要上(高企)梯級的一家老,小餐館為何熟客仲不願雜開主要多數因為經濟早餐由22蚊起真正美而廉不要說尖沙咀全9 龍找過都算化算平霸自選2拼3文治22元包括 廣泛歡迎旦牛治赫德道要行不少梯級但有 回頭客!!尖沙咀街景足夠窗口卡位最平早餐22元我選了也十分化算選項生牛肉金邊粉28元包茶生牛肉用越南生吃級數出乎意料老板識做送無敵海南汁液牛肉水準之高朋友一致金邊粉也大獲好評雪菜質量俱佳煎朱扒慢火煎香鬆軟樣靚 媽咪級女友都話掂一間老店

這個裝修設計保守餐廳，有些特色他們供海南雞飯的汁水準以上茶走十分大杯水準早餐費用非常合理雜錦金邊粉精彩 朱頸肉 札肉 生菜朱排米線大量蔥花 香菜 金邊粉很正宗 好味 稔硬剛好 煎豬排色澤，口感 鼻蕾 都很令人意外驚喜享受!算得是貨真價實的老店

今日返工返尖沙咀，忙左一朝，又過左午餐時間，下午直接出去食下午茶。今次去左世華，貪其座位夠多，有卡位坐。靜靜地食個tea玩下手機無人騷擾。我點左個炸魚柳配沙律跟熱奶茶。魚柳熱辣辣上枱，一大塊咁，但從外表睇，係炸得過左龍，外層個皮好乾，雖然內裏仲係嫩滑，但浪費左塊魚。沙律有紅蘿蔔，青瓜同蘋果，份量好多下，但沙律醬有點過水，麻麻地。最穩陣係個奶茶，茶香，奶滑，好足料而且茶奶比例剛好，彌補左魚柳的不足。幸好窗外有美女伴食，雖然野食一般，但美人搭夠。

時常都會幫襯這裡，不是食品好味，而是這裡常常有好多空位，坐位舒適，約人在這裡等，不怕阻住人家做生意，食物早就試得多，都是水準以下的出品，知道那些還可以接受的，今晚約了幾位朋友在對面沛公食榴槤甜品，所以五點幾在這裡食個下午茶作晚餐最理想，方便留多少少肚食榴槤！叫了個下午茶餐$34星州炒米，加凍檸茶，凍檸茶是最穩陣的，試過好多次都是可以接受的水準，今次都一樣，有茶味又有檸味，合格有餘。反而這碟星州炒米就有點喜出望外，好香，好有鍋氣，熱辣辣，味道不錯，而且份量不少。在尖沙咀$34可以食到即炒粉麵連凍飲，又坐得舒適，實在超值！真的希望其他食物都有這水準!

同朋友係中環行完街就黎左尖沙咀搵野食因為係情人節而且又夜 好多舖頭都好多人或者收左所以我地就求求其其搵左間上樓既餐廳有位就食我叫左個海南雞飯食 佢連飯連湯都幾多野食因為我平時食開既海南雞飯啲雞都係無骨既所以見到啲雞有骨有啲愕然 但應該係我孤陋寡聞啲雞味道一般 啲蘸醬又偏咸 三款食落分別不大啲飯又只係普通白飯 海南雞飯無雞油飯有啲失望個湯無乜味 好似水浸冬瓜蘿蔔咁 飲左幾啖就無飲啦整體又貴又唔好食 如果唔係無野食都未必幫襯

呢日我地７點已經到喇，我就揀有個雜菌什菜米粉自己食嘅，另外叫一個４人餐食。其實呢到咁大，但一眼就知人手不足，我地坐果個位仲見到廚房裡面添，冇乜人煮野咁，唔怪之得我地點左野食後要等咁耐啦，尤其梅菜蒸鯇魚要三吹四請先上枱，另外明明４人餐有４個白飯，但佢就比左３碗，例湯更要我地食到最後問係咪有例湯先話係，唔問都冇得飲喇！唔知係突登還是真係唔記得啦....。總括來講，呢間服務唔多惦之外，食嘅都一般而已。① 雜菌什菜金邊粉(轉米粉) ($33)② 4人餐: 3小菜、4白飯、例湯及餐飲 ($207)Total = $25510% Service Charge Total = $270雜菌什菜金邊粉：好多雜菌同什菜，份量足，米粉硬度啱啱好，湯更是清湯，好食嘅！雜菜煲：材料都幾多，有鮮菇、西蘭花、魷魚、蝦、紹菜等等，都係用上清湯，清甜嘅，都唔錯喇。海南雞：雞好細件份量少，Ｄ雞更冇乜肉，好瘦乾乾的，唔好食。梅菜蒸鯇魚：等左４０分鐘三吹四請來到的鯇魚...竟然有部份係唔熟嘅，有冇搞錯！？雖然個汁同梅菜都ＯＫ好味，但如果我地唔係趕去睇演唱會一定退貨。 

平日上班時間，午餐多數以經濟為主，下班後晚飯可以貴一點都不緊要。今日午飯都是一個人，一個人食飯容易攝位，排隊時間又大減。早前看到世華餐廳，原本已經想上去，可是都沒有進場，今日求其上去，是因為不想再諗去那道這邊，都是攝位吧！打開餐牌，港式茶記的碟頭，馬拉星嘉坡菜都有，也有据扒西餐，似乎真的是雜崩冷，周身刀，也被它的款式令在下有點眼花撩亂，在下或者會覺得有點不專業呢！最後在沒有期望，沒有失望下，都係揀選了一個据扒餐算了吧。餐湯是羅宋湯，味道一般，猶如上次在花園餐廳喝過的一樣，有點辛辣，有點酸甜度。餐包是一貫的香港某大麵包公司出吅的餐包，沒有烘焙過，只有恆溫的麵包。雞扒司華力腸飯。在點這飯時，已經估計到它的份量，來到後果然如預期中的細小。雞扒比較硬，也沒有那麼的嫰滑，司華力腸還好一點，主要是外來貨色，有嚼勁和咬口，醬汁方面是沙爹汁，有點帶有椰香味，是南洋風味的醬汁，這個也較好。凍奶茶也估不到好飲，奶味不重，仍有茶味和回甘度，媃與茶調和適中，算是不俗。午餐以這樣的價錢，已經估計其份量有多少，亦因此也不能有甚麼預期和盼望。而整體味道來說，不過不失的，可是卻因為放涼了一段時間，食物不太熱，因而影響

經過世華餐廳，下午茶餐看似頗吸引，便抱著一試無妨的心態點了一個焗肉醬意粉 加 熱奶茶。( $28 加1 )熱奶茶等了約3分鐘，焗肉醬意粉大概等了10 分鐘。焗肉醬意粉肉醬意粉比平時吃的偏甜，肉碎不算太多，但仍在可接受的份量。意粉軟硬適中，但仍可乾身一丁點。個人偏好香草，如可加上少許香草會令意粉更美味。熱奶茶中等。茶奶比例適中。有少許澀。服務正正常常。

今日同女朋友想鋸扒，見到我至愛的懷舊feel餐廳就入去。點了羊扒餐及肉眼扒餐。跟餐有湯和包。我的羅宋湯最正，好夠茄味，菜夠腍身。女朋友的酥皮忌廉湯，酥皮太厚，唔夠脆，但湯夠滑，只是略嫌淡。主菜方面，扒跟意粉，意料太腍，好難食。扒方面，羊ok，唔會太騷，唔好羊的話都食到，不過好細塊; 牛就麻麻，有啲韌，又薄(肉眼？？)，不過呢個價錢，算係咁。加咗30蚊有ABC三樣嘢，A：要咗碟蒜泥焗青口，蒜好香，薯蓉好薯，正，青口正常啦！B：就係湯可以加酥皮C：轉特飲講開特飲，真係O嘴，雪糕奶昔，好似嘔白泡的奶，可能係舊式餐廳的飲品，真係第一次試。總括而言，一分錢，一分貨啦！尖咀，兩條友，加埋一兩舊水有找仲食得飽，算係咁！(但我一定唔會再去鋸扒)

星期六想去尖咀睇吓海景同燈景,六點左右到左尖咀,驚遲左人多,見到世華就上去座低左叫左幾個餐,海南雞,咖哩牛舌同西芹腰果牛.感覺招呼麻麻,唔係話態度唔好,係做野手法令人食得唔暢快第一,枱面上有位就係咁放低碟野,第二唔收野,第三唔加水.所有餐好似全部用微波爐番叮,雞無味,但牛肉又太鹹,係個跟咖哩既印度薄餅幾好,有牛油香,不過都係番叮既好似食一般既茶餐廳咁

星期五放工男友話天氣唔熱，不如過海去尖沙咀行下晚飯時間，大家都唔想食 "拉麵﹑壽司"就想起 2月12日已經食過一次既餐廳 (當時冇留意名稱)吉列豬扒 "脆卜卜" 口感唔太 "油淋淋"吉列豬扒內唔油膩鴨胸我覺得少少過鹹，男友覺得冇問題 @_@在尖沙咀，可以 有 "餐湯﹑主菜﹑餐飲" 都不過 HK$180絕對適合 我們 "在職貧窮" ^_^