Video
3-min walk from Exit N2, Tsim Sha Tsui / East Tsim Sha Tsui MTR Station
continue reading
Introduction
The decoration of restaurant is Japanese Washitsu style and is spacious and comfortable. It mainly offers omakase and traditional Japanese cuisine. The ingredients are selected by their chef and air transported from Japan to Hong Kong, to ensure the freshness.
continue reading
Opening Hours
Mon - Sun
12:00 - 15:00
17:30 - 00:00
Public Holiday
12:00 - 15:00
17:30 - 00:00
Public Holiday Eve
12:00 - 15:00
17:30 - 00:00
Above information is for reference only. Please check details with the restaurant.
想搵間有 D 空間感得嚟乾淨企理嘅日本餐廳食個晚餐，因為而家衛生對於餐廳真係好緊要，你知架啦，健康行先但好難唔出去搵好野食😂，所以個人同環境衛生就要注意多一點！見呢度幾寬敞，D野食做得幾精緻，味道都算唔錯！我地兩個人點咗個二人餐，價錢相當合理性價比高😋 先嚟一個大大碗蟹子沙律開一開胃，師傅落手一D都唔慳，大大份咁上菜！日本野又點少得刺身同卷物.. 講多次真係好足料，味道同鮮味度正常發揮啦🤣而呢個天婦羅盛大滿足！炸得幾鬆化都唔錯...特別係肥美嘅海老😉佢呢個set 非常照顧到鐘意食肉嘅朋友仔，有4款唔同嘅串燒同埋紐西蘭羊鞍！好多汁，滴滴滴...如果你鐘意食厚切牛舌呢款一定啱哂你....日本甜薯都正😍都仲係唔夠飽？佢仲有兩碗大大嘅稻庭烏東，其實都真係會食到幾full...而且仲算幾彈牙！一個完整嘅餐廳又點會無甜品，有埋日本雪糕比你甜下個口，正！
continue reading
有次放工相約她公司附近酒店內的日式餐廳, 千上日本料理一齊晚飯相聚 。 這店裝修走日本風格,以木系為主, 營造溫暖的感覺,地方好舒服好寬闊。**我地選擇2人餐 $588 ***先來蟹籽沙律 鮮艷奪目的蟹籽沙律, 野菜絲好有脆口感配上酸甜的沙律醬, 並有蟹籽,吃過後胃口大開。**刺身三品 三款刺身分別有池魚､油甘魚及三文魚。池魚肉質感很嫩,口感豐富魚油潤感;油甘魚口感厚實滑嫩,帶細緻甘甜; 三文魚油脂分佈平均,入口魚油厚重 。**特色魚卷 吞拿魚蓉小卷入口有綿滑細緻的吞拿魚,味道不錯。**天盛 天婦羅有海老虎蝦、南瓜、茄子等, 外皮金黃色好簿炸漿, 非常脆口可口,外脆內軟的口感恰到好處,香而不油膩。**紐西蘭羊鞍 羊鞍肉質有咬口而不韌,當然配合秘醬,是唔錯口感及味道享受!**串燒 (4款) 全燒物燒得不錯, 不會燒得太焦及乾, 燒得剛剛好,非常惹味。** 湯稻庭 這稻庭烏冬麵條身較幼,扁平狀,口感滑溜, 配料有糖心蛋､魚蛋､京絲､紫菜等, 味道不錯。
continue reading
有一約咗朋友嚟呢度食晚飯，客人唔算太多所以坐得幾舒服，服務態度好好，環境都唔錯，坐低左之後店員會為你奉上茶水，同埋餐牌，睇完餐牌之後，我哋就決定咗叫個二人餐，但因為我唔食羊嘅關係，所以店員好好咁幫我轉咗做牛柳粒，而刺身就由三品升級咗做五品，然後我哋就叫咗一人一支雪花啤酒啤啤佢，首先嚟到嘅係頭盤，蝦肉玉子同埋刺身蟹子沙律，蝦肉玉子好香蝦味，幾好味，至於刺身蟹子沙律好開胃，佢裏面有蟹子，三文魚刺身粒，同埋吞拿魚刺身粒，口感不錯，好fresh，然後有個佐酒小食，就係牛蒡漬物，朋友超級喜歡食，因為酸酸地咁更加開胃，之後就係輪到刺身五品，當中有吞拿魚，三文魚，油甘魚，劍魚，同埋帶子刺身，另外旁邊就有煙三文魚壽司，一件油甘魚壽司，刺身都好新鮮，好有咬咁，唔會好薄，然後就係炸物天婦羅，有炸蝦，番薯，茄子，天婦羅唔算太厚粉漿，入口脆脆，但內裏仲係熱辣辣的，最值得推介嘅就係蒜片牛柳粒，你都好香蒜味，牛柳粒份量適中，牛肉好有咬口，味道幾好，居酒屋當然少不免有串燒食啦，我哋就叫咗一口甜薯，每粒都好甜，好好味，牛舌同雞腎燒得好香口，爽爽的，計完骨就吹波波，但略嫌硬身左少少，去到最尾就係稻庭烏冬，湯底好好味😋整體來講都唔錯，大家可以去試吓。
continue reading
晚餐 , 落腳在 尖沙咀-粵海酒店 千上日本料理 ~餐廳的裝修佈置 , 寬敞舒適 ~筆者超愛這幅畫 ~Menu ~我們點了一個二人餐 $588 , 這套餐的食物包括 : 日式沙律、刺身三品 & 壽司一件、天盛、紐西蘭羊鞍、串燒(四款)、湯稻庭、飲品(汽水或啤酒) ~飲品 , 筆者點了一支日本啤酒 , 太座點了一罐無糖可樂 ~日式沙律 : 食材是蔬菜 , 雜錦刺身粒 , 三文魚籽 ; 主要是用醋來調味 , 味道清新 ~ 刺身三品 & 壽司一件 : 刺身是三文魚、吞拿魚、牡丹蝦 , 刺身鮮口肥美 ; 壽司是吞拿魚蓉壽司 , 壽司飯握得不錯 , 吞拿魚蓉琢得夠綿滑 ~天盛 : 天婦羅是 蝦、矮瓜、南瓜、番薯 , 外皮炸得脆 , 油份不重 , 亦吃得出食材的原味 ~紐西蘭羊鞍 : 羊鞍醃得夠重味 , 肉質 tender, 羊肉吃得出有羊味 ~串燒(四款) : 蕃薯仔、青椒仔、牛舌、雞腎 , 串燒到燒得通透 , 筆者比較愛吃青椒仔 , 有夠風味 ~ 稻庭烏冬 : 湯底頗有味道 , 烏冬滑嫩煙韌 ~本篇完 ~
continue reading
火炙三文魚伴帶子定食$88因為唔食蟹籽 所以店員好貼心咁幫手蟹籽另上👍🏻服務好 野食又好味 三文魚燒到到好有魚油香 但唔會太梅 而醋飯調味適宜 好味環境又舒服🥰🥰 仲有好多款想試會再黎！
continue reading