嚐樂

Open Now

Now Closed

嚐樂位於九龍城打鼓嶺道一個角位既甜品小店。 已不是第一回來此店吃甜品.【黑武士】ＨＫ＄４２今次選了我喜愛既朱古力甜品，黑武士賣相和MENU所見完全一樣 除了一球朱古力雪糕之外，杯內裡有好軟滑既朱古力MOUSSE, 最底層係BROWNIE粒粒 , 喜歡朱古力既一定要試試 !

天氣冷冷就同左朋友去左九龍城附近打邊爐, 食完之後見仲早就諗住搵間甜品店HEA下,而最後就揀左呢間嚐樂.桑寄生蓮子蛋茶 - 色澤較黑有亮澤嘅糖水, 食落唔會太甜, 而且仲有陣陣藥材味, 而隻蛋我覺硬左小小, 但整體味道都OK.

又食我喜愛嘅紅豆類甜品 ...一間小嘅甜品鋪在九龍城的一角, 不顯眼.口爽爽 ... 就係紅豆西米涼粉加蒟蒻加花奶, 其實好簡單, 但又配得適中, 好味又爽口, 個名改得幾好 

黑糖奶茶皇（$30）九龍城多糖水舖大家都知，司令都成日落尼食糖水架。今次介紹下嚐樂啦，佢位置就比較偏，加上舖位比較細，適合三四個人尼食，人多可能要坐出舖頭啦。店面細，個老闆係裝修上放左好多心思，抬頭望上去會有好多動漫擺設同明信片，成個氣氛好舒服。司令多數都係叫佢一杯杯既甜品，貪佢細細杯又靚。今次食既係黑糖奶茶皇，底係奶茶啫喱，上面有餅碎同埋雪糕，再加左少少黑糖提味。啫喱只係得淡淡既茶味，有少少似旺旺奶茶凍既味，各樣野配埋一齊都幾好食既，不過無奈下面係啫喱，筆雪糕食既時候好唔受力，最後會食到所有野都mix埋一齊，餅碎又濕曬咁，不過都唔影響味道既，下次試試其他甜品先。

如果到九龍城食飯, 就算食咗甜品都好, 都會到嚐樂外買碗腐竹薏米返屋企食. 一開始是朋友推介的, 話嚐樂嘅腐竹薏米好好食. 最初都半信半疑, 因為覺得食開嘅另一間糖水店嘅腐竹薏米已經好好食 ... 但一試之後, 從此轉店. 嚐樂嘅 白雪腐竹薏米 (堂食$22, 外賣要收盒錢, 唔記得$0.5 定$1) 強調係用樹記腐竹. 樹記腐竹出名豆味濃郁, 用佢哋嘅腐竹嚟煲糖水豆香四溢, 味道香濃.糖水可選冷或熱, 夏天喜歡吃凍的, 冰涼啲. 糖水呈米白色, 只係望都會覺濃而不稀, 因為選凍的, 甜感會比熱的減一些, 但香味亦會比熱的減一些. 糖水一飲, 就飲到濃濃腐竹味, 除咗飲到煲到溶哂嘅腐竹, 仲會食到一片片, 特登唔煲溶嘅腐竹, 加上煙煙韌韌嘅白果同薏米, 口感豐富, 又香, 又甜, 又好味.   

我問朋友，點解每次出去食完晚飯，指定動作都要去吔甜品先覺得舒服呢？答案係: 因為好多食肆限時1.5小時，傾計時間真係唔夠，所以要轉場再傾過，咪唯有去吔甜品囉。呢一晚食完韓燒，就轉去九龍城試下未食過既甜品店【嚐樂】。店仔細細坐得唔係特別舒服，不過係okay既，店員服務很好很親切，加上好多figure吸引住視線，唔通係賣點之一 ? (笑)喺門口等位時已鎖定目標要點呢個紅綠花，雖然我唔係抹茶控，但被旁邊既丸子紅豆吸引住，加上底層既滑滑豆花，不會過甜，而且配合跟丸子紅豆起來入份外清新，幸好抹茶雪糕冇我討厭既苦澀味，抹茶味唔算濃，食起上嚟份外開心。另外一款唔記得咩名，係芒果系的 (笑)，芒果西米露加丸子，係啊...我最愛既丸子啊！仲有一球芒果雪糕加芒果肉，略嫌西米露太清唔夠濃口，其他材料算係唔錯，不愛太甜既朋友可能會中意呢款，整體冇乜特別，唔算突出喔！總結店員服務好，甜品做得用心，下次會再幫襯啊！ (笑)

食完泰菜，突然間好想食甜品，於是就搜尋下附近有咩甜品店，一搵見到呢間喺我地食飯附近，食完泰金國轉個彎行到街尾就見到呢間位於轉角位嘅嚐樂啦。店內得幾張枱，地方細細，但都睇得出老細幾用心去佈置，貼落旅遊地方嘅明信片同埋相片，一路食可以一路欣賞各地風景，都不失為一個好主意嘅。甜品方面，主要係雪糕嘅配搭，我不喜歡食雪糕，所以就叫了個楊枝甘露，朋友叫了黑炭頭和金玉滿堂。呢個楊枝甘露又幾清新，原來石榴汁嘅香味配合埋金柚同芒果出嚟嘅效果幾唔錯，唔會甜膩，比起其他食開嘅楊枝甘露味道更為突出。黑炭頭有齊晒朋友喜歡嘅曲奇雪糕，朱古力餅同涼粉，一次過滿足晒3個願望。金玉滿堂，就咁睇落已經七彩繽紛好吸引，裡面有鮮什果，芒果啫喱，椰果同埋小丸子，我試左啖口感也不錯。

"OK篇"兼龍城食記不經不覺已寫到近尾聲, 前幾篇分別介紹了泰菜、食腸粉、飲夜茶、西餐廳、茶餐廳 (潮州菜就較早前寫了南記)...中間又夾雜了去Smile Yogurt及去新開的Highfive 食雪糕, 寫開甜品不得不提兩間心水店食甜品, 就是今篇119嚐樂及120的小方糖.前言:  嚐樂在賈炳達道與打鼓嶺道交界口, 對著城寨公園, 算是龍城最靠邊的外圍區, 雖然店鋪細但因為位置較偏遠, 比其他在中心區的甜品店易搵位, 窗明几淨, 甜品細細杯十零廿幾蚊有交易, 街坊味濃單車友駕著'戰車'幫趁有優惠、幾位店主全部落手落腳做, 在玻璃窗上的告示就可見他們的生活態度, 招呼令人舒服, 幾'街坊feel'唔識點寫點形容, 店子細細但氣氛很好, 遠離繁囂不太嘈吵, 行遠少少又何妨?!  幾年前開始honey就間中帶我去吃一杯, 是我們撐枱腳的心水店之一.  今晚飯後又想吃點什麼, 近來吃得太多聯發的鮮油奶多, honey對我件鮮油開始多多意見, 所以今晚又來了嚐樂.今日: 一坐下, 點了我的例牌 - 金玉滿堂, 咬著啫哩, 椰果及珠珠, 味道純樸賣相一向簡簡單單, 乾淨企理, 感覺良好, 但吃

放工同朋友仔想揾地方坐吓，四點幾，啱啱開門就衝入去！選擇都幾多嫁！不過我係綠茶控，所以就揀咗依個星星茶莊，最底層係綠茶果凍，甜度適中，配埋個綠茶雪糕同蜜糖星星，好清新呀！而我朋友仔就揀咗個藍莓雲呢拿雪糕蜜桃杯，哈哈，我唔記得咗杯野個名lu！杯野入面有啲蛋糕仔，幾得意喎！一定會再去試其他野！

九龍城從來都不乏甜品店，不論身在何處，總能在附近找著一家店。這次都到了街尾一家小店，只有數張桌子，大概廿個座位吧! 這裡有中式也有西式甜點，但愛好綠茶的我很容易便作了決定!我選的是紅綠花，由豆腐花、小丸子、紅豆蓉及綠茶雪糕製成。豆腐花味道偏甜，感覺很像百福呢! 小丸子很有咬口而且煙韌，綠茶雪糕茶味不濃，但配上紅豆就就是無敵了!友人點的是大小球，由綠茶、曲奇及雲呢嗱雪糕組合而成，最後加上了朱古力脆脆，增添了不少口感。品份量真不少，但各種簡單材料配搭起來是不錯的，有空也可在家裡試試弄製!

間唔中都會過來食下甜品,其實呢度點甜品都幾好食, 唔明點解次次來到都咁少人。平時都係食開佢的中式糖水, 覺得味道都唔錯。但話晒而家榴槤當造, 今次就心郁郁試左個菓皇水晶豆付花 個甜品主要係豆付花底, 上面有點榴槤肉同榴槤漿。以前都有食過呢度的菓皇甜品, 覺得榴槤好夠味, 但今次雖然都好食, 但覺得榴槤味就淡左點, 唔夠濃同香, 有點失望。相反芒果達人係老公至愛, 次次來到都會order, 風雨不改。有芒果雪糕, 鮮芒果肉, 西米露同芒果布甸, 甜度適中, 不會太膩, 值得推介。

味道，是不錯的, 綠荼雪糕味道不錯, 豬古力雪糕味道不錯, 果凍就還OK, 不萛太甜. 其中一杯那些丸子太凍了, 硬晒份量，不是太滿意, 很小杯, 食完很空虛誠意，很一般，70%果凍（唔凍），一球雪糕，適量蜜糖星星，沒有特別設計, 令我想起許字頭,that all杯不凍，來到時雪糕已溶了不小價錢，萛是還可以的，對我來說是不值的，沒誠意的產品就是不值.排隊時間: 0分鐘.回頭率: 10%眼見多數外賣都是渣渣, 可能會比較好

年初參加了西貢團年飯活動，吃了一頓豐富的海鮮餐後，回家途中有朋友提議吃甜品，找了一會就選了這裡。其實已知這家店有一段時間，經過幾次都沒吃到，是日就一行五人來，一口氣多試幾款口味。甜品店門口貼了幾張有趣的貼紙，如營業時間寫著"瞓醒先開，賺夠即收"。另外凡帶可愛寵物、駕單車、電單車和穿校服者也可享九折優惠。除了供應傳統中式甜品，還有一系列自家創製的甜品杯，看起來挺吸引，我們就各自選擇自己喜歡的，然後再一起分享。星星茶莊。有一顆顆星型的蜜糖粟米片做裝飾，賣相可愛，配以綠茶雪糕和綠茶果凍，果凍味道清新帶淡淡的茶味，又不會過甜，味道不錯。藍水晶。整個甜品都是藍紫色的很漂亮，不過覺得藍莓雪糕與牛奶布甸的味道不太搭，另外食友們都覺得藍莓水晶珠不夠爽，口感較像西米。菓皇水晶甘露。除了聰嫂外，比較少在別的店吃榴櫣甜品，但這個水晶甘露做得不錯，啖啖榴櫣肉，又不會過甜，配搭這裡的水晶珠一同吃也很好。黑糖奶茶王。雲呢拿雪糕配奶茶果凍，加上曲奇碎和黑糖漿，聽起上來好像很吸引，但選這個甜品的食友有點失望，一來奶茶果凍的口感麻麻，雖然有濃郁奶茶味，但毫無果凍口感，而且味道也偏甜，整體的配搭一般。黃金島。應該是楊枝甘

每次同朋友去親九龍城都會去食嚐樂食甜品，必叫黑咕嚕同奶茶皇，另加其他甜品!! 通常黑咕嚕同奶茶皇就會好快就俾朋友瓜分哂!!雖然天氣凍,但冬天食凍野別有一番風味!!

路經九龍城此地，飯後入去食些甜品，眼看店內都不是好大，又不是好多座位，不過起初我都俾個甜品Menu 吸引了我入去，「嚐樂精選」都是雪糕為主，只是有一兩款是冇雪糕，幸好店內都有其他傳統的糖水、涼粉、豆腐花、貴妃金露系列.....讓客人都可有其他糖水食。一場來到當然都是試招牌甜品，人氣甜品之一黑糖奶茶王30元令我最失望，材料有黑糖漿、雲呢拿雪糕、奶茶果凍及曲奇餅碎，一眼望已經太過水汪汪，餅碎都浸腍晒，奶茶果凍雖是好有甘香濃郁的奶茶味，但是為何是變成一pat pat又不彈牙可口?我以為食緊BB的糊仔?!賣相已經晤討好。只靠黑糖漿散發黑糖的香味始終晤夠搶。其實似焦糖多過似黑糖！冇黑糖味道？