sensory ZERO (太古城中心)

Open Now

Now Closed

今晚去太古城睇戲，揀左誠品書店內的sensory zero食dinner, 與友人揀左2個set dinner一齊share,一個是三層蒲燒鰻魚滑蛋飯，一個是日式咖喱雞肉漢堡飯，set dinner包沙津或湯，另包一杯飲品。鰻魚燒得不錯，好味！汁亦不錯但太少。南瓜湯奶味蓋過南瓜味！雞肉漢堡無乜味！但咖喱汁不錯可惜太少，好彩問店員她也肯補上咖喱汁。咖啡味道ok, 拉花也靚最有驚喜反而是加了10元的飲品！這枝Extreme C成份有蘋果，草莓，番石榴，西印度櫻桃和玫瑰果，仔好味！埋單275元，ok la!

之前收到生日優惠coupon有8折，見假期最後一日tea一tea, 叫左豬軟骨溫泉蛋飯，all day breakfast同試杯無咖啡因南非茶latte（轉杏仁奶)......豬軟骨d肉有d乾，加埋蛋食落滑d，碗飯都幾大碗......all day breakfast standard level......南非茶算係黑茶類，加埋杏仁奶味道幾特別......餐具幾靚，好鐘意個句”from zero to hero” 好有意思

是日lunch又來到文青誠品書店內的sensory zero獨食。上次一嚐英式all day breakfast及「很夠薑」的咖啡, 已經留下不錯的印象。這次就試試日式的三層蒲燒鰻魚滑蛋飯 Triple-Decker Kabayaki Eel Rice with Scrambled Egg:何解叫三層? 估計頂層是鰻魚, 中層是炒滑蛋, 底層是白飯?套餐包一份沙律或是日餐湯, 上次試了沙律, 今次就點了不栗米湯暖暖胃。湯中有不少磨碎甜栗米, 增添一份嚼口感, 是本人最喜歡的餐湯類型。保持一貫文青風, 用上木托盤上菜, 相機又可以共食~鰻魚飯用上日式碗子盛著, 顏色豐富, 數件鰻魚放得有點隨意, 應該是本人強迫症對此一著的小挑剔。炒滑蛋跟allday breakfast的一樣細滑而具蛋黃色有蛋味! 鰻魚汁/醬偏咸而少, 吃到最底層只剩下白飯了, 有點可憐…最後少不得一杯榛子朱古力, 濃濃creamy的榛子味道正好中和一下。杯中物容量還不少的!

下午茶時段勁多人。餐牌寫流心鬆餅，一啲流心都無，完全唔覺得有流質既感覺，最重要係粒果醬少到同點綴無分別。個小食拼盤炸到乾曾曾，不過炸秋葵真係好得意，口感唔錯，但其他都可以唔使試。最正常係炸厚切午餐肉，如我咁都失準，咁真係好好好失望。杯紅豆布丁奶茶好香滑的！夠曬茶味，配埋布丁好有口感，都幾回味的😊不過可能太耐無飲奶茶，所以夜晚有啲攪肚。不過我諗住有機會都去飲多次，會試返正常多人叫既滑旦三文治，見到隔離檯勁滑勁流！叫個職員追單，轉頭又無左件事。啲人走曬，無人執檯係等到隔離有人落單先順便執，收銀果個就企係道光明正大食野，水吧就企係道望住啲客飲野。呢道打工真係自由，唔好諗住有服務。

次次行過誠品見到間cafe咁靚都好想去試,可惜無朋友陪我,咁我咪自己去囉~~終於比我等到一個平日下午,黎到唔使排隊~~~正成間Cafe用白色做主調,整體好舒服~~唔知係咪因為平日定餐廳特色,上菜都需要長少少gei時間,如果趕時間的話要自己衡量下.不過當食物上台,我就覺得好值得比起一般all day breakfast,佢呢分整體係大份D~每一樣食材size都係大的~我最鐘意係舊多士超厚又脆,加埋牛油真係無敵,絕對可以食多舊菇都唔係普通蘑菇係高質D gei食材,好甜好多汁蛋佢炒得好滑而且蛋漿夠濃稠,所以炒出來有扎實感覺,好滿足!!不過火腿先係我覺得抵讚的地方,勁厚!咸香滿瀉.同蛋一齊食好夾至於腸仔都唔錯,但可以少D油就完美啦

今日去了太古城睇聖誕擺設🎄順便行下誠品，扮下文青。行行下見到有幾間餐廳，所以揀左其中一間有街景望的。入到去睇一睇menu，見到有個「每日精選意粉」 - 明太子帶子忌廉芝士意粉聽落好似不錯，最後就叫左呢個。餐湯 - 有點像蕃薯+甘筍，蕃薯味道不太突出，甘筍味反而比較明顯。意粉 - 帶子雖然煎過，但一點也不「鞋」，好好味。個汁不算多，芝士味很濃厚，意粉表面有很多明太子，整體來說，配合得很好。另外，午餐可以叫一杯$35的飲料。我就揀左杯熱飲 - 薑汁紅茶茶味濃郁，就算加了薑粒，茶味都無被蓋過，味道很有層次。鐘意薑味的人可以試一試。

食完晏，行完山。唔想再食野，就搞個地方坐下飲杯野。黎到太古呢頭，響誠品入面。都叫做坐得好舒服。舖頭既裝修都好特別。有日本風。但今日好攰，只想坐低飲杯野。所以無影到相。朋友叫左薑味拿鐵。特別既係d 薑分開上。唔知本身有無加甜，但就一定唔係即磨既。呢度主打咖啡同茶，但偏偏我兩樣都唔想飲。結果叫左呢杯法國巴西熱朱古力。到底有乜分別我唔知。只知道佢係濃濃既黑朱古力味。黑朱古力重得黎並唔苦。以我一直唔加甜歛朱古力既習慣，講真！我幾欣賞佢既味道。響誠品入面，唔知係咪租貴，竟然要加一服務費呢下覺得差d 囉。

與友人在太古閒逛，才發現Sensory ZERO在進駐了誠品。 Cafe躲在地下一角，若不是亂行亂逛，真的找不到⋯⋯ 開放式設計的Sensory ZERO與誠品風格一致，毫無違和感。 下午茶由三文治到pasta都有，細食定大食都照顧周到。 欣賞它免費飲品除了americano，還可選cappuccino/latte。其他餐廳通常要加錢呢。 Latte 天鵝拉花未算完美，但尚算不錯XD 咖啡蠻香濃，口感也算順滑。 雙份日本滑蛋多士 $48 見到呢份滑蛋多士，可見友人對蛋的愛 。為免他不夠飽，我没試 XD 藍莓芝士流心鬆餅 $48 鬆餅賣相不錯，入口鬆軟，芝士香氣撲鼻。 切開一看，應該叫軟心，不是流心。雖然不流心，但藍莓芝士味夠香濃，味道比乎合想像。也許我對Sensory ZERO的期望太大，誠品店雖不至差，但與心想的質素還是有點出入。

之前在香港仔也試過sensory zero , 無論環境和食物質素，都非常出色。今次試吃太古城裏的誠品分店，平時都見很多人排隊，今次也是一樣，幸好早去就不用等太久了。午餐都有不同選擇，今次選了鰻魚飯和魚湯銀雪魚鍋如果要餐湯和沙律便要加＄30。沙律菜很新鮮，薯仔湯亦都很甜，至於鰻魚滑蛋飯，魚味香甜，但蛋欠滑了，可以最後加入好些。另外銀雪魚湯非常鮮甜，加入車厘茄和菇很好的配搭銀雪魚很滑，加送2片蒜蓉法包，超贊最後連湯都飲埋

行完誠品,見LUNCH TIME,就去食下野唔洗去到香港仔咁遠,又幾好叫了慢煮牛肉農夫包,是日意粉,日式豬軟骨溫泉蛋飯,還有棉花糖朱古力奶慢煮牛肉味道方面很好,但我覺得應該可以再淋一點反面豬軟骨就好深,加上珍珠米,食落很開胃而我都係最鍾意杯棉花糖朱古力奶,熱溶杯內的朱古力令朱古力味更重,甜味交俾棉花糖最後都係忍唔住叫蛋糕,不過蛋糕有點過甜,個結尾差少少

位置在誠品書店中, 被書氣圍繞著的文青café點 – 感味宮匠。有著一個半開放式的廚房, 看見barista 們認真地製作咖啡。侍應有禮貌地道說: 我們是行服務制, 請先入坐 (同時領導著)再落單, 完膳後結帳。」手寫的餐牌充滿著calligraphy味道。Lunch set包杯杯沙律或是日餐湯, 及一杯$35飲料。點了個All day breakfast。對那個木盤愛不釋手, 整體presentation很加分。All day breakfast食材新鮮足料, 款式多: 蘑菇﹑炒蛋﹑半個烤蕃茄加黑椒﹑沙律菜﹑﹑厚多士﹑煙肉﹑仲有芝士心嘅腸仔!每樣都有調好味道, 絕不馬虎! 只是部分有點不夠熱, 可能是冷氣太強吧?另外, 想重點介紹的是那杯 Home-made Ginger Latte ($40)拉花靚, 奶味重, 最特別是那一湯羹的「薑粒」。(旁邊姐姐以為是橙)這也是被我選中的因素, 天氣轉涼倒是想來點暖胃的薑品。效果是真的「很夠薑」! 喜歡薑辣味的朋友可以一試!

如果可以早啲出走食飯，又無訂位，我地都會來依間餐廳碰碰運氣！裝修左之後，地方大左，多左座位，我地一行6人有位既機會大啲！賣相：好精美，靚碟，所有食物餐具放係個木盤上一set的。食物：一行6人有4人都係揀慢煮牛肉農夫包連沙律！漲漲既農夫包入面有又香又淋既牛肉，麵包加上牛肉汁，好美味！伴有清新沙律菜，做返個平衡。今次杯杯湯唔夠熱，分量亦愈來愈少。餐茶女仕們都叫左熱薑茶，有啲薑粒，非常夠薑服務：店員可能太忙，很cool的，今日上菜速度較慢，連埋單簽卡都係慢慢的。環境：地方大左，坐新開個邊既話近走廊，好似比人望住食野。唔好以為無飯或意粉就會唔夠飽，如果食哂所有野，食量大既花師奶都覺得好足夠！

同朋友去開誠品，行左一陣，打算飲杯咖啡休息下，於是走入咗呢間喺誠品入面嘅cafe店面都係比較開揚，特別在於佢嘅枱櫈都比較old school, 我同朋友都已經食過lunch, 不過見到個餐牌又不禁要點下個tea厚蛋三文治味道一流，蛋真係好厚，而且不會太水，仲熱辣辣，成份三文治「安全」入口，有驚喜流心鬆餅要左朱古力味，可能因為先食三文治嘅關係，已經唔流了，建議一黎好食喇！味道方面，就略為有點甜，不過我覺得配上咖啡反而恰到好處另外，咖啡拉花亦相當精美，下次有機會，一定會試埋個All day breakfast 👍🏻

星期六與家人喝過早茶後，仍意猷未盡。獨個前後誠品打書釘後，便試試這家在書店內的咖啡店，咖啡香洋溢，伴著書卷味，另有一番寫意。由於時值下午茶時段，店內座位已滿，幸好等了不久便有座位。侍應反應很快，點菜，上菜的速度不錯，招待很好有禮。點了一個下午茶輕食之選，「我幫你揀炸盤」。包含魷魚，炸芝士，炸午餐肉，炸秋葵，炸蕃薯等，炸秋葵比較特別。個SET 約120元，包一杯$35嘅飲品，價錢還算不貴！如果想試其他飲品，補差價便可以！

好耐未食個西式嘅 All day breakfast, 今日嚟開太古城，就嚟 sensory ZERO 食個 brunch la! 喺書店入邊食 brunch, 感覺都文靑D !今日想食得健康啲，清啲，就叫咗個All day green breakfast。個 Breakfast $120 連一杯$35 嘅飲品，價錢都算OK啦！如果想叫第二啲款又貴啲嘅飲品，補差價就可以了！我就叫咗杯價值＄35 hot ginger tea ☕️，唔需要補錢。杯 ginger tea 都唔錯，同出邊飲嘅都幾唔同，薑味都好濃。個 All day green breakfast 都幾好食，啲沙律菜都好新鮮，再配合埋個 salad dressing，係炎炎夏日嘅好選擇！佢個 stuffed mushroom 都好好味，加埋芝士同pesto sauce 係入面，十分惹味