SHAKE SHACK (國際金融中心商場)

Open Now

Now Closed

最近 推岀新品，今次係我嘅至愛--開心果味奶昔，第一時間拉埋朋友去試下🤩‣ Pistachio Shake ($63)呢杯奶昔嘅配搭係自家製雲呢拿雪糕配搭意大利開心果及鹽味蜜糖，灑上開心果碎及薄脆片～奶昔賣相唔錯，上面灑左唔少開心果碎，咁靚可以增加食慾😍 質地都幾傑身，不過飲落就有啲失望，因為開心果味唔夠濃郁🥲甜度都ok～‣ Shroom Burger ($67)炸隻菇好大隻，而且入面仲包埋流心芝士，配生菜/番茄，整體味道都唔錯，但唔會回購了，都係鍾意食肉多d😂‣ Cheese Fries ($37)配上特製車打及美國芝士醬，可選另上芝士醬，佢係一如既往咁好食🍟‣ Chicken Bites - 6 counts ($39)呢款雞塊係採用100% 全雞胸肉，配BBQ醬，整體係正常發揮～💭 C͟o͟n͟c͟l͟u͟s͟i͟o͟n͟如果想試個奶昔記得早d去，因為係期間限定架🫶🏻日期：6月6日至7月23日地點：全港 Shake Shack 門店💰Total: $206 ($103pp 無服務費)📍Shake Shack全港多間分店🫶🏻

Shake Shack 推出新限定「水牛城風味系列」肥妹當然唔會錯過，即刻拉埋朋友仔黎試試IFC Shake Shack有室內外座位而室內牆上壁畫更富有香港特色✾ 水牛城辣雞堡 $63炸雞可選擇雞腿或雞胸肉，肥妹兩款都有揀酥脆雞肉富有肉汁，雞胸肉亦鮮嫩唔乾水牛城辣汁配上秘製牧場醬，中和辣度新鮮生菜同爽脆醃青瓜，令口感更豐富亦帶清爽感，減輕膩感✾ 水牛城脆辣雞粒（6粒）$43雞粒炸至香口乾身，雞肉依然嫩滑多汁一口一粒；外脆內嫩；啖啖肉沾埋水牛城辣汁，更加惹味✾ 水牛城辣芝士薯條 $43波浪絞薯條金黃香脆，外脆內綿密鋪滿香濃芝士醬，更灑上水牛城辣粉芝味中帶點香辣，再沾上秘製牧場醬完全食唔停口✾ Lemonade $27入口酸酸甜甜富檸檬香，開胃解渴清爽冰涼，最岩炎炎夏日飲

去睇周杰倫演唱會 之前去咗IFC間 Shake Shack 度食個快餐，呢度環境好正😊望住個海，不過落大雨，第一次要用雨傘遮住嚟食漢堡包！🤣🤣🤣🤣 呢度嘅漢堡包不得了！好味道！👍👍👍我覺得係我食過最好味嘅！我哋叫咗水牛城香辣芝士薯條、水牛城辣雞堡、招牌牛肉堡 （雙重果隻）黐線！🙈個牛肉堡包又鬆軟，漢堡扒牛肉味濃,超Juicy,重芝士，配埋個醬汁！Wah 有冇咁好味呀🙈🥹我食晒成個！忍唔到唔食晒law！ 我平時樣樣食少少扮食㗎咋！🙈🙈🙈辣雞堡我冇食，所以我唔知味道好唔好，但我見佢個樣好酥脆肉厚！芝士波浪型薯條，啱啱炸起好脆口，有啲粒粒煙肉再加芝士Source ！太邪惡la !罪不可恕 ！我下次帶朋友泥食多次睇下係咪真係咁好味？🤣🙈😍Ps:呢間野原來禁多分店 @shakeshackhongkong 再講，我第一次落住雨聽演唱會，氣氛竟然咁好！一次好特別嘅經驗！#周杰倫演唱會 #周杰倫 #jaychou #jaychouconcert #shakeshakehk #hongkongconcert #童年回憶大爆發💥 #周杰倫嘉年華世界巡迴演唱會 #漢堡包 #漢堡包關注組 #漢堡包🍔

網上點餐可以買套餐，如一份漢堡包，兩份小食，一杯飲品。如果到餐廳收銀買，只能買散餐。大大份薯條是必點的，香脆，厚薯肉，少少鹽，超好吃。漢堡包選了shake burger及smoke shake。肉汁多而濃郁，好吃程度不容置疑。

今日諗住帶小朋友去坐摩天輪，去之前一齊黎食個quick lunch先😋·Chick’n Shack包好鬆軟，有甜甜地既味道，唔會太厚重。炸雞扒酥脆肉厚，肉裏仲保留到少少肉汁，新鮮炸好好正，加上生菜，酸瓜同香草沙律醬，食落清新得黎有少少酸瓜既酸味平衡番炸雞既油膩，好正·Shack Burger麵包香甜鬆軟，漢堡扒牛肉味濃而入口有油香味，配埋芝士仲有新鮮蕃茄生菜好清新，牛肉加埋配料好balance😋·Single Hamburger with lettuce and tomato叫左呢款俾小朋友食，同shack Burger既分別係可以自選配料，揀左蕃茄同生菜，小朋友都讚好味😋·Crinkle Fries薯條好脆口，波浪形令佢比平時嘅薯條更脆😍口感好好，好上癮😋😋😋好食到想叫多一份😍·Classic shake - Vanilla & Chocolate奶昔濃濃杰杰既口感，好似飲緊雪糕咁，超好飲😍呢兩隻味都似普通雪糕味道，朱古力味都幾香濃，下次試埋其他味先🥰

最鐘意食傳統漢堡，入面有芝士、蕃茄、生菜及Shack sauce。薯條又脆，唔錯👍坐係度同朋友吹水食野幾舒服 但呢度食飯時間都幾多人排隊如果想坐就要早少少黎唔係午飯時間黎實遲

店面裝潢簡潔，裝備主要以金屬物料架設，予人專業、專注的感覺。若咖啡店會傳出研磨時的豆香，那這店便是散發出優雅而誘人的味道。 Shack Burger傳統漢堡：芝士、蕃茄、生菜及Shack sauce。牛油融化整個漢堡，又保留烘烤的口感。 Smoke Shack芝士漢堡配煙燻煙肉、櫻桃辣椒粒及Shack sauce。煙肉做得香脆而沒有一滴多餘油份。 Bacon Cheese Fries芝士波浪薯條配上粒粒脆煙肉，每條薯條亦完整無缺。若薯條有等級之分，屬AA級。 Classic Shakes – Vanilla 店員推薦的口味。個人認為味道偏甜，但奶昔的濃稠程店值得嘉許。 曾被喻為全紐約最好吃漢堡，實屬當之無愧。硬要比較，相比起紅白雙間的漢堡店，更勝一籌。

假日晚上到 Shake Shack，人流不多。頗欣賞店內方便的洗手設備，加以善用。嘢飲叫咗 Fifty/Fifty L。相當大杯，夠晒送 fast food。雖然飲品中一半內容係有機紅茶，但飲唔慣汽水者可能仍然會覺得 Fifty/Fifty 偏甜。 Black Truffle Burger：黑松露蛋黃醬本身味道不錯，幾塊菜葉正好為蛋黃醬配搭肉類嘅濃味增添清新感。個人不欣賞炸紅蔥頭，因為太油膩，而紅蔥頭本身嘅香味又被油味掩蓋；炸紅蔥頭嘅好處只在於增加 burger 嘅口感層次。此圖可見呈粉紅色的安格斯牛肉。SmokeShack：煙肉唔算煎煮得最焦香乾身，保留一定濕潤度，沒有過份的咸。櫻桃辣椒粒為整個 burger 帶嚟 highlight，配合味濃嘅芝士同牛肉，相信唔食得辣嘅朋友都會接受到呢個 burger。 Black Truffle Fries黑松露蛋黃醬配合薯條味道不錯，但整體食落有點肥膩。Shake Shack 的主打為 burgers，而當中的安格斯牛肉不錯，不太乾、味道好。再光顧的話，未必會再試期間限定 menu，食經典款已滿足了。

啱啱去完離島，好肚餓，淨係想快啲有嘢食，就打算食快餐。去到金融中心，Shake Shack竟然有位！即刻坐低睇吓食咩好！太多選擇啦，樣樣都想食，諗食咩都諗咗幾個字。最後叫咗個double cheese burger, strawberry milkshake仲有cheesy Fries!!!朋友就叫咗個chicken Burger(冇影到)! 塊肉都好厚身！兩個個burger都好Juicy!!! 好好食！然後薯條點Milkshare係一流！即刻一洗當日嘅疲勞呀！

🍔ShackBurger $50朋友仔怕double會太重負擔所以就嗌咗比較平嘅single兩者分別應該在於漢堡肉係1塊/2塊漢堡肉選用100%全天然安格斯牛肉 肉質好軟熟 鹹味都幾突出芝士片味道唔濃存在感較低配搭新鮮多汁嘅生菜 番茄感覺都幾清新🐔Chick'n Shack $56我比較鍾意食雞肉所以每次都會encore呢款！選用嘅頂級雞腿肉肉質嫩滑炸完都唔會乾雞皮炸到超級脆然後完全唔會油膩香脆嘅雞皮同鬆軟嘅麵包形成超強對比🤣

期間限定既黑松露餐單！我地三個人，叫左兩個Single Shake + Black Truffle Fries + Black Truffle Burger 👍🏻 飲品係兩杯50/50+奶茶Shake🧋因為真係成日食，覺得個新既Truffle Burger幾特別，加埋火箭菜口感同味道都提升左，Single Shake照舊都係咁juicy ， 加墊辣椒真係好惹味🍟個base都係普通fries，但係我叫堂食都比左外賣套裝我，即刻勁無食慾😂擺明就係普通薯條+黑松露醬+炸乾蔥，不過都好好食，黑松露醬唔係好濃好攻鼻果隻，味道岩岩好😘埋單：$333 💜 $111/per head既lunch好滿足！

八號風球前夕剛好在中上環工作。糾結著是否該先食午餐再回家，最後決定試試Shake Shack這間幾年前人氣挺高的漢堡包店（極度嚴重錯誤，風暴下等巴士同cut有線基本無分別，係不可能的任務😭）。必須講整體上食物質素是不差的，但卻不能歸功於理應是主角的漢堡包。事實上就漢堡包而言，只算是中規中矩，完全沒有驚喜之餘也略嫌Size太小。而且兩塊漢堡包也和那張包裝的紙緊緊的貼在一起，密不可分，必須以手指用陰力方可將其分離，甚考食客功力。反而配角的薯條和milkshake卻是不俗（嚴格點的話其實薯條是偏鹹而milkshake是偏甜的，但本尊屬重口味人士，所以接受）。其實我並不好薯條，主要是因為很多時餐廳的薯條麵粉多過薯仔，但這裡的卻比例分明。至於Milkshake ，餐牌中說是現場即製的。我不打算考究，因為如果把M記的milkshake倒入Shake Shack的杯中給我，我也不會分得出的，反正好味就是了。不過最令我印象深刻的，倒不是食物品質，而是餐廳的那塊地板，好像走到那裡都有種黐𥹉𥹉的感覺。不是我本人吹毛求疵，但衛生上理應可以更好吧。不然的話我還以為走進了剛播完戲寶《住家x娃咬節瓜》的油麻地戲院

香脆鹽味薯條，薯仔味好出，仲好脆好脆！🔥配上Shake Shack特制車打🧀及美國芝士醬🧀👧🏻素食漢堡大！推！薦！大家必定一試Shroom Burger大推🐽由鮮炸原隻大啡菇夾著明斯特及車打芝士，同樣配上生菜、蕃茄及自家出品ShackSauce，菇味濃郁，香氣四溢！❤️❤️❤️❤️ 番唔到轉頭，每次必點👧🏻🐽Shake Shack香港店地址：中環金融街8號國際金融中心商場四樓平台4018號舖

平時吃這間漢堡店的機會不是很多，但最近看到有出這個韓式炸雞的口味就趕緊跑來吃了顆顆～！感覺味道很讚耶，很正宗的樣子！微微甜和微微辣的感覺真的是太棒了啦！喜歡的朋友快來吃唷！

今日好 surprise 原定計劃同朋友一齊去四季staycation, 順便可以行下 IFC 有啲咩可以好野食可以試下🥳🤤😋😋, 然後喺3樓個條好長自動電梯行上去見到好多 burger logo, 心旭旭就買Burger食,果度係有室外,可以望住個海景食, 天氣都好好, 唔算太熱加上有風, 岩岩好👍👍正! 冬天去簡直無得頂😁😁😁💪最後買左2個Burger, 薯條應該喺岩岩炸起,好脆口,加埋芝士sauce 好味👍😍😎, 不過如果兩個人食一個會岩岩好，已經飽飽地不得不提個飽塊牛肉喺好 juicy 好好味, 配埋個醬汁喺一流, 食得出喺即係煎起既牛肉, 正！真係平民價錢, 好好味, 值得再去多幾次😉😜😘