Video
Telephone
67655269
Opening Hours
Today
10:00 - 16:00
Mon - Tue
Closed
Wed - Sun
10:00 - 16:00
Above information is for reference only. Please check details with the restaurant.
沙頭角開放咗，幾難得先至可以申請到入嚟禁區。當然有好多嘢都想試啦。其實中午已經係街市熟食檔食咗啲客家嘢，但係真係唔想錯過任何機會，都嚟呢度試埋佢個墨魚餅蛋捲。之前都有朋友嚟過，但係完全搵唔到呢一間，好彩我上網有做足功課，俾我搵到佢。其實圍住個沙頭角行嘅時候朝早已經見到呢一間舖，但見佢冇人，咁就去咗街市同埋周圍行吓先，點知返轉頭已經坐滿咗人，但因為之前已經試咗其他嘢咁走，所以淨係諗住嗌一份坐喺餐廳出邊食，唔好阻人做生意。去到收銀處佢話一份要百幾蚊，我呆咗，跟住我話出邊餐牌唔係寫呢個價。跟住佢解釋因為佢講嗰一份會多啲。所以大家叫嘅時候要清楚避免有咩誤會。講返個墨魚餅，啲墨魚醬雞蛋同埋有墨魚粒粒，啲墨魚粒粒都幾鮮味同埋雞蛋啊，嗰魚漿就冇我想像中咁結身，但夾落去嘅時候又唔會散。雖然細份為返起10幾蚊一件，同埋有件特別細，但我覺得可以一試嘅。佢個整法有少少似煎雞卷咁樣樣。我估計應該係煎左蛋皮，然後捲住啲墨魚漿再蒸，蒸完之後再煎。呢個整法我覺得自己可以試吓喺屋企整。本來想試買佢個客家砵仔豬肉，但係因為已經食咗野，都係留番下次。
continue reading
You may be interested in