世華餐廳 (Closed)

今日返工返尖沙咀，忙左一朝，又過左午餐時間，下午直接出去食下午茶。今次去左世華，貪其座位夠多，有卡位坐。靜靜地食個tea玩下手機無人騷擾。我點左個炸魚柳配沙律跟熱奶茶。魚柳熱辣辣上枱，一大塊咁，但從外表睇，係炸得過左龍，外層個皮好乾，雖然內裏仲係嫩滑，但浪費左塊魚。沙律有紅蘿蔔，青瓜同蘋果，份量好多下，但沙律醬有點過水，麻麻地。最穩陣係個奶茶，茶香，奶滑，好足料而且茶奶比例剛好，彌補左魚柳的不足。幸好窗外有美女伴食，雖然野食一般，但美人搭夠。