Seoul Shiok (Under Renovation)

朋友推薦呢間喺旺角新開嘅韓國餐廳，仲話必點呢個瀑布拉芝士泡菜炒飯，聽見有好嘢食梗係要嚟試吓啦😋ღ韓式沾醬炸餃子 $68炸餃子有四粒，大大粒，滿滿餡料炸得香脆，入口微辣惹味😋ღ柚子蜂蜜醬油炸雞 $158炸雞即叫即炸，熱辣辣，好香脆味道甜甜哋口感好清新ღ瀑布拉芝士泡菜炒飯 $128呢個好吸睛，店員會用火槍燒融啲芝士再將佢同炒飯融為一體有澎湃拉絲效果芝士味道濃郁加上泡菜好開胃ღ韓國梨汁 $48ღ蜂蜜檸檬茶 $48

別緻的裝潢，有著趣味的打卡位，這間新開幕的韓國🇰🇷菜特別吸引年輕人流辣炒五花肉128제육볶음Spicy Stir-fried Pork Belly鐵板上不斷翻熱著肥美甜味的五花腩，加入韓式辣醬同炒，不一會就吃完韓式烤牛肉138한국식소고기구이Korean Grilled Beef沒有辛辣🌶️口味較前菜甜的韓式烤牛肉，搭肥牛 洋蔥🧅 椰菜🥬跟紅蘿蔔🥕，爽脆！馬鈴薯大骨湯감자탕Potato Pork Soup178大骨！馬鈴薯🥔！辣🥵湯！形成了本道菜的靈魂，偌大一碗！Seoul Shiok (旺角)旺角奶路臣街17號THE FOREST 1樓110及111號舖

同女友行咗成日見攰攰哋，經過波鞋街The Forest 商場見到暗角位有間新開韓國餐廳（叫獅叔），心諗真係思思縮縮喎係正個角落。不過女友近排話睇完韓國個套煮野食片就心思思想食， 門口reception同事又好殷勤咁講解餐牌，好啦就比個機會啲新店。打開餐牌就見到個幾得意嘅飲品 (新鮮蜂蜜米酒)，二話不說即叫黎試吓。 一上菜見到個銅碗銅煲就有滿滿嘅韓國儀式感，每一碗裏面都有一個新鮮嘅蜂巢，每一啖都好重米香味，臨尾有少少蜂蜜嘅回甘甜味幾得意韓式白切肉睇落配料簡單，但食落生菜的清脆和醬料的鹹香相輔相成 , 增添了整體的風味 。 搭配的葆醬不僅提升了肉的味道， 可以畀人感受到韓式料理嘅獨有鮮明風格鐵板豬肉炒麵第一口咬下去 。 麵條的彈性和豬肉的鮮嫩瞬間在口中交 融。 麵條吸收了豬肉的肉汁味道濃郁而不油膩 。 搭配的醬汁恰到好處 ，帶有一絲微甜及香辣 。讓整道菜的味道層次更加豐富，每一口都是滿滿的滿足感。 好可惜炒麵冇一個細火爐保溫， 放耐咗就冇咁好食瀑布拉芝士泡菜炒飯個炒飯真係好有feel！啲芝士多到上菜嗰陣係度諗會唔會好膩呢？但係撈埋一齊食嗰陣泡菜嘅酸甜味一出，完全唔怕膩，反而增添咗一種清新

鄰近旺角地鐵站，令我聯想起美式快餐店嘅裝修風格🤤 襯埋衫打卡一定收穫到靚相! 特別推薦芝士泡菜炒飯，澎湃拉絲效果，味道都唔錯😌✨瀑布拉芝士泡菜炒飯 $138🧡推薦！店員喺面前製作芝士拉絲炒飯泡菜、芝士同炒飯完美融為一體趁熱食風味最佳～味道冇我想像中咁膩🤤芝士中和咗泡菜嘅酸辣，出奇地開胃！✨芝士炸雞(半份) $158雞肉口感不錯，偏向原味外層灑上滿滿芝士粉～✨韓式煎醬炸餃子 $68🧡推薦！黃金酥脆嘅煎餃子！餡料十足，應該有粉絲喺裏面一啖就食到豐富層次口感🤤辣度較高，但越食越上癮🔥✨朝鮮梨水冷麵 $98冷麵有嚼勁，QQ彈牙朝鮮梨同蔬菜切成絲狀清新輕盈，夏日消暑之選重口味者不適用🤣

星期一去咗旺角電腦中心買野，順便去斜對面個商場（唔知佢叫咩名…）食埋個lunch，餐廳環境幾特別，牆上貼滿韓文poster，又播住k-pop，都有一兩秒以為自己喺韓國d文青Cafe。我哋點咗set lunch既牛肉石頭鍋飯，追加咗個小食水牛雞翼，價錢喺旺角嚟講算幾抵，食得都幾好滿足，味道都幾唔錯。整體來講，呢間韓國餐廳都算出品唔錯，Staff態度都好好，熱情招呼，環境都幾好，適合朋友聚餐同家庭聚會。

Seoul Shiok ! 位置，服務，價格很Nice ❤️10月之星生日食飯，打開 Openrice 見到有新韓國餐廳就試吓先。一進門氣氛輕鬆，燈光明亮，聽着韓文歌曲就好似1秒到了韓國一樣。菜式選擇都幾多，有炸雞，石頭鍋飯,仲有我的最愛排骨湯，有一個招牌菜式瀑布拉芝士泡菜飯，有職員用火燒溶芝士，非常邪惡的組合又很好味哦。 總括來說都值得一試的餐廳，品嘗到韓國美食，還能感受到熱情周到的服務，地點方便，價錢比其他韓國餐廳合理。

行過The Forest，見到Shiok改咗餐牌，睇埋menu幾吸引，決定入來試一試可能下午人流唔多，可以隨便坐，就嗌咗一個鐵板豬肉炒麵同魚糕湯鐵板豬肉炒麵 $128豬肉肥瘦適中，搭配蔬菜都好多，麵份量足夠，味道適合香港人口味街頭串串魚糕湯 $128湯份量都好多，鍾意飲湯可以試試，四串魚糕份量一個人食係太多，但一大班人食就啱啱好有爐可以keep住保溫，湯底味道唔太鹹，幾好飲一個lunch食得幾飽，環境寧靜，以商場鋪位呢個價錢合適，值得一試

又話個個都北上消費，但星期六約朋友出旺角食飯人頭湧湧，好事嚟嘅。原本想食同場嗰間泰菜，唔記得咗叫咩名，不過因為冇訂枱，要排Walk in，目測都要排一陣，個reception就sell我哋去隔籬嗰間韓國菜，話係同佢哋同一間公司的。可能因為新開，相對比較冷清，不過我同朋友唔鍾意排隊等食飯，加上最近睇完黑白大廚，都心思思想食吓韓國菜，所以照入咗去試吓。叫咗個石頭飯、蜜糖炸雞同泡菜湯，味道同份量都唔錯，冇伏，下次再試埋其他嘢。埋單都係三百幾蚊，旺角區都係咁上下啦。