千秋樂 (Closed)

諗住好耐冇黎千秋樂, 就打電話黎book好枱諗住舒舒服服坐低食個晚飯, 點知食到一肚火... 電話已經訂好左係3位, 入到去待應都安排左我地坐4人枱, 點知跟住見到我地3個人坐4人枱既時候, 待應同我地講話今日booking其實好full, 問我地坐去卡位好唔好... 但係當時其實只係半滿, 好多張枱都未有人坐... 再加上明明卡位只係二人位, 根本三個人坐係好迫, 不過諗住大家就吓就算, okay調位... 點知原來好心係冇好報的... 執位後既5分鐘, 有位女待應已經不耐煩地係咁問我地落單未... 我心諗, 我諗好食d咩就自然會落單... 你係咁走埋黎催完全影響order食物既意欲... 跟住落好晒單之後... 黎錯野... 但係我地都未開口話個待應明明覆左單都落錯野, 佢反而好兇咁問黎錯左d咩, 質疑我地話佢落錯單.... 我地叫佢自已去check下... 當然, 最後佢係錯... 其實錯唔緊要, 但係今時今日咁既服務態度真係... 講番食物方面啦.... 香芒帶子卷 - 香芒還番芒, 帶子還帶子, 不過味道都ok燒鯖魚 - 小小overcook芝士年糕 - 唔算油,

HSBC Credit Card 10% OFF今日本來唔係想食呢間..不過見冇人又有九折就去左食食左九州叉燒拉麵定食..唔算好特別不過都唔難食嘅..OK la..仲食左牛肉鍋烏冬..不過味道麻麻草餅差過我期望今日冇乜客所以個侍應好似望住我地食咁

小妹今年又18歲牛一，4個有心朋友邀約到千秋樂晚飯。(朋友們實在很有心，咁耐無見仲記得我喜歡食日本嘢﹗多謝﹗)環境唔講喇﹗因為太開心，望咩都靚﹗哈哈﹗menu入面款式多，不過睇落就唔係好知佢地主打咩喇... 你知啦~ "主打"果啲會好味啲嘛~~食物：(我只記得特別令我有深刻印象既菜色)海膽刺身(我地叫咗2板呀﹗無計﹗超特價$67/板咋)可能多人叫啦~~ 拎出嚟果陣有啲凍(不過都好過"溶"咗)雜錦刺身(秋) - 特價$208 好新鮮既魚生呀﹗特別係海膽同螺﹗帶子刺身2客厚切令口感好強烈，加上有片lemon夾喺中間，好fresh雜錦壽司18件飯太大喇，減返1/3出嚟就good喇。銀雪魚扒厚切﹗皮燒到黑黑地，不過啲魚油就啱啱好﹗唔會好"漏"冷稻庭麵絶對唔係果啲平時急凍果啲﹗佢扁扁地，真係好"彈"呀﹗食到最後我諗到佢地既"主打"喇﹗就係"厚切"﹗魚生厚切銀雪魚又係厚切再次多謝朋友們﹗我好開心呀﹗

又同Trainee lunch, 今次去食日本野我叫左咖喱朱扒飯, 妹妹叫左牛肉手打烏冬佢個餐一到 嘩 唔洗咁多wo, 又粟米 又壽司 又啫喱, 碗麵又大大碗我lei, 飯 大大碟, 又有花之卷 同 餃子我地係好愉快ga環境下食到個肚仔餦曬.臨上樓前記得攞coupon呀~

「千秋樂」這名字，對我黎說好陌生~因為每次食日本菜只會聯上到「和民」及「一門」，或者其他日式放題。而知道這間餐廳是由朋友介紹的，他們認為餐牌上食物和和民相似，食物選擇及水準也不錯。而且他們成為了會員, 享有85折優惠折扣。他們的意見吸引了我對這間餐廳的興趣。瀏覽了開飯的網頁，找尋餐廳的資料，見到其他食客給予的評分不太樂觀，有打消的念頭。然後，竟發現網頁提供了「減100, 200, 300」的優惠劵，還可與會員卡一同使用，經朋友相量後決定去試試看吧!訂了八時五位，當天是下雨天, 接待員見到我地把傘濕立立，很有禮貌地給予我地一個號碼牌, 待我地離開時才把傘拿走。而餐廳不需要齊人數才入座，可以坐著談天等待朋友放工黎。而看餐牌點野食時，覺得食物同和民都有80%相似。第一輪食物點了吞拿魚刺身、一口牛柳粒、芝士年糕、芝士雜菜餅、芝士牛肉卷、一盤18件雜錦壽司及巨峰蘆薈梳打。由於我們十分愛吃芝士，所以好多食物都點了有芝士。首先芝士年糕煙煙unun好流心，牛柳粒我朋友就覺得唔錯， 芝士牛肉卷我認為幾岩我口味, 因為卷裏包住左少少西生菜, 幾Fresh，18件壽司就同平時的餐廳差不多, 最不討好的一件就

朋友邀請我到千秋樂晚餐, 之前未去過, 我又喜歡試不同餐廳, 一口便答應了!看餐牌時真有目不暇給的感覺, 很多不同種類的食物都有供應, 我們都很花心, 於是不同種類的都選了一點:壽司刺身類 – 刺身拼盤及千秋樂卷: 刺身拼盤內的刺身種類也算多, 有三文魚, 吞拿魚, “魚立” 魚, 海胆, 甜蝦, 魷魚及翡翠螺, 也很新鮮。而千秋樂卷內有青瓜及吞拿魚碎, 在混有蟹籽的壽司飯上再加上一少撮海胆, 這個味道也不錯呀!炸物類: 雜錦天婦羅: 三隻蝦, 另外南瓜, 芋頭, 魷魚, 魚塊, 茄子各一。不用多說, 兩個字-- 唔得。燒物類: 燒牛舌及燒雞腎: 除了鹽外, 相信廚師並沒有落其他的調味料。肉質是不錯, 但不夠惹味, 所以覺得無甚特別, 只是普通的燒肉串而已。甜品類: 抺茶雪糕及芝麻雪糕: 抺茶雪糕很普通, 說不上是好味。芝麻味的好一點, 起碼芝麻香口而雪糕很滑有奶的味道。有加工程序要煮的菜式都不太滿意, 不用煮的刺身就是當晚試過最好的了! 下次會約朋友來嗎? 不會! 朋友再約我來? 我也會提議另一個地方。無現金券更加想都不會想。不過我還是給一個 “OK”, 因為用了HKD 100現金券

星期六諗住去圖書館溫習，先食個LUNCH，係樓下接到姐姐派減$5既傳單，所以上去一試。我叫咗個壽司定食。所有魚生都好新鮮，就連蟹籽都好正，魷魚比較特別，因為好多時食果啲魷魚都會淋淋地，好鬼難咬開，呢個就係爽既。我個人覺得最要改善既係"青瓜小卷"，好DRY。個定食仲有麵鼓湯同一粒凍草餅(意想不到好好味)，承惠60大元。(之前係樓下拎咗減$5COUPON... HEHE) 我覺得唔算太貴，因為好清楚唔係食緊那些集團經營既低價貨。有機會會再試佢既鱈魚飯定食，因為見到隔離姐姐果個好大件呀﹗

放完個悠長假期又係要開工既時候喇~未訓醒要返工既我惟有約埋個同事仔食餐好,希望可以精神返啦想食日本野既我決定黎平時食開都唔錯既千秋樂開飯喇~雜錦魚生飯 同事仔叫既魚生飯真係好足料,佢差唔多次次黎都點呢個我諗應該唔差掛(雖然我真係無知到分唔到碗野入面有d咩魚,但好似幾好味咁...)海膽帶子飯 呢碗有我最愛既海膽同帶子~未食見到個樣都已經令我醒曬幾十蚊食到呢種質數既都算抵喇~綠茶mochi 次次食lunch都係送呢款甜品,無新意之餘仲要唔好味,好似食緊舊綠茶味香口膠...成餐飯最失敗都係佢嫁喇overall,想lunch食日本野呢度都算唔錯既不過食得太飽,之後一陣返工我諗都係keep住游游下嫁喇.....

相就唔記得影..不過一定要recommend既就係冷稻庭烏冬d烏冬好好食, 好彈牙wasabi就差少少...冇乜味d waiters都幾nice另外一個煙鴨胸沙律都係recommend之一佢d sauce同菜都好match好開胃串燒同壽司就一般　係個帶子比較好炸軟殼蟹就麻麻地不過我本人覺得2人枱相隔既距離比較近所以有少少覺得迫

第一次去呢間食lunch. 大部分set 都係50-60, 有飯, 拉麫, 冷/熱烏冬.我試呢個叫叉燒並鰻魚拉麫, 個餐送埋花之捲同雞翼, 一共$52. 拉麫跟兩個餸都幾底. 味道幾好. 最好係拉麫麫湯唔係太鹹 (我食過有D好鹹). 塊鰻魚都幾大.

十二月廿日(星期日)同老公仔出到銅鑼灣看戲,之前讓我選擇到那裡吃吧!記得上次在這棟大廈吃過:一門和豚組,今次再試試別的用手機上openrice,一於試試千秋樂吧!在樓下收到了傳單,每個set減五元!還有刺身定食等,都是$5x-$7x...有前菜,甜品,價錢合理有一陣子沒有吃過了海膽,於是我點了個海膽三文魚飯老公則點了個牛肉飯定食面鼓湯不錯!有蜆,豆腐!很濃三文魚都厚,新鮮,不過海膽就有點腥....飯很多!味道都不錯老公仔的牛肉飯份量極多牛肉盛得滿滿的!飯也有多汁!^.^餃子有兩隻,味道可以!每人大約都是$60,這個價錢都算合理!加上份量大!可以一試!

Went here last night for dinner with a friend.Seriously, the food here is a bit too expensive and nothing special. I ordered the 滑蛋chicken rice, but it was so soaky and wet. The chicken was good, so was the egg, but the rice was far too soaked and soft. Didn't really like it. We also ordered sushi to share (soft shell crab). I just had one though as I found it nothing special. The sushi tasted nice, but the salmon was a bit too thick and the filling inside didn't seem good enough.As for my

十月尾閃閃同埋同事約食飯，因為有同事喉嚨不適，所以就去左食一餐日本菜，選左平日午餐有去食過的「千秋樂」首先講下食物先。我地今次點左分別有：蒜子牛柳粒 拼 香蒜銀雪魚牛油果軟殼蟹卷雞泡魚干 + 枝豆 + 鹽燒鴨舌 + 蟹子沙律 + 海膽手卷 + 明太子尤魚壽司稻庭冷烏冬 - 都ok ！散叫刺身 (赤貝、三文魚、帶子、甜蝦) + 龍蝦刺身 (特價 $99)九時後的特價壽司海鮮粥海鮮粥出場，最出事就係呢個海鮮粥了，分好左，一食，嘩！好咸，食左兩啖！另一個同事覺得好有問題，叫我地唔好食，叫侍應過黎，個侍應係咁解釋，然後我地叫佢叫部長黎，個部長黎到，好唔相信咁，我地話唔信你可以試，佢竟然真試食先同我地換... ，其實我地話咸就應該即換，你要試囉入廚房試，但唔應該係客人面前試！部長行開一分鐘，我地覺得都係唔好了，所以叫侍應通知話要取消，都係一分鐘內，佢話已經落晒料喎... 咁好啦！再等一陣佢再送過黎，個感覺好似白粥加返頭先個窩海鮮落去咁，啲粥冇應有既鮮甜味，個粥底仲要淡而冇味！其間仲見個廚房師傅走出黎望我地，其中一個肥肥地既侍應對我地黑面之餘，仲要係度話個粥係咁，唔夠味可以加豉油或者魚露.....

先講食物,叫左:龍蝦刺身 --新鮮,味道OK,LAI到D鬚仲郁緊!!龍蝦湯 --刺身+$30有2碗龍蝦湯,麵士湯底,太濃麵士味,蓋過左D龍蝦味..極品牛 --咬落去,D汁流出LAi~ 走左上面D蔥仲好食!牛肋骨串燒 --鹹左少少,肉OK軟殼蟹卷 --OK,軟殼蟹脆的~海膽手卷 --GOOD!甜蝦壽司 --新鮮帶子壽司 --GOOD! 新鮮,食完個口仲有陣帶子味~原本想食埋雪糕,因為個女侍應,唔想再食LU~等野食時,有個年輕長髮女侍應帶2個客入LAI,2個客想坐卡位,個女侍應態度勁差:要食滿$300先可以坐~連續3台客都係咁!有客話坐返普通位,就坐我地隔離(4人台,痴住坐)明明成個場得3台客!!食完野諗住落左隔先叫雪糕,點知個女侍應即刻走LAI問:"D野齊LA可?"就執走晒D野~之後有PAIR情侶,個男OK樣..個女侍應態度完全180度唔同,勁好禮貌,陰聲細氣~食野其間都見到佢對住個男侍應放電扮可愛.....-_-"食滿$300,有VIP..

昨晚, 和朋友去到黃金廣場想食日本菜, 又冇訂位, 又唔想等, 雖然時間尚早, 約7時許, 就選左千秋樂, 我們都沒有試過, 坐下見到有特價龍蝦刺生都只係99元, 加30元仲可以用龍蝦頭煮麵豉湯, 龍蝦刺生真係好新鮮, 佢條觸鬚我們一邊食都仲一直在動, 我們仲叫左什錦壽司(梅), 海膽手卷, 韓風牛肉沙律, 炸明太子雞翼, 原個日本椰子雪糕.個什錦壽司就普普通通, 唔特別新鮮,又唔特別大件, 海膽手卷塊紫菜好韌, 又冇味, 牛肉沙律OK啦, 最好味係隻炸明太子雞翼同個椰子雪糕, 但整晚最值得稱讚係D員工的服務效率,態度同細心.首先我們有他們派的傳單, 問服務員是否可以用傳單上的coupon, 滿100元可減10元, 她回答可以, 但如果我們用匯豐咭或星展咭簽賬會更好有九折, 食完休息左一會我朋友打開餐牌想點甜品, 剛巧服務員在旁, 她馬上告訴我們蜜桃雪糕已售罄, 於是我們點了一個椰子雪糕, 雪糕拿來時已放了兩支匙, 另一位服務員看到就馬上叫多拿一支公用匙給我們, 仲有兩個小碗, 細心得很, 現時很多餐廳忽了服務員的服務質素, 抵讚!有時食物普通但服務好, 多為顧客著想就值得再去