sensory ZERO (One Island South ) (Closed)

餐廳位於黃竹坑港鐵站側大廈地下，方便。昔日光顧過兩次，裝潢簡單，枱凳大小、款式不一，可以說率性，又可以說「求其」，見仁見智不過座位擠迫，以現在疫情而言，環境不算理想。雖然如此，還是客似雲來。以自助形式（即到櫃枱點餐、取餐、放回用完餐盤）餐廳而言，餐廳不算便宜，一個主菜，不含飲品，最低消費接近一百。味道方面都算不錯。試過其蟹肉意粉，蟹肉份量足。今天有個用心之作——燒雞卷泡菜飯。雞塊包着蔬菜，亮點是牛蒡，雞肉雖談不上彈牙，但牛蒡爽脆，有口感，配燒汁，富日式風情。飯面中間放泡菜，醒胃，日韓fusion，有創意flat white都滑，香

朋友住南區個邊，但又想坐底間cafe舒舒服服咁食個lunch，所以就決定試下Sensory Zero！首先交通真係超方便，一出地鐵站過條馬路已經到了！當日我地1點到，但因為場地較大，所以都唔洗等位。落單係自助形式，搵到位後就可以去counter 點野食，跟住再等叫號碼去攞野食。因為都睇到食物份量較大，所以我地叫左個 慢煮雞胸肉藜麥沙律 （$130），再加個 全日早餐（$128），但都食唔晒！先講慢煮雞胸肉藜麥沙律，塊雞胸肉真係好好味，都算juicy，但因為我地係share，再加上個人喜好，我地最後將雞胸肉切成小片，再加埋沙律黎食。雖然睇落好似得好少肉，但其實幾飽肚！然後朋友點嘅全日早餐（$128）真係好足料！個人黎講我幾鍾意佢地嘅牛角包，因為牛油味都幾香，而炒蛋算滑！但真係好多茄汁豆，我朋友食完個茄汁豆已經飽飽地，所以好彩我係嗌沙律！總括黎講，食物質素都幾好，環境舒適寬敞，都幾適合同朋友週末過黎簡單食個lunch，或者帶埋電腦 / 書，做下自己野，都幾寫意。

呢間位於黃竹坑嘅黃店 我已經想食好耐佢有唔同嘅分店 💛💛果然冇令我失望💛💛亦都有好多唔同嘅選擇比素食愛好者🥦🥬🥒佢嘅主打係佢嘅咖啡🥴 因為佢係有一間咖啡批發商起家既cafe 🤣 裝修簡約同埋好舒服 下午時間嗌杯咖啡帶件蛋糕仔坐喺度咁就一日💛 超級文青🥴 今次我哋就去咗食lunch! 聽聞間餐廳名既Zero 就係使用零添加食材！ 所有都係日本直運食材💛-澳洲M5和牛牛肩肉溫泉蛋飯🤤 （朋友叫既） 好香濃既牛味 個牛大概係7成熟左右 岩岩好 唔會血淋淋既同時又可能保留肉質嘅鮮嫩度果然係用上等食材！ 食食一定係撈埋隻溫泉蛋落啲飯到一齊食🤤- 蒲燒三層鰻魚滑蛋飯🤤🤤 超級抵食！ 超級無敵足料！ 佢應該加埋厚切呢個term 上個menu到！ d鰻魚肥美到呢！ 好厚 好好味😩真係超級推介！ -法國朱古力牛奶都好香濃 飲落又唔會覺得好肥嘅感覺🤤由於我哋兩個都唔飲咖啡所以就冇嗌到佢啲咖啡不過淨係睇樣都覺得好吸引🤣唔知呢一對龍鳳係唔係喺珍寶搬過嚟咖呢 🤣🤣

𝐻𝒶𝓅𝓅𝓎 𝑀𝒾𝓃𝒹, 𝐻𝒶𝓅𝓅𝓎 𝐿𝒾𝒻𝑒.最近疫情都真係少左出街🥺平日夜晚放工就返屋企~難得星期六日可以出去行吓食吓野💛.📍Sensory Zero.🥐肉鬆芝士日本滑蛋牛油果芥末醬牛角包($73)-滿滿嘅肉鬆鋪係牛角包嘅上面配埋芝士同即炒嘅滑蛋真係幾正🥰不過個醬就食唔出有牛油果味喎~芥辣味亦都好輕微🥐巨•午餐肉芝士日本滑蛋牛油果芥末醬牛角包($73)-成個包精粹係係兩條煎到又熱又脆嘅厚厚午餐肉度😍配埋滑滑炒蛋唔錯嘅~個醬都係一樣食唔出牛油果味同無乜芥辣味😅☕️First Kiss (跟餐+$5)-個名好靚☺️泡沫上有啲微脆嘅焦糖~咖啡甜甜的就好似初吻甜蜜嘅感覺❤️🥤Orange Sparkling Americano (跟餐+$10)-出面少有嘅有氣美式咖啡~飲落有少少橙嘅甜味🍊幾fresh幾特別

位於黃竹坑的 Sensory Zero  是我最常到的 café ，因為和我家只有幾站之隔，當然住在南區都無乜好坐的CAFÉ， Sensory zero 地方超大，就算午飯時段找位也不難。自助形式購買，食物種類也不小, 基本的蛋糕、牛角包、三文治、日式大碗飯也一應俱全。如果散點真心有點貴，所以識食就要食套餐。 今日兩個人曹開心SHARE來點了一份牛角包套餐， 加 只須加 $5 雙蛋牛角包 $57經焗過的牛角包顯也十分酥脆，配上嫩滑, 且蛋香十足的鮮黃炒蛋，令人毫不猶豫地大啖大啖咬下去，大滿足。每次來都會點 單點  $38              焗香後有小許流心芝士，份量恰到好處，和藍莓香平衡得相當好； MUFFIN 口感濕潤， 好好味， 只是份量有點小。 這裡的咖啡夠大杯可以兩個人SHARE     薑汁蓉是另上，份量自由加減，我愛濃薑味， 一於原汁原味地加在咖啡上，咖啡無偏苦，味道較傾向 NUTTY ， 加埋薑味夠天然香味，微微辛辣， 令味道更加豐富， 奶香細滑， 岩我口味。 

𝕊𝕖𝕟𝕤𝕠𝕣𝕪 ℤ𝔼ℝ𝕆 精美文青風餐廳，每日都有是日限定lunch set。好似今日就有呢個香煎三文魚意大利飯。佢就標榜用左日本米既~ 一見到個包裝已經可見餐廳既用心😍。菜式既質素仲同堂食既一樣既添！味道系好味道😋 不過我就覺得比較似燴飯，因為飯粒口感偏軟，而且多汁。三文魚煎得好香而且熟度剛剛好；另外魚皮非常香脆，面仲有一抹鹽，鹹香既脆脆魚皮簡直食到欲罷不能🤤 美中不足之處，就係整體份量偏細，男仔真係未必夠。

相信大家對Sensory Zero個名都熟悉，上次嚟食all-day breakfast已經決定下次要嗌佢嘅和牛丼😛‼️-澳洲M5+和牛肩肉溫泉蛋飯 🐂-好食到喊🥺😭‼️之前見朋友去sensoryzero竟然冇嗌呢個丼，咁等於冇食過sensoryzero啊🙈飯個面頭鋪滿咗8-10片和牛，牛邊係煎到有少少焦，好香，入面望落粉粉紅紅，大概五成熟，生熟度啱啱好😍質感鮮嫩軟腍，無筋，牛味都好濃好juicy🐂夾埋溫泉蛋同紫菜撈飯食，真係一流🥺🥰佢用咗日本岩手縣嘅米，粒粒分明，撈埋醬汁同蛋汁一甜一鹹嘅配搭真係一流♥️貴貴地但值得一試😚😚-評分：9.5/10價錢：$183-🍰熱情·香芒🥭-呢個係以芒果意大利乳酪、芒果同埋熱情果凝乳製成🍮🍰入口好清甜，質感好幼滑😚上面仲有個Marcaron同埋金箔點綴🤪好開胃，唔係creamy路線，所以完全冇罪惡感啊😛-評分：8.3/10價錢：$45-🍨Affogato☕️-呢個寫著宫匠推介，所以就嗌咗😆係雲呢拿雪糕配expresso☕️雪糕好creamy，係比利時手工雪糕，甜甜地凍冰冰咁🧊同苦苦地熱辣辣嘅expresso好夾😛但未去到令我覺得好驚艷嘅程度🙈但expresso係

是日第一日番新工，online search左好耐食乜，事關真係唔知黃竹坑到底有咩好食，原本打算去pizza express不過要排隊所以去左隔離既sensory zero，佔地空間好大既cafe，野食唔錯不過偏貴，我要左呢個溫泉蛋豬軟骨飯要$118，真係貴過中環，味道不俗，不過平時食類似食物只需要$50-$60，所以感覺性價比唔高 

朋友介紹呢間Cafe，雖然有幾間分店，但係黃竹坑係總店同埋亦都係最大間，所以就算有啲遠都專程嚟試吓，果然無失望！一入到黎環境非常闊落氣氛都好舒服，本來滿心期待嘅我俾個Menu吸引咗，排版整得非常靚啊！（p.s.實物同相片一樣顏色，好睇又好食）野食方面，嗌左個巨午餐肉滑蛋牛角包，小食手羽芝麻雞全翼，同埋澳洲M5+和牛肩肉溫泉蛋飯。三樣嘢都好好食，特別要提嘅係雞全翼炸得好正，啲肉好漲同juicy。唔講咁多睇相啦🤣三個人每人試咗一杯嘢飲，Crazy chocolate ，意式特濃咖啡加雪糕，同埋法國牛奶朱古力。個痴_線朱古力真係好crazy!好濃，口感恰到好處，有朱古力粉可可粉又有慢慢溶緊嘅朱古力塊。咖啡加雪糕其實食落即係tiramisu味，不過口感好豐富！至於最後嘅法國朱古力，佢味道比較苦澀，鍾意食純度高嘅朱古力嘅朋友應該好鍾意！都值得一試！最後甜品嗌左個雲石芝士蛋糕，不過不失但係都值得一試！雖然我哋三個人分都覺得好夠，所以一個人食可能會覺得好飽🤔🤔。P.s.嘢食嘢飲都出得超快，最好唔好一次過嗌晒正餐甜品。呢間cafe真係大贊亦都大推介啊！

一家三口來到海洋公園酒店過夜，在沒有訂座的情況下酒店內的三間餐廳都滿座了，於是搭MTR到黃竹坑的這個餐廳食晚飯！平日行過這兒都很想試，今次終於有機會呢！晚上來到這兒人很少，很多吉位呢，可能這兒是主要做日頭白領人士的生意吧！這兒食物的選擇不多，我們叫了兩個餐另加小食！首先湯和沙律都算好味道，冇記錯的話湯是薯仔湯，味精味不重，味道不會過咸，OK！鰻魚飯是意外地好食，鰻魚十分肥美，D汁好味，滑旦都好美好滑，阿仔都好鍾意食！另一個餐係安格斯牛柳飯，D牛柳都好嫩滑好有牛味，味道都唔錯，但比較起上黎我就鍾意個鰻魚飯多D呢！另外加錢叫的小食/燒炸雞翼，都係意外地好味道，好惹味但感覺又唔會太過熱氣！甜品係甜甜圈，阿仔十分欣賞呢度D野食老實講唔算平，我地三個人食左四百幾，但我覺得是物有所值，而且環境舒服，會有下次！

黃竹坑既黃店選擇係比較少所以都係黎Sensory Zero 嘆個高級早餐🤣TLDR: 保持一貫靚環境高級野食同咖啡 呢間既空間感又特別大 坐得舒服！不過價錢就都係cafe靚早餐價啦🤣牛角包 夠大夠鬆脆 咬落去脆完就鬆軟 包身好飽滿🤤我覺得佢值得highlight 係個牛油果芥末醬食食下甜會帶出少許醒神芥末味亦都帶出到其他食物嘅味道！今次試左2隻配搭 2隻都配大份滑蛋同芝士🤤其實已經冇得輸🤣肉鬆非常香同埋唔會乾🤤午餐肉唔係鹹個隻同埋真係好巨🤣爆曬料

因為朝早有d野做要係黃竹坑快食個早餐，可能因為太早，選擇唔多，不過店內佈置唔錯，好舒適，而且面積非常大，落地玻璃，唔同類型既櫈，如果唔係趕時間，係一個可以慢慢hea嘆咖啡既地方，雙份日本滑蛋牛油果芥末醬牛角包（$42），蛋好滑而且醬汁好味，飲品要左rooibos tea latte,鮮奶南非國寶茶，係味道偏濃既latte,國寶茶既茶味好濃，但都算好飲，呢度店員既服務都好好，好有禮貌，值得一試。

前排路經黃竹坑一帶，見到哩間曾經比朋友大力推薦過既Sensory Zero，就打算入去一探究竟。黃竹坑既哩間分店位於工廠區，內部採用工業風裝潢，樓底相當高，且整體空間闊落。內部擺設既卡板，小貨車等裝飾品都別有一番風味，整體環境不錯。我就嗌左一個鴨肝鰻魚飯。鴨肝鰻魚飯比起冇鴨肝既鰻魚飯多左幾十蚊，但我真係好想食鴨肝🤤鰻魚處理得相當好，幾夠嫩滑。整體風味幾夠，啲汁同個飯融合得好好。另外就嗌左杯飲品，士多啤梨雪糕加雪碧。感覺上類似黑牛既feel，但冇黑牛果種甜膩。總括而言，哩間Sensory Zero內部裝潢幾靚，食物水準幾好，但價錢略貴。

今日去one Island South 樓下去咗呢I1一.間Sensory Zero. 入到去啲裝修 好有style. 中間仲有個mma嘅鐵籠 ! 好有激戰feel !餐廳裏面 好香咖啡味，因為 佢哋係度炒緊咖啡豆。非常之香。 本人因為今日放工放得遲所以未食晏晝。但係已經2點40分.lunch時間已經cut咗. 只好食佢哋的下午茶套餐。 佢哋 下午茶套餐一係食牛角包，or 一係食迷你飯 。鍾意食飯嘅我梗係識迷你飯。佢哋標榜用日本米同埋用啲靚嘅材料煮飯，所以我相信下午茶要成百幾蚊應該都會籍嘅。我就order咗豬軟骨迷你飯套餐size真係好細，跟湯同埋沙律，凍飲加5元。 個沙律幾新鮮湯就好似有啲味精感覺, 我估計係大批量返嚟嘅罐頭湯.D米都唔錯，香! 豬軟骨就肥得滞。 但係個味都唔差。 一百四十幾蚊食個下午茶都幾豪! 不過算，味道好，久不久豪返咗兩次，都唔冇所謂啦!辛苦搵來志在食!

位於黃竹坑的一間隱世Cafe，地點都很方便容易找到，黃竹坑地鐵站一出行不到幾分鐘，就會看到⼂絕對是週末值得去的。很喜歡休閑既環境及落地玻璃看到街外景物，絕對是渡過一個悠閒下午的好地方。