韓魂

早排去左西營盤呢個SEOUL SOUL試左呢個韓國燒肉放題，超正！佢人均三百令蚊，雖然有少少貴，但佢D肉真係幾好。前菜先上泡菜+沙律菜先黎佢會上一盤乜都有齊的牛肉雜錦，之後食左一轉你就可以再ORDER其他食過覺得好食嘅肉~全部肉都係美國黑毛牛肉 (唔係黑毛和牛)有好多唔同部位唔知係咪韓國風格，佢有人幫我燒埋，幾好喎。燒完佢仲會擺埋一邊比我慢慢食，招呼真好。一次過燒好多野，職員燒到咁上下就會交返比我燒，我地食野食得好慢，所以佢好快燒好哂我都食唔切。呢個蒜蓉蝦好彈牙好厚肉，好好食，另一款係普通蝦。小食方面唔欣賞炸物，因為好乾韓式煎餅開頭以為會好大塊，點知細細塊，又OK，唔會太飽有個蒸蛋有少少DRY過熟，不過都幾好食。有個豬手薄薄地都幾好食，份量唔會好少多，可以每樣試少少點左個醬油生雞蛋飯，本來無期望，點知好好食! 咸咸地有少少麻油味好香甜，真係撈埋好開胃！有個芝士粟米，好正，我倒左落去個醬油飯度撈黎食，更加好好味！炸雞有韓式炸雞 芝士炸雞 同韓式大炸雞，我唔要原味，試左另外兩款味道咸咸地新鮮炸起幾好食，不過放題來講都幾HEAVY食兩舊都飽左一半，唔划算，我食少少就OK，我留肚食牛肉。韓式水

係用餐前職員並無向我地解釋過收費詳情，用餐後餐廳向我地收取每人約$500嘅費用。我地向職員查詢後，職員表示餐廳由21/12至1/1期間加價，所以貴左。環顧成間餐廳，只有收銀機旁邊有一張不起眼嘅A4紙有寫加左價，連餐廳外面貼住嘅價錢都只有舊價錢。我用餐前一日透過電話聯絡餐廳預訂，然後當日亦曾經有透過訊息聯絡餐廳。餐廳有多次機會向我地說明新收費，但卻係埋單個時候先比我地睇到新價錢，實在令客人有被欺騙嘅感覺，亦覺得餐廳唔太誠實。另外，職員雖然友善但服務唔太好。僅僅一次用餐過程就已經倒瀉嘢飲、整跌野食、多次漏單。我相信咁多樣失誤並非偶然，職員嘅服務質素令人失望。同埋韓燒放題唔再提供醬油蟹同醬油蝦，想食要比錢買。肉嘅質素亦都非常惡劣，幾乎每碟都係8成肥，實在難以下嚥。不過肉類質素可能有浮動，想去賭下自己嘅運氣就去試下吧。不可一，不可再。500蚊位，我去買兩大塊和牛扒俾自己好過🥲食完一肚氣😇

中西區高質放題，食物質素好不在話下，服務超貼心，除左會幫你燒，出餐嘅速度又快，雪糕方面都正，如果係九龍人嘅，真心要去試，真心推介，小弟都係第一次去食，真心有驚喜

今日一個人諗住去食韓燒，我行左去imperial kenndy 嗰間韓國人開嘅韓燒餐廳食放題，點知行入去餐廳，我話1位，店員就話唔接待一位客人，餐廳只接待2位或以上嘅客人，我問原因，店員叫我直接問餐廳負責人，負責人回覆公司規定不招待一位客人入座呀！完全係歧視一個人食飯啦…以後一個人想食韓燒都唔使去呢間餐廳啦！

So I went for lunch in a weekday and was planning to try the $148 multi course set meal they advertised at the store / open rice. To my dismay, the waiter said that set had discontinued because there were “too many procedures - on this count I feel totally scammed. If you don’t have it, don’t put it on the menu?As I was pressed for time (only have 1 hour lunch break) - I ordered a seafood pancake and chapchae. I feel like the cook must either be a very bad Korean cook or just not Korean. The pan

上網見到啲人話呢間Ｃｐ值高 所以嚟咗食 嚟到之後有個頭盤 店員好快幫我哋燒晒覺得啲肉都麻麻偏硬 然後食完頭盤叫咗啲肉食下 諗住會高質啲 塊扒一嚟到成塊磚咁 一望已經諗緊係咪冰鮮 然後發現好多肉都係寫住濕式熟成 上網一睇係冰鮮咁解🥹其他肉都係偏硬唔好食 覺得呢個價錢唔應該係比呢啲肉 覺得好失望🙂‍↕️

突然好想食醬油蟹，經朋友介紹去呢間韓燒放題入去環境都算唔錯，坐低先黎個頭盤，侍應服務唔錯，每件肉都會向我講解主動幫我地燒，同講解爐頭用法，雖然大家覺得只係基本野，一個燒爐有邊個唔識用但我可以好肯定同你講，有廿幾歲既人煲飯要落水都唔識，唔係人地蠢，可能佢真係零概念【我以前請過一個伙記真係咁】佢地有自家製泡菜，但係D菜好新【新鮮大白菜撈辣醬】另外要讚一讚佢D豬真係好食，肥瘦分明，好有油香，加塊蒜片食就香上加香讚完就踩一踩，熟食方面我地食左韓式炸雞,湯,炸物韓式炸雞非常一般，但係以放題水平黎講俾佢過關啦湯類偏淡，而且好重茄汁，個人認為唔太合格炸物係非常差，炸蝦,炸紫菜卷炸紫菜卷表皮好硬，入面除左粉絲乜都冇，我唸住起馬有D紅蘿蔔西芹都好D炸蝦唔脆，溫度掌握唔好，可能冇經二炸，非常油一夾落去滲油出黎最後係醬油蝦,蟹食落正正常常冇乜特別，但係原來冇得任食，因為我之前收到風好似旺角有一間差唔多價錢既放題，醬油蟹可以任食，所以我以為呢度都一樣，質素差少少但可以任食既話，我都可以接受，但呢個價錢黎講，性價比就一般般啦總結每樣野都係一般般，唯獨個豬真係幾出色，但係以呢個價錢黎講正係食個豬，係唔係值得俾就見

上次同朋友生日食，整體食物質素可以，種類多元化，服務正常。但係缺點係漏單偏嚴重！我哋四個人，但係每次嚟都嚟得好少。四個人可以話食唔飽，但老實講食物質素係可以的，如果有改善相信會keep住幫襯。

餐廳非常熱，又無抽氣系統，燒完全身大陣味到不得了！完全熱到零食慾仲熱過係條街度！淨係想拿拿聲食完快d走！完全唔會再黎！就算係無限時俾你任食，你都會熱到焗到唔想繼續食！

朋友生日錯信社交媒體網站去食韓魂，醬油蟹同醬油蝦得個咸字，完全唔新鮮！有史以來食過最難食！全店好似無冷氣咁，熱到出哂汗，又無抽氣，食完成身燒烤味！真係未試過韓燒店咁L熱，無冷氣就唔好開韓燒啦，唔知仲以為自己做緊汗蒸幕！一路食頭頂冷氣機風口位時不時滴水，同店員投訴完就行開，完全無諗過解決問題，明明有吉枱都唔幫你轉枱！野食唔覺有咩特別，唯一優點係無限時。但當你一路食頭上時不時滴水，你都無心情食啦！埋單時店員話滴水問題整緊，下次再去唔會有問題喎。大佬呀，你第一日開店咩，明明開咗一段日子，我唔信得我地一枱客投訴滴水囉！一定無下次囉！P.S. 我地坐最入角落頭張枱！

来这里吃午饭，但是all u can eat和午市套餐都是两个人起，所以被迫只能单点。点了一份排骨汤和一份白灼鱿鱼，味道还好，但份量太小了：排骨汤一大碗汤，只有两小片排骨；排骨嚼起来也很硬，感觉没有煮透。鱿鱼也很小份，和餐牌差得蛮远的。不知道是不是单点的人在付premium给吃任食自助的人，也许all u can eat会好一些。希望有机会可以试一下自助。但整体看，不推荐一个来吃。如果你也是一个人可以叫我一起，我们可以只拼桌，互不打扰。

韓魂 SeoulSoul係由韓國人最近開嘅韓式燒肉放題店，環境新淨超闊落~叫咗 All You Can Eat Korean BBQ $398/位一開始會上咗前菜同一個肉類拼盤先，全部有晒牌仔話俾你知係咩部位，等你試啱之後可以再嗌。 肉類真係有好多款:美國黑毛安格斯牛頸脊黑毛安格斯牛仔骨韓式黑毛安格斯牛仔骨美國黑毛安格斯牛肩扒美國特級牛五花 （濕式熟成）韓國直送五花肉（濕式熟成）蒜味牛五花肉嘅質素好高水準，似係出邊單點燒肉嘅質素，好多時候食放題都會有解凍唔好嘅問題，呢度完全冇，而且幾乎全程都有店員喺隔離幫你燒，唔怕一路食唔記得咗燒到啲肉燶晒！店員仲好細心將油份多嘅肉同油份少嘅肉分開兩邊燒，可以食到每款肉嘅特色～食到一半，店員會幫每台送上醬油蝦同醬油蟹，醬油調味好好唔會太甜，蝦蟹都好新鮮，同我喺韓國旅行食嗰啲真係差唔多～另外仲有好多韓式料理：辣炒豬肉、韓式炒粉絲、韓式湯品。超過60款食物，個胃細啲都試唔到好多款，但勝在每個人都會搵到啱自己口味嘅嘢食～

前牌去咗堅尼地城一間新開嘅韓式燒肉放題❤️環境好靚好乾淨，同平時一般旺角地段嘅任食放題唔同😢非常企理，而佢哋仲推出無限時嘅韓式燒肉放題～而佢哋提供嘅食物都非常高質，全部都係用新鮮韓國直送嘅肉類～ 除咗燒肉之外，仲有差唔多50幾款傳統韓國菜式😝連啲甜品雪條都係韓國品牌嘅！💖燒肉類別有：美國黑毛安格斯牛頸脊黑毛安格斯牛仔骨美國黑毛安格斯牛肩扒美國特級牛五花 蒜味牛五花等等💖海鮮都有好多，蝦同埋扇貝都有😆仲有唔少韓國菜式同小食，好似係紫菜卷、韓式炸雞、炒粉絲、炒牛肉、泡菜煎餅、泡菜鍋☺️老闆係韓國人，非常親切，仲會經常走過來幫手燒😝同埋介紹點樣食先係最正宗～成個餐飲體驗好開心🥳食得豐富，仲好似去咗韓國旅行咁添🤣

呢間餐廳主打韓燒放題，超過50款韓式料理無限時慢慢食到飽，更引入濕式熟成牛肉同韓國直送豬肉🔥🇰🇷All You Can Eat Korean BBQ ($378/ 位)💗先送上韓式生菜沙律同韓式津白苗沙律作開胃小菜💗再送上肉類拼盤，份量十足，包括以下六種肉類：美國黑毛安格斯牛肩扒、韓式黑毛安格斯牛仔骨、黑毛安格斯牛仔骨、美國特級牛五花、美國黑毛安格斯牛頸脊、韓國直送五花肉，試完覺得邊款口味啱可以Encore💗每枱贈送一碟醬油蝦同醬油蟹。醬油蟹新鮮無腥味，醬油帶辣味，不過就唔算好多膏🦀；而醬油蝦爽口彈牙，醃得好入味🦐💗無限任食嘅種類包括燒肉、湯品、鍋物、蒸煮料理、炒物、煎餅、炸物、飯麵、伴菜沙律等，以下5款係最值得Encore👇🏼1️⃣韓式黑毛安格斯牛仔骨：厚切牛仔骨用韓式醬汁醃過，肉質更加軟腍，食落醬汁🐂2️⃣美國黑毛安格斯牛頸脊：牛頸脊肉味濃郁而且有油香🥩3️⃣韓國直送生醃魷魚：生醃魷魚Q韌，辣得開胃🦑4️⃣冷麵：水冷麵煙韌彈牙，配料有酸蘿蔔同熟蛋，味道酸甜冰涼，非常解膩🧊5️⃣芝士味炸雞：炸雞即叫即炸熱辣辣，外皮香脆入面juicy，沾滿香濃嘅芝士粉🍗

🌟SeoulSoul韓魂🌟係由👨🏻‍🍳韓國人主理嘅🇰🇷韓式燒肉放題店🔥，剛開業不久🆕，環境新淨，裝修時尚✨，位置超闊落，樓底特高，坐得舒服🥰！🔥All You Can Eat Korean BBQ $398/位🐂美國黑毛安格斯牛仔骨｜牛肩扒放題會先上一個肉品拼盤，試啱邊款就可以經QR code瘋狂落單！超厚切嘅牛仔骨有原味同埋醃過嘅，店員會幫忙燒製同埋去骨，多汁美味！牛肩扒肉香出眾，唔錯！🐖韓國直送豬五花｜豬肩肉五花肉極盡肥美可口，一燒油香四溢，不得了！豬肩肉同樣油脂充份，肉甜細嫩！🐂美國黑毛安格斯牛頸脊 $85仲可以加購牛頸脊、醬油蝦、醬油蟹、同埋酒精飲品！🥗韓式前菜｜沙律一開始都會上少少前菜、沙律可以開個靚胃，沙律美味又健康！🍗韓式調味炸雞｜牛排骨湯不得不提韓魂嘅韓式熟食，水準頗高，不妨一試！🍦自助飲品及甜品有多款罐裝、紙包飲品！部份甜品由韓國直送，質素都唔錯！